(ուժը կորցնելու է 21.10.2021 թվականից` 22.04.2021 թիվ 607-Ն որոշում)
i
040.0179.020306
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» մարտի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 փետրվարի 2006 թվականի N 179-Ն
i
ԲԵՏՈՆԻ ԱՄՐԱՆԱՎՈՐՄԱՆ ՀԱՄԱՐ ՕԳՏԱԳՈՐԾՎՈՂ ՊՈՂՊԱՏԵ ԱՐՏԱԴՐԱՆՔՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԻ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ
«Ստանդարտացման մասին» Հայաստանի Հանրապետության օրենքի 8-րդ հոդվածին համապատասխան, ինչպես նաև հաշվի առնելով բետոնի ամրանավորման համար օգտագործվող պողպատե արտադրանքների բազմազանությունը, օգտագործման ծավալները, մարդու կյանքի, առողջության վրա դրանց ազդեցության ռիսկի աստիճանը` Հայաստանի Հանրապետության կառավարությունը որոշում է.
1. Հաստատել բետոնի ամրանավորման համար օգտագործվող պողպատե արտադրանքներին ներկայացվող պահանջների տեխնիկական կանոնակարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվանից վեց ամիս հետո:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ՓԵՏՐՎԱՐԻ 27-ԻՆ
Հավելված
ՀՀ կառավարության
2006 թվականի փետրվարի 2-ի
N 179-Ն որոշման
ՏԵԽՆԻԿԱԿԱՆ ԿԱՆՈՆԱԿԱՐԳ ԲԵՏՈՆԻ ԱՄՐԱՆԱՎՈՐՄԱՆ ՀԱՄԱՐ ՕԳՏԱԳՈՐԾՎՈՂ ՊՈՂՊԱՏԵ ԱՐՏԱԴՐԱՆՔՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԻ
I. ԿԻՐԱՌՄԱՆ ՈԼՈՐՏԸ
i
1. Բետոնի ամրանավորման համար օգտագործվող պողպատե արտադրանքներին ներկայացվող պահանջների տեխնիկական կանոնակարգի (այսուհետ` տեխնիկական կանոնակարգ) գործողությունը տարածվում է, արտաքին տնտեսական գործունեության ապրանքային ծածկագրերին համապատասխան, հետևյալ պողպատե արտադրանքների վրա`
բետոնի ամրանավորման համար օգտագործվող ձողեր` ածխածնային
պողպատից, շիկագլոցված, պարբերական տրամատով 7214 99
բետոնի ամրանավորման համար օգտագործվող ձողեր` ածխածնային
պողպատից, շիկագլոցված, կլոր հատվածքի, ազատ կծկած
կաժերով, 14 մմ-ից պակաս տրամագծով 7213 91 100
մետաղալար ածխածնային պողպատից` չպատված և չողորկված,
մինչև 0,25% և 0,6% կամ ավելի զանգվածային մասով
ածխածին պարունակող 7217 10
առանց պատվածքի, ոլորված մետաղալարերով 3 մմ-ից ավելի
լայնակի հատման առավելագույն չափով ամրանային ճոպան 7312 10 610
(1-ին կետը փոփ. 25.04.13 թիվ 438-Ն որոշում)
2. Սույն տեխնիկական կանոնակարգով սահմանվում են 1-ին կետով նախատեսված բետոնի ամրանավորման համար օգտագործվող պողպատե արտադրանքների (այսուհետ` պողպատե արտադրանքներ) անվտանգությունը բնութագրող ցուցանիշները, դրանց մակնշմանը, փաթեթավորմանը, փոխադրմանը, պահմանը ներկայացվող պահանջները, ինչպես նաև համապատասխանության գնահատման ընթացակարգերը:
3. Պողպատե արտադրանքները ենթակա են համապատասխանության պարտադիր գնահատման:
II. ՀԱՍԿԱՑՈՒԹՅՈՒՆՆԵՐԸ
4. Սույն տեխնիկական կանոնակարգում կիրառված են հետևյալ հասկացությունները`
պողպատե մետաղալար` ազատ կծկած կաժերով մատակարարվող հարթ կամ պարբերական տրամատի ամրանային պողպատ,
ամրանային ձողեր` ուղղաձիգ ձողերի տեսքով մատակարարվող հարթ կամ պարբերական տրամատի ամրանային պողպատ,
7-ամրանային ճոպան (K7)` մեկ կենտրոնական ուղղաձիգ մետաղալարի շուրջը մեկ շարքով հյուսված պարույրաձև 6 մետաղալարից բաղկացած ամրանային տարր,
հոսունության պայմանական սահման, թ0,2, Ն/մմ2` լարում, որի ազդեցությամբ պայմանական-ակնթարթային պլաստիկ (մնացորդային) դեֆորմացիան հասնում է 0,2 տոկոսի,
հոսունության ֆիզիկական սահման, թT, Ն/մմ2` ամենացածր լարում, որի ժամանակ դեֆորմացիան տեղի է ունենում առանց բեռնվածքի նկատելի ավելացման,
խզման ժամանակավոր դիմադրություն, թB, Ն/մմ2` խզումից առաջ ամենամեծ բեռնվածքին համապատասխանող լարում,
հարաբերական երկարացում խզումից հետո, Բ5, Բ10, Բ100 և այլն, %` նմուշի այն սահմանների միջև ընկած հաշվարկային երկարության փոփոխությունը նմուշի սկզբնական երկարության նկատմամբ, որի սահմաններում տեղի է ունեցել խզում,
հարաբերական հավասարաչափ երկարացում, Բp, %` սկզբնական 50 կամ 100 մմ երկարության հանդեպ նմուշի հաշվարկային երկարության փոփոխություն խզման տեղը չընդգրկող հատվածում,
հարաբերական երկարացում խզումից առաջ, Բպ (Agt), %` նմուշի հաշվարկային երկարության փոփոխությունն առավելագույն լարման ժամանակ,
ռելաքսացիա, %` ժամանակի ընթացքում լարումների նվազում` հաստատուն դեֆորմացիայի պայմաններում,
ամրանային պողպատի դաս` բետոնի ամրանավորման համար օգտագործվող պողպատե արտադրանքների որակի հիմնական ցուցանիշ, որը համապատասխանում է ֆիզիկական կամ պայմանական հոսունության սահմանի նշանակությանը:
Ըստ ձգման ամրության` ամրանային պողպատի դասը նշագրվում է`
ա) RB, A` շիկագլոցված և AT ջերմամեխանիկորեն ամրացված 3-80 մմ տրամագծով ամրանային ձողերի համար, որոնք պատրաստվում են հետևյալ դասերով`
A 240 C` հարթ տրամատով,
A 300 C, A 400, RB 400 W, A 400 C, RB 500 W, A 500 C, A 600, AT 600, A 600 C, AT 600 C, A 600 K, AT 600 K, A 800, AT 800, A 800 K, AT 800 K, A 1000, AT 1000, AT 1000 K և AT 1200` պարբերական տրամատով,
1030, 1080, 1180 և 1230` հարթ և պարբերական տրամատով:
Ըստ կիրառման հատկությունների` ամրանային ձողերը բաժանվում են`
1) եռակցվող` W և C ինդեքսներով,
2) կայուն կոռոզային ճաքճքման հանդեպ լարվածության տակ (K ինդեքսով),
3) ոչ եռակցվող` առանց W և C ինդեքսների,
4) ոչ կայուն կոռոզային ճաքճքման հանդեպ` առանց K ինդեքսի,
5) ջերմամեխանիկորեն ամրացված` ինդեքս T.
բ) B, Bp` սառը դեֆորմացված 3-12 մմ տրամագծով պողպատե մետաղալարի համար, որը պատրաստվում է`
B` հարթ տրամատով` B 500, B 1100, B 1200, B 1300, B 1400, B 1500,
Bp` պարբերական տրամատով` Bp 500, Bp 1100, Bp 1200, Bp 1300, Bp 1400, Bp 1500.
գ) K - 6-15 մմ տրամագծով ամրանային ճոպանների համար` K7-1400, K7-1500,
ածխածնային համարժեք, Cէ` պողպատի եռակցելիության պայմանական ցուցանիշ, որն արտահայտված է ածխածնի և ածխածնի պարունակությանը բերված, պողպատում լեգիրացնող տարրերի զանգվածային մասերի գումարի տեսքով,
խմբաքանակ` միևնույն ձուլվածքից պատրաստված` նույն դասի, նույն անվանական տրամագծի և նույն արտադրողի կողմից արտադրվող պողպատե արտադրանքի որոշակի քանակ,
եռակցված ամրանային պատրաստվածքներ` բետոնի ամրանավորման համար նախատեսված ամրանային ցանցեր, ամրանային կմախքներ, ամրանի առանձին ձողեր` եռակցված կցվանքով միացումներով ձողի երկայնքով,
ծառայողական բնութագրեր` ամրանային ձողերի որակական բնութագրեր, որոնք արտահայտվում են շահագործման և վերամշակման գործընթացներում:
III. ՇՈՒԿԱ ՄՈՒՏՔ ԳՈՐԾԵԼՈՒ ԿԱՆՈՆՆԵՐԸ
5. Արգելվում է Հայաստանի Հանրապետության տարածքում համապատասխանության պարտադիր գնահատման ենթակա պողպատե արտադրանքների իրացումն առանց համապատասխանության գնահատման:
i
6. Հայաստանի Հանրապետության տարածքում համապատասխանության պարտադիր գնահատման ենթակա և շրջանառության մեջ գտնվող պողպատե արտադրանքները պետք է ուղեկցվեն համապատասխանության ազգային նշանի մակնշմամբ, համապատասխանության սերտիֆիկատով կամ գրանցված համապատասխանության հայտարարագրով:
(6-րդ կետը փոփ. 02.04.15 թիվ 356-Ն որոշում)
IV. ՏԵԽՆԻԿԱԿԱՆ ՊԱՀԱՆՋՆԵՐԸ
7. Բետոնի ամրանավորման համար օգտագործվող` ածխածնային պողպատից, շիկագլոցված, պարբերական տրամատով և կլոր հատվածքի, ազատ կծկած կաժերով, 14 մմ-ից պակաս տրամագծով ձողերի (այսուհետ` ամրանային ձողեր) մեխանիկական ցուցանիշներն առաքման վիճակում պետք է համապատասխանեն N 1 աղյուսակով սահմանված նորմերին: Բետոնի նախալարման համար օգտագործվող A 600 և բարձր դասի ամրանային ձողերի մեխանիկական ցուցանիշները պետք է համապատասխանեն N 1 աղյուսակով սահմանված նորմերին` մինչև աղյուսակում նշված ջերմաստիճանը` էլեկտրատաքացումից հետո:
Աղյուսակ N 1
._________________________________________________________________________.
|Ամրանային |Էլեկտրա-|Խզման |Հոսունու- |Հարաբերական |Ծռման |Կալակի |
|պողպատի |տաքացման|ժամանակա-|թյան |երկարացումը,|փորձար- |տրամա- |
|դասը |ջերմաս- |վոր դիմա-|պայմանական | % |կում` |գիծը |
| |տիճանը, |դրությու-|(ֆիզիկական)| |սառը |(dH-ձողի|
| |օC |նը, թB, |սահմանը, | |վիճակում,|անվանա- |
| | |Ն/մմ2 |թ0,2 (թT), | |ծռման |կան |
| | | |Ն/մմ2 | |անկյունը,|տրամա- |
| | | | | |աստիճանը |գիծը), |
| | | | | | |մմ |
| | | | | | | |
| | | | |____________| | |
| | | | |Բ5 |Բp |Agt| | |
| | |__________________________________| | |
| | | ոչ պակաս | | |
|__________|________|__________________________________| | |
|A 240 C | |370 |240 |25 |- |- |180 |2 dH |
|A 300 C | |490 |290 |19 | |- |180 |3 dH |
|(A 400) | |(590) |(390) |(16)| |- |(90) |(3 dH) |
|RB 400 W | - |440 |400 |14 |- |2,5|160-180 |2,5-5 |
|A 400 C | |500 |400 |16 | |- |90 |3 dH |
|RB 500 W | |550 |500 |14 | |2,5|160-180 |3,5-6 dH|
|A 500 C | |600 |500 |14 | |2,5|90 |3 dH |
|__________|________|_________|___________|____|___|___|_________|________|
|A 600 | | | | | | | | |
|AT 600 | | | | | | | | |
|A 600 C | | | | | | | | |
|AT 600 C |400 |800 |600 |12 |4 |2,5|45 |5 dH |
|A 600 K | | | | | | | | |
|AT 600 K | | | | | | | | |
|__________|________|_________|___________|____|___|___|_________|________|
|A 800 | | | | | | | | |
|AT 800 | | | | | | | | |
|A 800 K |400 |1000 |800 |8 |2 |3,5|45 |5 dH |
|AT 800 K | | | | | | | | |
|__________|________|_________|___________|____|___|___|_________|________|
|A 1000 | | | | | | | | |
|AT 1000 |450 |1250 |1000 |7 |2 |3,5|45 |5 dH |
|AT 1000 K | | | | | | | | |
|__________|________|_________|___________|____|___|___|_________|________|
|AT 1200 |450 |1450 |1200 |6 |2 |3,5|45 |5 dH |
|__________|________|_________|___________|____|___|___|_________|________|
|1030 | - |1030 |835 |- |- |3,5|- |- |
|1080 | |1080 |930 | | | | | |
|1180 | |1180 |930 | | | | | |
|1230 | |1230 |1080 | | | | | |
._________________________________________________________________________.
Փակագծում ներկայացված դասերը և ցուցանիշներն ուժի մեջ են մինչև 2008 թվականի դեկտեմբերի 31-ը:
Տեխնիկական կանոնակարգի N 1 աղյուսակում 1030, 1080, 1180 և 1230 ամրանային պողպատի դասերը ներկայացված են ըստ խզման ժամանակավոր դիմադրության:
8. Մեխանիկական փորձարկումների արդյունքները չպետք է պակաս լինեն սույն տեխնիկական կանոնակարգի N 1 աղյուսակով սահմանված մեխանիկական ցուցանիշների 95 տոկոսից:
9. Ամրանային ձողերի յուրաքանչյուր փորձարկման նմուշի համար խզման ժամանակավոր դիմադրության հարաբերությունը հոսունության ֆիզիկական սահմանի նկատմամբ պետք է լինի 1,05 գործակցից ոչ պակաս:
10. A 400 C, A 500 C և A 600 C դասերի ամրանային ձողերի համար թույլատրվում է սույն տեխնիկական կանոնակարգի N 1 աղյուսակով սահմանված խզման ժամանակավոր դիմադրության ցուցանիշների նվազեցում` ոչ ավելի, քան 50 Ն/մմ2-ով` այն դեպքում, երբ հարաբերական երկարացումը խզումից հետո (Բ5) ավելանում է 2 տոկոսով, և հարաբերական հավասարաչափ երկարացումը (Բp)` 1 տոկոսով:
11. A 400 C, A 500 C և A 600 C դասերի ամրանային պողպատի խզման ժամանակավոր դիմադրությունը չպետք է գերազանցի սույն տեխնիկական կանոնակարգի N 1 աղյուսակով սահմանված նորմերից 300 Ն/մմ2-ից ավելի:
12. Սպառողի և արտադրողի փոխհամաձայնությամբ A 800, AT 800, A 1000, AT 1000, AT 1200, 1030, 1080, 1180 և 1230 դասերի ամրանային պողպատի ռելաքսացիան, խզման ժամանակավոր դիմադրությանը համապատասխանող առավելագույն ուժի 70 տոկոսը կազմող ելքային բեռնվածքի դեպքում չպետք է գերազանցի 4 տոկոսը` 1000 ժամ լարման տակ պահպանումից հետո:
13. Սպառողի և արտադրողի փոխհամաձայնությամբ` AT 800, AT 1000 և AT 1200, 1030, 1080 և 1230 դասերի ամրանային պողպատը պետք է դիմանա անվանական ձգման ամրության սահմանի 70 տոկոսը կազմող լարման ազդեցությանը` 2000000 ցիկլ` առանց քայքայման: Հարթ տրամատով ամրանային ձողերի համար լարման միջակայքը պետք է կազմի 245 Ն/մմ2, իսկ պարբերական տրամատով ամրանային ձողերի համար` 195 Ն/մմ2:
14. Ամրանային ձողերի մեխանիկական ցուցանիշները (թB, թ0,2, թT) պետք է որոշվեն` հաշվի առնելով դրանց փոփոխականությունը գլխավոր համախմբվածքում և յուրաքանչյուր ձուլվածք-խմբաքանակում` սույն տեխնիկական կանոնակարգի VIII բաժնով նախատեսված` պողպատ շիկագլոցված երկաթբետոնե կոնստրուկցիաների ամրանավորման համար ստանդարտով սահմանված գլոցվածքի մեխանիկական հատկությունների ամրության բնութագրերի վիճակագրական ցուցանիշների որոշման մեթոդական պահանջներին համապատասխան: Արտադրողի և սպառողի համաձայնությամբ` մեխանիկական հատկությունները որոշվում են որպես բնորոշ արժեքների գնահատում:
15. Պատրաստի ամրանային ձողերում քիմիական տարրերի զանգվածային մասերը պետք է համապատասխանեն N 2 աղյուսակով և սույն տեխնիկական կանոնակարգի 16-րդ կետով սահմանված նորմերին:
Աղյուսակ N 2
._________________________________________________________________________.
| Ամրանային | Քիմիական տարրերի զանգվածային մասը, %, ոչ ավելի |
| պողպատի դասը |_______________________________________________________|
| | C | Si | Mn | P | S | N |
|_________________|___________|___________|_________|_______|_______|_____|
|A 240 C |0,24 |- |- |0,05 |0,05 |0,013|
|A 300 C |0,24 |- |- |0,05 |0,05 |0,013|
|_________________|___________|___________|_________|_______|_______|_____|
|(A 400) |(0,22-0,39)|(0,65-0,95)|(0,9-1,7)|(0,045)|(0,045)|- |
|_________________|___________|___________|_________|_______|_______|_____|
|RB 400 W | | | | | | |
|A 400 C |0,24 |0,65 |1,7 |0,055 |0,055 |0,013|
|RB 500 W | | | | | | |
|A 500 C | | | | | | |
|_________________|___________|___________|_________|_______|_______|_____|
|A 600 | | | | | | |
|A 600 C |0,30 |1,1 |1,7 |0,05 |0,05 |0,013|
|A 600 K | | | | | | |
|_________________|___________|___________|_________|_______|_______|_____|
|AT 600 | | | | | | |
|AT 600 C | | | | | | |
|AT 600 K | | | | | | |
|AT 800 |0,34 |0,6-2,5 |0,6-2,4 |0,05 |0,05 | - |
|AT 800 K | | | | | | |
|AT 1000 | | | | | | |
|AT 1000 K | | | | | | |
|_________________|___________|___________|_________|_______|_______|_____|
|A 800 | | | | | | |
|AT 800 K |0,34 |2,5 |2,4 |0,045 |0,045 |0,013|
|A 1000 | | | | | | |
|_________________|___________|___________|_________|_______|_______|_____|
|AT 1200 |0,34 |1,4-2,4 |0,6-1,1 |0,05 |0,05 | - |
|_________________|___________|___________|_________|_______|_______|_____|
|1030 | | | | | | |
|1080 |- |- |- |0,04 |0,04 | - |
|1180 | | | | | | |
|1230 | | | | | | |
._________________________________________________________________________.
Փակագծերում ներկայացված դասերը և ցուցանիշներն ուժի մեջ են մինչև 2008 թվականի դեկտեմբերի 31-ը:
16. Եռակցելի ամրանային ձողերի համար մնացորդային տարրերի (քրոմ, պղինձ, նիկել) զանգվածային մասը պետք է լինի 0,3 տոկոսից ոչ ավելի` յուրաքանչյուր տարրի համար:
17. Ամրանային ձողերը համարվում են կայուն` կոռոզային ճաքճքման հանդեպ, եթե ազոտական թթվի կալցիումական աղի 600 զանգվածային բաժնեմասից, ազոտական թթվի ամոնիումի 50 զանգվածային բաժնեմասից և ջրի 350 զանգվածային բաժնեմասից բաղկացած` 98-100 օC ջերմաստիճանի նիտրատային լուծույթում և 0,9 թB համարժեք լարման տակ փորձարկվող նմուշների` մինչև կոռոզային ճաքճքման հետևանքով քայքայման ժամանակը կազմում է 100 ժամից ոչ պակաս:
18. 25 մմ-ից բարձր տրամագծով ամրանային ձողերի համար սույն տեխնիկական կանոնակարգի N 1 աղյուսակով սահմանված մեխանիկական հատկությունների նորմերի և ծառայողական բնութագրերի պահպանման դեպքում ածխածնի զանգվածային մասի ավելացումը մինչև 0,37 տոկոս` չի համարվում խոտանային հատկանիշ:
19. Ածխածնային պողպատից` չպատված և չողորկված, մինչև 0,25 տոկոս զանգվածային մասով ածխածին պարունակող, այդ թվում` B և Bp ամրանային դասերի պողպատե մետաղալարի մեխանիկական ցուցանիշները պետք է համապատասխանեն N 3, քիմիական ցուցանիշները` N 4 աղյուսակներով սահմանված նորմերին:
Աղյուսակ N 3
._________________________________________________________________________.
|Անվանական |Խզման |Հոսունության|Հարաբերական |Ծռման |Կալակի |
|տրամագիծը,|ժամանակավոր|ֆիզիկական |երկարացումը |փորձարկում`|տրամագիծը |
|dH, մմ |դիմադրու- |սահմանը, թT |խզումից հետո,|սառը |(dH - ձողի |
| |թյունը, թB | |Բ5, % |վիճակում, |անվանական |
| | | | |ծռման |տրամագիծը),|
| | | | |անկյունը, |մմ |
| | | | |աստիճանը | |
| |________________________| | | |
| | Ն/մմ2 | | | |
| |__________________________________________________| |
| | ոչ պակաս | |
|__________|__________________________________________________|___________|
|4-12 |550 |500 |12 |160-180 |3-4 dH |
._________________________________________________________________________.
Աղյուսակ N 4
._____________________________________________________________________.
| Քիմիական տարրերի զանգվածային մասը, %, ոչ ավելի | Cէ |
|_________________________________________________________| |
| C | Si | Mn | P | S | N | |
|________|_________|________|_________|_________|_________|___________|
|0,24 |0,65 |1,70 |0,055 |0,055 |0,013 |0,52 |
._____________________________________________________________________.
20. Ածխածնային պողպատից` չպատված և չողորկված, 0,6 տոկոս կամ ավելի զանգվածային մասով ածխածին պարունակող մետաղալարի (այսուհետ` պողպատե մետաղալար) մեխանիկական ցուցանիշները պետք է համապատասխանեն N 5 աղյուսակով սահմանված նորմերին:
Աղյուսակ N 5
._________________________________________________________________________.
|Անվանա-|Հոսունության|Խզման |Հարաբերական |Կալակի |Հետծռումների |
|կան |պայմանական |ժամանակավոր|երկարացումը,|տրամագիծը` |թիվը` d = 30 մմ|
|տրամա- |սահմանը, |դիմադրու- | % |180օ անկյան|կալակի դեպքում |
|գիծը, | թ0,2 |թյունը, թB | |ծռման | |
|dH, մմ | | | |փորձարկման | |
| | | | |ժամանակ | |
| |________________________|____________| |_______________|
| | Ն/մմ2 |Բ100 |Agt | |հարթ |պարբե- |
| | | | | |տրամատի|րական |
| | | | | |համար |տրամատի|
| | | | | | |համար |
| |_____________________________________| | | |
| | ոչ պակաս | | | |
|_______|_____________________________________|___________|_______|_______|
|(3) |(1500) |(1780) |(4) |3,5 |5 dH |(9) |(8) |
|_______|____________|___________|_______|____|___________|_______|_______|
| 4 | 1500 | 1770 | - |3,5 |5 dH | 4 | 3 |
|(4) |(1400) |(1700) |(4) | - | - |(7) |(6) |
|_______|____________|___________|_______|____|___________|_______|_______|
| 5 | 1500 | 1770 | - |3,5 |5 dH | 4 | 3 |
|(5) |(1400) |(1670) |(4) | - | - |(5) |(3) |
|_______|____________|___________|_______|____|___________|_______|_______|
| 6 | 1500 | 1770 | - |3,5 |5 dH | 4 | 3 |
|(6) |(1400) |(1670) |(5) | - | - | - | - |
|_______|____________|___________|_______|____|___________|_______|_______|
| 7 | 1420 | 1670 | - |3,5 |5 dH | 4 | 3 |
|(7) |(1300) |(1570) |(6) | - | - | - | - |
|_______|____________|___________|_______|____|___________|_______|_______|
| 8 | 1420 | 1670 | - |3,5 |5 dH | 4 | 3 |
|(8) |(1200) |(1470) |(6) | - | - | - | - |
|_______|____________|___________|_______|____|___________|_______|_______|
| 9 | 1200 | 1470 | - |3,5 |5 dH | 4 | 3 |
|_______|____________|___________|_______|____|___________|_______|_______|
|10 | 1280 | 1570 | - |3,5 |5 dH | 4 | 3 |
|_______|____________|___________|_______|____|___________|_______|_______|
|12 | 1290 | 1570 | - |3,5 |5 dH | 4 | 3 |
._________________________________________________________________________.
Փակագծերում ներկայացված են B և Bp ամրանային դասերի պողպատե մետաղալարերի ցուցանիշները, որոնք ուժի մեջ են մինչև 2008 թվականի դեկտեմբերի 31-ը:
21. Պողպատե մետաղալարի ռելաքսացիան 70 տոկոս խզման փաստացի ուժի ելքային բեռնվածքի դեպքում չպետք է գերազանցի 2,5 տոկոսը` 1000 ժամ լարման տակ պահպանումից հետո:
22. Արտադրողի և սպառողի փոխհամաձայնությամբ` ծռման փորձը կարող է փոխարինվել ծռում-հետծռում փորձով` պողպատի հնեցման հակման հատկությունները հաստատելու համար: Պողպատե արտադրանքների ծռման-հետծռման փորձարկումներից հետո փորձարկված նմուշներից ոչ մեկը չպետք է ունենա անզեն աչքին տեսանելի ջարդվածքներ կամ ճաքեր:
23. Առանց պատվածքի, ոլորված մետաղալարերով 3 մմ-ից ավելի լայնակի հատման առավելագույն չափով 7-լարանի ամրանային ճոպանի (այսուհետ` ամրանային ճոպան) մեխանիկական ցուցանիշները պետք է համապատասխանեն N 6 աղյուսակով սահմանված նորմերին:
Աղյուսակ N 6
._________________________________________________________________________.
|Տրամագիծը, d, մմ|Հոսունության|Խզման |Հարաբերա-|Ռելաքսացիան` փաստացի |
| |պայմանական |ժամանակավոր|կան |խզման ուժի 70 տոկոսը |
| |սահմանը, |դիմադրու- |երկարա- |կազմող ելքային |
| | թ0,2 |թյունը, |ցումը, |բեռնվածքի 1000 ժ |
| | | թB |Բպ Agt, |ազդեցությունից, ըստ |
| | | | % |ամրանաճոպանների |
|________________|________________________| |պատրաստման ձևի, % |
|պայմանա-|անվանա-| Ն/մմ2 | |_____________________|
|կան |կան | | |բացթողմամբ|լարման տակ|
| | | | | |բացթողմամբ|
| | |__________________________________|_____________________|
| | | ոչ պակաս | ոչ ավելի |
|________|_______|__________________________________|_____________________|
|(6) |(6, 20)|(1500) |(1770) |(4) | | |
| | | | | | | |
|________|_______|____________|___________|_________| | |
| - | 9,3 | 1460 | 1720 |3,5 | | |
| - | 9,5 | 1580 | 1860 |3,5 | | |
|(9) |(9, 35)|(1500) |(1770) |(4) | | |
|________|_______|____________|___________|_________| | |
| - | 10, 8 | 1460 | 1720 |3,5 | 8 | 2,5 |
| - | 11, 1 | 1500 | 1860 |3,5 | | |
|________|_______|____________|___________|_________| | |
|(12) | 12, 4 | 1460 | 1720 |3,5 | | |
| - |(12, 4)|(1500) |(1770) |(4) | | |
| - | 12, 7 | 1580 | 1860 |3,5 | | |
|________|_______|____________|___________|_________| | |
|(15) | 15, 2 | 1580 | 1860 |3,5 | | |
| - |(15, 2)|(1410) |(1670) |(4) | | |
._________________________________________________________________________.
Փակագծերում ներկայացված են K 7 ամրանային դասի ամրանային ճոպանի ցուցանիշները, որոնք ուժի մեջ են մինչև 2008 թվականի դեկտեմբերի 31-ը:
24. Պողպատե մետաղալարը և ամրանային ճոպանը պետք է դիմանան անվանական ձգման ամրության սահմանի 70 տոկոսը կազմող լարման ազդեցությանը` 2000000 ցիկլ` առանց քայքայման`
ա) պողպատե մետաղալարի համար լարման միջակայքը պետք է կազմի` հարթ տրամատով պողպատե մետաղալարերի համար` 200 Ն/մմ2, իսկ պարբերական տրամատով պողպատե մետաղալարերի համար` 180 Ն/մմ2.
բ) ամրանային ճոպանի համար լարման միջակայքը պետք է կազմի 195 Ն/մմ2:
25. Պողպատե արտադրանքների մակերևույթի վրա չպետք է լինեն կեղևանքներ, գլոցածալքեր, փչուկներ և այլ տեսակի մետաղի գլոցման արատներ, որոնք կարող են խոչընդոտել դրանց օգտագործումը:
Պողպատե արտադրանքների մակնշումը
26. Պողպատե արտադրանքների յուրաքանչյուր կապի կամ կաժի վրա, 2-3 մ հեռավորությամբ, դրոշմատպման մեթոդով հստակ, պարզ և դյուրընթեռնելի պետք է մականշված լինեն հետևյալ տվյալները`
ա) արտադրող կազմակերպության անվանումը և ապրանքային նշանը (առկայության դեպքում),
բ) ամրանային պողպատի դասը, որից պատրաստվել է արտադրանքը, մակնիշը, տրամագիծը,
գ) արտադրման տարեթիվը, ամիսը,
դ) խմբաքանակի համարը, զանգվածը,
ե) ստանդարտացման նորմատիվ փաստաթղթի նշագիրը:
Արտադրողի և սպառողի փոխհամաձայնությամբ` ներկապատման միջոցով կատարվում է լրացուցիչ գունավոր մակնշում: Գունավոր մակնշումը կատարվում է կապերի ճակատային մասում:
27. Յուրաքանչյուր ամրանային ձող պետք է ունենա արտադրող կազմակերպության անվանումը և ամրանի դասը բնութագրող գլոցվածքային մակնշում` ոչ ավելի, քան 1,5 մ հեռավորության վրա կետերի, ելուստների, այլ նշանների ձևով կամ պարբերական տրամատի համապատասխան փոփոխությամբ:
28. Այն դեպքում, երբ տեխնոլոգիապես անհնար է մակնշումն իրականացնել պողպատե արտադրանքների վրա, թույլատրվում է մակնշման տվյալները նշել պողպատե արտադրանքին կցվող կամ փաթեթվածքի ներդիր պիտակների վրա, որոնց վրա դրոշմատպման մեթոդով հստակ, պարզ և դյուրընթեռնելի պետք է մականշված լինեն հետևյալ տվյալները`
ա) արտադրող կազմակերպության անվանումը և (կամ) ապրանքային նշանը,
բ) ամրանային պողպատի դասը, տրամագիծը, քանակը,
գ) խմբաքանակի համարը:
29. Կապերով փաթեթավորված պողպատե արտադրանքների վրա ամրակցվում են 2 պիտակ, իսկ արտադրողի և սպառողի փոխհամաձայնության դեպքում` մեկ պիտակ: Կաժերով մատակարարված պողպատե արտադրանքների վրա ամրակցվում է մեկ պիտակ:
Պողպատե արտադրանքների փաթեթավորումը, փոխադրումը և պահումը
30. Պողպատե արտադրանքները փաթեթավորվում են կապերի կամ կաժերի ձևով` ամրացնելով մետաղալարով կամ մետաղյա ժապավեններով, որոնք կապահովեն պողպատե արտադրանքների պահպանվածությունը` դրանց պահման և փոխադրման ժամանակ:
31. Կապերով փաթեթավորված պողպատե արտադրանքների համար փաթեթվածքի զանգվածը չպետք է գերազանցի 15000 կգ-ն, իսկ կաժերով փաթեթավորված պողպատե արտադրանքների համար` 3000 կգ-ն:
32. Կաժերով փաթեթավորված պողպատե արտադրանքները պետք է կապվեն 2 հանդիպակաց կապով, իսկ կաժերի կապերը պետք է ամրացվեն 2 կամ 3 լրացուցիչ կապով:
33. Յուրաքանչյուր խմբաքանակ պետք է ուղեկցվի ապրանքաուղեկից փաստաթղթով, որում պետք է նշված լինեն հետևյալ տվյալները`
ա) արտադրող կազմակերպության անվանումը և (կամ) ապրանքային նշանը,
բ) սպառողի անվանումը,
գ) պատվերի համարը,
դ) որակի փաստաթղթի ձևակերպման ամսաթիվը,
ե) պողպատի մակնիշը, ամրության դասը,
զ) ձուլվածքի կամ խմբաքանակի համարը,
է) պողպատե արտադրանքի անվանումը, չափերը, տեղերի քանակը և ընդհանուր զանգվածը, տեղեկություններ հատկությունների, մակերևույթի որակի, նշանակության մասին և արտադրանքի նորմատիվ փաստաթղթերով նախատեսված այլ պահանջներ,
ը) նորմատիվ փաստաթղթի համարը,
թ) պողպատի քիմիական կազմը` պատրաստի արտադրանքում կամ ձուլվածքի նմուշով,
ժ) պողպատե արտադրանքի մեխանիկական հատկությունները,
ժա) որակի տեխնիկական հսկողության դրոշմը:
34. Խմբաքանակի զանգվածը չպետք է գերազանցի 70 տոննան: Պողպատե արտադրանքների արտահանման դեպքում խմբաքանակի չափը սահմանվում է միջազգային պայմանագրի դրույթներին համապատասխան:
35. Ամրանային ձողերն ամրացվում են ոչ պակաս 4-6 տեղից` այնպես, որ ամրացման տեղերի հեռավորությունը լինի 2-3 մ:
36. Փաթեթավորված պողպատե արտադրանքները փոխադրվում են բոլոր տեսակի տրանսպորտային միջոցներով` ըստ տվյալ տեսակի տրանսպորտային միջոցով բեռների փոխադրման կանոնների:
37. Փաթեթավորված վիճակում պողպատե արտադրանքները պետք է պահվեն և դարսվեն դարսակաշարերով` հատակից 80-100 մմ բարձրությամբ` փակ կամ մթնոլորտային ուղղակի ազդեցությունները բացառող տարածքում:
Եռակցված ամրանային պատրաստվածքների հավաքման վերաբերյալ ցուցումները
38. Կախված ամրանային պողպատի դասից` եռակցելի ամրանային ձողերի համար ածխածնային համարժեքի Cէ մեծությունը պետք է լինի`
A 240 C, A 300 C, RB 400 W և A 400 C դասերի համար` 0,30-0,52%,
RB 500 W և A 500 C դասերի համար` 0,35-0,52%,
A 600 C դասի համար` 0,40-0,65%:
32 մմ-ից ավելի տրամագծով RB 400 W և RB 500 W ամրանային պողպատի դասերի ամրանային ձողերի համար ածխածնային համարժեքի Cէ մեծությունը պետք է լինի 0,57 տոկոսից ոչ ավելի:
39. Ածխածնային համարժեքի մեծությունը հաշվարկվում է հետևյալ բանաձևով`
Mn (Cr + V + Mօ) (Cս + Ni)
Cէ = C + __ + ______________ + _________ ,
6 5 15
որտեղ C, Mn, Cr, V, Mօ, Cս, Ni և Si-ն ածխածնի, մանգանի, քրոմի, վանադիումի, մոլիբդենի, պղնձի, նիկելի և սիլիցիումի փաստացի զանգվածային մասերն են պողպատում` տոկոսային հարաբերությամբ:
Մանգանով լեգիրացված պողպատե գլոցվածքի համար ածխածնային համարժեքի մեծությունը թույլատրվում է հաշվարկել հետևյալ բանաձևով`
Mn Si
Cէ = C + ___ + ___ ,
8 7
որտեղ Si-ն մանգանի զանգվածային մասն է պողպատում` տոկոսային հարաբերությամբ:
40. Ամրանային ձողերի եռակցելիությունը և կայունությունը կոռոզային ճաքճքման հանդեպ պետք է ապահովված լինի քիմիական կազմով և արտադրման տեխնոլոգիայով: Սույն տեխնիկական կանոնակարգի NN 1, 3 և 5 աղյուսակներում ներկայացված խզման ժամանակավոր դիմադրության նորմերի նկատմամբ չի թույլատրվում եռակցված միացումի ժամանակավոր դիմադրության նվազում` 10 տոկոսից ավելի: Ամրանային ձողերը համարվում են եռակցելի, եթե ամրանային պողպատի դասը համապատասխանում է սույն տեխնիկական կանոնակարգի NN 1, 3 և 5 աղյուսակներով սահմանված պահանջներին և եռակցված կարերի շահագործման բնութագրերին` սույն տեխնիկական կանոնակարգի VIII բաժնով նախատեսված` երկաթբետոնե կոնստրուկցիաների ամրանային ու ներդիր եռակցված պատրաստվածքների, ամրանի եռակցված միացումների և ներդիր պատրաստվածքների ստանդարտով սահմանված տեխնիկական պահանջներին համապատասխան:
V. ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԸՆԹԱՑԱԿԱՐԳԵՐԸ
i
41. Սույն տեխնիկական կանոնակարգի պահանջներին պողպատե արտադրանքի համապատասխանությունը հավաստելու համար արտադրողը կամ Հայաստանի Հանրապետությունում նրա լիազոր ներկայացուցիչը պետք է`
1) կիրառի Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված Ա 2 կամ Զ ընթացակարգը.
2) դնի Հայաստանի Հանրապետության կառավարության 2013 թվականի մարտի 14-ի N 337-Ն որոշմամբ սահմանված համապատասխանության ազգային նշանը պողպատե արտադրանքի վրա անմիջապես կամ փաթեթի կամ պիտակի վրա, իսկ գործընթացների համար` օգտագործվող գովազդային նյութերում:
(41-րդ կետը փոփ. 02.04.15 թիվ 356-Ն որոշում)
i
42. Սերտիֆիկացում իրականացրած համապատասխանության գնահատման նշանակված մարմինը փորձարկումներ կատարելու նպատակով`
1) պողպատե արտադրանքի նմուշների կամ դրանց տիպային ներկայացուցիչների ընտրությունն իրականացնում է արտադրողի կամ Հայաստանի Հանրապետությունում նրա լիազոր ներկայացուցչի մասնակցությամբ: Պողպատե արտադրանքի մեխանիկական ցուցանիշների որոշման համար փորձարկվող նմուշներն ընտրվում են սույն տեխնիկական կանոնակարգի 34-րդ կետով սահմանված յուրաքանչյուր խմբաքանակի զանգվածից` հետևյալ քանակությամբ`
ա. ամրանային ձողեր` 4 նմուշ,
բ. պողպատե մետաղալարեր` 6 նմուշ,
գ. ամրանային ճոպան` 2 նմուշ.
2) քիմիական կազմի որոշման համար` մեկ նմուշ` յուրաքանչյուր ձուլվածքից.
3) շարունակական արտադրվող պողպատե արտադրանքների Զ ընթացակարգով գնահատման ժամանակ սերտիֆիկացում իրականացրած համապատասխանության գնահատման նշանակված մարմինն արտադրության վիճակի վերլուծության գործընթացում պողպատե արտադրանքը բնորոշող չափանիշների որոշման համար փորձարկվող նմուշներն ընտրում է յուրաքանչյուր 3 հաջորդող տրամագծերի խմբից` հետևյալ քանակությամբ`
ա. պատրաստի գլոցվածքի քիմիական կազմը որոշելու համար` 3 նմուշ,
բ. տեխնիկական կանոնակարգով սահմանված բոլոր տեսակի փորձարկումների համար` 30 նմուշ:
(42-րդ կետը փոփ. 02.04.15 թիվ 356-Ն որոշում)
43. Պողպատե արտադրանքների նույնականացման գործընթացում ստուգվում են անմիջապես դրանց փաթեթվածքների վրա կամ դրանց փակցված կամ ներդիր պիտակների վրա կատարված մականշվածքի համապատասխանությունն ապրանքաուղեկից փաստաթղթում ներկայացված տեղեկատվությանը:
i
44. Փորձարկումները պետք է կատարվեն սույն տեխնիկական կանոնակարգի կիրարկումն ապահովող ստանդարտներին համապատասխան:
(44-րդ կետը փոփ. 02.04.15 թիվ 356-Ն որոշում)
45. Համապատասխանության գնահատման նշանակված մարմինը հայտատուին համապատասխանության սերտիֆիկատ հանձնելու ժամանակ նրա հետ կնքում է համապատասխանության սերտիֆիկատ տալու պայմանների պահպանման նկատմամբ իրականացվող հսկողության պայմանագիր, եթե համապատասխանության գնահատումն իրականացվել է Զ համապատասխանության գնահատման ընթացակարգով:
(45-րդ կետը փոփ. 02.04.15 թիվ 356-Ն որոշում)
46. Համապատասխանության սերտիֆիկատի գործողության ժամկետի ընտրությունը պետք է կատարվի ըստ իրականացված համապատասխանության գնահատման ընթացակարգի, բայց 3 տարվանից ոչ ավելի: Համապատասխանության հայտարարագրի գործողության ժամկետը սահմանվում է`
ա. 12 ամիս` համապատասխանության գնահատման Ա 2 ընթացակարգի դեպքում,
բ. համապատասխանության գնահատման Զ ընթացակարգի դեպքում` հայտարարագրի և սերտիֆիկատի գործողության ժամկետ է սահմանվում` 36 ամիս:
(46-րդ կետը փոփ. 02.04.15 թիվ 356-Ն որոշում)
47. Սերտիֆիկացված պողպատե արտադրանքի համապատասխանության հսկողությունն իրականացվում է համապատասխանության սերտիֆիկատի գործողության ժամկետի ընթացքում` առնվազն տարեկան մեկ անգամ` սույն տեխնիկական կանոնակարգի 45-րդ կետում նշված պայմանագրի հիման վրա:
(47-րդ կետը փոփ. 02.04.15 թիվ 356-Ն որոշում)
48. Համապատասխանության հսկողության արդյունքների հիման վրա համապատասխանության գնահատում իրականացրած համապատասխանության գնահատման նշանակված մարմինն իրավունք ունի պահպանելու իր կողմից տրված համապատասխանության սերտիֆիկատի գործողության ժամկետը կամ այն կասեցնելու կամ դադարեցնելու:
(48-րդ կետը փոփ. 02.04.15 թիվ 356-Ն որոշում)
49. Արտադրողը պետք է իրականացնի սույն տեխնիկական կանոնակարգի պահանջներին պողպատե արտադրանքների համապատասխանության ստուգում` վիճակագրական մեթոդներով` երկարաժամկետ որակի մակարդակը հաստատելու համար:
i
50. Համապատասխանության սերտիֆիկատի գործողությունը կասեցնելու կամ դադարեցնելու դեպքում սերտիֆիկացում իրականացրած համապատասխանության գնահատման նշանակված մարմինը դրա մասին տեղեկացնում է արտադրողին և գրավոր ծանուցում ստուգումներ իրականացնող իրավասու մարմիններին:
(50-րդ կետը փոփ. 02.04.15 թիվ 356-Ն որոշում)
VI. ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ
51. Պողպատե արտադրանքների չափումների միասնականությունը պետք է ապահովվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:
VII. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
52. Սույն տեխնիկական կանոնակարգի պահանջներին պողպատե արտադրանքների համապատասխանության պետական վերահսկողությունն իրականացվում է «Համապատասխանության գնահատման մասին» Հայաստանի Հանրապետության օրենքով սահմանված կարգով:
VIII. ՏԵԽՆԻԿԱԿԱՆ ԿԱՆՈՆԱԿԱՐԳՈՎ ՍԱՀՄԱՆՎԱԾ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՍՏԱՆԴԱՐՏՆԵՐԻ ՑԱՆԿԸ
._________________________________________________________________________.
| Ստանդարտների նշագիրը | Պահանջներ և փորձարկման մեթոդներ սահմանող |
| և կետերը | ստանդարտի անվանումը |
|____________________________|____________________________________________|
| 1 | 2 |
|____________________________|____________________________________________|
|ԳՕՍՏ 1579 |Մետաղալար. Գերծռման փորձարկման մեթոդներ |
| | |
|____________________________|____________________________________________|
|ԳՕՍՏ 5781 |Պողպատ շիկագլոցված երկաթբետոնե |
|(4.11 կետ, հավելված 2) |կոնստրուկցիաների ամրանավորման համար. |
| |Տեխնիկական պայմաններ |
|____________________________|____________________________________________|
|ԳՕՍՏ 7564 |Գլոցվածք. Մեխանիկական և տեխնոլոգիական |
| |փորձարկումների համար նմուշների, |
| |փորձանմուշների և նախապատրաստվածքների |
| |ընտրության ընդհանուր կանոններ |
|____________________________|____________________________________________|
|ԳՕՍՏ 7565 |Թուջ, պողպատ և համաձուլվածքներ. Քիմիական |
| |կազմի որոշման համար նմուշառման մեթոդ |
|____________________________|____________________________________________|
|ԳՕՍՏ 10922 |Երկաթբետոնե կոնստրուկցիաների ամրանային և |
|(2.12, 2.13, 2.14, 2.16, |ներդիր եռակցված պատրաստվածքներ, ամրանի |
|2.17, 2.18, 3.9, 3.21 |եռակցված միացումներ և ներդիր |
|կետեր) |պատրաստվածքներ. Ընդհանուր տեխնիկական |
| |պայմաններ |
|____________________________|____________________________________________|
|ԳՕՍՏ 12004 |Ամրանային պողպատ. Խզման փորձարկման |
| |մեթոդներ |
|____________________________|____________________________________________|
|ԳՕՍՏ 12344 |Լեգիրացված և բարձր լեգիրացված պողպատներ. |
| |Ածխածնի որոշման մեթոդներ |
|____________________________|____________________________________________|
|ԳՕՍՏ 12345 |Լեգիրացված և բարձր լեգիրացված պողպատներ. |
| |Ծծմբի որոշման մեթոդներ |
|____________________________|____________________________________________|
|ԳՕՍՏ 12346 |Լեգիրացված և բարձր լեգիրացված պողպատներ. |
| |Սիլիցիումի որոշման մեթոդներ |
|____________________________|____________________________________________|
|ԳՕՍՏ 12347 |Լեգիրացված և բարձր լեգիրացված պողպատներ. |
| |Ֆոսֆորի որոշման մեթոդներ |
|____________________________|____________________________________________|
|ԳՕՍՏ 12348 |Լեգիրացված և բարձր լեգիրացված պողպատներ. |
| |Մանգանի որոշման մեթոդներ |
|____________________________|____________________________________________|
|ԳՕՍՏ 12350 |Լեգիրացված և բարձր լեգիրացված պողպատներ. |
| |Քրոմի որոշման մեթոդներ |
|____________________________|____________________________________________|
|ԳՕՍՏ 12352 |Լեգիրացված և բարձր լեգիրացված պողպատներ. |
| |Նիկելի որոշման մեթոդներ |
|____________________________|____________________________________________|
|ԳՕՍՏ 12355 |Լեգիրացված և բարձր լեգիրացված պողպատներ. |
| |Պղնձի որոշման մեթոդներ |
|____________________________|____________________________________________|
|ԳՕՍՏ 14019 |Մետաղական նյութեր. Ծռման փորձարկման |
| |մեթոդներ |
|____________________________|____________________________________________|
|ԳՕՍՏ 14098 |Երկաթբետոնե կոնստրուկցիաների ամրանների |
|(8, 11, 13, 14, 15 կետեր) |եռակցված միացումներ և ներդիր |
| |պատրաստվածքներ. Տիպերը, կոնստրուկցիաները |
| |և չափերը |
|____________________________|____________________________________________|
|ԳՕՍՏ 14192 |Մակնշում բեռների |
|____________________________|____________________________________________|
|ԳՕՍՏ 23.279 |Ամրանային եռակցված ցանցեր` երկաթբետոնե |
|(3.8, 3.11 կետեր) |կոնստրուկցիաների և պատրաստվածքների համար. |
| |Ընդհանուր տեխնիկական պայմաններ |
._________________________________________________________________________.
(որոշումը փոփ. 02.04.15 թիվ 356-Ն որոշում)