19.11.2024 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ
31 հունվարի 2022 թվականի N 94-Ն
ՄԱՔՍԱՅԻՆ ԾԱՌԱՅՈՂԻ (ԲԱՑԱՌՈՒԹՅԱՄԲ` ՂԵԿԱՎԱՐ ՊԱՇՏՈՆՆԵՐԻ) ՊԱՏՐԱՍՏՄԱՆ ԴԱՍԸՆԹԱՑԻ ԿԱԶՄԱԿԵՐՊՄԱՆ ԿԱՐԳԸ, ԱՅԴ ԹՎՈՒՄ` ԴԱՍԸՆԹԱՑԻ ԲՈՎԱՆԴԱԿՈՒԹՅՈՒՆԸ, ՏԵՎՈՂՈՒԹՅՈՒՆԸ, ԴԱՍԸՆԹԱՑԻ ԸՆԹԱՑՔՈՒՄ ՔՆՆՈՒԹՅՈՒՆՆԵՐԻ ԵՎ ԱՎԱՐՏԱԿԱՆ ՔՆՆՈՒԹՅԱՆ ԿԱԶՄԱԿԵՐՊՄԱՆ, ԱՅԴ ԹՎՈՒՄ` ԱՎԱՐՏԱԿԱՆ ՔՆՆԱԿԱՆ ՀԱՆՁՆԱԺՈՂՈՎԻ ԿԱԶՄԱՎՈՐՄԱՆ ԿԱՐԳԸ, ԴԱՍԸՆԹԱՑԻ ԱՐԴՅՈՒՆՔՆԵՐՆ ԱՄՓՈՓԵԼՈՒ, ԴԱՍԸՆԹԱՑԸ ՀԱՋՈՂՈՒԹՅԱՄԲ ՀԱՂԹԱՀԱՐԱԾ ՀԱՄԱՐՎԵԼՈՒ ՉԱՓԱՆԻՇՆԵՐԸ ԵՎ ԴԱՍԸՆԹԱՑԸ ՀԱՋՈՂՈՒԹՅԱՄԲ ՀԱՂԹԱՀԱՐԱԾ ՀԱՄԱՐՎԵԼՈՒ ՀԱՎԱՍՏԱԳՐԻ ՁԵՎԸ ՍԱՀՄԱՆԵԼՈՒ ՄԱՍԻՆ
(1-ին մաս)
Ղեկավարվելով «Մաքսային ծառայության մասին» օրենքի 8.1-րդ հոդվածի 11-րդ և 12-րդ մասերով`
ՀՐԱՄԱՅՈՒՄ ԵՄ
1. Սահմանել`
1) Մաքսային ծառայողի (բացառությամբ` ղեկավար պաշտոնների) պատրաստման դասընթացի կազմակերպման կարգը, այդ թվում` դասընթացի բովանդակությունը, տևողությունը, դասընթացի ընթացքում քննությունների և ավարտական քննության կազմակերպման, այդ թվում` ավարտական քննական հանձնաժողովի կազմավորման կարգը, դասընթացի արդյունքներն ամփոփելու, դասընթացը հաջողությամբ հաղթահարած համարվելու չափանիշները` համաձայն N 1 հավելվածի.
2) դասընթացը հաջողությամբ հաղթահարած համարվելու հավաստագրի ձևը` համաձայն N 2 հավելվածի:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
Ռ. ԲԱԴԱՍՅԱՆ
Հավելված 1
Պետական եկամուտների
կոմիտեի նախագահի
2022 թ. հունվարի 31-ի
N 94-Ն հրամանի
ՄԱՔՍԱՅԻՆ ԾԱՌԱՅՈՂԻ (ԲԱՑԱՌՈՒԹՅԱՄԲ` ՂԵԿԱՎԱՐ ՊԱՇՏՈՆՆԵՐԻ) ՊԱՏՐԱՍՏՄԱՆ ԴԱՍԸՆԹԱՑԻ ԿԱԶՄԱԿԵՐՊՄԱՆ ԿԱՐԳԸ, ԱՅԴ ԹՎՈՒՄ` ԴԱՍԸՆԹԱՑԻ ԲՈՎԱՆԴԱԿՈՒԹՅՈՒՆԸ, ՏԵՎՈՂՈՒԹՅՈՒՆԸ, ԴԱՍԸՆԹԱՑԻ ԸՆԹԱՑՔՈՒՄ ՔՆՆՈՒԹՅՈՒՆՆԵՐԻ ԵՎ ԱՎԱՐՏԱԿԱՆ ՔՆՆՈՒԹՅԱՆ ԿԱԶՄԱԿԵՐՊՄԱՆ, ԱՅԴ ԹՎՈՒՄ` ԱՎԱՐՏԱԿԱՆ ՔՆՆԱԿԱՆ ՀԱՆՁՆԱԺՈՂՈՎԻ ԿԱԶՄԱՎՈՐՄԱՆ ԿԱՐԳԸ, ԴԱՍԸՆԹԱՑԻ ԱՐԴՅՈՒՆՔՆԵՐՆ ԱՄՓՈՓԵԼՈՒ, ԴԱՍԸՆԹԱՑԸ ՀԱՋՈՂՈՒԹՅԱՄԲ ՀԱՂԹԱՀԱՐԱԾ ՀԱՄԱՐՎԵԼՈՒ ՉԱՓԱՆԻՇՆԵՐԸ
1. Ընդհանուր դրույթներ
1. Սույն կարգով կարգավորվում են մաքսային ծառայողի (բացառությամբ` ղեկավար պաշտոնների) պատրաստման դասընթացի (այսուհետ` դասընթաց) կազմակերպման հետ կապված հարաբերությունները, այդ թվում` դասընթացի բովանդակությունը, տևողությունը, դասընթացի ընթացքում քննությունների և ավարտական քննության կազմակերպման, քննական հանձնաժողովի կազմավորման հետ կապված հարաբերությունները, դասընթացի արդյունքներն ամփոփելու և դասընթացը հաջողությամբ հաղթահարած համարվելու չափանիշները:
2. Սույն կարգի իմաստով ղեկավար պաշտոններ են հանդիսանում կառուցվածքային ստորաբաժանման ղեկավարը և ղեկավարի տեղակալը, կառուցվածքային ստորաբաժանման բաժինների պետերը: Դասընթացը կազմակերպում է Հայաստանի Հանրապետության պետական եկամուտների կոմիտեի «Ուսումնական կենտրոն» ՊՈԱԿ-ը (այսուհետ` Ուսումնական կենտրոն):
(2-րդ կետը փոփ. 15.03.2024 թիվ 298-Ն հրաման)
3. Դասընթացը կազմակերպվում է առկա և հեռավար ուսուցման ձևով` տեղեկատվական տեխնոլոգիաների և հեռահաղորդակցության միջոցներով:
(3-րդ կետը փոփ. 14.11.2024 թիվ 1496-Ն հրաման)
3.1. (3.1-ին կետն ուժը կորցրել է 14.11.2024 թիվ 1496-Ն հրաման)
4. Դասընթացի յուրաքանչյուր դասի տևողությունը 45 րոպե է:
(4-րդ կետը փոփ. 13.03.2023 թիվ 227-Ն, 14.11.2024 թիվ 1496-Ն հրամաններ)
5. Դասընթացը կազմակերպվում է Ուսումնական կենտրոնի կողմից կազմված և Հայաստանի Հանրապետության պետական եկամուտների կոմիտեի (այսուհետ` կոմիտե) նախագահի հրամանով հաստատված ժամանակացույցին և սույն կարգի 10-րդ կետով նախատեսված առնվազն 3 թեմաներից կազմված դասընթացի բովանդակությանը համապատասխան: Հեռավար ձևաչափով իրականացվող դասընթացի տևողությունը սահմանվում է դասընթացի բովանդակությամբ` յուրաքանչյուր տեսանյութի համար նախատեսելով մինչև 20 րոպե:
(5-րդ կետը փոփ. 14.11.2024 թիվ 1496-Ն հրաման)
6. Դասընթացը կազմակերպվում է Ուսումնական կենտրոնի կողմից` հատուկ այդ նպատակով հարմարեցված տարածքներում (այդ թվում` լսարանային սենյակներ, համակարգչային սենյակ): Դասընթացի առանձին թեմաների դասավանդումը կարող է կազմակերպվել նաև այլ կազմակերպությունների` հատուկ այդ նպատակով հարմարեցված տարածքներում:
(6-րդ կետը փոփ. 14.11.2024 թիվ 1496-Ն հրաման)
7. Դասընթացը կազմակերպվում է դասընթացի ուսումնական պլանի հիման վրա Ուսումնական կենտրոնի կողմից հաստիքային կամ արտահաստիքային կարգով ներգրավված դասախոսական կազմի միջոցով: Ուսումնական կենտրոնն ապահովում է հեռավար ձևաչափով իրականացվող դասընթացի էլեկտրոնային ուսուցման համար անհրաժեշտ նյութերով` տեսանյութերով, շնորհանդեսներով, ներկայացումներով և այլն:
(7-րդ կետը փոփ. 14.11.2024 թիվ 1496-Ն հրաման)
8. Դասընթացը պետք է պարունակի նաև բարեվարքությանը վերաբերող կրթական բաղադրիչ: Հեռավար ձևաչափով իրականացվող դասընթացի բովանդակությունը համապատասխանում է առկա ձևաչափով նախատեսված դասընթացի բովանդակությանը:
(8-րդ կետը փոփ. 14.11.2024 թիվ 1496-Ն հրաման)
9. (9-րդ կետն ուժը կորցրել է 14.11.2024 թիվ 1496-Ն հրաման)
2. Դասընթացի բովանդակությունը
10. Դասընթացն անց է կացվում հետևյալ թեմաներով.
._____________________________________________________________________.
|Դասընթացի թեման | |
| | |
|______________________________________________________________|______|
|Ընդհանուր դրույթներ և սահմանումներ | |
|(Եվրասիական տնտեսական միության մաքսային օրենսգիրք (այսուհետ` | |
|ԵԱՏՄ մաքսային օրենսգիրք), «Մաքսային կարգավորման մասին» 2022 | |
|թվականի սեպտեմբերի 14-ի ՀՕ 353-Ն օրենք) | |
|______________________________________________________________|______|
|Հայտարարատու և հայտարարագրման ժամանակ ներկայացվող փաստաթղթեր | |
|և տեղեկություններ (ԵԱՏՄ մաքսային օրենսգիրք) | |
|______________________________________________________________|______|
|Միության տարածք ապրանքների ժամանումը և դրա հետ կապված | |
|մաքսային գործառնությունները, Միության տարածքից ապրանքների | |
|մեկնումը և դրա հետ կապված մաքսային գործառնությունները (ԵԱՏՄ | |
|մաքսային օրենսգիրք 80-րդ հոդված, 14-րդ և 15-րդ գլուխներ, | |
|«Մաքսային կարգավորման մասին» 2022 թվականի սեպտեմբերի 14-ի ՀՕ | |
|353-Ն օրենքի 68-րդ և 69-րդ հոդվածներ) | |
|______________________________________________________________|______|
|Մաքսային ընթացակարգեր | |
|(ԵԱՏՄ մաքսային օրենսգիրք, | |
|«Մաքսային կարգավորման մասին» 2022 թվականի սեպտեմբերի 14-ի ՀՕ | |
|353-Ն օրենք, «Եվրասիական տնտեսական միության մաքսային օրենսգրքի| |
|մասին» պայմանագիր, ՀՀ կառավարության 2015 թվականի նոյեմբերի 19-| |
|«Վերամշակում` ներքին սպառման համար» մաքսային ընթացակարգով | |
|բացթողնման համար թույլատրվող ապրանքների ցանկը սահմանելու | |
|մասին» թիվ 1359-Ն որոշում) | |
|______________________________________________________________|______|
|Արգելքներ և սահմանափակումներ | |
|(ԵԱՏՄ մաքսային օրենսգիրք, | |
|ՀՀ կառավարության 2014 թվականի դեկտեմբերի 25-ի «Հայաստանի | |
|Հանրապետության մաքսային տարածքով փոխադրման համար արգելված և | |
|սահմանափակումների ենթակա ապրանքների ցանկերը հաստատելու, լիազոր| |
|մարմիններ սահմանելու և ապրանքների արտահանման և(կամ) | |
|ներմուծման լիցենզիաների ու թույլտվությունների տրամադրման | |
|շրջանակային կարգը հաստատելու մասին» թիվ 1524-Ն որոշում, | |
|Եվրասիական տնտեսական հանձնաժողովի կոլեգիայի 2015 թվականի | |
|ապրիլի 21-ի «Ոչ սակագնային կարգավորման միջոցների մասին» թիվ 30| |
|որոշում, Եվրասիական տնտեսական հանձնաժողովի 2010 թվականի | |
|հունիսի 18-ի «Մաքսային միությունում անասնաբուժական և | |
|սանիտարական միջոցառումների կիրառման մասին» թիվ 317 որոշում, | |
|Եվրասիական տնտեսական հանձնաժողովի 2010 թվականի հունիսի 18-ի | |
|«Մաքսային միությունում բույսերի կարանտինային հսկողություն | |
|ապահովելու մասին» թիվ 318 որոշում, Եվրասիական տնտեսական | |
|հանձնաժողովի խորհրդի 2021 թվականի նոյեմբերի 12-ի թիվ 130 | |
|որոշում, «Մաքսային կարգավորման մասին» 2022 թվականի սեպտեմբերի | |
|14-ի ՀՕ 353-Ն օրենքի 7-րդ հոդված) 4 | |
|______________________________________________________________|______|
|Մաքսային արժեք | |
|(ԵԱՏՄ մաքսային օրենսգիրք` 37-ից 45-րդ հոդվածներ, 313-րդ | |
|հոդված, 325-րդ հոդված, 105-րդ հոդված, «Մաքսային կարգավորման | |
|մասին» 2022 թվականի սեպտեմբերի 14-ի ՀՕ 353-Ն օրենք, Եվրասիական| |
|տնտեսական հանձնաժողովի կոլեգիայի 2018 թվականի մարտի 27-ի | |
|»»Եվրասիական տնտեսական միության մաքսային տարածք ներմուծվող | |
|ապրանքների մաքսային արժեքի նկատմամբ մաքսային հսկողության | |
|անցկացման առանձնահատկությունների մասին» N 42 որոշում, | |
|Եվրասիական տնտեսական հանձնաժողովի կոլեգիայի 2012 թվականի | |
|դեկտեմբերի 20-ի թիվ 283 որոշում, Եվրասիական տնտեսական | |
|հանձնաժողովի կոլեգիայի 2018 թվականի հունիսի 19-ի «Ապրանքների | |
|մաքսային արժեքի հետաձգված որոշման կարգը հաստատելու մասին» | |
|N 103 որոշում, Եվրասիական տնտեսական հանձնաժողովի կոլեգիայի | |
|2019 թվականի օգոստոսի 6-ի «Մաքսային արժեքի որոշման ժամանակ | |
|պահուստային մեթոդի կիրառման մասին» N 138 որոշում, Եվրասիական | |
|տնտեսական հանձնաժողովի կոլեգիայի 2018 թվականի հոկտեմբերի 16-ի | |
|թիվ 160 որոշում, Եվրասիական տնտեսական հանձնաժողովի կոլեգիայի | |
|2018 թվականի մայիսի 22-ի թիվ 83 որոշում) | |
|______________________________________________________________|______|
|Ընդհանուր դրույթներ մաքսային վճարների վերաբերյալ, | |
|հակագնագցման, փոխհատուցման տուրքեր, մաքսային մարմիններին | |
|վճարվող այլ վճարներ («Եվրասիական տնտեսական միության մասին» | |
|պայմանագրի N 5 և N 8 հավելվածներ, ԵԱՏՄ մաքսային օրենսգիրք | |
|2-րդ բաժին, «Պետական տուրքի մասին» 1997 թվականի դեկտեմբերի | |
|27-ի ՀՕ-186 օրենք, «Մաքսային կարգավորման մասին» 2022 թվականի | |
|սեպտեմբերի 14-ի ՀՕ 353-Ն օրենք, Հայաստանի Հանրապետության 2016 | |
|թվականի հոկտեմբերի 4-ի հարկային օրենսգիրք) | |
|______________________________________________________________|______|
|Ծագման երկրի վերաբերյալ կարգավորումներ | |
|(ԵԱՏՄ մաքսային օրենսգիրք, ԵԱՏՄ մասին պայմանագիր հոդված 37, | |
|հոդված 102, Ազատ առևտրի մասին համաձայնագրեր և ոլորտը | |
|կարգավորող ԵՏՀ որոշումներ, ՀՀ կառավարության 2015թ-ի մայիսի | |
|14-ի «Հայաստանի Հանրապետության կառավարության լիազոր մարմին | |
|ճանաչելու և Հայաստանի Հանրապետության կառավարության 2010 | |
|թվականի դեկտեմբերի 30-ի թիվ 1772 որոշման մեջ փոփոխություններ | |
|կատարելու մասին» թիվ 514-Ն որոշում) | |
|______________________________________________________________|______|
|Ապրանքների բացթողում և ապրանքային հայտարարագրերում | |
|փոփոխություններ և լրացումներ կատարելու կարգը (էլեկտրոնային | |
|կառավարման համակարգ) (ԵԱՏՄ մաքսային օրենսգիրք Գլուխ 18 և | |
|Հոդված 112, | |
|Եվրասիական տնտեսական հանձնաժողովի կոլեգիայի 2017 | |
|թվականի դեկտեմբերի 19-ի «Ապրանքների բացթողնմանն առնչվող | |
|հարցերի մասին» թիվ 188 որոշում, Եվրասիական տնտեսական | |
|հանձնաժողովի կոլեգիայի 2013 թվականի դեկտեմբերի 10-ի | |
|«Ապրանքների մասին հայտարարագրում նշված տեղեկություններում | |
|փոփոխություններ և/կամ լրացումներ կատարելու և մաքսային | |
|միության հանձնաժողովի ու Եվրասիական տնտեսական հանձնաժողովի | |
|կոլեգիայի մի քանի որոշումներն ուժը կորցրած ճանաչելու մասին» | |
|289 որոշում, Եվրասիական տնտեսական հանձնաժողովի կոլեգիայի 2019 | |
|թվականի հուլիսի 23-ի թիվ 124 որոշում, Մաքսային միության | |
|հանձնաժողովի կոլեգիայի 2010թ հունիսի 18-ի թիվ 289 որոշում) | |
|______________________________________________________________|______|
|Ապրանքների և տարանցման հայտարարագրերը և դրանց լրացման կարգը | |
|(էլեկտրոնային կառավարման համակարգ) | |
|(ԵԱՏՄ մաքսային օրենսգիրք, | |
|Մաքսային միության հանձնաժողովի 2010 թվականի մայիսի 20-ի | |
|«Մաքսային հայտարարագրերի լրացման հրահանգների և մաքսային | |
|հայտարարագրերի ձևերի մասին» թիվ 257 որոշում, | |
|Մաքսային միության հանձնաժողովի 2010 թվականի հունիսի 18-ի | |
|«Տարանցման հայտարարագրի ձևերի և լրացման կարգի մասին» թիվ 289| |
|որոշում, ՀՀ կառավարության 2017 թվականի փետրվարի 2-ի | |
|«Հայաստանի Հանրապետության տարածքում մի մաքսային մարմնից մյուս | |
|մաքսային մարմին իրականացվող տարանցման առանձնահատկությունները» | |
|թիվ 194-Ն որոշում, | |
|Եվրասիական տնտեսական հանձնաժողովի կոլեգիայի 2014 թվականի | |
|հուլիսի 2-ի «Ապրանքային հայտարարագրի գրանցման կամ գրանցումը | |
|մերժման կարգի վերաբերյալ» թիվ 98 որոշում, | |
|Մաքսային միության հանձնաժողովի 2010 թվականի սեպտեմբերի 20-ի | |
|«Մաքսային փաստաթղթերը լրացնելու համար օգտագործվող | |
|դասակարգիչների մասին» թիվ 378 որոշում) | |
|______________________________________________________________|______|
|Ուղևորային մաքսային հայտարարագիրը և մաքսային մուտքի օրդերի | |
|լրացման կարգը (էլեկտրոնային կառավարման համակարգ) | |
|(Եվրասիական տնտեսական հանձնաժողովի կոլեգիայի 2019 թվականի | |
|հուլիսի 23-ի թիվ 124 որոշում, Եվրասիական տնտեսական | |
|հանձնաժողովի կոլեգիայի 2021 թվականի հունիսի 29-ի 79 որոշում, | |
|Մաքսային միության հանձնաժողովի 2010 թվականի հունիսի 18-ի թիվ | |
|311 որոշում) | |
|______________________________________________________________|______|
|Ապրանքների դասակարգում | |
|(ԵԱՏՄ մաքսային օրենսգիրք, ԵԱՏՄ ԱՏԳ ԱԱ պարզաբանումներ, | |
|Եվրասիական տնտեսական հանձնաժողովի խորհրդի 14.09.2021թ.-ի թիվ | |
|80 որոշում) | |
|______________________________________________________________|______|
|Մաքսային տարանցում | |
|(ԵԱՏՄ մաքսային օրենսգիրք` Գլուխ 43, Մաքսային միության | |
|հանձնաժողովի 2010 թվականի օգոստոսի 17-ի թիվ 438 որոշում, | |
|Եվրասիական տնտեսական հանձնաժողովի 2017 թվականի դեկտեմբերի 13-ի| |
|թիվ 170 որոշում) | |
|______________________________________________________________|______|
|Մաքսային հսկողություն | |
|(ԵԱՏՄ մաքսային օրենսգիրք 2-րդ հոդվածի 1-ին կետի 41-րդ ենթակետ,| |
| 14-րդ հոդված, 310-321-րդ հոդվածներ, «Եվրասիական տնտեսական | |
| միության մաքսային օրենսգրքի մասին» պայմանագրի N 1 հավելվածի | |
| 310-րդ հոդվածի 3-րդ կետ, ՀՀ կառավարության 2019 թվականի | |
| հոկտեմբերի 3-ի «Մաքսային հսկողության օբյեկտների, ձևերի | |
| և/կամ միջոցների ընտրության ժամանակ ռիսկերի կառավարման | |
| համակարգի օգտագործման և մաքսային մարմինների կողմից մաքսային | |
| հսկողության ձևերի և միջոցների կիրառման ուղեցույցը | |
| հաստատելու մասին և Հայաստանի Հանրապետության կառավարության | |
| 2001 թվականի մարտի 24-ի թիվ 236 որոշումն ուժը կորցրած | |
| ճանաչելու մասին» թիվ 1327-Ն որոշում) | |
|______________________________________________________________|______|
|Հետբացթողումային հսկողություն | |
|(ԵԱՏՄ մաքսային օրենսգիրք, «Մաքսային կարգավորման մասին» 2022 | |
|թվականի սեպտեմբերի 14-ի ՀՕ-353-Ն օրենք) | |
|______________________________________________________________|______|
|Ժամանակավոր պահպանություն | |
|(ԵԱՏՄ մաքսային օրենսգիրք, «Մաքսային կարգավորման մասին» 2022 | |
|թվականի սեպտեմբերի 14-ի ՀՕ 353-Ն օրենք, ՀՀ կառավարության 2015 | |
|թվականի հունիսի 4-ի «Ժամանակավոր պահպանության պահեստներին և | |
|մաքսային պահեստներին ներկայացվող պահանջները սահմանելու մասին» | |
|թիվ 592-Ն որոշում) | |
|______________________________________________________________|______|
|Ֆիզիկական անձանց կողմից անձնական օգտագործման ապրանքների | |
|տեղափոխում (ԵԱՏՄ մաքսային օրենսգիրք (գլուխ 37), «Մաքսային | |
|կարգավորման մասին» 2022 թվականի սեպտեմբերի 14-ի ՀՕ-353-Ն | |
|օրենքի 177-րդ հոդված, Եվրասիական տնտեսական հանձնաժողովի | |
|խորհրդի 2017 թվականի դեկտեմբերի 20-ի թիվ «Անձնական օգտագործման| |
|ապրանքների հետ կապված առանձին հարցերի մասին» 107 որոշում, | |
|Մաքսային ծառայությունների միավորված կոլեգիայի 2017 թվականի | |
|սեպտեմբերի 28-ի թիվ 24/13 որոշում, Եվրասիական տնտեսական | |
|հանձնաժողովի կոլեգիայի 2019 թվականի օգոստոսի 6-ի թիվ 130 | |
|որոշում, ՀՀ կառավարության 2020 թվականի հուլիսի 2-ի թիվ 1133-Ն | |
|որոշում, ՀՀ կառավարության 2020 թվականի հուլիսի 2-ի թիվ 1131-Ն | |
|որոշում, ՀՀ կառավարության 2015 թվականի մարտի 26-ի թիվ 359-Ն | |
|որոշում) | |
|______________________________________________________________|______|
|Նախնական հայտարարագրում | |
|(ԵԱՏՄ մաքսային օրենսգիրք` հոդված 114) | |
|______________________________________________________________|______|
|Մաքսային մարմինների կողմից կիրառվող էլեկտրոնային կառավարման | |
|համակարգեր, այդ թվում` | |
|______________________________________________________________|______|
|1. ՀՀ արտաքին առևտրի ազգային մեկ պատուհան | |
|______________________________________________________________|______|
|2. թույլատվական փաստաթղթեր | |
|______________________________________________________________|______|
|3. Մասնակիցների կողմից մաքսային հայտարարագրերի կազմում | |
|______________________________________________________________|______|
|Հաճախորդների սպասարկման և հոգեբանության հիմունքներ | |
|______________________________________________________________|______|
|Բարեվարքության համակարգ, էթիկա և վարքագծի կանոններ | |
|______________________________________________________________|______|
|Սնանկության գործերի վերաբերյալ կարգավորումներ («Սնանկության մասին» |
|Հայաստանի Հանրապետության օրենք) |
|_____________________________________________________________________|
|Մաքսային մարմնի վարչական ակտը, գործողությունը կամ անգործությունը |
|բողոքարկելու վերաբերյալ կարգավորումներ (Հայաստանի Հանրապետության |
|վարչական դատավարության օրենսգիրք) |
|_____________________________________________________________________|
|Մաքսային մարմնի կողմից իրականացվող վարչարարություն («Վարչարարության |
|հիմունքների և վարչական վարույթի մասին» Հայաստանի Հանրապետության |
|օրենք) |
._____________________________________________________________________.
(10-րդ կետը փոփ. 13.03.2023 թիվ 227-Ն, 14.11.2024 թիվ 1496-Ն հրամաններ)
10.1. Դասընթացի տևողությունը կարող է կազմել մինչև երկու շաբաթ:
(10.1-ին կետը լրաց. 14.11.2024 թիվ 1496-Ն հրաման)
11. (11-րդ կետն ուժը կորցրել է 14.11.2024 թիվ 1496-Ն հրաման)
12. (12-րդ կետն ուժը կորցրել է 14.11.2024 թիվ 1496-Ն հրաման)
3. Դասընթացի ընթացքում քննությունների և ավարտական քննության
կազմակերպման կարգը
13. Դասընթացի յուրաքանչյուր շաբաթվա դասերի տևողությունն առավելագույնը կարող է կազմել մինչև 30 ժամ, օրական` մինչև 6 ժամ: Դասընթացի 50%-ը դասավանդելուց հետո կազմակերպվում է թեստավորման ճանապարհով գիտելիքների ստուգման քննություն, որի ընթացքում յուրաքանչյուր մասնակից պատասխանում է 20 հարցից բաղկացած թեստային առաջադրանքին: Թեստերը լրացվում են էլեկտրոնային համակարգերի միջոցով: Թեստային առաջադրանքի յուրաքանչյուր հարց պետք է բաղկացած լինի 3 կամ 4 տարբերակից, որից միայն մեկն է ճիշտ: Թեստավորման ընդհանուր տևողությունը կազմում է 40 րոպե:
(13-րդ կետը փոփ. 13.03.2023 թիվ 227-Ն, 14.11.2024 թիվ 1496-Ն հրամաններ)
14. Թեստավորումն անցկացվում է թեստավորման հարցաշարից պատահական ընտրությամբ կազմված հարցերից: Թեստավորման հարցաշարը պետք է պարունակի դասավանդված բոլոր նյութերի վերաբերյալ հարցեր:
(14-րդ կետը փոփ. 13.03.2023 թիվ 227-Ն հրաման)
15. Թեստավորման անցկացումից հետո ամփոփվում է մասնակիցների առաջխաղացումը: Բոլոր այն մասնակիցները, ովքեր չեն ունենա բավարար առաջխաղացում, այն է` սույն հավելվածի 13-րդ կետին համապատասխան կազմակերպվող թեստավորման արդյունքը ցածր է հնարավոր առավելագույն գնահատականի 70%-ից կամ տվյալ ժամանակահատվածում դասերից անհարգելի պատճառով բացակայել են 2 և ավել ժամ` զրկվում են տվյալ դասընթացին մասնակցելու հետագա իրավունքից:
(15-րդ կետը փոփ. 13.03.2023 թիվ 227-Ն, 14.11.2024 թիվ 1496-Ն հրամաններ)
16. Դասընթացի ավարտից հետո կազմակերպվում է ստացված գիտելիքների ստուգման ավարտական քննություն` թեստավորման միջոցով, որի ընթացքում մասնակիցը պատասխանում է 40 հարցից բաղկացած թեստային առաջադրանքին: Թեստերը լրացվում են էլեկտրոնային համակարգերի միջոցով: Թեստային առաջադրանքի յուրաքանչյուր հարց պետք է բաղկացած լինի 3 կամ 4 պատասխաններից, որից միայն մեկն է ճիշտ: Թեստավորման ընդհանուր տևողությունը կազմում է 80 րոպե:
(16-րդ կետը փոփ. 13.03.2023 թիվ 227-Ն, 14.11.2024 թիվ 1496-Ն հրամաններ)
17. (17-րդ կետն ուժը կորցրել է 13.03.2023 թիվ 227-Ն հրաման)
18. (18-րդ կետն ուժը կորցրել է 13.03.2023 թիվ 227-Ն հրաման)
18.1. (11-րդ կետն ուժը կորցրել է 14.11.2024 թիվ 1496-Ն հրաման)
19. (19-րդ կետն ուժը կորցրել է 13.03.2023 թիվ 227-Ն հրաման)
20. (20-րդ կետն ուժը կորցրել է 14.11.2024 թիվ 1496-Ն հրաման)
21. (21-րդ կետն ուժը կորցրել է 13.03.2023 թիվ 227-Ն հրաման)
22. (22-րդ կետն ուժը կորցրել է 14.11.2024 թիվ 1496-Ն հրաման)
23. (23-րդ կետն ուժը կորցրել է 14.11.2024 թիվ 1496-Ն հրաման)
24. Ավարտական քննության անցկացման համար կոմիտեի նախագահի հրամանով ձևավորվում է ավարտական քննական հանձնաժողով:
25. Ավարտական քննական հանձնաժողովը (այսուհետ` Հանձնաժողով) կազմված է 5 անդամից:
26. (26-րդ կետն ուժը կորցրել է 14.11.2024 թիվ 1496-Ն հրաման)
27. Հանձնաժողովի քարտուղարության աշխատանքներն իրականացնում է ՈՒսումնական կենտրոնը:
28. (28-րդ կետն ուժը կորցրել է 14.11.2024 թիվ 1496-Ն հրաման)
28.1 (28.1-ին կետն ուժը կորցրել է 14.11.2024 թիվ 1496-Ն հրաման)
28.2. (28.2-րդ կետն ուժը կորցրել է 14.11.2024 թիվ 1496-Ն հրաման)
28.3. (28.3-րդ կետն ուժը կորցրել է 14.11.2024 թիվ 1496-Ն հրաման)
28.4. (28.4-րդ կետն ուժը կորցրել է 14.11.2024 թիվ 1496-Ն հրաման)
29. (29-րդ կետն ուժը կորցրել է 14.11.2024 թիվ 1496-Ն հրաման)
30. (30-րդ կետն ուժը կորցրել է 14.11.2024 թիվ 1496-Ն հրաման)
30.1 (30.1-ին կետն ուժը կորցրել է 14.11.2024 թիվ 1496-Ն հրաման)
31. Եթե ավարտական քննության արդյունքում ձևավորված գնահատականը ցածր է հնարավոր առավելագույն գնահատականի 70%-ից կամ մասնակիցը դասերից (այդ թվում` հեռավար ձևաչափով իրականացվող դասընթացից) անհարգելի պատճառով բացակայել են 4-ից ավել ժամ, ապա տվյալ մասնակիցը համարվում է դասընթացը հաջողությամբ չանցած և չի ընդգրկվում թեկնածուների ցուցակում:
(31-րդ կետը փոփ. 14.11.2024 թիվ 1496-Ն հրաման)
32. Ավարտական քննությունից առնվազն 3 (երեք) օր առաջ քննության վայրի, օրվա և ժամի մասին տեղեկությունները ուղարկվում են մասնակիցներին նախապես տրամադրված էլեկտրոնային փոստի հասցեներին: Ուսումնական կենտրոնի կողմից նշանակված քննության օրվա և ժամի փոփոխության դեպքում այն չի կարող նշանակվել նախկինում նշանակված օրից կամ ժամից ավելի շուտ` բացառությամբ այն դեպքերի, երբ առկա է քննությունը հանձնող բոլոր մասնակիցների համաձայնությունը: Քննության օրվա և ժամի փոփոխության մասին տեղեկությունը մասնակցին ուղարկվում է ոչ ուշ քան քննությանը նախորդող օրը:
(32-րդ կետը փոփ. 13.03.2023 թիվ 227-Ն հրաման)
32.1. Եթե Հանձնաժողովի նախագահը ավարտական քննության անցկացման օրը չի կարող մասնակցել Հանձնաժողովի աշխատանքներին, ապա նա այդ մասին առնվազն նիստի նախորդ օրը պետք է հայտնի մաքսային մարմնի ղեկավարին (բացառությամբ այն դեպքերի երբ հանձնաժողովի նախագահը կոմիտեի նախագահն է): Մաքսային մարմնի ղեկավարը որոշում է ընդունում Հանձնաժողովի նախագահին մեկ այլ անձով փոխարինելու մասին, իսկ դրա անհնարինության դեպքում ավարտական քննության անցկացման օրը տեղափոխվում է:
(32.1-ին կետը լրաց. 02.09.2022 թիվ 910-Ն, 14.11.2024 թիվ 1496-Ն հրամաններ)
32.2. Սույն հավելվածի 32.1-ին կետով նախատեսված դեպքում ավարտական քննության օրվա տեղափոխման և ավարտական քննության անցկացման նոր օր նշանակելու մասին մասնակիցները տեղեկացվում են ավարտական քննության նոր օրվա մասին ավարտական քննության անցկացումից առնվազն 2 օր առաջ:
(32.2-րդ կետը լրաց. 02.09.2022 թիվ 910-Ն հրաման)
33. (33-րդ կետն ուժը կորցրել է 14.11.2024 թիվ 1496-Ն հրաման)
34. Մասնակիցը ավարտական քննությանը ներկայանում է անձը հաստատող փաստաթղթով:
34.1. Հանձնաժողովի որոշման մասին մասնակիցը էլեկտրոնային փոստի միջոցով տեղեկացվում է ավարտական քննության անցկացման օրվան հաջորդող երկու աշխատանքային օրվա ընթացքում:
(34.1-ին կետը լրաց. 02.09.2022 թիվ 910-Ն հրաման)
35. Ավարտական քննության արդյունքների հետ համաձայն չլինելու դեպքում մասնակիցը կարող է բողոք ներկայացնել ավարտական քննության արդյունքների վերաբերյալ տեղեկությունը հայտնի դառնալուց հետո 1 օրվա ընթացքում: Ներկայացվող բողոքում պետք է հստակ նշված լինի ավարտական քննության կոնկրետ հարցը (խնդիրը) ու տրված պատասխանը:
36. Ավարտական քննության արդյունքները բողոքարկվում են կոմիտեի նախագահին` գրավոր:
37. Բողոքարկումը ավարտական քննության որևէ հարցադրման կամ դրա ենթադրյալ պատասխանի ճշտության, ինչպես նաև քննության արդյունքում մասնակցի հավաքած միավորները հաշվելիս թույլ տրված հնարավոր սխալի վիճարկումն է:
38. Մասնակցի կողմից ավարտական քննության արդյունքների բողոքարկման դեպքում ՈՒսումնական կենտրոնը բողոքը ստանալուց հետո ոչ ուշ, քան քննության մասնակցի (մասնակիցների) քննության արդյունքների բողոքարկման դիմումի ներկայացումից հետո 1 աշխատանքային օրվա ընթացքում կազմում և Կոմիտեի նախագահին է ներկայացնում ավարտական քննության բողոքարկման վերաբերյալ դիմումը` համապատասխան առաջարկությամբ, հարցը (հարցերը), դրա ճիշտ պատասխանի ձևանմուշը: Կոմիտեի նախագահը ոչ ուշ, քան համապատասխան առաջարկի և դրան կցված բողոքարկման դիմումի ստացմանը հաջորդող մեկ աշխատանքային օրվա ընթացքում քննում է դիմումը և որոշում է կայացնում ավարտական քննության արդյունքները փոփոխելու կամ նույնը թողնելու մասին:
(38-րդ կետը փոփ. 13.03.2023 թիվ 227-Ն, 14.11.2024 թիվ 1496-Ն հրամաններ)
39. (39-րդ կետն ուժը կորցրել է 13.03.2023 թիվ 227-Ն հրաման)
40. Եթե կոմիտեի նախագահը մասնակցի ավարտական քննության հարցի արդյունքի վերաբերյալ բողոքը համարում է հիմնավոր և որոշում է բավարարել այն, ապա կատարվում է ավարտական քննության արդյունքների վերահաշվարկ մյուս բոլոր մասնակիցների համար:
(40-րդ կետը փոփ. 14.11.2024 թիվ 1496-Ն հրաման)
41. Ավարտական քննության բողոքարկման արդյունքներով ընդունված որոշման մասին մասնակիցը ծանուցվում է էլեկտրոնային եղանակով:
(41-րդ կետը փոփ. 13.03.2023 թիվ 227-Ն հրաման)
----------------------------------------------------------
ԻՐՏԵԿ - շարունակությունը հաջորդ մասում