040.0692.301000
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 հոկտեմբերի 2000 թվականի N 692
i
ԵՐԵՎԱՆ ՔԱՂԱՔԻ ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԸ ՄՇԱԿԵԼՈՒ ՄԱՍԻՆ
Ելնելով Երևան քաղաքի հեռանկարային զարգացման և դրա կենտրոնի վերակառուցման քաղաքաշինական ծրագրային փաստաթղթերի մշակման անհրաժեշտությունից` Հայաստանի Հանրապետության կառավարությունը որոշում է.
1. Երևան քաղաքի հեռանկարային զարգացման քաղաքաշինական ծրագրային փաստաթղթերի պետական պատվիրատու ճանաչել Երևանի քաղաքապետին:
i
2. Ընդունել ի գիտություն, որ Երևանի քաղաքապետը կարող է նախագծային աշխատանքների գնումները կատարել «Երևաննախագիծ» պետական փակ բաժնետիրական ընկերությունից` «Գնումների մասին» Հայաստանի Հանրապետության օրենքի 23 հոդվածի 1-ին ու 2-րդ կետերին և 44 հոդվածին համապատասխան:
i
3. Երևան քաղաքի հաստատված գլխավոր հատակագիծը գործողության մեջ է մինչև Երևանի զարգացման նոր գլխավոր հատակագծի սահմանված կարգով հաստատումը, բայց ոչ ուշ, քան մինչև 2006 թվականի հունվարի 1-ը:
(լրացվել է նոր 3-րդ կետ 16.12.00 թիվ 833 որոշում)
4. Երևանի քաղաքապետին`
i
ա) վերանայել «Երևան քաղաքի նոր գլխավոր հատակագծի մշակման միջոցառումներ» ու «Երևան քաղաքի կենտրոնի մանրամասն հատակագծման նախագծի (ՄՀՆ) մշակման միջոցառումներ» ծրագրերը և երկամսյա ժամկետում Հայաստանի Հանրապետության կառավարություն ներկայացնել գլխավոր հատակագծի շրջանակներում նախատեսվող միջոցառումների ժամանակացույցը ապահովելով սույն որոշման 3-րդ կետի պահանջը և դրանց իրականացման աշխատանքների արժեքը.
բ) Երևան քաղաքի գլխավոր հատակագծի նախագծի մշակման առաջին փուլի աշխատանքներում նախատեսել և 6-ամսյա ժամկետում ավարտել Երևան քաղաքի կենտրոնի առաջնահերթ կառուցապատման (վերակառուցման) տարածքների գոտևորման նախագիծը:
(4-րդ կետ փոփ. 16.12.00 թիվ 833 որոշում)
5. Հայաստանի Հանրապետության ֆինանսների և էկոնոմիկայի նախարարությանը, Երևանի քաղաքապետին` Երևանի քաղաքաշինական ծրագրային փաստաթղթերի մշակման համար Հայաստանի Հանրապետության 2001 թվականի պետական բյուջեի նախագծում նախատեսել առաջին փուլի աշխատանքների իրականացման համար անհրաժեշտ միջոցներ:
(5-րդ կետ փոփ. 16.12.00 թիվ 833 որոշում)
i
6. Հայաստանի Հանրապետության քաղաքաշինության նախարարությանը` մինչև 2001 թվականի մարտի 1-ը սահմանված կարգով Հայաստանի Հանրապետության կառավարություն ներկայացնել առաջարկություն տարածքների գոտևորման նախագծերի մշակման կարգի վերաբերյալ:
(6-րդ կետ փոփ. 16.12.00 թիվ 833, 28.02.01 թիվ 157 որոշումներ)
7. Հայաստանի Հանրապետության նախարարություններին և գերատեսչություններին` մեկամսյա ժամկետում Երևանի քաղաքապետին ներկայացնել Երևան քաղաքի զարգացման խնդիրներին վերաբերող` բնագավառի զարգացման ծրագրերը:
(7-րդ կետ փոփ. 16.12.00 թիվ 833 որոշում)
8. Սույն որոշումն ուժի մեջ է մտնում 2000 թվականի հոկտեմբերի 30-ից:
(8-րդ կետ փոփ. 16.12.00 թիվ 833 որոշում)