040.1159.150805
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» օգոստոսի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 օգոստոսի 2005 թվականի N 1159-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆՎԱՐԻ 9-Ի N 22-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2003 թվականի հունվարի 9-ի «Ոստիկանության ուսումնական հաստատության մասնագիտական առարկաների ցանկը հաստատելու մասին» N 22-Ն որոշման մեջ կատարել հետևյալ փոփոխությունները`
որոշմամբ հաստատված ցանկում`
ա) 1-ին բաժնի`
1-ին կետում «Քաղաքացիական պաշտպանություն» բառերը փոխարինել «Քաղաքացիական պաշտպանության» բառերով,
2-րդ կետում «Ռազմական կառավարում» բառերը փոխարինել «Ստորաբաժանումների ղեկավարումը խաղաղ ժամանակ» բառերով, «Ընդհանուր տակտիկական պատրաստականություն» բառերը` «Մարտավարություն» բառով, «Զորքերի պաշտպանությունը զանգվածային ոչնչացման միջոցներից» բառերը` «Ռադիացիոն, քիմիական, կենսաբանական պաշտպանություն» բառերով.
բ) 2-րդ բաժնի`
2-րդ կետում «Բնապահպանական և ագրարային իրավունք» բառերը փոխարինել «Հայաստանի Հանրապետության բնապահպանական և հողային իրավունք» բառերով, իսկ «Միջազգային մասնավոր իրավունք» բառերը հանել,
3-րդ կետում «Ոստիկանության աշխատակիցների էթիկա» բառերը փոխարինել «Ոստիկանության ծառայողների էթիկա», «Հաշվապահական հաշվառման հիմունքներ և դատահաշվապահական փորձաքննություն» բառերը` «Դատական հաշվապահություն», իսկ «Հատուկ տեխնիկա» բառերը` «Հատուկ տեխնիկա և տեղեկատվական անվտանգություն» բառերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՕԳՈՍՏՈՍԻ 9-ԻՆ