040.0232.300697
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«30» ՀՈՒՆԻՍԻ 1997 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 հունիսի 1997 թ. թիվ 232
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ՃԱՌԱԳԱՅԹԱՅԻՆ ԲԺՇԿՈՒԹՅԱՆ ԵՎ ԱՅՐՎԱԾՔՆԵՐԻ ՀԱՆՐԱՊԵՏԱԿԱՆ ԳԻՏԱԿԱՆ ԿԵՆՏՐՈՆԻՆ ԲԺՇԿԱԿԱՆ ՆՊԱՏԱԿՆԵՐՈՎ ՕԳՏԱԳՈՐԾՎՈՂ ՌԱԴԻՈԱԿՏԻՎ ՆՅՈՒԹԵՐԻ ՆԵՐՄՈՒԾՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության առողջապահության նախարարության ճառագայթային բժշկության և այրվածքների հանրապետական գիտական կենտրոնին Բելառուսի Հանրապետությունից Հայաստանի Հանրապետություն ներմուծել յոդ 125 (125 I) իզոտոպ պարունակող ախտորոշիչ նյութեր`
տիրոքսին (T3)` 3,2 միկրոկյուրի ակտիվությամբ,
տրիյոդտիրոնին (T4)` 3,2 միկրոկյուրի ակտիվությամբ,
տիրեոտրոպային հորմոն (TTG)` 6,8 միկրոկյուրի ակտիվությամբ,
պրոլակտին 2,9 միկրոկյուրի ակտիվությամբ,
էստրադիոլ` 3 միկրոկյուրի ակտիվությամբ,
պրոգեստերոն` 3 միկրոկյուրի ակտիվությամբ,
ֆոլիկուլոխթանիչ հորմոն (FSG)` 7,2 միկրոկյուրի ակտիվությամբ,
լյութեոտրոպինային հորմոն (LTG)` 7,2 միկրոկյուրի ակտիվությամբ:
2. Հայաստանի Հանրապետության ներքին գործերի և ազգային անվտանգության նախարարությանը` ապահովել նշված նյութերի ներմուծման անվտանգությունը: