040.1152.230804
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«23» օգոստոսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
5 օգոստոսի 2004 թվականի N 1152-Ա
i
ԱՐՏԱՇԱՏԻ ՔԱՂԱՔԱՅԻՆ ՀԱՄԱՅՆՔԻՆ ԱՆԱՎԱՐՏ ԲՆԱԿԵԼԻ ՇԵՆՔԵՐ ՆՎԻՐԱԲԵՐԵԼՈՒ ՄԱՍԻՆ
Համաձայն Հայաստանի Հանրապետության քաղաքացիական օրենսգրքի 605-րդ հոդվածի և Հայաստանի Հանրապետության կառավարության 2002 թվականի նոյեմբերի 28-ի N 2051-Ն որոշմանը համապատասխան, ինչպես նաև Արտաշատ քաղաքի Պատկանյան փողոցի N 62բ և Դուրյան փողոցի N 76 հասցեներում գտնվող անավարտ բնակելի շենքերի շինարարությունն ավարտելու նպատակով Հայաստանի Հանրապետության կառավարությունը որոշում է.
1. Պետական սեփականություն հանդիսացող` Արտաշատ քաղաքի Պատկանյան փողոցի N 62բ (5211000 դրամ հաշվեկշռային արժեքով) և Դուրյան փողոցի N 76 (52690 դրամ հաշվեկշռային արժեքով) անավարտ բնակելի շենքերը նվիրաբերել Արտաշատի քաղաքային համայնքին` նշված շենքերում սահմանված կարգով բնակարան ստանալու իրավունք ձեռք բերած ընտանիքներին հատկացնելու համար:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` մեկամսյա ժամկետում Արտաշատի քաղաքային համայնքի ղեկավարի հետ համատեղ` սահմանված կարգով ապահովել սույն որոշման 1-ին կետում նշված անավարտ շենքերի նվիրաբերության պայմանագրերի կնքումը և գույքային իրավունքների պետական գրանցումը` պետական գրանցման ծախսերը կատարելով համայնքի միջոցների հաշվին:
3. Առաջարկել Արտաշատի քաղաքային համայնքի ղեկավարին սույն որոշման 1-ին կետում նշված շենքերի շինարարության ավարտման աշխատանքներն իրականացնել Հայաստանի Հանրապետության քաղաքաշինության նախարարության կողմից տրված համապատասխան եզրակացության և սահմանված կարգով մշակված ու հաստատված նախագծանախահաշվային փաստաթղթերի հիման վրա:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՕԳՈՍՏՈՍԻ 17-ԻՆ