ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԱՆՀԱՏ ...

041.1210.081214

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

8 դեկտեմբերի 2014 թվականի N 1210-Ա

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Հայաստանի Հանրապետության միջազգային պայմանագրերի մասին» Հայաստանի Հանրապետության օրենքի 56-րդ հոդվածով և հիմք ընդունելով ՅՈՒՆԵՍԿՕ-ի Զինված ընդհարման դեպքում մշակութային արժեքների պաշտպանության կոմիտեին Հայաստանի Հանրապետության անդամակցությունը` «Զինված ընդհարման դեպքում մշակութային արժեքների պաշտպանության մասին» Հաագայի 1954 թվականի կոնվենցիայով ու դրան կից արձանագրություններով Հայաստանի Հանրապետության ստանձնած միջազգային պարտավորությունների կատարումն ապահովելու նպատակով`

1. Ստեղծել միջգերատեսչական հանձնաժողով և հաստատել դրա անհատական կազմը` համաձայն հավելվածի:

2. Հանձնարարել միջգերատեսչական հանձնաժողովի նախագահին` համակարգել և սահմանված կարգով ներկայացնել առաջարկություններ «Զինված ընդհարման դեպքում մշակութային արժեքների պաշտպանության մասին» Հաագայի 1954 թվականի կոնվենցիայով ու դրան կից արձանագրություններով Հայաստանի Հանրապետության կողմից ստանձնած միջազգային պարտավորությունների կատարման վերաբերյալ:

3. Անհրաժեշտությունից ելնելով միջգերատեսչական հանձնաժողովի հանդիպումներին խորհրդակցական ձայնի իրավունքով հրավիրել նաև Մայր Աթոռ Սուրբ Էջմիածնի և շահագրգիռ հասարակական կազմակերպությունների ներկայացուցիչներին:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2014 ԹՎԱԿԱՆԻ ԴԵԿՏԵՄԲԵՐԻ 8-ԻՆ

Հավելված

ՀՀ վարչապետի

2014 թվականի դեկտեմբերի 8-ի

N 1210-Ա որոշման

ԱՆՀԱՏԱԿԱՆ ԿԱԶՄ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

    Վ. Կաժոյան         - ՀՀ արտաքին գործերի նախարարության աշխատակազմի

                         միջազգային կազմակերպությունների վարչության պետ

                         (հանձնաժողովի նախագահ)

    Ք. Գրիգորյան       - ՀՀ արդարադատության նախարարության աշխատակազմի

                         միջազգային իրավական համագործակցության վարչության

                         պետ

    Ա. Առաքելյան       - ՀՀ մշակույթի նախարարության աշխատակազմի արտաքին

                         կապերի վարչության պետի տեղակալ

    Մ. Հակոբյան        - ՀՀ գլխավոր դատախազության կազմակերպական -

                         վերահսկողական և իրավական ապահովման վարչության

                         պետի տեղակալ (համաձայնությամբ)

    Վ. Վարդանյան       - ՀՀ սահմանադրական դատարանի խորհրդական

                         (համաձայնությամբ)

    Ա. Հակոբյան        - ՀՀ արտակարգ իրավիճակների նախարարի օգնական

    Հ. Մնացականյան     - ՀՀ արտակարգ իրավիճակների նախարարության

                         աշխատակազմի փրկարար ծառայության կազմակերպման

                         վարչության ծառայության կազմակերպման բաժնի պետ

    Ա. Զաքարյան        - ՀՀ պաշտպանության նախարարության պաշտպանական

                         քաղաքականության վարչության միջազգային ռազմական

                         համագործակցության բաժնի պետի տեղակալ, փոխգնդապետ

    Վ. Մելիքյան        - ՀՀ արտաքին գործերի նախարարության աշխատակազմի

                         իրավաբանական վարչության երկրորդ քարտուղար

    Ա. Կարապետյան      - ՀՀ արտաքին գործերի նախարարության աշխատակազմի

                         միջազգային կազմակերպությունների վարչության

                         ՅՈՒՆԵՍԿՕ-ի բաժնի երրորդ քարտուղար

    Գ. Եդիգարյան       - ՀՀ արտաքին գործերի նախարարության աշխատակազմի

                         միջազգային կազմակերպությունների վարչության

                         ՅՈՒՆԵՍԿՕ-ի բաժնի կցորդ

(հավելվածը փոփ. 01.12.17 թիվ 1401-Ա որոշում)