ԱՐՁԱՆԱԳՐՈՒԹՅՈՒՆ 9
ԷՆԵՐԳԵՏԻԿ ՀԱՄԱԿԱՐԳՈՒՄ
ՍԱԿԱԳՆԵՐ ՀԱՍՏԱՏՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
i
Նախագահությամբ` Վ. Մովսիսյանի
25.11.1996 թ.
Հանձնաժողովի անդամներ`
Շիշմանյան Միրոն ՀՀ արդյունաբերության առաջին փոխնախարար
Միքայելյան Միքայել ՀՀ էկոնոմիկայի նախարարության շուկայի պետական
կարգավորման վարչության պետ
Գալստյան Արեգ ՀՀ էներգետիկայի նախարարության
գիտության և կադրերի վերապատրաստման
վարչության պետ
Երանոսյան Մարտուն ՀՀ ֆինանսների նախարարության պետական բյուջեի
ծախսերի պլանավորման վարչության պետ
Հրավիրված էին`
Կարապետյան Արսեն ՀՀ էկոնոմիկայի նախարարության արտադրական
ենթակառուցվածքների վարչության պետ
Պետրոսյան Ռոլանդ ՀՀ էկոնոմիկայի նախարարության էներգետիկայի
և վառելիքի բաժնի պետ
ՔՆՆԱՐԿՎԵՑ`
1. 1997 թ. էլեկտրաէներգիայի սակագների սահմանման հարցը:
2. Սակագնային քաղաքականության իրականացման ժամանակացույցը:
3. Գիշերային սպառման համար զեղչ սակագնի ներդրման հարցը:
Քննարկումների ընթացքում ուշադրություն դարձվեց էներգետիկ համակարգի կայունացման, առկա հզորությունների հուսալի և անվտանգ շահագործման համար անհրաժեշտ հրատապ միջոցառումների վրա: Սակայն այդ միջոցառումների հետ կապված բոլոր ծախսերը /հաշվարկները կցվում են/ կբերեն էլեկտրաէներգիայի սակագնի բարձրացմանը միջինը մինչև 25 դրամ/կվտժ, որը, հաշվի առնելով տնտեսության վճարունակությունը, ինչպես նաև արտասահմանյան օգնության և վարկային ծրագրերի առկայությունը, ներկայումս ընդունելի չէ:
Նկատի ունենալով վերը նշվածը, Հանձնաժողովը ընդունելի համարեց բնականոն սակագների անցնել աստիճանաբար` 2-3 տարվա ընթացքում, իսկ 1997 թ. համար նախատեսելով միջին տարեկան 18.6 դրամ սակագնի կիրառումը: Անհրաժեշտ ծախսերն ապահովող և առաջարկվող սակագների կիրարկման դեպքում միջոցների ճեղքվածքը /100 % վճարումների դեպքում/ կկազմի մոտ 58 մլն $:
Առաջացած ճեղքվածքը նախատեսվում է փակել վարկային ծրագրով, տեխնիկական և մարդասիրական օգնությամբ ակնկալվող ֆինանսական ռեսուրսներով, ինչպես նաև ՀՀ պետական բյուջեից 1997 թ. համակարգի զարգացմանը ուղղված մոտ 8մլն $ կապիտալ ներդրումներով: Էլեկտրաէներգիայի սակագնի հետագա փուլ առ փուլ բարձրացումը կկատարվի ըստ ժամանակացույցի լրացուցիչ ճշգրտումների և ուսումնասիրությունների շնորհիվ:
ՈՒստի, հաշվի առնելով վերը նշվածը, Հանձնաժողովը որոշեց`
1. Հավանություն տալ սակագնային քաղաքականության իրականացման
ժամանակացույցին (կցվում է):
2. 1997 թ. հունվարի 1-ից սահմանել էլեկտրաէներգիայի սպառողների համար
հետևյալ սակագներ.
Ցածր լարման (0.4 կվ) էլեկտրաէներգիա սպառողների համար` Ա.Ա.Հ.-ով
բնակչության գծով 1 աբոնենտի հաշվով ամսական մինչև
100 կվտժ օգտագործված էլեկտրաէներգիայի համար - 13 դրամ/կվտժ
բնակչության գծով 1 աբոնենտի հաշվով ամսական 100 կվտժ
ավել օգտագործված էլեկտրաէներգիայի համար - 20 դրամ/կվտժ
այլ ցածր լարման սպառողների համար - 20 դրամ/կվտժ
Բարձր լարման (6-10, 35 և ավել կվ) էլեկտրաէներգիա Ա.Ա.Հ.-ով
սպառողների համար` - 17 դրամ/կվտժ
3. Գիշերային սպառման համար զեղչ սակագնի ներդրման հարցին Հանձնաժողովը
կանդրադառնա ս.թ. դեկտեմբերի 2-րդ կեսերին:
Նախագահ` Վ. Մովսիսյան