(ուժը կորցրել է 30.09.11 թիվ 258 հրաման)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ
ՊԱՇՏՈՆԱԿԱՆ ՊԱՐԶԱԲԱՆՈՒՄ
22 փետրվարի 2005 թվականի N 2
i
«ԻՆՔՆԱԿԱՄ ԿԱՌՈՒՑՎԱԾ ՇԵՆՔԵՐԻ, ՇԻՆՈՒԹՅՈՒՆՆԵՐԻ ԵՎ ԻՆՔՆԱԿԱՄ ԶԲԱՂԵՑՎԱԾ ՀՈՂԱՄԱՍԵՐԻ ԻՐԱՎԱԿԱՆ ԿԱՐԳԱՎԻՃԱԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 10-ՐԴ ՀՈԴՎԱԾԻ ՎԵՐԱԲԵՐՅԱԼ
«Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքի 11-րդ հոդվածի 2-րդ մասի համաձայն այդ օրենքի գործողության ժամկետը երկու տարի է, որը լրանում է 2005 թվականի փետրվարի 22-ին: «Իրավական ակտերի մասին» Հայաստանի Հանրապետության օրենքի 72-րդ հոդվածի համաձայն 2005 թվականի փետրվարի 22-ից «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքը համարվում է ուժը կորցրած: Նշված օրենքների համաձայն ինքնակամ կառուցված շենքերի, շինությունների օրինականացման վերաբերյալ դիմումները պետք է ընդունվեն մինչև 2005 թվականի փետրվարի 22-ի աշխատանքային օրվա ավարտը (ժամը 18-ը): Սակայն «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքի 10-րդ հոդվածի 5-րդ մասը սահմանում է նաև, որ «Սույն օրենքով սահմանված պայմաններին բավարարող շենքերի, շինությունների նկատմամբ օրենքի գործողության ժամկետում իրավունքները չգրանցելու դեպքում դրանց հետագա կարգավիճակը որոշվում է Հայաստանի Հանրապետության քաղաքացիական օրենսգրքով սահմանված նորմերի կիրառմամբ»:
Նկատի ունենալով, որ «Իրավական ակտերի մասին» Հայաստանի Հանրապետության օրենքի 78-րդ հոդվածի 3-րդ մասի վերջին պարբերության պահանջը այն մասին, որ ուժը կորցրած իրավական ակտի գործողությունը տարածվում է մինչև դրա ուժը կորցնելու օրը ծագած հարաբերությունների վրա, եթե «Իրավական ակտերի մասին» Հայաստանի Հանրապետության օրենքով կամ այդ ակտն ուժը կորցրած ճանաչելու մասին իրավական ակտով այլ բան նախատեսված չէ և հաշվի առնելով, որ տվյալ դեպքի համար «Իրավական ակտերի մասին» Հայաստանի Հանրապետության օրենքը կամ «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքը որևէ այլ բան չեն նախատեսել, ինչպես նաև նպատակ ունենալով վերացնել «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքում տեղ գտած հակասությունները` պարզաբանում եմ`
3. Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի վերաբերյալ մինչև 2005 թվականի փետրվարի 22-ի աշխատանքային օրվա ավարտը (ժամը 18-ը) տրված դիմումները պետք է քննարկվեն ու դրանց վերաբերյալ որոշումները պետք է կայացվեն նաև 2005 թվականի փետրվարի 22-ից հետո` «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքով նախատեսված կարգով, պայմաններով ու ժամկետներում:
4. Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի վերաբերյալ մինչև 2005 թվականի փետրվարի 22-ի ժամը 18-ը տրված դիմումները քննարկող մարմիններն իրավունք ունեն «Վարչարարության հիմունքների և վարչական վարույթի մասին» Հայաստանի Հանրապետության օրենքի պահանջներից ելնելով այդ օրենքով նախատեսված կարգով 30 օր ժամկետով երկարացնել դիմումների քննարկման ընթացքը:
5. Օրինականացված ինքնակամ կառուցված շենքերի, շինությունների և ինքնակամ զբաղեցված հողամասերի նկատմամբ գույքային իրավունքները ենթակա են պետական գրանցման և այդ իրավունքները ծագում են «Գույքի նկատմամբ իրավունքների պետական գրանցման մասին» Հայաստանի Հանրապետության օրենքով սահմանված գրանցման պահից:
6. «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» Հայաստանի Հանրապետության օրենքի 10-րդ հոդվածի 5-րդ մասով նախատեսված պահանջը չի տարածվում մինչև 2005 թվականի փետրվարի 22-ի ժամը 18-ը սույն պարզաբանման 1-ին, 2-րդ, 3-րդ կետերին համապատասխան օրինականացման համար դիմումներում նշված այն ինքնակամ կառուցված շենքերի, շինությունների և ինքնակամ զբաղեցված հողամասերի վրա, որոնց նկատմամբ իրավունքները կգրանցվեն մինչև 2005 թվականի օգոստոսի 22-ը: