040.0832.200814
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 օգոստոսի 2014 թվականի N 832-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ, ԳՈՒՄԱՐ ՀԱՏԿԱՑՆԵԼՈՒ ԵՎ ԳՈՒՅՔ ՀԱՆՁՆԵԼՈՒ ՄԱՍԻՆ
Հիմք ընդունելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետը` Հայաստանի Հանրապետության կառավարությունը որոշում է.
1. «Հայաստանի Հանրապետության 2014 թվականի պետական բյուջեի մասին» Հայաստանի Հանրապետության օրենքում և Հայաստանի Հանրապետության կառավարության 2013 թվականի դեկտեմբերի 19-ի «Հայաստանի Հանրապետության 2014 թվականի պետական բյուջեի կատարումն ապահովող միջոցառումների մասին» N 1414-Ն որոշման մեջ կատարել փոփոխություններ և լրացումներ` համաձայն NN 1, 2, 3, 4, 5, 6 և 7 հավելվածների:
2. Երևանի Մամիկոնյանց 46/5 հասցեում գտնվող` պետական սեփականություն հանդիսացող 3677.6 քառ. մետր շենքը և դրա զբաղեցրած 0.2645 հա հողամասն ամրացնել «Հայաստանի Հանրապետության քննչական կոմիտեի աշխատակազմ» պետական հիմնարկին:
3. Հայաստանի Հանրապետության կառավարությանն առընթեր պետական գույքի կառավարման վարչության պետին` կազմակերպել սույն որոշման 2-րդ կետով նախատեսված գույքի հանձնման-ընդունման աշխատանքները:
4. Երևանի Մամիկոնյանց 46/5 հասցեում գտնվող` Հայաստանի Հանրապետության քննչական կոմիտեի վարչական օբյեկտի հիմնանորոգման ծրագրի իրականացման և գրասենյակային գույքի ձեռքբերման նպատակով Հայաստանի Հանրապետության 2014 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության քննչական կոմիտեին 2014 թվականի ինն ամսում հատկացնել 1,000,000.0 հազ. դրամ, որից` 880,000.0 հազ. դրամը` վարչական օբյեկտի հիմնանորոգման համար (բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով), 120,000.0 հազ. դրամը` գրասենյակային գույքի ձեռքբերման համար (բյուջետային ծախսերի տնտեսագիտական դասակարգման «Վարչական սարքավորումներ» հոդվածով):
i
4.1 Թույլատրել Հայաստանի Հանրապետության քննչական կոմիտեին սույն որոշման 4-րդ կետով բյուջետային ծախսերի տնտեսագիտական դասակարգման «Վարչական սարքավորումներ» հոդվածով նախատեսված գումարի հաշվին գրասենյակային գույքի ձեռքբերումն իրականացնել Հայաստանի Հանրապետության կառավարության 2013 թվականի ապրիլի 18-ի N 441-Ն որոշմամբ հաստատված ապրանքատեսակների տեխնիկական բնութագրերի պարամետրերից տարբերվող տեխնիկական բնութագրերով և դրանց համար սահմանված առավելագույն գները գերազանցող գներով:
(4.1-ին կետը լրաց. 06.11.14 թիվ 1255-Ն որոշում)
5. Թույլատրել Հայաստանի Հանրապետության քննչական կոմիտեի նախագահին սույն որոշման 4-րդ կետի համաձայն հատկացված գումարներով գնումներն իրականացնել «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետի համաձայն, բանակցային ընթացակարգով` առանց գնումների մասին հայտարարությունը նախապես հայտարարելու` Հայաստանի Հանրապետության ֆինանսների նախարարության հետ համաձայնեցված գնումների պլանի համաձայն:
6. «Սալսա Դիվելոփմենթ» փակ բաժնետիրական ընկերության կանոնադրական կապիտալի ավելացման համար Հայաստանի Հանրապետությանը լրացուցիչ տեղաբաշխվող բաժնետոմսերի դիմաց վճարում կատարելու նպատակով Հայաստանի Հանրապետության քաղաքաշինության նախարարությանը 2014 թվականի ինն ամսում հատկացնել 765,130.9 հազ. դրամ` Հայաստանի Հանրապետության 2014 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Ներքին բաժնետոմսերի և այլ մասնաբաժինների ձեռքբերում» հոդվածով):
7. Հայաստանի Հանրապետության քաղաքաշինության նախարարին` ապահովել «Սալսա Դիվելոփմենթ» փակ բաժնետիրական ընկերության կանոնադրական կապիտալի ավելացման նպատակով 765130900 հատ, յուրաքանչյուրը 1 դրամ անվանական արժեքով լրացուցիչ բաժնետոմսերի թողարկումը և անվանական արժեքով տեղաբաշխումը Հայաստանի Հանրապետությանը` ի դեմս «Հայաստանի Հանրապետության քաղաքաշինության նախարարության աշխատակազմ» պետական կառավարչական հիմնարկի, բաժնետոմսերը մուտքագրելով «Հայաստանի Հանրապետության քաղաքաշինության նախարարության աշխատակազմ» պետական կառավարչական հիմնարկի հաշվեկշիռ:
8. «Սալսա Դիվելոփմենթ» փակ բաժնետիրական ընկերությունից «ՖՕԿ» սահմանափակ պատասխանատվությամբ ընկերության բաժնեմասերի 100 տոկոսը գնելու նպատակով Հայաստանի Հանրապետության կառավարությանն առընթեր պետական գույքի կառավարման վարչությանը 2014 թվականի չորրորդ եռամսյակում հատկացնել 1,058,539.1 հազ. դրամ` Հայաստանի Հանրապետության 2014 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Ներքին բաժնետոմսերի և այլ մասնաբաժինների ձեռքբերում» հոդվածով):
(8-րդ կետը փոփ. 04.12.14 թիվ 1349-Ն որոշում)
i
9. Հայաստանի Հանրապետության կառավարությանն առընթեր պետական գույքի կառավարման վարչության պետին`
1) «Սալսա Դիվելոփմենթ» փակ բաժնետիրական ընկերության հետ կնքել «ՖՕԿ» սահմանափակ պատասխանատվությամբ ընկերության (գրանցման համարը` 264.110.06911, ՀՎՀՀ` 00010459) կանոնադրական կապիտալի 100 տոկոս կազմող 61,355,288 դրամ անվանական արժեքով մեկ բաժնեմասի առուվաճառքի պայմանագիր և Հայաստանի Հանրապետության կառավարությանը` ի դեմս Հայաստանի Հանրապետության կառավարությանն առընթեր պետական գույքի կառավարման վարչության, գրանցել իրավաբանական անձանց ռեգիստրի կողմից վարվող ընկերության մասնակիցների գրանցամատյանում` որպես «ՖՕԿ» սահմանափակ պատասխանատվությամբ ընկերության 100 տոկոս մասնակից.
2) Հայաստանի Հանրապետության կառավարությանը` ի դեմս Հայաստանի Հանրապետության կառավարությանն առընթեր պետական գույքի կառավարման վարչության, որպես «ՖՕԿ» սահմանափակ պատասխանատվությամբ ընկերության մասնակից գրանցելուց հետո ընկերության կանոնադրական կապիտալի նվազեցման եղանակով ընկերության ակտիվների կազմից առանձնացնել Երևանի Արաբկիր, Վաղարշյան 13 ա հասցեում գտնվող հասարակական նշանակության 1798.97 քառ. մետր մակերեսով շենք-շինությունը` զբաղեցրած 0,06098 հա հողամասով հանդերձ, ընկերության հաշվեկշռում հաշվառվող ամբողջ շարժական գույքը և առանձնացված գույքը որպես պետական սեփականություն ամրացնել «Հայաստանի Հանրապետության հատուկ քննչական ծառայության աշխատակազմ» պետական հիմնարկին` գույքի առանձնացման գործարքից առաջացող ավելացված արժեքի հարկի վճարումն իրականացնելով «Հայաստանի Հանրապետության 2014 թվականի պետական բյուջեի մասին» Հայաստանի Հանրապետության օրենքի 11-րդ հոդվածի 3-րդ կետի «դ» ենթակետին համապատասխան.
3) սույն կետի 1-ին և 2-րդ ենթակետերով նախատեսված գործընթացներն ավարտելուց հետո «ՖՕԿ» սահմանափակ պատասխանատվությամբ ընկերությունը Հայաստանի Հանրապետության օրենսդրությամբ սահմանված կարգով լուծարել:
(9-րդ կետը փոփ. 04.12.14 թիվ 1349-Ն, 25.12.14 թիվ 1448-Ն, 10.03.15 թիվ 229-Ն որոշումներ)
10. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2014 ԹՎԱԿԱՆԻ ՕԳՈՍՏՈՍԻ 20-ԻՆ
Հավելված N 1
ՀՀ կառավարության
2014 թվականի օգոստոսի 7-ի
N 832-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 2-ՐԴ ՀՈԴՎԱԾԻ ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
.____________________________________________________.
| |Ցուցանիշների փոփոխությունը|
| |(գումարների ավելացումը |
| |նշված է դրական նշանով) |
|_________________________|__________________________|
|1. Եկամուտների գծով | 1,823,670.0 |
|_________________________|__________________________|
|2. Ծախսերի գծով | - |
|_________________________|__________________________|
|3. Դեֆիցիտը (պակասուրդը) | (1,823,670.0) |
.____________________________________________________.
Հավելված N 2
ՀՀ կառավարության
2014 թվականի օգոստոսի 7-ի
N 832-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 6-ՐԴ ՀՈԴՎԱԾՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ N 2 ՀԱՎԵԼՎԱԾԻ ԱՂՅՈՒՍԱԿՆԵՐՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
.___________________________________________________________________.
|Եկամտատեսակը |Ցուցանիշների փոփոխությունը |
| |(գումարների ավելացումը նշված|
| |է դրական նշանով) |
| |____________________________|
| |ինն ամիս |տարի |
|______________________________________|______________|_____________|
|ՊԵՏԱԿԱՆ ԲՅՈՒՋԵԻ ԵԿԱՄՈՒՏՆԵՐ | 1,621,040.0| 1,823,670.0|
|______________________________________|______________|_____________|
|Հարկային եկամուտներ և պետական տուրքեր| 1,621,040.0| 1,823,670.0|
.___________________________________________________________________.
Հավելված N 3
ՀՀ կառավարության
2014 թվականի օգոստոսի 7-ի
N 832-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 3-ՐԴ ՀՈԴՎԱԾՈՒՄ, N 4 ՀԱՎԵԼՎԱԾԻ N 1 ԱՂՅՈՒՍԱԿՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ N 1 ՀԱՎԵԼՎԱԾԻ N 1 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
.____________________________________________________________.
|Պետական բյուջեի դեֆիցիտի |Ցուցանիշների |
|ֆինանսավորման աղբյուրների ու դրանց|փոփոխությունը (մուտքերի |
|տարրերի անվանումները |ավելացումը և ելքերի |
| |նվազումը նշված են դրական |
| |նշանով, իսկ մուտքերի |
| |նվազումը և ելքերի |
| |ավելացումը` փակագծերում) |
| |_________________________|
| |ինն ամիս |տարի |
|__________________________________|___________|_____________|
|ԸՆԴԱՄԵՆԸ |(765,130.9)|(1,823,670.0)|
|__________________________________|___________|_____________|
|այդ թվում` | | |
|__________________________________|___________|_____________|
|Ա. Ներքին աղբյուրներ - ընդամենը |(765,130.9)|(1,823,670.0)|
|__________________________________|___________|_____________|
|այդ թվում` | | |
|__________________________________|___________|_____________|
|2. Ֆինանսական զուտ ակտիվներ |(765,130.9)|(1,823,670.0)|
|__________________________________|___________|_____________|
|այդ թվում` | | |
|__________________________________|___________|_____________|
|2.2 Բաժնետոմսերի և կապիտալում |(765,130.9)|(1,823,670.0)|
|այլ մասնակցության ձեռքբերում | | |
|__________________________________|___________|_____________|
|զ) «Սալսա դիվելոփմենթ» ՓԲԸ |(765,130.9)| (765,130.9)|
|__________________________________|___________|_____________|
|ՀՀ քաղաքաշինության նախարարություն |(765,130.9)| (765,130.9)|
|__________________________________|___________|_____________|
|թ) «ՖՕԿ» ՍՊԸ | - |(1,058,539.1)|
|__________________________________|___________|_____________|
|ՀՀ պետական գույքի կառավարման | - |(1,058,539.1)|
|վարչություն | | |
.____________________________________________________________.
Հավելված N 4
ՀՀ կառավարության
2014 թվականի օգոստոսի 7-ի
N 832-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 7-ՐԴ ՀՈԴՎԱԾԻ ԱՂՅՈՒՍԱԿՈՒՄ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ N 3 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
._____________________________________________________________________.
|Բա|Խ |Դա|Բյուջետային ծախսերի գործառական |Ցուցանիշների |
|ժի|ու|սը|դասակարգման բաժինների, խմբերի և |փոփոխությունը (ծախսերի |
|նը|մ | |դասերի, տնտեսագիտական դասակարգման |ավելացումները նշված են |
| |բ | |հոդվածների, ֆինանսավորվող ծրագրերի |դրական նշանով, իսկ |
| |ը | |և դրանք իրականացնող մարմինների |նվազեցումները` |
| | | |անվանումները |փակագծերում) |
| | | | |________________________|
| | | | |ինն ամիս |տարի |
|__|__|__|___________________________________|___________|____________|
| | | |ԸՆԴԱՄԵՆԸ` ԾԱԽՍԵՐ | 855,909.1| - |
|__|__|__|___________________________________|___________|____________|
| | | |այդ թվում` | | |
|__|__|__|___________________________________|___________|____________|
|04| | |ՏՆՏԵՍԱԿԱՆ ՀԱՐԱԲԵՐՈՒԹՅՈՒՆՆԵՐ |(709,205.0)| (709,205.0)|
|__|__|__|___________________________________|___________|____________|
| |09| |Տնտեսական հարաբերություններ |(709,205.0)| (709,205.0)|
| | | |(այլ դասերին չպատկանող) | | |
|__|__|__|___________________________________|___________|____________|
| | |01|Տնտեսական հարաբերություններ |(709,205.0)| (709,205.0)|
| | | |(այլ դասերին չպատկանող) | | |
|__|__|__|___________________________________|___________|____________|
|11| | |ՀԻՄՆԱԿԱՆ ԽՄԲԵՐԻՆ ՉԴԱՍՎՈՂ |1,565,114.1| 709,205.0|
| | | |ՊԱՀՈՒՍՏԱՅԻՆ ՖՈՆԴԵՐ | | |
|__|__|__|___________________________________|___________|____________|
| | | |այդ թվում` | | |
|__|__|__|___________________________________|___________|____________|
| |01| |ՀՀ կառավարության և համայնքային |1,565,114.1| 709,205.0|
| | | |պահուստային ֆոնդ | | |
|__|__|__|___________________________________|___________|____________|
| | |01|ՀՀ կառավարության պահուստային ֆոնդ |1,565,114.1| 709,205.0|
._____________________________________________________________________.
Հավելված N 5
ՀՀ կառավարության
2014 թվականի օգոստոսի 7-ի
N 832-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 8-ՐԴ ՀՈԴՎԱԾԻ ԱՂՅՈՒՍԱԿՈՒՄ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ N 4 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
._____________________________________________________________________.
|Բյուջետային ծախսերի տնտեսագիտական |Ցուցանիշների |
|դասակարգման հոդվածների անվանումները |փոփոխությունը (ծախսերի |
| |ավելացումները նշված են |
| |դրական նշանով, իսկ |
| |նվազեցումները` |
| |փակագծերում) |
| |________________________|
| |ինն ամիս |տարի |
|____________________________________________|___________|____________|
|ԸՆԴԱՄԵՆԸ` ԾԱԽՍԵՐ | 855,909.1| - |
|____________________________________________|___________|____________|
|այդ թվում` | | |
|____________________________________________|___________|____________|
|ԸՆԹԱՑԻԿ ԾԱԽՍԵՐ |1,565,114.1| 709,205.0|
|____________________________________________|___________|____________|
|այդ թվում` | | |
|____________________________________________|___________|____________|
|ԱՅԼ ԾԱԽՍԵՐ |1,565,114.1| 709,205.0|
|____________________________________________|___________|____________|
|այդ թվում` | | |
|____________________________________________|___________|____________|
|պահուստային միջոցներ |1,565,114.1| 709,205.0|
|____________________________________________|___________|____________|
|ՈՉ ՖԻՆԱՆՍԱԿԱՆ ԱԿՏԻՎՆԵՐԻ ՀԵՏ |(709,205.0)| (709,205.0)|
|ԳՈՐԾԱՌՆՈՒԹՅՈՒՆՆԵՐ | | |
|____________________________________________|___________|____________|
|այդ թվում` | | |
|____________________________________________|___________|____________|
|Ոչ ֆինանսական ակտիվների օտարումից մուտքեր |(709,205.0)| (709,205.0)|
._____________________________________________________________________.
_____________________________________________
ԻՐՏԵԿ - NN 6 և 7 հավելվածները չեն բերվում
@