(ուժը կորցրել է 14.04.2025 թիվ 30-Ն հրաման)
i
100.0025.231211
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«23» 12 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10011567
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ ՀՐԱՄԱՆ
5 դեկտեմբերի 2011 թվականի N 25-Ն
i
«ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՏԵՂԱԿԱՅՄԱՆԸ, ԿԱՌՈՒՑՎԱԾՔԻՆ, ԿԱՀԱՎՈՐՄԱՆԸ, ՇԱՀԱԳՈՐԾՄԱՆԸ, ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԸՆԹԱՑՔՈՒՄ ՁԵՌՔ ԲԵՐՎՈՂ ՎԱՐԱԿՆԵՐԻ ՎԵՐԱՀՍԿՄԱՆԸ ԵՎ ԿԱՆԽԱՐԳԵԼՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» N 3.1.1.-024-2011 ՍԱՆԻՏԱՐԱԿԱՆ ԿԱՆՈՆՆԵՐԸ ԵՎ ՀԻԳԻԵՆԻԿ ՆՈՐՄԱՏԻՎՆԵՐԸ ՀԱՍՏԱՏԵԼՈՒ ԵՎ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2005 Թ. ՀՈԿՏԵՄԲԵՐԻ 26-Ի ԹԻՎ 983-Ն ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
(1-ին մաս)
i
Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» օրենքի 6-րդ հոդվածի 1-ին մասի 3-րդ կետը`
ՀՐԱՄԱՅՈՒՄ ԵՄ`
i
1. Հաստատել «Ստոմատոլոգիական բժշկական օգնություն և սպասարկում իրականացնող կազմակերպությունների տեղակայմանը, կառուցվածքին, կահավորմանը, շահագործմանը, բժշկական օգնության և սպասարկման ընթացքում ձեռք բերվող վարակների վերահսկմանը և կանխարգելմանը ներկայացվող պահանջներ» N 3.1.1.-024-2011 սանիտարական կանոնները և հիգիենիկ նորմատիվները համաձայն հավելվածի:
(1-ին կետը փոփ. 03.09.2024 թիվ 275-Ն հրաման)
i
2. ՈՒժը կորցրած ճանաչել ՀՀ առողջապահության նախարարի 2005 թվականի հոկտեմբերի 26-ի «Ստոմատոլոգիական պոլիկլինիկաներին, կաբինետներին ու ատամնատեխնիկական լաբորատորիաներին ներկայացվող հիգիենիկ պահանջներ» N 2-III-2.2.5 Սանիտարական կանոնները և նորմերը հաստատելու մասին» N 983-Ն հրամանը:
(նախաբանը փոփ. 18.05.2022 թիվ 31-Ն հրաման)
(վերնագիրը փոփ. 03.09.2024 թիվ 275-Ն հրաման)
Հավելված
Հաստատված է
ՀՀ առողջապահության նախարարի
2011թ. դեկտեմբերի 8-ի
N 25-Ն հրամանով
i
«ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՏԵՂԱԿԱՅՄԱՆԸ, ԿԱՌՈՒՑՎԱԾՔԻՆ, ԿԱՀԱՎՈՐՄԱՆԸ, ՇԱՀԱԳՈՐԾՄԱՆԸ, ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԸՆԹԱՑՔՈՒՄ ՁԵՌՔ ԲԵՐՎՈՂ ՎԱՐԱԿՆԵՐԻ ՎԵՐԱՀՍԿՄԱՆԸ ԵՎ ԿԱՆԽԱՐԳԵԼՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» N 3.1.1.-024-2011 ՍԱՆԻՏԱՐԱԿԱՆ ԿԱՆՈՆՆԵՐ ԵՎ ՀԻԳԻԵՆԻԿ ՆՈՐՄԱՏԻՎՆԵՐ
(վերնագիրը փոփ. 03.09.2024 թիվ 275-Ն հրաման)
1. ԸՆԴՀԱՆՈՒՐ ԴՐՈՒՅԹՆԵՐ
i
1. Սույն սանիտարական կանոնները և հիգիենիկ նորմատիվները (այսուհետ` սանիտարական կանոններ) նախատեսված են Հայաստանի Հանրապետության տարածքում գործող բոլոր ստոմատոլոգիական բժշկական օգնություն և սպասարկում իրականացնող կազմակերպությունների (ստոմատոլոգիական կենտրոն, պոլիկլինիկա, կաբինետ) (այսուհետ` ստոմատոլոգիական բժշկական կազմակերպություն) համար:
(1-ին կետը փոփ. 03.09.2024 թիվ 275-Ն հրաման)
2. Սանիտարական կանոնները սահմանում են ստոմատոլոգիական բժշկական կազմակերպությունների տեղակայմանը, սենքերի ներքին հարդարմանը, կառուցվածքին (սարքավորումներին, կահավորմանը), միկրոկլիմային, օդափոխությանը, լուսավորությանը, ստոմատոլոգիական բժշկական կազմակերպությունում բժշկական օգնության և սպասարկման ընթացքում ձեռք բերվող վարակների կանխարգելման գործընթացի կազմակերպմանը և իրականացմանը ներկայացվող պահանջներ:
(2-րդ կետը փոփ. 03.09.2024 թիվ 275-Ն հրաման)
3. Ստոմատոլոգիական բժշկական կազմակերպությունների կազմում գործող սենքերի կազմը և մակերեսները սահմանվում են սույն կանոնների Հավելված 1-ի պահանջներին համապատասխան:
i
4. Ստոմատոլոգիական բժշկական կազմակերպությունների ռենտգեն կաբինետներին ներկայացվող պահանջները սահմանված են Հայաստանի Հանրապետության առողջապահության նախարարի 2009 թվականի դեկտեմբերի 26-ի թիվ 26-Ն հրամանով:
(4-րդ կետը փոփ. 03.09.2024 թիվ 275-Ն հրաման)
i
5. Բնակելի շենքերի տարածքներում տեղակայված ստոմատոլոգիական բժշկական կազմակերպությունները ունենում են առանձին մուտք:
(5-րդ կետը փոփ. 03.09.2024 թիվ 275-Ն հրաման)
6. Բնակելի և հասարակական շենքերում թույլատրվում է տեղակայել այն ատամնատեխնիկական լաբորատորիաները, որոնց գործունեության ընթացքում օգտագործվող սարքավորումների տեխնոլոգիաները չեն ունենում բացասական ազդեցություն մարդկանց բնակության և աշխատանքի պայմանների վրա, իսկ աշխատանքային գոտու արտանետումները հեռացվում են արտաձիգ օդափոխիչ համակարգով, որի խողովակի բացվածքը շենքի տանիքից առնվազն 1 մ բարձր է:
7. Նկուղային հարկում կարող են տեղակայվել ստոմատոլոգիական բժշկական կազմակերպությունների կառուցվածքային կազմում եղած հանդերձարան-սպասասրահը, մատենավարման ծառայությունը, պահեստը, արհեստական օդափոխիչ համակարգի օդափոխության խցիկը, կոմպրեսորային սարքավորումները, իսկ կիսանկուղային հարկում կարող են տեղակայվել նաև ատամնատեխնիկական լաբորատորիայի օժանդակ ծառայությունները (զոդում, փայլեցում, գիպսի և պոլիմերիզացիայի սենքեր):
i
8. Ստոմատոլոգիական բժշկական կազմակերպությունների բուժանձնակազմը առողջական վիճակի պարտադիր նախնական (աշխատանքի ընդունվելիս) և պարբերական բժշկական զննության է ենթարկվում համաձայն Հայաստանի Հանրապետության կառավարության 2003 թվականի մարտի 27-ի N 347-Ն և 2004 թվականի հուլիսի 15-ի N 1089-Ն որոշումների:
(8-րդ կետը փոփ. 03.09.2024 թիվ 275-Ն հրաման)
i
8.1. Ստոմատոլոգիական բժշկական կազմակերպությունների հեպատիտ Բ-ի վերաբերյալ հետազոտվող անձնակազմը (ըստ Հայաստանի Հանրապետության կառավարության 2003 թվականի մարտի 27-ի թիվ 347-Ն որոշման) պատվաստվում է վիրուսային հեպատիտ Բ-ի դեմ` համաձայն Հայաստանի Հանրապետության առողջապահության նախարարի 2020 թվականի օգոստոսի 17-ի N 21-Ն հրամանի պահանջների:
(8.1-ին կետը լրաց. 03.09.2024 թիվ 275-Ն հրաման)
2. ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՍԵՆՔԵՐԻ ՆԵՐՔԻՆ ՀԱՐԴԱՐՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ
9. Ստոմատոլոգիական բժշկական կազմակերպությունների սենքերի պատերը լինում են հարթ և ամբողջական: Սենյակների բոլոր անկյունները լինում են առանց քիվերի, զարդարանքների:
10. Ստոմատոլոգիական բժշկական կազմակերպությունների կլինիկական աշխատանքային սենքերը, ատամնատեխնիկական լաբորատորիայի, մանրազերծման սենքերի պատերը, առաստաղները և հատակը պատվում են ջրակայուն, լվացվող և ախտահանվող մակերեսներով (կերամիկական սալիկ, գլանափաթեթային պոլիվինիլքլորիդային (վինիլպլաստ, լինոլեում), յուղաներկ, ջրաէմուլսիոն ներկեր, և այլն):
11. Բոլոր սենքերի դռները և պատուհանները լինում են հարթ, հեշտ մաքրման ենթակա:
3. ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ԿԱՌՈՒՑՎԱԾՔԻՆ ՆԵՐԿԱՅԱՑՎՈՂ ՊԱՀԱՆՋՆԵՐ
12. Թերապևտիկ և օրթոպեդիկ ստոմատոլոգիական կլինիկական աշխատանքային սենյակներում տեղադրվում են ոչ ավելի, քան 4 աշխատատեղ, իսկ վիրաբուժական ստոմատոլոգիայի աշխատասենյակում ոչ ավելի, քան 2 աշխատատեղ:
13. Աշխատատեղերը միմյանցից բաժանվում են առնվազն 1.5 մ բարձրությամբ անթափանց միջնապատերով:
i
14. Բուժական աշխատասենյակներում և ատամնատեխնիկական լաբորատորիաների սենքերում հատկացվում են առանձին լվացարաններ անձնակազմի ձեռքերի լվացման համար:
1) Նախամանրէազերծումային մշակումը կարող է իրականացվել կլինիկական աշխատանքային սենյակում` բացառությամբ վիրաբուժական ստոմատոլոգիայի:
2) Նախամանրէազերծումային մշակումը կլինիկական աշխատանքային սենյակում իրականացնելու դեպքում տեղադրվում է լրացուցիչ ավազան` գործիքների լվացման համար:
3) Կլինիկական աշխատանքային սենյակում նախամանրէազերծումային մշակումը իրականացվում է պացիենտի բացակայության պայմաններում:
(14-րդ կետը փոփ. 03.09.2024 թիվ 275-Ն հրաման)
15. Բոլոր աշխատանքային սենյակներում, այդ թվում նաև սանհանգույցներում, լվացարանները ապահովված են լինում մշտական հոսող սառը և տաք ջրով և ոչ պտուտակային (արմնկային, դաստակային կառավարմամբ և այլն) ծորակներով:
i
16. Ստոմատոլոգիական բժշկական կազմակերպություններում կիրառվում է միայն պատիճավորված ամալգամ, որը խառնում են թրթռիչներով: Գործընթացն իրականացվում է պլոմբանյութի կիրառման հրահանգին համապատասխան:
(16-րդ կետը փոփ. 03.09.2024 թիվ 275-Ն հրաման)
17. Գիպսի սենյակների լվացարաններից ջրահեռացման համակարգ բաց է թողնվում գիպսից ազատված կեղտաջրեր:
18. Ստոմատոլոգիական բժշկական կազմակերպությունների բոլոր աշխատանքային կաբինետներն (որտեղ իրականացվում են բժշկական միջամտություններ և բժշկական նշանակության գործիքների(առարկաների) ախտահանում և մանրէազերծում) ապահովվում են մանրէասպան ճառագայթիչներով կամ օդի այլ վարակազերծիչ սարքերով` որոնք շահագործվում են իրենց տեխնիկական անձնագրին համապատասխան:
i
19. Ստոմատոլոգիական բժշկական կազմակերպությունում գործիքների և փափուկ նյութի մանրէազերծումն իրականացվում է կազմակերպությունում գտնվող մանրէազերծման սենյակում: Մանրէազերծման սենյակը լինում է առանձին:
(19-րդ կետը փոփ. 07.07.15 թիվ 40-Ն, 03.09.2024 թիվ 275-Ն հրամաններ)
4. ՄԻԿՐՈԿԼԻՄԱՅԻՆ ԵՎ ՕԴԱՓՈԽՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ
20. Ջեռուցումը, օդափոխությունը և օդի լավորակումն ապահովում են միկրոկլիմայի և օդային միջավայրի նորմատիվ չափանիշները, այդ թվում` մանրէաբանական ցուցանիշներով:
21. Ջեռուցման համակարգի (սարքի) մակերեսները լինում են հարթ, հեշտ մաքրվող: Չի թույլատրվում ջեռուցման էլեկտրական սալիկների օգտագործումը:
22. Մշտական աշխատատեղերում (բուժանձնակազմի 2 ժամից ավելի անընդմեջ աշխատելու դեպքում) միկրոկլիմային ներկայացվող պահանջները բերվում են աղյուսակ 1-ում: Ժամանակավոր աշխատատեղերում միկրոկլիմայի ցուցանիշների նորմավորումը բերվում է աղյուսակ 2-ում:
Միկրոկլիմային ներկայացվող պահանջներ
Աղյուսակ 1
.___________________________________________________________.
|Տարվա եղանակ |Ջերմաստիճան|Օդի հարաբերական|Օդի շարժման|
| | oC |խոնավություն % |արագություն|
| | | |մ/վրկ |
|___________________|___________|_______________|___________|
|Սառը և անցումային | 18-23 | 60-40 | 0,2 |
|(օրվա միջին | | | |
|ջերմաստիճանը +10 oC| | | |
|և ցածր) | | | |
|___________________|___________|_______________|___________|
|Տաք (օրվա միջին | 21-25 | 60-40 | 0,2 |
|ջերմաստիճանը +10 oC| | | |
|և բարձր) | | | |
.___________________________________________________________.
Ժամանակավոր աշխատատեղերում միկրոկլիմայի ցուցանիշների նորմավորում
Աղյուսակ 2
.___________________________________________________________.
|Տարվա եղանակ |Ջերմաստիճան|Օդի հարաբերական|Օդի շարժման|
| | oC |խոնավություն % |արագություն|
| | | |մ/վրկ |
|___________________|___________|_______________|___________|
|Սառը և անցումային | 17-2 5 | ոչ ավելի 75 | 0,2-0,3 |
|(օրվա միջին | | | |
|ջերմաստիճանը +10 oC| | | |
|և ցածր) | | | |
|___________________|___________|_______________|___________|
|Տաք (օրվա միջին |ոչ ավելի 28| ոչ ավելի 65 | 0,2-0,5 |
|ջերմաստիճանը +10 oC| | | |
|և բարձր) | | | |
.___________________________________________________________.
i
23. Ստոմատոլոգիական բժշկական կազմակերպությունների աշխատանքային գոտու օդում վնասակար նյութերի խտությունները չեն գերազանցում Հայաստանի Հանրապետության առողջապահության նախարարի 2005 թվականի օգոստոսի 15-ի N 756-Ն հրամանով սահմանված սահմանային թույլատրելի կոնցենտրացիաները:
(23-րդ կետը փոփ. 03.09.2024 թիվ 275-Ն հրաման)
24. Նույն սենքում մինչև 3 աշխատատեղերի դեպքում թույլատրվում է բնական օդափոխություն` վերնափեղկերի բացման ճանապարհով:
25. Նույն սենքում 3 աշխատատեղերից ավելի տեղակայման դեպքում օդափոխանակությունը իրականացվում է ընդհանուր ներհոս-արտաձիգ մեխանիկական օդափոխության միջոցով:
26. Ինքնուրույն օդափոխանակության համակարգեր նախատեսվում է մանրէազերծման, ռենտգեն կաբինետի, ատամնատեխնիկական լաբորատորիայի օժանդակ ծառայությունների և սանհանգույցների համար:
27. Ատամնատեխնիկական լաբորատորիայում, տեխնոլոգիական գործընթացից ելնելով, նախատեսվում է տեղային արտածծիչներ:
28. Բոլոր աշխատասենյակներում անկախ օդափոխության համակարգի առկայությունից պատուհանները ունենում են վերնափեղկեր կամ օդանցքներ:
29. Ատամնատեխնիկների աշխատատեղերում, հղկման տեղամասի յուրաքանչյուր մեքենայի մոտ, տեղադրվում է տեղային փոշեկլանիչներ, ձուլման տեղամասի վառարանի, զոդման տեղամասի գազօջախի և պոլիմերիզացիոն տեղամասի աշխատասեղանների վրա ապահովվում են քարշիչ զոնդեր:
5. ԼՈՒՍԱՎՈՐՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ
i
(վերնագիրը փոփ. 03.09.2024 թիվ 275-Ն հրաման)
i
30. Ստոմատոլոգիական բժշկական կազմակերպությունների և ատամնատեխնիկական լաբորատորիաների հիմնական աշխատատեղերով (ստոմատոլոգի և ատամնատեխնիկի աշխատատեղ) սենքերը ունենում են բնական լուսավորություն:
(30-րդ կետը փոփ. 03.09.2024 թիվ 275-Ն հրաման)
31. Լուսային գործակիցը հիմնական սենքերում լինում է 1:4-1:5, իսկ մնացած արտադրական տարածքներում` 1:8 հարաբերությամբ:
32. Բնական լուսավորվածության գործակիցը հիմնական աշխատատեղերում լինում է 1,5%-ից ոչ պակաս:
i
33. Ստոմատոլոգիական բժշկական կազմակերպությունների և ատամնատեխնիկական լաբորատորիաների բոլոր սենքերը ունենում են արհեստական լուսավորություն:
(33-րդ կետը փոփ. 03.09.2024 թիվ 275-Ն հրաման)
i
34. Ստոմատոլոգիական աշխատասենյակները, ատամնատեխնիկական լաբորատորիայի հիմնական և հղկման սենքերը ունենում են նաև տեղային լուսավորություն:
(34-րդ կետը փոփ. 03.09.2024 թիվ 275-Ն հրաման)
i
35. Աշխատանքային մակերեսների հորիզոնական լուսավորվածության մակարդակների համար առաջարկվող ընդհանուր արհեստական լուսավորության նորմերը բերվում են աղյուսակ 3-ում:
Աշխատանքային մակերեսների հորիզոնական լուսավորության
մակարդակների համար առաջարկվող ընդհանուր արհեստական
լուսավորության նորմեր
Աղյուսակ 3
.__________________________________________________________________.
| Սենքերի անվանումը |Ընդհանուր |
| |լուսավորության |
| |մակարդակը |
| |___________________|
| |Լյումինես-|շիկացման|
| |ցենտային |լամպեր |
| |լամպեր | |
|______________________________________________|__________|________|
|Բժիշկների աշխատասենյակներ, ատամնատեխնիկական | 500 | 200 |
|լաբորատորիաների հիմնական սենքեր | | |
|______________________________________________|__________|________|
|Գլխավոր բժշկի, տեղակալի կաբինետներ, գիպսի, | 400 | 200 |
|պոլիմերիզացիոն տեղամասեր | | |
|______________________________________________|__________|________|
|Բուժքրոջ, տնտեսուհու սենյակ, լվացման բաժին | 300 | 150 |
|______________________________________________|__________|________|
|Ձուլման, զոդման աշխատասենյակներ, ռենտգեն | 200 | 100 |
|նկարահանման աշխատասենյակ ու վիրաբուժական | | |
|գործիքների մանրէազերծման նախապատրաստման սենյակ| | |
|______________________________________________|__________|________|
|Գրանցման բաժին, սպասասրահ, ստերիլիզացիոն | 150 | 75 |
|ավտոկլավային ոչ ստերիլ գործիքների և ստերիլ | | |
|մատերիալի պահման սենյակներ | | |
|______________________________________________|__________|________|
|Աստիճանավանդակներ, տամբուր | 100 | 50 |
|______________________________________________|__________|________|
|Դեզնյութերի պահման սենք | - | 30 |
|______________________________________________|__________|________|
|Սանհանգույցի սենքեր | 75 | 30 |
.__________________________________________________________________.
(35-րդ կետը փոփ. 03.09.2024 թիվ 275-Ն հրաման)
36. Բոլոր տիպի լուսամփոփներն ունենում են պաշտպանիչ հիմնակմախք` անձնակազմի տեսողական օրգանները կուրացման ազդեցությունից պաշտպանելու նպատակով:
i
6. ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ԱՆՁՆԱԿԱԶՄԻ ԱՆՀԱՏԱԿԱՆ ԵՎ ԱՇԽԱՏԱՆՔԻ ՀԻԳԻԵՆԱՅԻ ԿԱՆՈՆՆԵՐԸ
(6-րդ գլուխն ուժը կորցրել է 03.09.2024 թիվ 275-Ն հրաման)
7. ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ՄԱՔՐՄԱՆԸ ԵՎ ԱԽՏԱՀԱՆՄԱՆԸ ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐ
i
39. Ստոմատոլոգիական բժշկական կազմակերպություններում բժշկական արտադրատեսակի մաքրման, ախտահանման, նախամանրէազերծման, մանրէազերծման աշխատանքները իրականացվում են` համաձայն Հայաստանի Հանրապետության առողջապահության նախարարի 2015 թվականի սեպտեմբերի 10-ի թիվ 48-Ն հրամանի պահանջների:
(39-րդ կետը փոփ. 05.04.16 թիվ 11-Ն, 03.09.2024 թիվ 275-Ն հրամաններ)
i
39.1. Բժշկական արտադրատեսակների մաքրման, ախտահանման ռեժիմի գրանցման, նախամանրէազերծման մշակման որակի հսկողության, չոր օդով, գոլորշային, քիմիական մեթոդով մանրէազերծման վերաբերյալ գրանցումներն իրականացվում են համապատասխան գրանցամատյաններում` համաձայն Հայաստանի Հանրապետության առողջապահության նախարարի 2015 թվականի սեպտեմբերի 10-ի թիվ 48-Ն հրամանի:
(39.1-ին կետը լրաց. 03.09.2024 թիվ 275-Ն հրաման)
40. Ախտահանող նյութերը պահվում են պահպանման համար նախատեսված հատուկ տեղերում` մակնշում ունեցող համապատասխան տարողություններում (արծնապատ և մետաղյա տարողությունների օգտագործումը արգելվում է):
41. Ստոմատոլոգիական կաբինետներում ապահովում են ախտահանիչ միջոցների աշխատանքային լուծույթների պահպանման առանձին տարողություններ` նախատեսված տարբեր օբյեկտների ախտահանման համար.
1) բժշկական նշանակության իրերի,
2) սենքերի մակերեսների, կահույքի, սարքավորումների, սարքերի մակերեսների,
3) մաքրող պարագաների և այլն:
42. Աշխատանքային լուծույթով տարողություններն ապահովվում են փակվող կափարիչներով և հստակ գրառումներով` տոկոսայնության, նշանակության, պատրաստման ամսաթվի և պիտանելիության սահմանային ժամկետների վերաբերյալ:
43. Ախտահանող միջոցների հետ աշխատելու ժամանակ պահպանվում են անվտանգության բոլոր կանոնները, որոնք նշված են օգտագործման հրահանգում:
i
44. Պացիենտի անձի համար նախատեսված գոգնոցները լինում են միանվագ օգտագործման և յուրաքանչյուր պացիենտից հետո փոխվում են:
(44-րդ կետը փոփ. 03.09.2024 թիվ 275-Ն հրաման)
i
45. Բժշկական թափոնների գործածությունն իրականացվում է համաձայն Հայաստանի Հանրապետության առողջապահության նախարարի 2008 թվականի մարտի 4-ի թիվ 03-Ն հրամանի պահանջների:
(45-րդ կետը փոփ. 03.09.2024 թիվ 275-Ն հրաման)
46. Տարածքի խոնավ մշակումը կատարվում է օրական 2 անգամից ոչ պակաս (յուրաքանչյուր հերթափոխից հետո և աշխատանքային օրվա վերջում)` օգտագործելով լվացող և ախտահանող միջոցներ` ողողման կամ շփման միջոցով:
i
47. Բուժման հատվածում տեղակայված առարկաների (գործիքների սեղանիկը, ղեկավարման վահանակը, օդային ատրճանակը, լուսատուն, թքամանը, բազկաթոռի գլխահենակը և արմնկահենակը) մակերեսների ախտահանումը կատարվում է յուրաքանչյուր պացիենտից հետո:
(47-րդ կետը փոփ. 03.09.2024 թիվ 275-Ն հրաման)
48. Վիրահատական կառուցահատվածում, վիրաբուժական կաբինետներում և մանրէազերծման սենքում շաբաթը 1 անգամ, մնացած կաբինետներում ամիսը 1 անգամ կատարվում է տարածքի հիմնական մաքրում: Հիմնական մաքրում կատարվում է նաև համաճարակային ցուցման դեպքում:
49. Հիմնական մաքրման ժամանակ ախտահանող լուծույթներով մշակումը կատարվում է ողողման կամ շփման եղանակով (պատերը և հատակը ամբողջությամբ): Ախտահանելուց հետո բոլոր մակերեսները լվացվում են խմելու ջրով թրջված լաթով, որից հետո կատարվում է սենքի օդի վարակազերծում:
1) Օգտագործվող մաքրման պարագաները լինում են միանվագ օգտագործման:
2) Հատակի և պատերի մաքրման պարագաները լինում են առանձին` մակնշված և օգտագործվում են կաբինետի, միջանցքների և սանհանգույցների համար առանձին:
3) Մաքրման պարագաների պահպանման համար ունենում են առանձնացված սենք կամ աշխատանքային կաբինետից դուրս տեղադրված առանձին պահարան:
i
50. Ստոմատոլոգիական բժշկական կազմակերպությունում օդի մանրէաբանական աղտոտվածության թույլատրելի մակարդակները սահմանված են Հայաստանի Հանրապետության առողջապահության նախարարի 2015 թվականի սեպտեմբերի 10-ի թիվ 48-Ն հրամանով: Ստոմատոլոգիական կաբինետների օդի մանրէային հագեցվածությունը անվտանգ մակարդակ իջեցնելու նպատակով օգտագործվում են հետևյալ սարքավորումները.
1) ՈՒլտրամանուշակագույն ճառագայթիչներ` օդի վարակազերծման համար մարդկանց բացակայության ժամանակ օգտագործում են բաց և կոմբինացված մանրէասպան ճառագայթիչներ, իսկ փակ` էկրանավորված ճառագայթիչներն, այդ թվում` հետշրջանառիչներն (ռեցերկուլյատորներ) օգտագործվում են մարդկանց ներկայությամբ: ՈՒլտրամանուշակագույն ճառագայթիչներն օգտագործում են վերջիններիս աշխատանքային պիտանելիության ժամկետներին համապատասխան:
2) Օզոնային ազդեցությամբ սարքավորումներ` օզոնային գեներատորները շահագործում են մարդկանց բացակայության դեպքում (եզրափակիչ տիպի ախտահանման և գլխավոր մաքրման անցկացման ժամանակ):
3) Հակամիկրոբային զտիչներ, այդ թվում` էլեկտրազտիչներ, ինչպես նաև ֆոտոկատալիզատորների և իոնային քամիների սկզբունքով աշխատող զտիչներ և այլն:
(50-րդ կետը փոփ. 03.09.2024 թիվ 275-Ն հրաման)
51. Ելնելով կատարվող բժշկական միջամտություններից և ձեռքի մաշկի մանրէային աղտոտվածության իջեցման պահանջվող մակարդակից` կատարվում է բժշկական անձնակազմի ձեռքերի հիգիենիկ կամ վիրաբուժական մշակում:
i
52. Ստոմատոլոգիական բժշկական կազմակերպությունում ձեռքերի հիգիենային ներկայացվող պահանջները սահմանված են Հայաստանի Հանրապետության առողջապահության նախարարի 2023 թվականի հոկտեմբերի 3-ի թիվ 46-Ն հրամանով:
(52-րդ կետը փոփ. 03.09.2024 թիվ 275-Ն հրաման)
53. (53-րդ կետն ուժը կորցրել է 03.09.2024 թիվ 275-Ն հրաման)
i
54. (54-րդ կետն ուժը կորցրել է 03.09.2024 թիվ 275-Ն հրաման)
55. (55-րդ կետն ուժը կորցրել է 03.09.2024 թիվ 275-Ն հրաման)
i
56. Պացիենտների բուժման ժամանակ չի թույլատրվում դիպչել հեռախոսափողին կամ կատարել գրառումներ:
(56-րդ կետը փոփ. 03.09.2024 թիվ 275-Ն հրաման)
i
57. Մաշկի վնասման դեպքում (պատահական ծակոց, կտրվածք և այլն) ձեռնոցները մշակում են ախտահանիչ լուծույթով, ձեռնոցները հանելուց հետո ձեռքերը պահում են հոսող ջրի տակ, լվանում օճառով, վնասված մաշկի հատվածը մշակում են 70օ սպիրտով, հետո յոդով: Պացիենտի կենսաբանական հեղուկները քիթ-ըմպան ընկնելու դեպքում բերանը և ըմպանը անմիջապես ողողում են 70օ սպիրտով, աչքի կամ քթի մեջ ընկնելու դեպքում` լվանում ջրով կամ 1:1000 կալիումի պերմանգանատի լուծույթով:
(57-րդ կետը փոփ. 03.09.2024 թիվ 275-Ն հրաման)
58. Ստոմատոլոգիական բժշկական կազմակերպությունների բոլոր բաժանմունքներն ապահովվում են առաջին բուժօգնության դեղորայքի արկղիկներով:
i
59. Բուժանձնակազմը ապահովված է լինում բժշկական հագուստով, անհատական պաշտպանության միջոցներով և հիգիենիկ պարագաներով` հեղուկ օճառ, թղթե անձեռոցիկ:
(59-րդ կետը լրաց. 03.09.2024 թիվ 275-Ն հրաման)
60. Աշխատանքի ընթացքում առաջացող զանազան աէրոզոլներից շնչուղիները պաշտպանելու համար կրում են միանվագ օգտագործման դիմակ, տեսողական օրգանները պաշտպանելու համար` հատուկ պաշտպանիչ ակնոց:
(60-րդ կետը լրաց. 03.09.2024 թիվ 275-Ն հրաման)
i
8. ԲԺՇԿԱԿԱՆ ՆՇԱՆԱԿՈՒԹՅԱՆ ԻՐԵՐԻ ԱԽՏԱՀԱՆՄԱՆԸ, ՆԱԽԱՄԱՆՐԷԱԶԵՐԾՈՒՄԱՅԻՆ ՄՇԱԿՄԱՆԸ ԵՎ ՄԱՆՐԷԱԶԵՐԾՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ
(8-րդ գլուխն ուժը կորցրել են 05.04.16 թիվ 11-Ն հրաման)
ՀԱՎԵԼՎԱԾ N 1
i
ՍՏՈՄԱՏՈԼՈԳԻԱԿԱՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐԻ ԿԱՌՈՒՑՎԱԾՔԱՅԻՆ ԿԱԶՄԸ ԵՎ ՍԵՆՔԵՐԻ ՆՎԱԶԱԳՈՒՅՆ ՄԱԿԵՐԵՍՆԵՐԸ
._____________________________________________________________________.
|Սենքի անվանում |Սենքի նվազագույն մակերես |Նշումներ |
|_______________________|_________________________|___________________|
|Ստոմատոլոգիական | | |
|բժշկական օգնություն և | | |
|սպասարկում իրականացնող | | |
|կազմակերպություն | | |
|(կենտրոն, պոլիկլինիկա, | | |
|կաբինետ) | | |
|_______________________|_________________________|___________________|
|Սպասասրահ` |մեկ և երկու համասարքի | |
|1) կաբինետի համար |դեպքում նվազագույնը` | |
| |6 քառակուսի մետր, երեք | |
| |և չորս համասարքի | |
| |դեպքում նվազագույնը` 10 | |
| |քառակուսի մետր, | |
| | | |
|2) պոլիկլինիկայի և |հինգ և ավելի համասարքի | |
|կենտրոնի համար |դեպքում նվազագույնը` | |
| |20 քառակուսի մետր | |
|_______________________|_________________________|___________________|
|Կլինիկական աշխատանքային|նվազագույնը` 11 քառակուսի| |
|սենյակ |մետր, միևնույն սենյակում| |
| |յուրաքանչյուր լրացուցիչ | |
| |համասարքի առկայության | |
| |դեպքում սենյակի չափն | |
| |ավելանում է 9 քառակուսի | |
| |մետր տարածքով | |
|_______________________|_________________________|___________________|
|Աշխատակազմի (հանգստի) |երկու և երեք համասարքի | |
|սենյակ |դեպքում նվազագույնը` 6 | |
| |քառակուսի մետր, չորս և | |
| |ավելի համասարքի դեպքում | |
| |նվազագույնը` 10 | |
| |քառակուսի մետր | |
|_______________________|_________________________|___________________|
|Մանրէազերծման սենյակ |գտնվում է միևնույն | |
| |բժշկական կազմակերպության | |
| |տարածքում | |
|_______________________|_________________________|___________________|
|Սանհանգույց |գտնվում է միևնույն | |
| |բժշկական կազմակերպության | |
| |տարածքում | |
|_____________________________________________________________________|
| Ընդհանուր ատամնատեխնիկական լաբորատորիա |
|_____________________________________________________________________|
|Հիմնական աշխատանքների |նվազագույնը` 3 քառակուսի |մեկից ավելիի |
|համար նախատեսված սենյակ|մետր |դեպքում` |
| | |յուրաքանչյուր |
| | |հաջորդ աշխատատեղի |
| | |համար ավելացվում է |
| | |2 քառակուսի մետր |
|_______________________|_________________________|___________________|
|Գիպսային, պոլիմերացման |նվազագույնը` 3 քառակուսի |մեկից ավելիի |
|և փայլեցման |մետր |դեպքում` |
|աշխատանքների համար | |յուրաքանչյուր |
|նախատեսված սենյակ | |հաջորդ աշխատատեղի |
| | |համար ավելացվում է |
| | |2 քառակուսի մետր |
|_______________________|_________________________|___________________|
|Ճենապակյա և |նվազագույնը` 3 քառակուսի |մեկից ավելիի |
|մետաղճենապակյա |մետր |դեպքում` |
|կառույցների պատրաստման | |յուրաքանչյուր |
|համար նախատեսված սենյակ| |հաջորդ աշխատատեղի |
| | |համար ավելացվում է |
| | |2 քառակուսի մետր |
|_______________________|_________________________|___________________|
|Ձուլարան |նվազագույնը` 3 քառակուսի |մեկից ավելիի |
| | մետր |դեպքում` |
| | |յուրաքանչյուր |
| | |հաջորդ աշխատատեղի |
| | |համար ավելացվում է |
| | |2 քառակուսի մետր |
._____________________________________________________________________.
Շարժական կառույցների ատամնատեխնիկական լաբորատորիա
._____________________________________________________________________.
|Հիմնական աշխատանքների |նվազագույնը` 3 քառակուսի |մեկից ավելիի |
|համար նախատեսված սենյակ|մետր |դեպքում` |
| | |յուրաքանչյուր |
| | |հաջորդ աշխատատեղի |
| | |համար ավելացվում է |
| | |2 քառակուսի մետր |
|_______________________|_________________________|___________________|
|Գիպսային, պոլիմերացման |նվազագույնը` 3 քառակուսի |մեկից ավելիի |
|և փայլեցման |մետր |դեպքում` |
|աշխատանքների համար | |յուրաքանչյուր |
|նախատեսված սենյակ | |հաջորդ աշխատատեղի |
| | |համար ավելացվում է |
| | |2 քառակուսի մետր |
._____________________________________________________________________.
Անշարժ կառույցների ատամնատեխնիկական լաբորատորիա
._____________________________________________________________________.
|Հիմնական աշխատանքների |նվազագույնը` 3 քառակուսի |մեկից ավելիի |
|համար նախատեսված սենյակ|մետր |դեպքում` |
| | |յուրաքանչյուր |
| | |հաջորդ աշխատատեղի |
| | |համար ավելացվում է |
| | |2 քառակուսի մետր |
|_______________________|_________________________|___________________|
|Գիպսային, պոլիմերացման |նվազագույնը` 3 քառակուսի |մեկից ավելիի |
|և փայլեցման |մետր |դեպքում` |
|աշխատանքների համար | |յուրաքանչյուր |
|նախատեսված սենյակ | |հաջորդ աշխատատեղի |
| | |համար ավելացվում է |
| | |2 քառակուսի մետր |
|_______________________|_________________________|___________________|
|Ճենապակյա և |նվազագույնը` 3 քառակուսի |մեկից ավելիի |
|մետաղճենապակյա |մետր |դեպքում` |
|կառույցների պատրաստման | |յուրաքանչյուր |
|համար նախատեսված սենյակ| |հաջորդ աշխատատեղի |
| | |համար ավելացվում է |
| | |2 քառակուսի մետր |
._____________________________________________________________________.
(1-ին հավելվածը փոփ. 07.07.15 թիվ 40-Ն հրաման)
ՀԱՎԵԼՎԱԾ N 2
i
ՍՏՈՄԱՏՈԼՈԳԻԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՍԵՆՔԵՐԻ ՕԴԻ ՄԱՆՐԷԱԲԱՆԱԿԱՆ ԱՂՏՈՏՎԱԾՈՒԹՅԱՆ ԹՈՒՅԼԱՏՐԵԼԻ ՄԱԿԱՐԴԱԿՆԵՐԸ
(2-րդ հավելվածն ուժը կորցրել է 03.09.2024 թիվ 275-Ն հրաման)
ՀԱՎԵԼՎԱԾ N 3
i
ԳՈՐԾԻՔՆԵՐԻ ՆԱԽԱՄԱՆՐԷԱԶԵՐԾՈՒՄԱՅԻՆ ՄՇԱԿՈՒՄ ՁԵՌՔՈՎ
(3-րդ հավելվածն ուժը կորցրել են 05.04.16 թիվ 11-Ն հրաման)
---------------------------------------------------------
ԻՐՏԵԿ - շարունակությունը հաջորդ մասում