01.01.2026 -
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 հունվարի 2019 թվականի N 50-Ն
ԸՆՏԱՆԵԿԱՆ ՆՊԱՍՏԻ, ՍՈՑԻԱԼԱԿԱՆ ՆՊԱՍՏԻ ԵՎ ՀՐԱՏԱՊ ՕԳՆՈՒԹՅԱՆ ՉԱՓԵՐԸ, 2026 ԹՎԱԿԱՆԻ ԸՆՏԱՆԵԿԱՆ ՆՊԱՍՏԻ ԵՎ ՍՈՑԻԱԼԱԿԱՆ ՆՊԱՍՏԻ ՀԱՄԱՐ ԸՆՏԱՆԻՔԻ ԱՆԱՊԱՀՈՎՈՒԹՅԱՆ ՍԱՀՄԱՆԱՅԻՆ ՄԻԱՎՈՐԸ ՍԱՀՄԱՆԵԼՈՒ ՄԱՍԻՆ ↩ ↩ ↩ ↩ ↩ ↩
(վերնագիրը փոփ. 23.01.20 թիվ 45-Ն (որոշումն ունի անցումային դրույթներ), 14.01.21 թիվ 13-Ն (որոշումն ունի անցումային դրույթներ), 25.03.21 թիվ 396-Ն, 30.12.21 թիվ 2200-Ն, 29.12.22 թիվ 2068-Ն, 28.12.23 թիվ 2329-Ն, 16.01.25 թիվ 50-Ն, 25.12.25 թիվ 1919-Ն որոշումներ)
Հիմք ընդունելով «Պետական նպաստների մասին» Հայաստանի Հանրապետության օրենքի 6-րդ հոդվածի 4-րդ, 13-րդ հոդվածի 1-ին, 14-րդ հոդվածի 2-րդ և 16-րդ հոդվածի 1-ին մասերը` Հայաստանի Հանրապետության կառավարությունը որոշում է.
1. Սահմանել, որ`
1) Հայաստանի Հանրապետության 2026 թվականի պետական բյուջեով «Ընտանիքի կենսամակարդակի բարձրացմանն ուղղված նպաստներ» ծրագրով նախատեսված ֆինանսական միջոցների հաշվին վճարվում են` ↩ ↩ ↩ ↩ ↩ ↩
ա. ընտանեկան նպաստը,
բ. սոցիալական նպաստը,
գ. հրատապ օգնությունը` ընտանիքում երեխայի ծննդյան, ընտանիքում երեխայի առաջին դասարան ընդունվելու, ընտանիքի անդամի մահվան դեպքերում տրվող միանվագ հրատապ օգնություն և եռամսյակային հրատապ օգնություն.
2) եռամսյակային հրատապ օգնության վճարմանն ուղղվում է Հայաստանի Հանրապետության պետական բյուջեում ընտանիքի կենսամակարդակի բարձրացմանն ուղղված նպաստների համար նախատեսված գումարների ոչ ավելի, քան 3 տոկոսը. ↩
i
3) սահմանամերձ բնակավայրեր են համարվում Հայաստանի Հանրապետության կառավարության 2002 թվականի փետրվարի 21-ի N 163 որոշմամբ հաստատված ցանկում ընդգրկված բնակավայրերը: ↩
(1-ին կետը փոփ. 23.01.20 թիվ 45-Ն (որոշումն ունի անցումային դրույթներ), 14.01.21 թիվ 13-Ն (որոշումն ունի անցումային դրույթներ), 30.12.21 թիվ 2200-Ն, 29.12.22 թիվ 2068-Ն, 28.12.23 թիվ 2329-Ն, 16.01.25 թիվ 50-Ն, 25.12.25 թիվ 1919-Ն որոշումներ)
2. (2-րդ կետն ուժը կորցրել է 01.01.2026 թվականից` 25.12.25 թիվ 1919-Ն որոշում) ↩
3. Սահմանել 2026 թվականին ընտանեկան նպաստի և սոցիալական նպաստի համար ընտանիքի անապահովության սահմանային միավորի մեծությունը` 28.00 միավոր:↩ ↩ ↩ ↩ ↩
(3-րդ կետը փոփ. 23.01.20 թիվ 45-Ն (որոշումն ունի անցումային դրույթներ), 14.01.21 թիվ 13-Ն (որոշումն ունի անցումային դրույթներ), 30.12.21 թիվ 2200-Ն, 29.12.22 թիվ 2068-Ն, 28.12.23 թիվ 2329-Ն, 16.01.25 թիվ 50-Ն, 25.12.25 թիվ 1919-Ն որոշումներ)
4. Սահմանել ընտանեկան նպաստի բազային մասի չափը, 18 տարին չլրացած անդամին տրվող հավելման տարբերակման պայմաններն ու տարբերակված չափերը`
1) ընտանեկան նպաստի բազային մասը` 20000 դրամ. ↩
2) 28.01-35.00 անապահովության միավորով ընտանեկան նպաստի իրավունք ունեցող ընտանիքների`↩
ա. յուրաքանչյուր 18 տարին չլրացած անդամին տրվող հավելումը` 5500 դրամ,
բ. չորս և ավելի` 18 տարին չլրացած անդամ ունեցող ընտանիքների (այսուհետ` բազմազավակ ընտանիք) յուրաքանչյուր 18 տարին չլրացած անդամին տրվող հավելումը` 6500 դրամ,
գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6000 դրամ,
դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ.
3) 35.01-39.00 անապահովության միավորով ընտանեկան նպաստի իրավունք ունեցող ընտանիքների`
ա. յուրաքանչյուր 18 տարին չլրացած անդամին տրվող հավելումը` 6000 դրամ,
բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7000 դրամ,
գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6500 դրամ,
դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7500 դրամ.
4) 39.01 և ավելի անապահովության միավորով ընտանեկան նպաստի իրավունք ունեցող ընտանիքների`
ա. յուրաքանչյուր 18 տարին չլրացած անդամին տրվող հավելումը` 6500 դրամ,
բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7500 դրամ,
գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ,
դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 8000 դրամ:
(4-րդ կետը փոփ. 23.01.20 թիվ 45-Ն (որոշումն ունի անցումային դրույթներ), 29.12.22 թիվ 2068-Ն որոշում)
5. Սահմանել սոցիալական նպաստի չափը` 20000 դրամ: ↩
(5-րդ կետը փոփ. 29.12.22 թիվ 2068-Ն որոշում)
6. Սահմանել հրատապ օգնությունների չափերը`
1) միանվագ հրատապ օգնության չափերը`
ա. երեխայի ծննդյան դեպքում` 50000 դրամ,
բ. երեխայի` առաջին դասարան ընդունվելու դեպքում` 25000 դրամ,
գ. ընտանիքի անդամի մահվան դեպքում` 50000 դրամ.
2) եռամսյակային հրատապ օգնության ամսական չափը` 20000 դրամ: ↩
(6-րդ կետը փոփ. 29.12.22 թիվ 2068-Ն որոշում)
7. Թույլատրել Հայաստանի Հանրապետության աշխատանքի և սոցիալական հարցերի նախարարության սոցիալական ապահովության ծառայության պետին, համաձայնեցնելով Հայաստանի Հանրապետության աշխատանքի և սոցիալական հարցերի նախարարի հետ, 2026 թվականի չորրորդ եռամսյակում, ըստ անհրաժեշտության, կատարել սույն որոշման 1-ին կետի 2-րդ ենթակետով սահմանված ֆինանսական միջոցների վերաբաշխում` միասնական սոցիալական ծառայության տարածքային կենտրոնների` ընդհանուր միջոցների մեկ տոկոսի սահմաններում: ↩ ↩ ↩ ↩ ↩ ↩
(7-րդ կետը փոփ. 23.01.20 թիվ 45-Ն (որոշումն ունի անցումային դրույթներ), 14.01.21 թիվ 13-Ն (որոշումն ունի անցումային դրույթներ), 25.03.21 թիվ 396-Ն, 30.12.21 թիվ 2200-Ն, 29.12.22 թիվ 2068-Ն, 28.12.23 թիվ 2329-Ն, 16.01.25 թիվ 50-Ն, 25.12.25 թիվ 1919-Ն որոշումներ)
8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2026 թվականի հունվարի 1-ից հետո ծագած հարաբերությունների վրա: ↩ ↩ ↩ ↩ ↩ ↩
(8-րդ կետը փոփ. 23.01.20 թիվ 45-Ն (որոշումն ունի անցումային դրույթներ), 14.01.21 թիվ 13-Ն (որոշումն ունի անցումային դրույթներ), 30.12.21 թիվ 2200-Ն, 29.12.22 թիվ 2068-Ն, 28.12.23 թիվ 2329-Ն, 16.01.25 թիվ 50-Ն, 25.12.25 թիվ 1919-Ն որոշումներ)
|
Հայաստանի Հանրապետության
վարչապետ |
Ն. Փաշինյան |
|
2019 թ. փետրվարի 5
Երևան
|
|
Հավելված
ՀՀ կառավարության
2019 թվականի հունվարի 24-ի
N 50-Ն որոշման
ԸՆՏԱՆԵԿԱՆ ՆՊԱՍՏԻ, ՍՈՑԻԱԼԱԿԱՆ ՆՊԱՍՏԻ ԵՎ ՀՐԱՏԱՊ ՕԳՆՈՒԹՅԱՆ ՎՃԱՐՄԱՆ ՀԱՄԱՐ ՆԱԽԱՏԵՍՎԱԾ ՖԻՆԱՆՍԱԿԱՆ ՄԻՋՈՑՆԵՐԻ ՉԱՓԵՐՆ ԸՍՏ ՄԻԱՍՆԱԿԱՆ ՍՈՑԻԱԼԱԿԱՆ ԾԱՌԱՅՈՒԹՅԱՆ ՏԱՐԱԾՔԱՅԻՆ ԿԵՆՏՐՈՆՆԵՐԻ ↩
(հավելվածն ուժը կորցրել է 01.01.2026 թվականից` 25.12.25 թիվ 1919-Ն որոշում)