040.1067.040805
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» օգոստոսի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 հուլիսի 2005 թվականի N 1067-Ն
i
ՀԱՇՄԱՆԴԱՄՆԵՐԻ ՎԵՐԱԿԱՆԳՆՄԱՆ ԲԱԶԱՅԻՆ ԾՐԱԳԻՐՆ ՈՒ ԴՐԱ ԻՐԱԿԱՆԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Համաձայն «Հայաստանի Հանրապետությունում հաշմանդամների սոցիալական պաշտպանության մասին» Հայաստանի Հանրապետության օրենքի 5.1-ին և 9.2-րդ հոդվածների` Հայաստանի Հանրապետության կառավարությունը որոշում է.
1. Հաստատել`
ա) հաշմանդամների վերականգնման բազային ծրագիրը` համաձայն N 1 հավելվածի,
բ) հաշմանդամների վերականգնման բազային ծրագրի իրականացման կարգը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՀՈՒԼԻՍԻ 30-ԻՆ
Հավելված N 1
i
ՀՀ կառավարության
2005 թվականի հուլիսի 28-ի
N 1067-Ն որոշման
ՀԱՇՄԱՆԴԱՄՆԵՐԻ ՎԵՐԱԿԱՆԳՆՄԱՆ ԲԱԶԱՅԻՆ ԾՐԱԳԻՐԸ
._______________________________________________________________________.
|NN | ՎԵՐԱԿԱՆԳՆՄԱՆ ՏԵՍԱԿԸ | ԻՐԱԿԱՆԱՑՆՈՂԸ |
|ը/կ| | |
|___|___________________________________|_______________________________|
|I. |ԲԺՇԿԱԿԱՆ ՎԵՐԱԿԱՆԳՆՈՒՄ | |
| | | |
|1. |ՎԵՐԱԿԱՆԳՆՈՂԱԿԱՆ ԲՈՒԺՈՒՄ | |
| | | |
|ա) |վերականգնողական բուժում ամբուլատոր |պետական պատվեր իրականացնող |
| |պայմաններում |բժշկական կազմակերպություններ |
|բ) |վերականգնողական բուժում ստացիոնար |(պոլիկլինիկաներ և |
| |պայմաններում |հիվանդանոցներ) |
| | | |
|2. |ՎԵՐԱԿԱՆԳՆՈՂԱԿԱՆ ՎԻՐԱԲՈՒԺՈՒԹՅՈՒՆ | |
| | | |
|ա) |վերին և ստորին վերջույթների բոլոր |պետական պատվեր իրականացնող |
| |տեսակների և մակարդակների |բժշկական կազմակերպություններ |
| |պրոթեզավորման նախապատրաստում |(հիվանդանոցներ) |
|բ) |շտկողական վիրահատություններ | |
| | | |
|3. |ՊՐՈԹԵԶԱՕՐԹՈՊԵԴԻԿ ՕԳՆՈՒԹՅՈՒՆ | |
| | | |
|ա) |վերին և ստորին վերջույթների բոլոր | |
| |տեսակների և մակարդակների պրոթեզներ| |
|բ) |կրծքագեղձի պրոթեզ | |
|գ) |օրթեզներ | |
|դ) |տուտորներ |պետական պատվեր իրականացնող |
|ե) |ռեկլինատորներ |պրոթեզաօրթոպեդիկ օգնություն |
|զ) |սեղմիրաններ |տրամադրող կազմակերպություններ |
|է) |աղեկապեր | |
|ը) |կոշիկներ` պրոթեզի և օրթոպեդիկ | |
|թ) |ծայրատի ձեռնոց կամ գուլպա | |
|ժ) |վերականգնողական պարագաների | |
| |վերանորոգում | |
|ժա)|աչքի պրոթեզավորում |պետական պատվեր իրականացնող |
|ժբ)|ձայնաստեղծ սարք |պրոթեզաօրթոպեդիկ օգնություն |
| | |տրամադրող կազմակերպություններ |
| | | |
|ժգ)|ատամների պրոթեզավորում |պետական պատվեր իրականացնող |
| |(բացառությամբ թանկարժեք մետաղներից |ատամնաբուժական |
| |պատրաստվածների) |կազմակերպություններ |
|ի) |ատամների պրոթեզավորում |պետական պատվեր իրականացնող |
| |/բացառությամբ թանկարժեք մետաղներից |ատամնաբուժական |
| |պատրաստվածների/ |կազմակերպություններ |
| | | |
|4. |ՎԵՐԱԿԱՆԳՆՄԱՆ ՏԵԽՆԻԿԱԿԱՆ ՄԻՋՈՑՆԵՐ | |
| | | |
|ա) |ձեռնափայտ |պետական պատվեր իրականացնող |
|բ) |հենակ |պրոթեզաօրթոպեդիկ օգնություն |
|գ) |քայլակ |տրամադրող կազմակերպություններ |
|դ) |սուպինատոր | |
|ե) |լսողական սարք | |
|զ) |հաշմանդամի սայլակ | |
|է) |փոքր տրամաչափի սայլակ | |
| | | |
|II.|ՄԱՍՆԱԳԻՏԱԿԱՆ ՎԵՐԱԿԱՆԳՆՈՒՄ | |
| | | |
|1. |ՄԱՍՆԱԳԻՏԱԿԱՆ ԿՈՂՄՆՈՐՈՇՈՒՄ ԵՎ |ՀՀ աշխատանքի և սոցիալական |
| |ԽՈՐՀՐԴԱՏՎՈՒԹՅՈՒՆ |հարցերի նախարարության ՀՀ |
| | |բժշկասոցիալական փորձաքննության |
| | |գործակալություն |
| | |«Հայաստանի Հանրապետության |
| | |զբաղվածության ծառայություն» |
| | |գործակալություն |
| | | |
|2. |ՈՒՍՈՒՑՈՒՄ ԵՎ ՄԱՍՆԱԳԻՏԱԿԱՆ |ՀՀ կրթության և գիտության |
| |ԿՐԹՈՒԹՅՈՒՆ |նախարարություն |
| | | |
| | | |
|ա) |հիմնական կրթություն | |
|բ) |միջնակարգ կրթություն | |
|գ) |հատուկ ընդհանուր կրթություն | |
|դ) |միջին մասնագիտական կրթություն |«Հայաստանի Հանրապետության |
|ե) |բարձրագույն կրթություն |զբաղվածության ծառայություն» |
|զ) |մասնագիտական վերապատրաստում |գործակալություն |
| | | |
| | | |
|3. |ԱՇԽԱՏԱՆՔԻ ՏԵՂԱՎՈՐՈՒՄ |«Հայաստանի Հանրապետության |
| | |զբաղվածության ծառայություն» |
| | |գործակալություն |
| | | |
|III|ՍՈՑԻԱԼԱԿԱՆ ՎԵՐԱԿԱՆԳՆՈՒՄ | |
| | | |
| |ՍՈՑԻԱԼ-ՄԻՋԱՎԱՅՐԱՅԻՆ ՀԱՐՄԱՐԵՑՈՒՄ | |
| | | |
|ա) |սոցիալ-իրավական խորհրդատվություն |սոցիալական պաշտպանության |
| |և տեղեկատվությամբ ապահովում |մարմիններ |
| | | |
|բ) |սուրդոթարգմանությամբ ապահովում |պետական կառավարման և տեղական |
| | |ինքնակառավարման մարմինների |
| | |հիմնած |
| | |հեռուստառադիոընկերություններ |
| | | |
|գ) |հատուկ տառատեսակներով գրքերի |ՀՀ կրթության և գիտության |
| |(խոսող գրքեր) տրամադրում, ուշ |նախարարություն, ՀՀ աշխատանքի և |
| |տարիքում տեսողությունը կորցրած |սոցիալական հարցերի |
| |անձանց Բրայլի համակարգով լրացուցիչ |նախարարություն |
| |ուսուցում | |
|դ) |վերականգնողական տեխնիկական և այլ |պետական պատվեր իրականացնող |
| |օժանդակ միջոցներից օգտվելու |պրոթեզաօրթոպեդիկ օգնություն |
| |հմտությունների ուսուցում և |տրամադրող կազմակերպություններ |
| |հարմարեցում | |
| | | |
._______________________________________________________________________.
(1-ին հավելվածը փոփ. 26.06.08 թիվ 644-Ն որոշում)
Հավելված N 2
ՀՀ կառավարության
2005 թվականի հուլիսի 28-ի
N 1067-Ն որոշման
ԿԱՐԳ
ՀԱՇՄԱՆԴԱՄՆԵՐԻ ՎԵՐԱԿԱՆԳՆՄԱՆ ԲԱԶԱՅԻՆ ԾՐԱԳՐԻ ԻՐԱԿԱՆԱՑՄԱՆ
1. Հաշմանդամների վերականգնման բազային ծրագիրը պետության կողմից երաշխավորված և Հայաստանի Հանրապետության պետական բյուջեի միջոցների հաշվին իրականացվող, հաշմանդամներին անվճար տրամադրվող նվազագույն վերականգնողական միջոցառումների, մատուցվող ծառայությունների, հատկացվող տեխնիկական և օժանդակ միջոցառումների ցանկ է:
2. Հաշմանդամների վերականգնումը իր մեջ ներառում է բժշկական վերականգնումը, մասնագիտական վերականգնումը և սոցիալական վերականգնումը:
3. Հաշմանդամների վերականգնման բազային ծրագրում ընդգրկված վերականգնման միջոցառումներն իրականացվում են Հայաստանի Հանրապետությունում պետական պատվեր իրականացնող առողջապահության, կրթության և սոցիալական պաշտպանության ոլորտների կազմակերպությունները:
4. Վերականգնման տեսակների և միջոցառումների իրականացման կարգը, պայմանները և ժամկետները սահմանված են Հայաստանի Հանրապետության օրենսդրությամբ:
5. Հաշմանդամների վերականգնման բազային ծրագիրն իրականացվում է հաշմանդամների վերականգնման անհատական ծրագրով հաշմանդամների համար նախատեսված միջոցառումների իրագործմամբ և հաշմանդամների համար ունի երաշխավորված բնույթ:
6. Հաշմանդամների վերականգնման բազային ծրագրով նախատեսված միջոցառումներն իրականացվում են Հայաստանի Հանրապետության պետական բյուջեի և օրենքով չարգելված այլ միջոցների հաշվին:
7. Վերականգնողական միջոցառումների իրագործման վերջնական որոշումը վերապահվում է հաշմանդամին: