040.0638.121000
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 հոկտեմբերի 2000 թվականի N 638
«ԱԼԱՎԵՐԴՈՒ ԿՈՄՈՒՆԱԼ ՏՆՏԵՍՈՒԹՅՈՒՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. «Ալավերդու կոմունալ տնտեսություն» պետական փակ բաժնետիրական ընկերության լուծարման հանձնաժողովին` 15-օրյա ժամկետում Հայաստանի Հանրապետության կառավարության 1999 թվականի սեպտեմբերի 23-ի «Մի շարք բաժնետիրական ընկերություններ լուծարելու, Հայաստանի Հանրապետության կառավարության 1997 թվականի հուլիսի 8-ի N 245 և 1999 թվականի ապրիլի 13-ի N 217 որոշումներում փոփոխություններ կատարելու մասին» N 595 որոշման համաձայն լուծարվող «Ալավերդու կոմունալ տնտեսություն» պետական փակ բաժնետիրական ընկերության գույքը սեփականության իրավունքով անհատույց հանձնել, իսկ դեբիտորական և կրեդիտորական պարտքերը (պարտատիրոջ և պարտապանի համաձայնությամբ) փոխանցել Ալավերդու քաղաքային համայնքին, որից հետո 15-օրյա ժամկետում` Հայաստանի Հանրապետության օրենսդրությամբ սահմանված կարգով ավարտել ընկերության լուծարման աշխատանքները:
i
2. Ուժը կորցրած ճանաչել Հայաստանի Հանրապետության կառավարության 1999 թվականի սեպտեմբերի 23-ի «Մի շարք բաժնետիրական ընկերություններ լուծարելու, Հայաստանի Հանրապետության կառավարության 1997 թվականի հուլիսի 8-ի N 245 և 1999 թվականի ապրիլի 13-ի N 217 որոշումներում փոփոխություններ կատարելու մասին» N 595 որոշման 2-րդ կետի «բ» ենթակետը և 3-րդ կետը` «Ալավերդու կոմունալ տնտեսություն» պետական փակ բաժնետիրական ընկերության մասով:
3. Սույն որոշումն ուժի մեջ է մտնում 2000 թվականի հոկտեմբերի 12-ից: