040.0954.140706
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«14» հուլիսի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 մայիսի 2006 թվականի N 954-Ն
ՀԱՅԿԱԿԱՆ ԿՈՆՅԱԿՆԵՐԻ ԵՎ ՀԱՅԿԱԿԱՆ ԿՈՆՅԱԿԻ ՍՊԻՐՏՆԵՐԻ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ
«Տեխնիկական կանոնակարգման մասին» Հայաստանի Հանրապետության օրենքի 7-րդ հոդվածի, «Սննդամթերքի անվտանգության մասին» Հայաստանի Հանրապետության օրենքի դրույթներին համապատասխան, ինչպես նաև հաշվի առնելով մարդու կյանքի ու առողջության անվտանգության ապահովման և սպառողներին թյուրիմացության մեջ գցող գործոնների կանխարգելման խնդիրները` Հայաստանի Հանրապետության կառավարությունը որոշում է.
1. Հաստատել հայկական կոնյակների և հայկական կոնյակի սպիրտների տեխնիկական կանոնակարգը` համաձայն հավելվածի:
2. (2-րդ կետն ուժը կորցրել է 30.07.15 թիվ 867-Ն որոշում)
3. Հայաստանի Հանրապետության առողջապահության նախարարին` սույն որոշման պաշտոնական հրապարակման օրվանից 5 ամսվա ընթացքում օրենքով սահմանված կարգով հաստատել պարենային հումքում և սննդամթերքում ռադիոնուկլիդների որոշման մեթոդիկան:
4. Սույն որոշումն ուժի մեջ է մտնում պաշտոնական հրապարակմանը օրվանից 6 ամիս հետո:
(նախաբանը փոփ. 30.07.15 թիվ 867-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ՀՈՒԼԻՍԻ 12-ԻՆ
Հավելված
ՀՀ կառավարության
2006 թվականի մայիսի 26-ի
N 954-Ն որոշման
ՏԵԽՆԻԿԱԿԱՆ ԿԱՆՈՆԱԿԱՐԳ ՀԱՅԿԱԿԱՆ ԿՈՆՅԱԿՆԵՐԻ ԵՎ ՀԱՅԿԱԿԱՆ ԿՈՆՅԱԿԻ ՍՊԻՐՏՆԵՐԻ
I. ԿԻՐԱՌՄԱՆ ՈԼՈՐՏԸ
1. Սույն հայկական կոնյակների և հայկական կոնյակի սպիրտների վերաբերյալ տեխնիկական կանոնակարգի (այսուհետ` տեխնիկական կանոնակարգ) գործողությունը տարածվում է արտաքին տնտեսական գործունեության ապրանքային անվանացանկի հետևյալ ծածկագրերից հայկական կոնյակների և դրանց համար հումք հանդիսացող հայկական կոնյակի սպիրտների վրա`
2208 20 120 խաղողի գինենյութերի թորումից ստացված կոնյակ` 2լ կամ
պակաս տարողությամբ տարաներում,
2208 20 620 խաղողի գինենյութերի թորումից ստացված կոնյակ` 2լ-ից
ավելի տարողությամբ տարաներում,
2208 20 400 խաղողի գինենյութերի թորումից ստացված սպիրտային թուրմ
(չվերամշակված թորվածք)` 2լ-ից ավելի տարողությամբ
տարաներում,
2208 20 890 խաղողի գինենյութերի թորումից ստացված սպիրտային թուրմ
2լ-ից ավելի տարողությամբ տարաներում:
2. Սույն տեխնիկական կանոնակարգով սահմանվում են 1-ին կետում տրված հայկական կոնյակների և հայկական կոնյակի սպիրտների անվտանգությունը բնութագրող ցուցանիշները, դրանց արտադրությանը, մակնշմանը և փաթեթավորմանը ներկայացվող պահանջները, ինչպես նաև համապատասխանության գնահատման և սպառողներին թյուրիմացության մեջ գցող գործոնների կանխարգելման նպատակով հայկական կոնյակի իսկության գնահատման ընթացակարգերը:
(2-րդ կետը փոփ. 25.09.14 թիվ 1046-Ն որոշում)
3. Հայկական կոնյակները և հայկական կոնյակի սպիրտները ենթակա են համապատասխանության գնահատման:
(3-րդ կետը փոփ. 25.09.14 թիվ 1046-Ն որոշում)
II. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԸ
4. Սույն տեխնիկական կանոնակարգում կիրառված են հետևյալ հասկացությունները`
հայկական կոնյակ` յուրահատուկ բուրմունքով և համով էթիլ սպիրտի 40-ից մինչև 57 տոկոս ծավալային մասով ալկոհոլային խմիչք, որը պատրաստված է 3 տարվանից ոչ պակաս հասունացած հայկական կոնյակի սպիրտներից և շշալցված է Հայաստանի Հանրապետության տարածքում.
սովորական (օրդինար) հայկական կոնյակ` հայկական կոնյակ, որը պատրաստված է 3 տարվանից ոչ պակաս հասունացած և 4 կամ 5 միջին հասունացման տարիքի հայկական կոնյակի սպիրտներից.
տեսակավոր հայկական կոնյակ` հայկական կոնյակ, որը պատրաստված է կաղնեփայտե տակառներում կամ կաղնու տակառատախտակներով բեռնված պահեստատակառներում (բուտերում) 6 տարվանից ոչ պակաս հասունացած հայկական կոնյակի սպիրտներից:
Տեսակավոր հայկական կոնյակների պատրաստման համար օգտագործվող հայկական կոնյակի սպիրտների միջին տարիքը պետք է լինի ոչ պակաս տվյալ անվանման կոնյակի համար սահմանված տարիքից.
կոլեկցիոն հայկական կոնյակ` հայկական կոնյակ, որը պատրաստված է կաղնեփայտե տակառներում կամ պահեստատակառներում լրացուցիչ 3 տարվանից ոչ պակաս հնացված տեսակավոր կոնյակներից.
հայկական կոնյակի սպիրտ` Հայաստանի Հանրապետության և Լեռնային Ղարաբաղի տարածքներում աճեցրած խաղողի հատուկ սորտերից ստացված գինենյութերից ֆրակցիոն թորման միջոցով պատրաստված և Հայաստանի Հանրապետության տարածքում հասունացած սպիրտ.
երիտասարդ հայկական կոնյակի սպիրտ` հայկական կոնյակի սպիրտ, որը շփման մեջ չի գտնվել կաղնու բնափայտի հետ.
հասունացած հայկական կոնյակի սպիրտ` հայկական կոնյակի սպիրտ, որը հասունացման ամբողջ ընթացքում շփման մեջ է գտնվել կաղնու բնափայտի հետ.
հայկական կոնյակի գինենյութ` հայկական կոնյակի սպիրտի ստացման համար նախատեսված Հայաստանի Հանրապետության և Լեռնային Ղարաբաղի տարածքներում աճեցրած խաղողի հատուկ սորտերից պատրաստված գինենյութ` էթիլ սպիրտի նվազագույնը 8 տոկոս ծավալային մասով.
կուպաժավորում` գործողություն, որի ընթացքում խառնում են տարբեր քանակության, տարբեր վայրերից ստացված և տարբեր տեսակների ու հասունացման տարիքի հայկական կոնյակի սպիրտներ և տեխնոլոգիական հրահանգով նախատեսված այլ օժանդակ նյութեր` հայկական կոնյակի յուրահատուկ տեսակներ ստեղծելու նպատակով.
հայկական կոնյակի խմբաքանակ` հայկական կոնյակների ցանկացած քանակություն, որն արտադրված է նույն կազմակերպության կողմից, ունի նույն կուպաժը, շշալցման նույն թվականը և ձևակերպված է մեկ ապրանքաուղեկից փաստաթղթով.
հայկական կոնյակի (կոնյակի սպիրտի) նույնականացում` ընթացակարգ, որի միջոցով հավաստվում է շրջանառության բոլոր փուլերում հայկական կոնյակների (հայկական կոնյակի սպիրտների) նույնականությունը դրանց անվանմանը և էական հատկանիշներին:
III. ՇՈՒԿԱ ՄՈՒՏՔ ԳՈՐԾԵԼՈՒ ՊԱՅՄԱՆՆԵՐԸ
5. Հայաստանի Հանրապետության տարածքում հայկական կոնյակների և կոնյակի սպիրտների իրացման ժամանակ պետք է պահպանվեն համապատասխանության գնահատման ենթակա արտադրանքի նկատմամբ Հայաստանի Հանրապետության օրենսդրությամբ սահմանված պայմանները:
(5-րդ կետը փոփ. 25.09.14 թիվ 1046-Ն որոշում)
6. Հայաստանի Հանրապետության տարածքում շրջանառության մեջ գտնվող հայկական կոնյակները և հայկական կոնյակի սպիրտները պետք է ուղեկցվեն տեխնիկական կանոնակարգերի պահանջներին համապատասխանությունը հավաստող հայտարարագրով կամ ունենան տեխնիկական կանոնակարգերի պահանջներին համապատասխանությունը հավաստող համապատասխանության ազգային նշանի մակնշում:
(6-րդ կետը փոփ. 25.09.14 թիվ 1046-Ն որոշում)
7. Սպառողներին թյուրիմացության մեջ գցող գործոնների կանխարգելման նպատակով հայկական կոնյակներ արտադրող և սպառող կազմակերպությունների միջև կնքված պայմանագրերի հիման վրա հայկական կոնյակները լրացուցիչ կարող են ուղեկցվել Հայաստանի Հանրապետության սննդամթերքի անվտանգության տեսչական մարմնի (այսուհետ` տեսչական մարմին) կողմից տրված հայկական կոնյակների իսկության մասին վկայականով:
(7-րդ կետը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
IV. ՏԵԽՆԻԿԱԿԱՆ ՊԱՀԱՆՋՆԵՐԸ
8. Հայկական կոնյակների և հայկական կոնյակի սպիրտների պատրաստման համար օգտագործվող նյութերի անվտանգության պահանջները պետք է համապատասխանեն «Սննդամթերքի անվտանգության մասին» Հայաստանի Հանրապետության օրենքով սահմանված դրույթներին:
9. Հայկական կոնյակների և հայկական կոնյակի սպիրտների անվտանգությունը բնութագրող ցուցանիշները ներկայացված են N 1 աղյուսակում:
Աղյուսակ N 1. Հայկական կոնյակների և հայկական կոնյակի սպիրտների
անվտանգության ցուցանիշները
._________________________________________________________.
| Ցուցանիշը | Թույլատրելի մակարդակը, |
| | ոչ ավելի |
|_______________________________|_________________________|
|Թունավոր տարրերը, մգ/կգ. | |
| կապար | 0,3 |
| արսեն | 0,2 |
| կադմիում | 0,03 |
| սնդիկ | 0,005 |
|_______________________________|_________________________|
|Մեթիլ սպիրտը, գ/լ | |
| անջուր սպիրտում | 2,0 |
|_______________________________|_________________________|
|Ռադիոնուկլիդները, Բկ/լ. | |
| ցեզիում - 137 | 70 |
| ստրոնցիում - 90 | 100 |
._________________________________________________________.
(1-ին աղյուսակը փոփ. 12.07.12 թիվ 830-Ն որոշում)
10. Հայկական կոնյակների և հայկական կոնյակի սպիրտների քիմիական ցուցանիշները պետք է համապատասխանեն NN 2 և 3 աղյուսակներում տրված նորմերին:
Աղյուսակ N 2. Հայկական կոնյակների քիմիական ցուցանիշները
.______________________________________________________.
| Ցուցանիշի անվանումը | Նորմը |
|_________________________________|____________________|
|Էթիլ սպիրտի ծավալային մասը, % | 40-57* |
|_________________________________|____________________|
|Բարձր սպիրտների զանգվածային | 1700-5000 |
|խտությունը` վերահաշվարկված ըստ | |
|իզոամիլ սպիրտի, մգ/լ անջուր | |
|սպիրտում | |
|_________________________________|____________________|
|Ալդեհիդների զանգվածային | 50-500 |
|խտությունը` վերահաշվարկված ըստ | |
|քացախաթթվական ալդեհիդի, մգ/լ | |
|անջուր սպիրտում | |
|_________________________________|____________________|
|Միջին էթերների զանգվածային | 500-2700 |
|խտությունը` վերահաշվարկված ըստ | |
|քացախաթթվական էթիլ եթերի, մգ/լ | |
|անջուր սպիրտում | |
|_________________________________|____________________|
|Ցնդող թթուների զանգվածային | 2000 |
|խտությունը` վերահաշվարկված ըստ | |
|քացախաթթվի, մգ/լ անջուր սպիրտում,| |
|ոչ ավելի | |
|_________________________________|____________________|
|Ցնդող միացությունների (ցնդող | 1250 |
|թթուներ` վերահաշվարկված ըստ | |
|քացախաթթվի, ալդեհիդներ` | |
|վերահաշվարկված ըստ քացախաթթվական | |
|ալդեհիդի` որպես քացախաթթվական | |
|ալդեհիդի և 1.1-դիէթոք-սիէթանի | |
|(ացետալ) մեջ քացախաթթվական | |
|ալդեհիդի պարունակության գումար, | |
|բարձր սպիրտներ` պրոպանոլ-1-ը, | |
|բութանոլ-1-ը, բութանոլ-2-ը ու | |
|2-մեթիլ- պրոպանոլ-1-ը` հաշվարկված| |
|որպես առանձին նյութեր, իսկ | |
|2-մեթիլբութանոլ-1-ը ու | |
|3-մեթիլբութանոլ-1-ը` հաշվարկված | |
|որպես առանձին նյութեր կամ դրանց | |
|գումար և քացախաթթվական էթիլ | |
|եթեր) զանգվածային խտությունը, | |
|մգ/լ անջուր սպիրտում, ոչ պակաս | |
|_________________________________|____________________|
|Շաքարների զանգվածային խտությունը,| |
|գ/լ | 7-20* |
| | |
|Երկաթի զանգվածային խտությունը, | |
|մգ/լ, ոչ ավելի | 1,5 |
| | |
|Պղնձի զանգվածային խտությունը, | |
|մգ/լ, ոչ ավելի | 5,0 |
|______________________________________________________|
|* Կոնկրետ անվանման կոնյակների համար սահմանված նորմերից|
|թույլատրելի շեղումները չպետք է գերազանցեն` |
| էթիլ սպիրտի ծավալային մասի` +/- 0,3%, |
| շաքարների զանգվածային խտությունից` +/- 2 գ/լ |
.______________________________________________________.
(2-րդ աղյուսակը փոփ. 12.07.12 թիվ 830-Ն որոշում)
Աղյուսակ N 3. Հայկական կոնյակի սպիրտների քիմիական ցուցանիշները
.____________________________________________________________.
| | Նորմը |
| Ցուցանիշի անվանումը |____________________|
| |երիտասարդ|հասունացած|
|_______________________________________|_________|__________|
|Էթիլ սպիրտի ծավալային մասը, % |62,0-72,0| 55-72 |
|_______________________________________|_________|__________|
|Բարձր սպիրտների զանգվածային խտությունը`| | |
|վերահաշվարկած ըստ իզոամիլ սպիրտի, |1800-6000|1700-5000 |
|մգ/լ անջուր սպիրտում | | |
|_______________________________________|_________|__________|
|Ալդեհիդների զանգվածային խտությունը` | | |
|վերահաշվարկած ըստ քացախաթթվական | 30-500 | 50-500 |
|ալդեհիդի, մգ/100 սմ3 անջուր սպիրտի | | |
|_______________________________________|_________|__________|
|Միջին եթերների զանգվածային խտությունը` | | |
|վերահաշվարկած ըստ քացախաթթվական էթիլ |500-2500 | 500-2700 |
|եթերի, մգ/100 սմ3 անջուր սպիրտի | | |
|_______________________________________|_________|__________|
|Ցնդող թթուների զանգվածային խտությունը` | | |
|վերահաշվարկած ըստ քացախաթթվի, մգ/100 | 800 | 2000 |
|սմ3 անջուր սպիրտի, ոչ ավելի | | |
|_______________________________________|_________|__________|
|Ցնդող մնացորդների զանգվածային | | |
|խտությունը, մգ/լ անջուր սպիրտում, | | |
|ոչ պակաս | 1250 | 1250 |
|_______________________________________|_________|__________|
|Ֆուրֆուրոլի զանգվածային խտությունը, | | |
|մգ/100 սմ3 անջուր սպիրտի, ոչ ավելի | 30 | 30 |
|_______________________________________|_________|__________|
|Պղնձի զանգվածային խտությունը, մգ/լ | | |
|ոչ ավելի | 8,0 | 8,0 |
|_______________________________________|_________|__________|
|Ընդհանուր ծծմբի երկօքսիդի զանգվածային | | |
|խտությունը, մգ/լ, ոչ ավելի | 45 | 40 |
|_______________________________________|_________|__________|
|Երկաթի զանգվածային խտությունը, մգ/լ, | | |
|ոչ ավելի | 1,5 | 1,5 |
.____________________________________________________________.
(3-րդ աղյուսակը փոփ. 14.05.09 թիվ 531-Ն, 12.07.12 թիվ 830-Ն որոշումներ)
11. Հայկական կոնյակների և հայկական կոնյակի սպիրտների զգայորոշման ցուցանիշները պետք է համապատասխանեն NN 4 և 5 աղյուսակներում տրված բնութագրերին:
Աղյուսակ N 4. Հայկական կոնյակների զգայորոշման ցուցանիշները
.____________________________________________________________.
| Ցուցանիշի անվանումը | Բնութագիրը |
|___________________________|________________________________|
| Գույնը |բաց դարչնագույնից մինչև մուգ |
| |դարչնագույնը` ոսկեգույն երանգով |
|___________________________|________________________________|
| Թափանցիկությունը |թափանցիկ, փայլով, առանց նստվածքի|
| |և կողմնակի խառնուկների |
|___________________________|________________________________|
| Համը և փունջը |տվյալ անվանմամբ կոնյակին բնորոշ,|
| |առանց կողմնակի համի և հոտի |
.____________________________________________________________.
Աղյուսակ N 5. Հայկական կոնյակի սպիրտների զգայորոշման ցուցանիշները
._________________________________________________________________________.
| | Հայկական կոնյակի սպիրտի բնութագիրը |
| Ցուցանիշի անվանումը |___________________________________________________|
| | երիտասարդ | հասունացած |
|_____________________|_______________________|___________________________|
| Գույնը |անգույնից մինչև բաց |ծղոտագույնից մինչև մուգ |
| |ծղոտագույն |դարչնագույն |
|_____________________|___________________________________________________|
| Թափանցիկությունը |թափանցիկ, առանց կողմնակի ներառուկների և նստվածքի |
|_____________________|___________________________________________________|
| Բուրմունքը |բարդ, արտահայտված գինու|բարդ, կաղնու բաղադրամասերի |
| |և թեթև ծաղկային |թեթև, զգալի տոներից մինչև |
| |տոներով |ավելի արտահայտված և նուրբ |
| | |ծաղկա-վանիլինաշոկոլադային |
| | |նրբերանգների տոներ |
|_____________________|_______________________|___________________________|
| Համը |մաքուր, այրող, էթիլ |այրող, կաղնու, էթիլայինից |
| |սպիրտի թեթև համով |մինչև լրիվ փափուկ, |
| | |ներդաշնակ` բարկահամ |
| | |դառնությամբ |
._________________________________________________________________________.
12. Սույն տեխնիկական կանոնակարգի N 5 աղյուսակում տրված հայկական կոնյակի սպիրտների համի և բուրմունքի մեջ չի թույլատրվում կտրուկ եթերաալդեհիդային, քացախաթթվային, կծված, թանձրացած, վառած, նավթային, ծծմբաջրածնային և այլ կողմնակի տոներ:
13. Հայկական կոնյակի գինենյութերի զգայորոշման ցուցանիշները պետք է համապատասխանեն N 6 աղյուսակում տրված բնութագրերին:
Աղյուսակ N 6. Հայկական կոնյակի գինենյութերի
զգայորոշման ցուցանիշները
.____________________________________________________________.
| Ցուցանիշի անվանումը | Բնութագիրը |
|___________________________|________________________________|
| Գույնը |բաց ծղոտագույնից մինչև |
| |վարդագույն |
|___________________________|________________________________|
| Արտաքին տեսքը |թափանցիկ կամ ոչ թափանցիկ հեղուկ,|
| |առանց մթերքին ոչ բնորոշ կողմնակի|
| |ներառուկների |
|___________________________|________________________________|
| Բուրմունքը և համը |մաքուր, գինենյութի առանց |
| |կողմնակի հոտի և համի |
.____________________________________________________________.
Հայկական կոնյակի գինենյութերի քիմիական ցուցանիշները պետք է համապատասխանեն N 7 աղյուսակում տրված նորմերին:
Աղյուսակ N 7. Հայկական կոնյակի գինենյութերի քիմիական ցուցանիշները
._____________________________________________________________.
| Ցուցանիշի անվանումը | Նորմը |
|________________________________________|____________________|
|Էթիլ սպիրտի ծավալային մասը, % ոչ պակաս | 8,0 |
|________________________________________|____________________|
|Տիտրվող թթուների զանգվածային խտությունը,| |
|վերահաշվարկած ըստ գինեթթվի, գ/լ, ոչ | 4,5 |
|պակաս | |
|________________________________________|____________________|
|Ցնդող թթուների զանգվածային խտությունը, | |
|վերահաշվարկած ըստ քացախաթթվի, գ/լ, ոչ | 1,2 |
|ավելի | |
|________________________________________|____________________|
|Ընդհանուր ծծմբի երկօքսիդի զանգվածային | |
|խտությունը, մգ/լ, ոչ ավելի | 15 |
._____________________________________________________________.
(7-րդ աղյուսակը փոփ. 12.07.12 թիվ 830-Ն որոշում)
(13-րդ կետը փոփ. 02.04.09 թիվ 344-Ն որոշում)
14. Հայկական կոնյակների պատրաստման համար օգտագործվող այլ նյութերը պետք է սահմանված լինեն արտադրողի կողմից հաստատված տեխնոլոգիական հրահանգներով և համապատասխանեն Հայաստանի Հանրապետության օրենսդրությանը:
Փաթեթավորումը, պիտակավորումը, մակնշումը և պահումը
15. Իրացման համար նախատեսված հայկական կոնյակների սպառողական տարաները և դրանց խցանափակման արտադրատեսակները պետք է պատրաստված լինեն Հայաստանի Հանրապետության օրենսդրությամբ սննդամթերքի հետ շփման համար թույլատրված նյութերից:
(15-րդ կետը փոփ. 30.07.15 թիվ 867-Ն որոշում)
16. Հայկական կոնյակի սպառողական տարայի, պիտակի կամ ցանկացած զուգորդությամբ պիտակի, կրկնապիտակի և մանյակապիտակի մականշվածքը պետք է պարունակի հետևյալ տեղեկությունները`
ա) արտադրողի անվանումը և գտնվելու վայրը,
բ) «Հայկական կոնյակ» բառերը,
գ) հայկական կոնյակի անվանումը (եթե հայկական կոնյակի անվանման մեջ օգտագործվում են աստղեր, ապա դրանց թիվը պետք է համապատասխանի հայկական կոնյակի տարիքին),
դ) «Կոլեկցիոն» բառը` կոլեկցիոն կոնյակների համար,
ե) «Հայաստանի Հանրապետություն» բառերը,
զ) արտադրողի գրանցված ապրանքային նշանը (եթե պիտակը գրանցված չէ որպես ապրանքային նշան),
է) թնդությունը (էթիլ սպիրտի ծավալային մասը)` տոկոսներով,
ը) հայկական կոնյակի տարիքը, որը պետք է համապատասխանի կոնյակի սպիրտի միջին տարիքին,
թ) շշալցման թվականը,
ժ) լրացուցիչ հնացման տարիքը (կոլեկցիոն հայկական կոնյակների համար),
ժա) հայկական կոնյակի ծավալը` լիտրերով,
ժբ) կախված պայմանագրից` սպառողական տարայի վրա կարող են նշվել ստանդարտացման նորմատիվ փաստաթղթի նշագիրը, ըստ որի արտադրվել է հայկական կոնյակը և (կամ) տեխնիկական կանոնակարգերի պահանջներին համապատասխանությունը հավաստող համապատասխանության ազգային նշանը` համաձայն սույն տեխնիկական կանոնակարգի 40-րդ կետի:
Մականշվածքը պետք է կատարվի հայերենով կամ հայերենով և օտար լեզվով` ըստ պայմանագրի, իսկ արտահանման դեպքում` պայմանագրում նշված լեզուներով:
Տրանսպորտային տարայի մակնշումը պետք է իրականացվի սույն տեխնիկական կանոնակարգի XI բաժնում ներկայացված բեռների մակնշման ստանդարտի պահանջներին համապատասխան:
(16-րդ կետը փոփ. 25.09.14 թիվ 1046-Ն որոշում)
17. Հայկական կոնյակի շշալցումը պետք է կատարվի` ըստ ծավալի կամ ըստ մակարդակի` 5 դմ3-ից ոչ ավելի տարողությամբ տարաներում:
Տարբեր տարողությամբ սպառողական տարաների համար թույլատրելի թերալցումը (20+/-0,5%) oC ջերմաստիճանում չպետք է գերազանցի`
0,75 լ-ից ավելի` 6,0 մլ,
0,70 լ-ից մինչև 0,75 լ` 5,0 մլ,
0,50 լ` 4,0 մլ,
0,20 լ-ից մինչև 0,30 լ` 3,0 մլ,
0,10 լ` 1,5 մլ,
0,05 լ` 1,0 մլ:
18. Հայկական կոնյակների սպառողական տարայի վրա թույլատրվում է զետեղել լրացուցիչ գովազդային բնույթի և արտադրանքը բնութագրող այլ տեղեկատվություն, որը չպետք է հակասի սույն տեխնիկական կանոնակարգի 16-րդ կետով սահմանված պահանջներին: Գովազդային բնույթի տեղեկատվությունը պետք է զետեղվի միայն արտադրողի մոտ դրա հավաստիությունը հաստատող փաստաթղթերի առկայության դեպքում:
19. Հայկական կոնյակները պետք է պահվեն օդափոխվող, կողմնակի հոտերից զերծ սենքերում` 5 oC-ից ոչ ցածր ջերմաստիճանի պայմաններում:
Հայկական կոնյակով շշերը պետք է պաշտպանված լինեն արևի ուղղակի ճառագայթների ազդեցությունից:
20. Հայկական կոնյակի սպիրտները պետք է լցվեն կաղնեփայտե տակառների, կամ տիտանային զոդովի տակառների, կամ այլ տարողությունների մեջ` պատրաստված սպիրտների հետ շփման համար թույլատրված նյութերից:
21. Փոխադրման համար նախատեսված հայկական կոնյակի սպիրտով տակառներում պետք է նախատեսվի տակառի ընդհանուր տարողության 2 տոկոսից ոչ պակաս չափով ազատ տարածություն:
22. Հայկական կոնյակի սպիրտների տակառների մականշվածքը պետք է պարունակի հետևյալ տեղեկությունները և համապատասխանի սույն տեխնիկական կանոնակարգի XI բաժնում ներկայացված բեռների մակնշման ստանդարտի պահանջներին`
ա) արտադրողի անվանումը և գտնվելու վայրը,
բ) «Հայկական կոնյակի սպիրտ» բառերը,
գ) արտադրանքի ծավալը կամ զտաքաշը և համաքաշը,
դ) տակառի և խմբաքանակի համարները,
ե) ապրանքային նշանը (առկայության դեպքում),
զ) էթիլ սպիրտի ծավալային մասը` տոկոսներով,
է) լցման ամսաթիվը,
ը) հայկական կոնյակի սպիրտի տարիքը,
թ) խմբաքանակի համարը,
ժ) կախված պայմանագրից` տարայի վրա կարող են նշվել ստանդարտացման նորմատիվ փաստաթղթի նշագիրը, ըստ որի արտադրվել է հայկական կոնյակի սպիրտը և տեխնիկական կանոնակարգերի պահանջներին համապատասխանությունը հավաստող համապատասխանության ազգային նշանը:
(22-րդ կետը փոփ. 25.09.14 թիվ 1046-Ն որոշում)
23. Հայկական կոնյակի սպիրտները պետք է պահվեն 15-ից մինչև 25 oC օդի ջերմաստիճանի և 75 տոկոսից մինչև 95 տոկոս օդի հարաբերական խոնավության պայմաններ ապահովող սենքերում:
VI. ՆՈՒՅՆԱԿԱՆԱՑՈՒՄԸ
24. Հայկական կոնյակների և հայկական կոնյակի սպիրտների նույնականացումը պետք է իրականացնեն դրանց արտադրման, վերամշակման, պահման, փոխադրման և իրացման փուլերում իրավաբանական անձինք կամ անհատ ձեռնարկատերերը, ինչպես նաև սույն տեխնիկական կանոնակարգի պահանջներին հայկական կոնյակների և հայկական կոնյակի սպիրտների համապատասխանության գնահատման և պետական վերահսկողության մարմինները:
(24-րդ կետը փոփ. 25.09.14 թիվ 1046-Ն որոշում)
25. Նույնականացումն իրականացնում են`
ա. գնահատման նշանակված մարմինները` համապատասխանության գնահատման ժամանակ.
բ) պետական վերահսկողության մարմինները` վերահսկողություն իրականացնելիս իրենց իրավասության սահմաններում,
գ) այլ մարմինները և կազմակերպությունները` նախաձեռնության կարգով արտադրանքի վերաբերյալ տրամադրված տեղեկատվության համապատասխանությունը հավաստելու անհրաժեշտության դեպքում:
(25-րդ կետը փոփ. 25.09.14 թիվ 1046-Ն որոշում)
26. Կախված նույնականացման խնդիրներից` կիրառվում են նույնականացման հետևյալ եղանակները`
ա) փաստաթղթային փորձաքննություն,
բ) արտադրանքի փորձարկում,
գ) արտադրանքի համտեսում (միայն հայկական կոնյակների համար):
27. Փաստաթղթային փորձաքննությամբ նույնականացումն իրականացնելու դեպքում պետք է ստուգվեն հայկական կոնյակների կամ հայկական կոնյակի սպիրտների սպառողական և փոխադրական տարաների կամ դրանց պիտակների վրա նշված մականշվածքի բովանդակության համապատասխանությունն ապրանքաուղեկից փաստաթղթերում տրված տեղեկատվությանը:
28. Հայկական կոնյակների փորձարկմամբ նույնականացումը պետք է կատարվի ըստ սույն տեխնիկական կանոնակարգի N 2 աղյուսակում տրված քիմիական ցուցանիշների:
29. Հայկական կոնյակի սպիրտների փորձարկմամբ նույնականացումը պետք է կատարվի ըստ սույն տեխնիկական կանոնակարգի NN 3 և 5 աղյուսակներում տրված քիմիական ցուցանիշների և զգայորոշման բնութագրերի:
30. Հայկական կոնյակի համտեսմամբ նույնականացումը պետք է կատարվի ըստ սույն տեխնիկական կանոնակարգի N 4 աղյուսակում տրված հայկական կոնյակի զգայորոշման ցուցանիշների` Հայաստանի Հանրապետության էկոնոմիկայի նախարարության կողմից հաստատված համտեսային հանձնաժողովի գործունեության կարգի համաձայն:
(30-րդ կետը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
31. Հայկական կոնյակների և հայկական կոնյակի սպիրտների նույնականացման արդյունքները պետք է ձևակերպվեն արձանագրությամբ, որը, կախված նույնականացման եղանակից, կարող է բովանդակի`
ա) արտադրանքի անվանումը,
բ) արտադրողի մասին տեղեկատվությունը,
գ) շշալցման թվականը (հայկական կոնյակի համար),
դ) փաստաթղթերի փորձաքննության, արտադրանքի փորձարկման (համտեսման) արդյունքները,
ե) փաթեթավորման մասին տեղեկատվություն, այդ թվում` սպառողական տարայի տարողությունը` լիտրերով և փոխադրական տարայում շշերի քանակը (հայկական կոնյակի համար),
զ) տակառի համարը և տարողությունը` լիտրերով (հայկական կոնյակի սպիրտների համար),
է) ստանդարտացման նորմատիվ փաստաթղթի նշագիրը,
ը) խմբաքանակի համարը և չափը,
թ) նույնականացման արդյունքների հիման վրա կազմված եզրակացությունը:
VII. ՀԱՅԿԱԿԱՆ ԿՈՆՅԱԿՆԵՐԻ ԻՍԿՈՒԹՅԱՆ ՀԱՎԱՍՏՈՒՄԸ
32. Հայկական կոնյակներ արտադրող իրավաբանական անձինք կամ անհատ ձեռնարկատերերը (այսուհետ` հայտատու) հայկական կոնյակների իսկությունը հավաստելու համար տեսչական մարմին պետք է ներկայացնեն`
ա) յուրաքանչյուր տարվա սկզբում նախորդ տարվա սեզոնային գինեգործության արդյունքների եզրափակիչ հաշվետվություն` համաձայն սույն տեխնիկական կանոնակարգի N 1 ձևի` նշելով վերամշակված խաղողի սորտերը և քանակը, որը պետք է համապատասխանի արտադրողի մոտ առկա խաղողի մթերման փաստաթղթերին,
բ) յուրաքանչյուր տարվա վերջում տեղեկանք` ըստ հասունացման տարիքի հայկական կոնյակի սպիրտների և պատրաստի հայկական կոնյակների (առանց շշալցման) մնացորդային քանակությունների (դեկալիտր անջուր սպիրտի) մասին,
գ) եռամսյակը մեկ տեղեկանք` իրացված հայկական կոնյակների և ըստ հասունացման տարիքային խմբերի գնված հայկական կոնյակի սպիրտների մասին,
դ) յուրաքանչյուր տարվա վերջում փաստաթուղթ` խաղողի մթերման և արտադրված գինենյութի քանակական արդյունքների մասին` նշելով մթերած խաղողի տարածքային ծագումը, ինչպես նաև հայկական կոնյակի գինենյութի պատրաստման համար օգտագործվող խաղողի կոնկրետ սորտը:
(32-րդ կետը փոփ. 25.09.14 թիվ 1046-Ն, 30.07.15 թիվ 867-Ն, 14.01.2021 թիվ 47-Ն որոշումներ)
33. Հայկական կոնյակի յուրաքանչյուր անվանատեսակի կուպաժավորման ավարտից հետո և շշալցումն սկսելուց 10 օր առաջ դրա մասին հայտատուն գրավոր տեղեկացնում է տեսչական մարմինը` կցելով կուպաժավորման թերթիկի պատճենը: Տեսչական մարմինն ուսումնասիրում է կուպաժավորման թերթիկում նշված կուպաժավորման համար օգտագործված հայկական կոնյակի սպիրտների միջին տարիքի ապահովման փաստը (կուպաժավորման համար կարող են օգտագործվել 3 տարվանից ոչ պակաս հասունացած հայկական կոնյակի սպիրտներ): Տեսչական մարմնի ներկայացուցիչը կուպաժավորման թերթիկով ներկայացված պատրաստի հայկական կոնյակի քանակից կատարում է նմուշառում` սույն տեխնիկական կանոնակարգի XI բաժնում նշված նմուշառման ստանդարտով սահմանված կարգին համապատասխան: Ընտրված նմուշների մի մասը ներկայացվում է համապատասխան հավատարմագրված փորձարկման լաբորատորիա` փորձարկման, մյուս մասը` համտեսային հանձնաժողով` համտեսում իրականացնելու և եզրակացություն ստանալու համար: Համտեսումը պետք է իրականացվի սույն տեխնիկական կանոնակարգի 30-րդ կետում նշված կարգին համապատասխան: Հայկական կոնյակի փորձարկումներն իրականացվում են հայտատուի հաշվին:
(33-րդ կետը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
34. Հայկական կոնյակների իսկության մասին վկայական ստանալու նպատակով հայտատուն տեսչական մարմին է ներկայացնում հայտ (N 2 ձև):
Հայտին կից ներկայացվում է փաստաթղթերի հետևյալ լրակազմը`
ա) հայկական կոնյակի խմբաքանակի հաշիվ-ապրանքագիրը կամ դրան փոխարինող փաստաթուղթը,
բ) (34-րդ կետի բ ենթակետը հանվել է 28.12.06 թիվ 1909-Ն որոշում)
Այն դեպքում, երբ հայկական կոնյակը շշալցված է կուպաժից, որի վերաբերյալ տեսչական մարմնում առկա չեն սույն տեխնիկական կանոնակարգի 32-րդ կետով նախատեսված փաստաթղթերը, ապա տեսչական մարմնի ներկայացուցիչը հայկական կոնյակի նմուշն ընտրում է այդ կուպաժից` համտեսային հանձնաժողովից համտեսային եզրակացությունն ստանալու և սույն տեխնիկական կանոնակարգի 33-րդ կետին համապատասխան փորձարկման ներկայացնելու նպատակով:
(34-րդ կետը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
35. Հայտը տեսչական մարմնում գրանցվելուց հետո մեկօրյա ժամկետում պետք է իրականացվի ներկայացված փաստաթղթերի լրակազմի ստուգում: Լրակազմում որևէ փաստաթղթի բացակայության դեպքում փորձաքննություն չի կատարվում և ներկայացված փաստաթղթերը գրությամբ վերադարձվում են հայտատուին:
(35-րդ կետը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
36. Փաստաթղթերի փորձաքննության դրական արդյունքից հետո շշալցված, ակցիզային դրոշմանիշերով դրոշմավորված հայկական կոնյակից տեսչական մարմնի կողմից վերցվում են փորձանմուշներ, որոնք փորձարկման են տրվում հայկական կոնյակի արտադրությամբ և (կամ) իրացմամբ չզբաղվող հավատարմագրված փորձարկման լաբորատորիա: Փորձանմուշների ընտրությունը և դրանց փորձարկումներն իրականացվում են հայտատուի հաշվին:
Փորձարկման արձանագրությունը պետք է բովանդակի`
ա) փորձարկումը կատարող լաբորատորիայի անվանումը, գտնվելու վայրը,
բ) փորձարկման լաբորատորիայի հավատարմագրման վկայագրի գործողության ժամկետը,
գ) արտահանվող հայկական կոնյակի անվանատեսակը և տարիքը,
դ) ֆիզիկաքիմիական ցուցանիշները,
ե) էթիլ սպիրտի ծավալային մասը` տոկոսներով (թնդությունը),
զ) կոնյակի ծավալը` վերահաշվարկած ըստ անջուր սպիրտի, լիտրերով,
է) շշի տարողությունը,
ը) անվտանգության ցուցանիշները,
թ) փորձարկման արձանագրությունը կազմելու ամսաթիվը:
Փորձարկման արձանագրությունը պետք է ստորագրվի հավատարմագրված փորձարկման լաբորատորիայի ղեկավարի կողմից և կնքվի:
(36-րդ կետը փոփ. 28.12.06 թիվ 1909-Ն, 30.07.15 թիվ 867-Ն, 14.01.2021 թիվ 47-Ն որոշումներ)
37. Սույն տեխնիկական կանոնակարգի 32-34-րդ կետերով նախատեսված փաստաթղթերի փորձաքննության, 36-րդ կետով նախատեսված հայկական կոնյակի յուրաքանչյուր անվանատեսակի փորձարկման արձանագրության մեջ ներկայացված ցուցանիշների և նույն անվանատեսակի հայկական կոնյակի կուպաժավորման ավարտից հետո վերցված փորձանմուշի փորձարկման արձանագրության մեջ նշված ցուցանիշների համապատասխանության և 32-րդ կետով նախատեսված մթերման փաստաթղթերի առկայության դեպքում պետք է կազմվի հայկական կոնյակի իսկության վկայականի տրամադրման վերաբերյալ համապատասխանության եզրակացություն:
Դրական արդյունքների հիման վրա մեկօրյա ժամկետում հայտատուին տրամադրվում է հայկական կոնյակի իսկության մասին վկայականի (N 3 ձև) մեկ օրինակ` հայերենով: Անհրաժեշտության դեպքում վկայականը կարող է ձևակերպվել նաև ռուսերենով և անգլերենով:
(37-րդ կետը փոփ. 28.12.06 թիվ 1909-Ն որոշում)
38. Փաստաթղթերի փորձաքննության և հայկական կոնյակի փորձարկման բացասական արդյունքների դեպքում մեկօրյա ժամկետում հայտատուին պետք է տրվի հայտի մերժման մասին եզրակացություն` նշելով մերժման պատճառները, որը պետք է ստորագրված լինի տեսչական մարմնի ղեկավարի կողմից:
(38-րդ կետը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
VIII. ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԸՆԹԱՑԱԿԱՐԳԵՐԸ
39. Սույն տեխնիկական կանոնակարգի պահանջներին հայկական կոնյակների և հայկական կոնյակի սպիրտների համապատասխանությունը գնահատելու համար արտադրողը, մատակարարը կամ նրա լիազոր ներկայացուցիչը պետք է ունենա Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված` համապատասխանության հայտարարագրման սխեմաներից որևէ մեկով հավաստված համապատասխանության հայտարարագիր:
(39-րդ կետը փոփ. 25.09.14 թիվ 1046-Ն որոշում)
40-48. (40-48-րդ կետերն ուժը կորցրել են 25.09.14 թիվ 1046-Ն որոշում)
IX. ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ
49. Հայկական կոնյակների և հայկական կոնյակի սպիրտների չափումների միասնականության ապահովումը պետք է իրականացվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:
X. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
50. Սույն տեխնիկական կանոնակարգի պահանջներին հայկական կոնյակների և հայկական կոնյակի սպիրտների համապատասխանության պետական վերահսկողությունը պետք է իրականացվի օրենքով սահմանված կարգով:
(50-րդ կետը փոփ. 25.09.14 թիվ 1046-Ն որոշում)
XI. ՏԵԽՆԻԿԱԿԱՆ ԿԱՆՈՆԱԿԱՐԳՈՎ ՍԱՀՄԱՆՎԱԾ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՍՏԱՆԴԱՐՏՆԵՐԻ ՑԱՆԿԸ
.____________________________________________________________________.
| Ստանդարտի նշագիրը | Պահանջներ և փորձարկման մեթոդներ սահմանող |
| (բաժինը, կետը) | ստանդարտի անվանումը |
|____________________|_______________________________________________|
| 1 | 2 |
|____________________|_______________________________________________|
|ՀՍՏ 179 |Գինեգործական արտադրանք. Ընդունման կանոններ և |
|(բաժին 4) |նմուշառման մեթոդներ |
|____________________|_______________________________________________|
|ԳՕՍՏ 12280 |Գինիներ և գինենյութեր. Կոնյակներ և կոնյակի |
| |սպիրտներ. Ալդեհիդների որոշման մեթոդ |
|____________________|_______________________________________________|
|ԳՕՍՏ 3191 |Գինիներ, գինենյութեր, կոնյակներ և կոնյակի |
| |սպիրտներ, պտղահատապտղային սպիրտացված հյութեր. |
| |Էթիլ սպիրտի որոշման մեթոդներ |
|____________________|_______________________________________________|
|ԳՕՍՏ 13192 |Գինիներ, գինենյութեր և կոնյակներ. Շաքարների |
| |որոշման մեթոդ |
|____________________|_______________________________________________|
|ԳՕՍՏ 13193 |Գինիներ, գինենյութեր, կոնյակներ և կոնյակի |
| |սպիրտներ, պտղահատապտղային սպիրտացված հյութեր. |
| |Ցնդող թթուների որոշման մեթոդներ |
|____________________|_______________________________________________|
|ԳՕՍՏ 13194 |Կոնյակներ և կոնյակի սպիրտներ. Մեթիլ սպիրտի |
| |որոշման մեթոդ |
|____________________|_______________________________________________|
|ԳՕՍՏ 13195 |Գինիներ, գինենյութեր, կոնյակներ և կոնյակի |
| |սպիրտներ, պտղահատապտղային սպիրտացված հյութեր. |
| |Երկաթի որոշման մեթոդ |
|____________________|_______________________________________________|
|ԳՕՍՏ 14138 |Կոնյակի և պտղային սպիրտներ. Բարձր սպիրտների |
| |որոշման մեթոդ |
|____________________|_______________________________________________|
|ԳՕՍՏ 14139 |Կոնյակի և պտղային սպիրտներ. Միջին եթերների |
| |որոշման մեթոդներ |
|____________________|_______________________________________________|
|ԳՕՍՏ 14192 |Բեռների մակնշում |
|____________________|_______________________________________________|
|ԳՕՍՏ 14252 |Գինիներ և գինենյութեր. Տիտրվող թթուների |
| |որոշման մեթոդներ |
|____________________|_______________________________________________|
|ԳՕՍՏ 14352 |Կոնյակի սպիրտներ. Ֆուրֆուրոլի որոշման մեթոդ |
|____________________|_______________________________________________|
|ԳՕՍՏ 23943 |Գինիներ և կոնյակներ. Շշալցման լրիվության |
| |որոշման մեթոդներ |
|____________________|_______________________________________________|
|ԳՕՍՏ 26927 |Սննդահումք և սննդամթերք. Սնդիկի որոշման մեթոդ |
|____________________|_______________________________________________|
|ԳՕՍՏ 26928 |Սննդամթերք. Երկաթի որոշման մեթոդ |
|____________________|_______________________________________________|
|ԳՕՍՏ 26930 |Սննդահումք և սննդամթերք. Արսենի որոշման մեթոդ |
|____________________|_______________________________________________|
|ԳՕՍՏ 26931 |Սննդահումք և սննդամթերք. Պղնձի որոշման մեթոդ |
|____________________|_______________________________________________|
|ԳՕՍՏ 26932 |Սննդահումք և սննդամթերք. Կապարի որոշման մեթոդ |
|____________________|_______________________________________________|
|ԳՕՍՏ 26933 |Սննդահումք և սննդամթերք. Կադիումի որոշման |
| |մեթոդ |
|____________________|_______________________________________________|
|ԳՕՍՏ 30538 |Սննդամթերք. Ատոմային էմիսիայի մեթոդով թունավոր |
| |տարրերի որոշման մեթոդիկա |
|____________________|_______________________________________________|
|ԳՕՍՏ Ռ 51655 |Ալկոհոլային արտադրանք և դրա արտադրության համար|
| |հումք. Ազատ և ընդհանուր ծծմբի երկօքսիդի |
| |զանգվածային խտության որոշման մեթոդ |
.____________________________________________________________________.
ԵԶՐԱՓԱԿԻՉ ՀԱՇՎԵՏՎՈՒԹՅՈՒՆ
.......... ԹՎԱԿԱՆԻ ՍԵԶՈՆԱՅԻՆ ԳԻՆԵԳՈՐԾՈՒԹՅԱՆ ԱՐԴՅՈՒՆՔՆԵՐԻ
._________________________________________________________________________.
|Խա-|Վերա-| Ստացված |Գինենյութերի ելանքը| Մնացուկները |Գինե-|
|ղո-|մշակ-| քաղցուն | | |նյու-|
|ղի |ված |_________|___________________|___________________________|թերի |
|սոր|խաղո-|դեկա|շաքա|տեսակի|դե|կոնդիցիան|խմորիչ և |այդ |կնճեռ|չանչ|մշակ-|
|տի |ղը, |լիտր|րայ-|և մակ|կա| | դիրտ |թվում`| | |ման |
|ան-|կգ | |նութ|նիշի |լի|_________|_________|գինե- |_____|____|կո- |
|վա-| | |յու-|անվա- |տր|սպիր|շաքա|սպիր|շաքա|նյութե|կգ |կգ |րուստ|
|նու| | |նը,%|նում- | |տը, |րը, |տը, |րը, |րի, դե| | |ները,|
|մը | | | |ները | |% |% |% |% |կալիտր| | |դեկա-|
| | | | | | | | | | | | | |լիտր |
|___|_____|____|____|______|__|____|____|____|____|______|_____|____|_____|
| 1 | 2 | 3 | 4 | 5 |6 | 7 | 8 | 9 | 10 | 11 | 12 | 13 | 14 |
|___|_____|____|____|______|__|____|____|____|____|______|_____|____|_____|
| | | | | | | | | | | | | | |
| | | | | | | | | | | | | | |
| | | | | | | | | | | | | | |
| | | | | | | | | | | | | | |
Ձև N 2
Հայաստանի Հանրապետության
սննդամթերքի անվտանգության
տեսչական մարմին
ղեկավար ___________________
ՀԱՅՏ
ՀԱՅԿԱԿԱՆ ԿՈՆՅԱԿՆԵՐԻ ԻՍԿՈՒԹՅԱՆ ՎԿԱՅԱԿԱՆ ՍՏԱՆԱԼՈՒ ՄԱՍԻՆ
Հայտատու __________________________________________________
(կազմակերպության անվանումը)
____________________________________________________________________
Խնդրում եմ տրամադրել իսկության վկայական` ներկայացված հայկական
կոնյակների համար:
Արտադրանքի բնութագիրը.
._________________________________________________________________________.
|NN |Կոն- |Խմբա- |Հաշիվ-|Շշի |Կոնյակի|Էթիլ |Հերթա- |Կոնյակի |Շաքարների|
|ը/կ|յակի |քանակը|ապրան-|տարո- |տարիքը,|սպիրտի |կան |քանակը, |զանգվածա-|
| |անվա-|(շիշ),|քագրի |ղութ- |տարի |ծավալա-|կուպաժի|վերահաշ-|յին խտութ|
| |նումը|հատ |համարը|յունը,| |յին |համարը |վարկած` |յունը, |
| | | | |լ | |մասը, %| |ըստ |գ/դմ3 |
| | | | | | | | |անջուր | |
| | | | | | | | |սպիրտի, | |
| | | | | | | | |դեկալիտր| |
|___|_____|______|______|______|_______|_______|_______|________|_________|
| 1 | 2 | 3 | 4 | 5 | 6 | 7 | 8 | 9 | 10 |
|___|_____|______|______|______|_______|_______|_______|________|_________|
| | | | | | | | | | |
|___|_____|______|______|______|_______|_______|_______|________|_________|
| | | | | | | | | | |
|___|_____|______|______|______|_______|_______|_______|________|_________|
| | | | | | | | | | |
._________________________________________________________________________.
(2-րդ ձևը լրացվել է նոր «Ակցիզային դրոշմանիշերի համարները» 11-րդ սյունակով 28.12.06 թիվ 1909-Ն որոշում, որը չի կատարվել)
Կից ներկայացված փաստաթղթերը
1. __________________________________________________________ 2. __________________________________________________________ 3. __________________________________________________________ 4. __________________________________________________________
___________________ _________________________
(ստորագրությունը) (անվանատառը, ազգանունը)
____ _____________ 200 թ.
Կ.Տ.
(2-րդ ձևը փոփ. 30.07.15 թիվ 867-Ն, 14.01.2021 թիվ 47-Ն որոշումներ)
Ձև N 3
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՎԿԱՅԱԿԱՆ
ՀԱՅԿԱԿԱՆ ԿՈՆՅԱԿԻ ԻՍԿՈՒԹՅԱՆ ՄԱՍԻՆ
1. ___________________________________________________________ (արտադրող կազմակերպության անվանումը) 2. ___________________________________________________________ (առաքող կազմակերպության անվանումը) 3. ___________________________________________________________ (ստացողը)
4. Հայկական կոնյակների բնութագիրը.
._________________________________________________________________________.
|NN |Կոնյակի |Ապրանքի |Հաշիվ-|Շշի տարո- |Կոնյակի|Էթիլ |Շաքարների |
|ը/կ|անվանումը|խմբաքանակը,|ապրան-|ղությունը,|տարիքը,|սպիրտի |զանգվածային|
| | |(շիշ) հատ |քագրի |լ |(տարի) |ծավալային|խտությունը,|
| | | |համարը| | |մասը, % |գ/դմ3 |
|___|_________|___________|______|__________|_______|_________|___________|
|1. | | | | | | | |
|___|_________|___________|______|__________|_______|_________|___________|
| | | | | | | | |
|___|_________|___________|______|__________|_______|_________|___________|
| | | | | | | | |
|___|_________|___________|______|__________|_______|_________|___________|
| | | | | | | | |
|___|_________|___________|______|__________|_______|_________|___________|
| |Ընդամենը | | | | | | |
._________________________________________________________________________.
5. Արտադրանքի իսկության մասին եզրակացություն.
Սույն վկայականով Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայությունը հավաստում է, որ 4-րդ կետում նշված հայկական կոնյակները բացառապես ստացվել են Հայաստանի Հանրապետության և Լեռնային Ղարաբաղի տարածքներում աճեցրած խաղողի սորտերից պատրաստված հայկական կոնյակի գինենյութերի թորման արդյունքում ստացված և Հայաստանի Հանրապետության տարածքում հասունացած հայկական կոնյակի սպիրտներից և հաստատում է, որ այդ կոնյակների շշալցումը կատարվել է Հայաստանի Հանրապետության տարածքում:
Հայաստանի Հանրապետության սննդամթերքի անվտանգության տեսչական մարմին
ղեկավար _________________ _______________
(ստորագրությունը) (անվանատառը,
ազգանունը)
Կ.Տ.
____ _____________ 200 թ.
(3-րդ ձևը փոփ. 30.07.15 թիվ 867-Ն, 14.01.2021 թիվ 47-Ն որոշումներ)