040.1636.251002
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» հոկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 հոկտեմբերի 2002 թվականի N 1636-Ն
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐ ՍՏԵՂԾԵԼՈՒ ՄԱՍԻՆ
«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության մշակույթի, երիտասարդության հարցերի և սպորտի նախարարության ենթակայության` օլիմպիական հերթափոխի մարզադպրոցներ պետական հիմնարկները (այսուհետ` պետական հիմնարկներ) վերակազմավորման ձևով վերակազմակերպել պետական ոչ առևտրային կազմակերպությունների` համաձայն հավելվածի:
2. Մինչև Հայաստանի Հանրապետության մշակույթի, երիտասարդության հարցերի և սպորտի նախարարության պետական հիմնարկների` պետական ոչ առևտրային կազմակերպությունների վերակազմակերպումը` այդ հիմնարկներին Հայաստանի Հանրապետության 2002 թվականի պետական բյուջեով նախատեսված հատկացումները տրամադրվում են Հայաստանի Հանրապետության մշակույթի, երիտասարդության հարցերի և սպորտի նախարարության կողմից Հայաստանի Հանրապետության ֆինանսների և էկոնոմիկայի նախարարության տեղական գանձապետական բաժանմունք ներկայացված նախահաշիվների հիման վրա` ըստ բյուջետային ծախսերի տնտեսագիտական դասակարգման հոդվածների` դրանց տնտեսագիտական բովանդակությանը համապատասխան, հատկացումները վերակազմակերպումից հետո ներառելով իրավաբանական անձանց հետ Հայաստանի Հանրապետության օրենսդրությամբ սահմանված կարգով կնքվելիք պայմանագրերում:
3. Պետական հիմնարկների տնօրինության` պետական սեփականություն հանդիսացող գույքը, բացառությամբ շենքերի, շինությունների, պատմամշակութային նշանակության և նվազագույն աշխատավարձի 10000-ապատիկից ավելի արժողությամբ գույքի, սեփականության իրավունքով հանձնել վերակազմակերպված պետական ոչ առևտրային կազմակերպություններին:
Պետական հիմնարկների տնօրինության շենքերը, շինությունները, պատմամշակութային նշանակության և նվազագույն աշխատավարձի 10000-ապատիկից ավելի արժողությամբ գույքն անհատույց օգտագործման իրավունքով ամրացնել վերակազմակերպված համապատասխան պետական ոչ առևտրային կազմակերպություններին` դրանց նպատակային նշանակությանը համապատասխան օգտագործելու պայմանով` Հայաստանի Հանրապետության պետական գույքի կառավարման նախարարության հետ կնքելով համապատասխան պայմանագիր:
4. (4-րդ կետն ուժը կորցրել է 18.11.16 թիվ 1172-Ն որոշում)
5. Պետական ոչ առևտրային կազմակերպությունների կառավարման, բացառությամբ Խաղային մարզաձևերի օլիմպիական մանկապատանեկան մարզադպրոցի, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ մասի «գ», «դ», «ե» և «է» կետերով նախատեսված լիազորությունները վերապահել Հայաստանի Հանրապետության մշակույթի, երիտասարդության հարցերի և սպորտի նախարարությանը:
(5-րդ կետը փոփ. 13.12.02 թիվ 1996-Ն որոշում)
6. Պետական ոչ առևտրային կազմակերպությունների վերակազմակերպման հետ կապված ծախսերը կատարել «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի 11-րդ հոդվածի «ժէ» կետին համապատասխան:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈԿՏԵՄԲԵՐԻ 23-ԻՆ
Հավելված
Հայաստանի Հանրապետության
կառավարության 2002 թվականի
հոկտեմբերի 10-ի N 1636-Ն որոշման
ՑԱՆԿ
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՎԵՐԱԿԱԶՄԱԿԵՐՊՎՈՂ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ, ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ ՕԼԻՄՊԻԱԿԱՆ ՀԵՐԹԱՓՈԽԻ ՄԱՐԶԱԴՊՐՈՑՆԵՐ ՊԵՏԱԿԱՆ ՀԻՄՆԱՐԿՆԵՐԻ
._________________________________________________________________________.
|NN | Պետական հիմնարկի անվանումը | Վերակազմակերպված պետական ոչ |
|Ը/Կ| | առևտրային կազմակերպության |
| | | անվանումը |
|___|___________________________________|_________________________________|
|1. |Սամբոյի և ձյուդոյի օլիմպիական |Լևոն Հայրապետյանի անվան |
| |հերթափոխի մարզադպրոց |սամբոյի և ձյուդոյի օլիմպիական |
| | |մանկապատանեկան մարզադպրոց |
|___|___________________________________|_________________________________|
|2. |Ըմբշամարտի օլիմպիական ռեզերվի |Նորայր Մուշեղյանի անվան |
| |հանրապետական կենտրոնական |ըմբշամարտի օլիմպիական |
| |մասնագիտացված մարզադպրոց |մանկապատանեկան մարզադպրոց |
|___|___________________________________|_________________________________|
|3. |Հեծանվային սպորտի օլիմպիական |Հեծանվային սպորտի օլիմպիական |
| |հերթափոխի մարզադպրոց |մանկապատանեկան մարզադպրոց |
|___|___________________________________|_________________________________|
|4. |Գեղարվեստական մարմնամարզության և |Գեղարվեստական մարմնամարզության և |
| |ակրոբատիկայի օլիմպիական հերթափոխի |ակրոբատիկայի օլիմպիական |
| |հանրապետական մարզադպրոց |մանկապատանեկան մարզադպրոց |
|___|___________________________________|_________________________________|
|5. |Թիավարության մարզաձևերի օլիմպիական|Թիավարության մարզաձևերի |
| |հերթափոխի հանրապետական մարզադպրոց |օլիմպիական մանկապատանեկան |
| | |մարզադպրոց |
|___|___________________________________|_________________________________|
|6. |Խաղային մարզաձևերի օլիմպիական |Խաղային մարզաձևերի օլիմպիական |
| |հերթափոխի հանրապետական մարզադպրոց |մանկապատանեկան մարզադպրոց |
|___|___________________________________|_________________________________|
|7. |(7-րդ կետն ուժը կորցրել է 21.05.2020 թիվ 833-Ն որոշում) |
|___|___________________________________|_________________________________|
|8. |Օլիմպիական հերթափոխի բռնցքամարտի |Վլադիմիր Ենգիբարյանի անվան |
| |հանրապետական մարզադպրոց |բռնցքամարտի օլիմպիական |
| | |մանկապատանեկան մարզադպրոց |
|___|___________________________________|_________________________________|
|9. |Թեթև ատլետիկայի հանրապետական |Ատլետիկայի օլիմպիական |
| |մասնագիտացված մանկապատանեկան |մանկապատանեկան մարզադպրոց |
| |օլիմպիական հերթափոխի մարզադպրոց | |
|___|___________________________________|_________________________________|
|10.|(10-րդ կետն ուժը կորցրել է 18.11.16 թիվ 1163-Ն որոշում) |
|___|___________________________________|_________________________________|
|11.|Օլիմպիական հերթափոխի |Ռազմիկ Կարապետյանի անվան |
| |հանրապետական մարզադպրոց |մանապայքարային մարզաձևերի |
| | |օլիմպիական մանկապատանեական |
| | |մարզադպրոց |
|___|___________________________________|_________________________________|
|12.|Մականախաղի և շախմատի օլիմպիական |Հրազդանի մականախաղի և շախմատի |
| |հերթափոխի հանրապետական մարզադպրոց |օլիմպիական մանկապատանեկան |
| | |մարզադպրոց |
._________________________________________________________________________.
(հավելվածը փոփ. 23.06.05 թիվ 860-Ն, 21.04.11 թիվ 455-Ն, 25.04.13 թիվ 426-Ն, 18.08.15 թիվ 931-Ն, 18.11.16 թիվ 1163-Ն, 18.11.16 թիվ 1165-Ն, 28.02.2019 թիվ 154-Ն, 21.05.2020 թիվ 833-Ն, 06.08.2021 թիվ 1288-Ն որոշումներ)
@.Զ.