16.10.2015 - 16.01.2024
040.2228.291205
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29» դեկտեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 դեկտեմբերի 2005 թվականի N 2228-Ն
i
ՌԱԴԻՈՍԱՐՔԱՎՈՐՈՒՄՆԵՐԻ ԵՎ ՀԵՌԱՀԱՂՈՐԴԱԿՑՈՒԹՅԱՆ ՎԵՐՋՆԱԿԵՏԱՅԻՆ ՍԱՐՔԱՎՈՐՈՒՄՆԵՐԻ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ
i
«Ստանդարտացման մասին» Հայաստանի Հանրապետության օրենքի 8-րդ հոդվածին համապատասխան, ինչպես նաև հաշվի առնելով ռադիոսարքավորումների և հեռահաղորդակցության վերջնակետային սարքավորումների` մարդու կյանքին, առողջությանը, գույքին և շրջակա միջավայրին վնաս պատճառելու աստիճանը` Հայաստանի Հանրապետության կառավարությունը որոշում է.
1. Հաստատել ռադիոսարքավորումների և հեռահաղորդակցության վերջնակետային սարքավորումների տեխնիկական կանոնակարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվանից վեց ամիս հետո:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ԴԵԿՏԵՄԲԵՐԻ 26-ԻՆ
Հավելված
ՀՀ կառավարության
2005 թվականի դեկտեմբերի 15-ի
N 2228-Ն որոշման
ՏԵԽՆԻԿԱԿԱՆ ԿԱՆՈՆԱԿԱՐԳ ՌԱԴԻՈՍԱՐՔԱՎՈՐՈՒՄՆԵՐԻ ԵՎ ՀԵՌԱՀԱՂՈՐԴԱԿՑՈՒԹՅԱՆ ՎԵՐՋՆԱԿԵՏԱՅԻՆ ՍԱՐՔԱՎՈՐՈՒՄՆԵՐԻ
I. ԿԻՐԱՌՄԱՆ ՈԼՈՐՏԸ
1. Սույն ռադիոսարքավորումների և հեռահաղորդակցության վերջնակետային սարքավորումների տեխնիկական կանոնակարգի (այսուհետ` տեխնիկական կանոնակարգ) գործողությունը տարածվում է արտաքին տնտեսական գործունեության ապրանքային անվանացանկի ծածկագրերին համապատասխան հետևյալ սարքավորումների վրա`
i
ա) ֆաքսիմիլային սարքավորումներ 8443 32 200
բ) 10 կգ ոչ ավել զանգվածով դյուրակիր թվային հաշվիչ
մեքենաներ, որոնց կազմում ընդգրկված են` տվյալների
մշակման կենտրոնական բլոկը, ստեղնաշարը և դիսփլեյը 8471 30 000
գ) այլ հաշվիչ մեքենաներ, որոնք մատակարարվում են
համակարգի տեսքով 8471 49 000
դ) անլար լսափողով հեռախոսային ապարատներ` լարային
կապի համար 8517 11 000
ե) հեռախոսային ապարատներ` բջջային կամ այլ անլար
կապի ցանցերի համար 8517 12 000
զ) այլ հեռախոսային սարքավորումներ 8517 18 000
է) բազային կայաններ 8517 61 000
ը) ձայնի, պատկերի կամ այլ տվյալների ընդունման,
վերափոխման և հաղորդման կամ վերականգնման մեքենաներ,
այդ թվում` մարշրուտիզատորներ և կոմուտացման
սարքավորումներ 8517 62 000
թ) դյուրակիր ընդունիչներ` ազդանշանային կանչի
ընդունման կամ փեյջինգային հաղորդագրության համար,
և այլ սարքեր 8517 69 310,
8517 69 390,
8517 69 900,
8517 70 900
ժ) հեռախոսային ավտոպատասխանիչներ 8519 50 000
ժա) հաղորդող սարքավորումներ, ինչպես նաև հաղորդող
սարքավորումներ, որոնք իրենց կազմում ընդգրկում են
ընդունիչ սարքավորումներ 8525 50 000,
8525 60 000
ժբ) հեռաղեկավարման ռադիոսարքավորում 8526 92 000
ժգ) անալոգային և թվային հաշվիչ համակարգեր և այլ
սարքավորումներ 8527 12 100,
8527 12 900,
8527 99 900:
(1-ին կետը փոփ. 24.05.07 թիվ 736-Ն որոշում)
2. Սույն տեխնիկական կանոնակարգի գործողությունը տարածվում է նաև տեխնիկական կանոնակարգի 1-ին կետում նշված սարքավորումների վրա, երբ դրանք տեղադրվում են տրանսպորտային միջոցներում կամ տրանսպորտային միջոցների վրա, կամ կազմում են տրանսպորտային միջոցի միավոր:
3. Սույն տեխնիկական կանոնակարգի գործողությունը չի տարածվում հետևյալ ռադիոսարքավորումների և հեռահաղորդակցության վերջնակետային սարքավորումների վրա`
ա) ռադիոսիրողների կողմից ստեղծված (մոդիֆիկացված) և օգտագործվող ոչ սերիական (մասսայական) արտադրության ռադիոսարքավորումների,
i
բ) ռադիոընդունիչների և ալեհավաքների, որոնք նախատեսված են ձայնի և հեռուստատեսային հաղորդումների ընդունման համար,
գ) օդային երթևեկության կառավարման և դրա համար նախատեսված սարքավորումների և համակարգերի,
i
դ) ազգային անվտանգության ապահովման, պետության պաշտպանության և հասարակական կարգի պահպանության նպատակներով Հայաստանի Հանրապետության պաշտպանության նախարարության, Հայաստանի Հանրապետության կառավարությանն առընթեր Հայաստանի Հանրապետության ոստիկանության, Հայաստանի Հանրապետության կառավարությանն առընթեր ազգային անվտանգության ծառայության և Հայաստանի Հանրապետության տարածքային կառավարման նախարարության արտակարգ իրավիճակների վարչության համար նախատեսված սարքավորումների:
4. Սույն տեխնիկական կանոնակարգով սահմանվում են կանոնակարգի 1-ին կետով նախատեսված ռադիոսարքավորումներին և հեռահաղորդակցության վերջնակետային սարքավորումներին (այսուհետ` սարքավորումներ) ներկայացվող տեխնիկական, ինչպես նաև դրանց շուկա մուտք գործելուն, մակնշմանը ներկայացվող պահանջները և համապատասխանության գնահատման ընթացակարգերը:
5. Սույն տեխնիկական կանոնակարգի 1-ին «է», «ը» և «ժա» ենթակետերում նշված սարքավորումները ենթակա են համապատասխանության պարտադիր գնահատման:
(5-րդ կետը փոփ. 06.04.06 թիվ 498-Ն, 19.10.06 թիվ 1456-Ն, 24.05.07 թիվ 736-Ն որոշումներ)
i
II. ՀԱՍԿԱՑՈՒԹՅՈՒՆՆԵՐԸ
6. Սույն տեխնիկական կանոնակարգում օգտագործվում են հետևյալ հասկացությունները`
ա) սարքավորում` ցանկացած սարքավորում, որը հանդիսանում է ռադիոսարքավորում կամ հեռահաղորդակցության վերջնակետային սարքավորում, կամ էլ ցանկացած սարքավորում, որը պարունակում է ռադիոսարքավորման կամ հեռահաղորդակցության վերջնակետային սարքավորման մաս: Սարքավորումներն ըստ կատեգորիաների դասակարգվում են որպես ապարատներ, համակարգեր և կայանքներ.
բ) հեռահաղորդակցության վերջնակետային սարքավորում` սարքավորում կամ սարքավորման այն մասը, որը միացված լինելով հանրային էլեկտրոնային հաղորդակցության ցանցին` սահմանաբաժան կետում, որտեղ հանդիպում են վերջնական օգտագործողը և ծառայություններ մատուցողի սարքավորումը և (կամ) գծերը, թույլ է տալիս ուղարկել, մշակել կամ ստանալ տեղեկատվություն (ձայն, տվյալներ և այլն).
գ) ռադիոսարքավորում` ռադիոալիքների արձակման և (կամ) ընդունման միջոցով հաղորդակցության հնարավորություն ընձեռող սարքավորում կամ դրա այն մասը, որը շահագործում է վերգետնյա տիեզերական ռադիոհաղորդակցության համար հատկացված ռադիոհաճախությունների տիրույթը.
դ) ռադիոալիքներ` էլեկտրամագնիսական ալիքներ 9 ԿՀց-ից մինչև 3000 ԳՀց հաճախականությամբ, որոնք տարածվում են տիեզերքում առանց որևէ արհեստական ուղղորդման.
ե) փոխկապակցման հետ (ինտերֆեյս)` ցանցի վերջնակետ կամ եթերային փոխկապակցման կետ, կամ դրանց զուգակցություն, որոնք բնութագրվում են.
1) ցանցի վերջնակետը ֆիզիկական միացման կետ է, որտեղ օգտագործողին տրամադրվում է հասանելիություն հանրային էլեկտրոնային հաղորդակցության ցանցին,
2) եթերային փոխկապակցման կետը հատկորոշում է ռադիոհաղորդակցության ուղին ռադիոսարքավորումների միջև.
զ) սարքավորման դաս` դաս, որը նույնացնում է սարքավորումների որոշակի տեսակներ, որոնք սույն տեխնիկական կանոնակարգի իմաստով համարվում են նույնանման, ինչպես նաև այն փոխկապակցման կետերը, որոնց համար այդ սարքավորումները նախատեսված են: Մեկ սարքավորումը կարող է պատկանել մեկից ավելի սարքավորումների դասերի.
է) շահագործման փաստաթուղթ` փաստաթուղթ, որը պարունակում է սարքավորման նկարագրությունը և սարքավորմանը ներկայացվող հիմնական պահանջներին համապատասխանության մասին տեղեկություններ.
ը) վնասակար միջամտություն` միջամտություն, որը վտանգում կամ խանգարում է ռադիոնավագնացության ծառայությանը կամ անվտանգության ապահովման այլ ծառայությունների գործառույթների իրականացմանը, կամ էլ նվազեցնում է ռադիոհաղորդակցության որևէ ծառայության գործառույթի որակը:
i
III. ՇՈՒԿԱ ՄՈՒՏՔ ԳՈՐԾԵԼՈՒ ԿԱՆՈՆՆԵՐԸ
i
7. Հայաստանի Հանրապետության տարածքում արգելվում է համապատասխանության պարտադիր գնահատման ենթակա սարքավորումների իրացումն առանց համապատասխանության պարտադիր գնահատման:
(7-րդ կետը փոփ. 24.05.07 թիվ 736-Ն որոշում)
i
8. Հայաստանի Հանրապետության տարածքում համապատասխանության պարտադիր գնահատման ենթակա սարքավորումները պետք է ուղեկցվեն համապատասխանության սերտիֆիկատով և համապատասխանության ազգային նշանի մակնշմամբ:
(8-րդ կետը փոփ. 02.04.15 թիվ 356-Ն որոշում)
9. Ցուցահանդեսների, շնորհանդեսների և նմանատիպ այլ միջոցառումների ընթացքում տեխնիկական կանոնակարգի հիմնական պահանջներին չբավարարող սարքավորումների ցուցադրությունը չի արգելվում, եթե առկա է հստակ տեսանելի ցուցանակ առ այն, որ այդ սարքավորումները չեն կարող շուկա մուտք գործել կամ շահագործման մեջ դրվել նախքան սահմանված կարգով համապատասխանության հավաստումը:
IV. ՏԵԽՆԻԿԱԿԱՆ ՊԱՀԱՆՋՆԵՐԸ
i
10. Սարքավորումների վերաբերյալ սույն տեխնիկական կանոնակարգով չնախատեսված անվտանգության պահանջները պետք է համապատասխանեն`
ա) օգտագործողի անվտանգության և առողջության պահպանումը, ներառյալ համապատասխանությունը` Հայաստանի Հանրապետության կառավարության 2005 թվականի փետրվարի 3-ի N 150-Ն որոշմամբ հաստատված ցածր լարման էլեկտրասարքավորումներին ներկայացվող պահանջների տեխնիկական կանոնակարգի դրույթներին և «Կենցաղային պայմաններում լայն սպառման ապրանքների կիրառման ժամանակ ֆիզիկական գործոնների թույլատրելի մակարդակների» N2-III-11 /001-96/ միջպետական սանիտարական նորմերի և կանոնների պահանջներին.
բ) էլեկտրամագնիսական համատեղելիության պահպանումը, ներառյալ համապատասխանությունը` Հայաստանի Հանրապետության կառավարության 2004 թվականի դեկտեմբերի 23-ի N 1925-Ն որոշմամբ հաստատված էլեկտրամագնիսական համատեղելիության վերաբերյալ տեխնիկական կանոնակարգի դրույթներին:
11. Վնասակար միջամտությունից խուսափելու նպատակով և վերգետնյա տիեզերական ռադիոհաղորդակցության համար հատկացված ռադիոհաճախականությունների տիրույթի և ուղեծրային ռեսուրսների արդյունավետ օգտագործելու համար սարքավորումները պետք է համապատասխանեն «Էլեկտրոնային հաղորդակցության մասին» Հայաստանի Հանրապետության օրենքի 4-րդ հոդվածի 3-րդ կետի «ա» ենթակետով նախատեսված` Հայաստանի Հանրապետության հաճախականությունների բաշխումների աղյուսակով սահմանված նորմերին:
i
12. Սարքավորումների, ցանցի ֆիզիկական բաղադրիչների կամ դրա գործառույթների առանց վնասելու օգտագործումը, ինչպես նաև ցանցային ռեսուրսների օգտագործումը չպետք է առաջացնեն էլեկտրոնային հաղորդակցության ծառայության որակի անընդունելի փոփոխություններ:
13. Սարքավորումներին ներկայացվող անվտանգության պահանջները պետք է համապատասխանեն սույն տեխնիկական կանոնակարգի IX բաժնում նախատեսված ստանդարտներով սահմանված պահանջներին:
14. Սարքավորումների շահագործման փաստաթղթերը պետք է ընդգրկեն դրանց շահագործման եղանակները, տեղադրման, փոխադրման, պահման, օգտահանման (ոչնչացման), հավաքակցման (մոնտաժման), գործարկման և կարգավորման մասին տեղեկությունները, որոնք ապահովում են շահագործման պայմաններում սույն տեխնիկական կանոնակարգի պահանջներին դրանց համապատասխանությունը: Սարքավորումների շահագործման փաստաթղթերը պետք է համապատասխանեն ԳՕՍՏ Ռ 51287 և ԳՕՍՏ Ռ ԻԷԿ 60065 ստանդարտներով սահմանված պահանջներին:
15. Առանձին դասին կամ տեսակին պատկանող սարքավորումների նկատմամբ Հայաստանի Հանրապետությունում էլեկտրոնային հաղորդակցության ոլորտում կարգավորումն իրականացնող մարմնի կողմից կարող են սահմանվել հետևյալ լրացուցիչ պահանջները`
i
ա) ցանցի միջոցով միևնույն դասին կամ տեսակին կամ այլ դասին կամ տեսակին պատկանող սարքավորումների փոխգործակցությանը (համատեղելիությանը) և համապատասխան փոխկապակցման կետերին միանալու ունակությանը ներկայացվող պահանջները.
բ) օգտագործողի կամ բաժանորդի անհատական տվյալների և անձնական կյանքին վերաբերվող այլ տեղեկությունների պաշտպանվածությունը կանխարգելող հատկություններով սարքավորումների օժտված լինելու վերաբերյալ պահանջները.
գ) անբարեխիղճ օգտագործումից կամ չարաշահումներից զերծ մնալու և շտապ կանչի ծառայություններին հասանելիությունը երաշխավորող որոշակի հատկություններով սարքավորումների օժտված լինելու վերաբերյալ պահանջները.
դ) հաշմանդամ օգտագործողների կողմից սարքավորումների օգտագործումն ընձեռնելու հատկություններով դրանց օժտված լինելու վերաբերյալ պահանջները:
V. ՌԱԴԻՈՍԱՐՔԱՎՈՐՈՒՄՆԵՐԻ ԵՎ ՀԵՌԱՀԱՂՈՐԴԱԿՑՈՒԹՅԱՆ ՎԵՐՋՆԱԿԵՏԱՅԻՆ ՍԱՐՔԱՎՈՐՈՒՄՆԵՐԻ ՄԱԿՆՇՈՒՄԸ
16. Սարքավորումները պետք է ունենան համապատասխան մակնշում, որը պետք է նշված լինի դրանց վրա և (կամ) դրանց փաթեթվածքների վրա երևացող տեղում և (կամ) շահագործման փաստաթղթերում: Սարքավորումների վրա մակնշվածքը պետք է լինի ընթեռնելի, չջնջվող, երկարակյաց, զետեղված լինի օգտագործողի համար մատչելի տեղում և համապատասխանի ԳՕՍՏ Ռ 51287 և ԳՕՍՏ Ռ ԻԷԿ 60065 ստանդարտներով սահմանված պահանջներին:
17. Սարքավորումների մակնշումը մասնավորապես պետք է պարունակի հետևյալ տեղեկությունները`
ա) սարքավորման պայմանական անվանումը, մակնիշը, մոդելը, վերափոխակը (մոդիֆիկացիան), դասը (անհրաժեշտության դեպքում) և ծածկագիրը.
i
բ) արտադրողի կամ մատակարարի անվանումը, ապրանքային կամ ֆիրմային նշանը (առկայության դեպքում) և գտնվելու վայրը.
գ) անվանական լարումը կամ անվանական լարումների ընդգրկույթը, հոսանքի տեսակի պայմանական նշանը, փոփոխական հոսանքի դեպքում` հաճախությունները, անվանական հոսանքը և սպառվող կամ օգտակար անվանական հզորությունը.
դ) արտադրական ամսաթիվը (ամիսը, տարին) և գործարանային համարը.
ե) վտանգի մասին նախազգուշացումները և նախազգուշական միջոցներ ձեռնարկելու վերաբերյալ ցուցումները (անհրաժեշտության դեպքում).
զ) նորմատիվ փաստաթղթի նշագիրը, որի պահանջներին համապատասխան արտադրված են սարքավորումները (առկայության դեպքում):
VI. ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԸՆԹԱՑԱԿԱՐԳԵՐԸ
17. Սույն տեխնիկական կանոնակարգի պահանջներին սարքավորումների համապատասխանության հավաստումը կարող է համատեղվել ցածր լարման և էլեկտրամագնիսական համատեղելիության վերաբերյալ տեխնիկական կանոնակարգերի պահանջներին, ինչպես նաև անվտանգության այլ պահանջներին համապատասխանության գնահատման գործընթացի հետ, եթե անվտանգության այլ պահանջներ սահմանված են առանձին տեխնիկական կանոնակարգերով:
18. Սույն տեխնիկական կանոնակարգի պահանջներին սարքավորումների համապատասխանությունը հավաստելու համար`
1) արտադրողը կիրառում է Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված Ա 1, Ը, Զ ընթացակարգերից որևէ մեկն այն հեռահաղորդակցման սարքավորման համար, որը չի օգտագործում երկիր-տիեզերք կապի ապահովման նպատակով հատկացված սպեկտրը կամ ռադիո սարքավորման ընդունիչ մասերը.
2) այն դեպքում, երբ արտադրողը, կամ Հայաստանի Հանրապետությունում նրա լիազոր ներկայացուցիչը կիրառել է սույն տեխնիկական կանոնակարգի կիրարկումն ապահովող ստանդարտները, ապա կիրառում է Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված Ա 1 և (կամ) Ը 1, Զ 1 ընթացակարգերից որևէ մեկն այն հեռահաղորդակցման սարքավորման համար, որը նշված չէ սույն տեխնիկական կանոնակարգի 18-րդ կետի 1-ին ենթակետում.
i
3) այն դեպքում, երբ արտադրողը, կամ Հայաստանի Հանրապետությունում նրա լիազոր ներկայացուցիչը չի կիրառել սույն տեխնիկական կանոնակարգի կիրարկումն ապահովող ստանդարտները, ապա կիրառում է Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված Ը 1 ընթացակարգը` այն հեռահաղորդակցման սարքավորման համար, որը նշված չէ սույն տեխնիկական կանոնակարգի 18-րդ կետի 1-ին ենթակետում.
4) արտադրողը կամ Հայաստանի Հանրապետությունում գտնվող նրա լիազոր ներկայացուցիչը սարքավորումների և (կամ) դրանց սպառողական տարաների և փոխադրական տարաների վրա և (կամ) ապրանքաուղեկից փաստաթղթերում կարող է մակնշել համապատասխանության ազգային նշանը` Հայաստանի Հանրապետության կառավարության 2013 թվականի մարտի 14-ի N 337-Ն որոշմամբ սահմանված կարգով:
i
(18-րդ կետը փոփ. 02.04.15 թիվ 356-Ն որոշում)
19. Ը 1 ընթացակարգի կիրառման դեպքում` համապատասխանության գնահատման նշանակված մարմինը փորձարկումներ կատարելու նպատակով սարքավորումների նմուշառումն իրականացնում է`
1) արտադրողի կամ Հայաստանի Հանրապետությունում գտնվող նրա լիազոր ներկայացուցչի ներկայությամբ, տվյալ խմբաքանակը բնորոշող նվազագույն բավարար քանակով, սույն տեխնիկական կանոնակարգի կիրարկումն ապահովող ստանդարտներին համապատասխան.
2) համապատասխանության գնահատման նշանակված սերտիֆիկացման մարմնի և փորձարկման լաբորատորիայի ներկայացուցիչների (փորձագետների) մասնակցությամբ, եթե սարքավորումների նորմատիվ փաստաթղթերով սահմանված են մեծ ծախսերի և ժամանակի հետ կապված փորձարկումներ, ինչպես նաև արտադրատեսակները դժվար փոխադրվող և պատվերով կատարվող են և (կամ) եթե փորձարկումների կատարումը բարդ է, իսկ նմուշները` թանկարժեք, ապա համապատասխանության գնահատման նշանակված մարմինը կարող է որոշում ընդունել արտադրության գործընթացում կատարվող փորձարկումների հետ գնահատման համար կատարվող փորձարկումները համատեղելու մասին:
(19-րդ կետը փոփ. 02.04.15 թիվ 356-Ն որոշում)
20. Սարքավորումների նույնականացումն իրականացվում է համապատասխանության գնահատմանը ներկայացված սարքավորումների նմուշների և ապրանքաուղեկից փաստաթղթերի փորձաքննության եղանակով:
i
21. Սարքավորումների նույնականացումն իրականացվում է համապատասխանության գնահատմանը ներկայացված սարքավորումների նմուշների և ապրանքաուղեկից փաստաթղթերի փորձաքննության եղանակով:
Համապատասխանության գնահատման նշանակված մարմինը փորձարկումները պետք է կատարի սույն տեխնիկական կանոնակարգի կիրարկումն ապահովող ստանդարտների և փորձարկման մեթոդներ սահմանող ստանդարտներին համապատասխան: Բարդ համակարգերի դեպքում կատարվում են համակարգի օպտիմալ փոխդասավորության (կոնֆիգուրացիայի) նմուշի փորձարկումներ:
(21-րդ կետը փոփ. 02.04.15 թիվ 356-Ն որոշում)
22. Համապատասխանության գնահատման նշանակված մարմինը հայտատուին համապատասխանության սերտիֆիկատ հանձնելու ժամանակ նրա հետ կնքում է սերտիֆիկատ տալու պայմանների պահպանման նկատմամբ իրականացվող հսկողության պայմանագիր:
(22-րդ կետը փոփ. 02.04.15 թիվ 356-Ն որոշում)
i
23. Համապատասխանության հայտարարագրի կամ սերտիֆիկատի գործողության ժամկետի ընտրությունը պետք է կատարվի ըստ իրականացված համապատասխանության գնահատման ընթացակարգի և սարքավորումների ծառայության կամ երաշխիքի ժամկետների, բայց 3 տարվանից ոչ ավելի: Համապատասխանության հայտարարագրի գործողության ժամկետը սահմանվում է`
1) Ա 1 ընթացակարգի դեպքում` 12 ամիս.
2) Ը, Ը 1 ընթացակարգի դեպքում` 24 ամիս.
3) Զ, Զ 1 ընթացակարգի դեպքում` հայտարարագրի և սերտիֆիկատի գործողության ժամկետ է սահմանվում 36 ամիս:
(23-րդ կետը փոփ. 02.04.15 թիվ 356-Ն որոշում)
24. Համապատասխանության սերտիֆիկատի գործողության ժամկետի սահմանման ժամանակ պետք է հաշվի առնվեն նաև սարքավորումների տվյալ խմբի վրա տարածվող Հայաստանի Հանրապետության կառավարության 2004 թվականի դեկտեմբերի 23-ի N 1925-Ն և Հայաստանի Հանրապետության կառավարության 2005 թվականի փետրվարի 3-ի N 150-Ն որոշումներով սահմանված պահանջներին համապատասխանությունը հավաստող սերտիֆիկատների գործողության ժամկետները: Նոր համապատասխանության սերտիֆիկատների գործողության ժամկետները սահմանվում են ոչ ավելի, քան էլեկտրամագնիսական համատեղելիության վերաբերյալ և ցածր լարման վերաբերյալ վերոհիշյալ տեխնիկական կանոնակարգերով սահմանված ժամկետները:
(24-րդ կետը փոփ. 02.04.15 թիվ 356-Ն որոշում)
25. Համապատասխանության գնահատման նշանակված սերտիֆիկացման մարմինը համապատասխանության հսկողության արդյունքների հիման վրա իրավունք ունի պահպանելու իր կողմից տրված սերտիֆիկատի գործողության ժամկետը կամ այն կասեցնելու կամ դադարեցնելու:
(25-րդ կետը փոփ. 02.04.15 թիվ 356-Ն որոշում)
26. Համապատասխանության սերտիֆիկատի գործողությունը կասեցնելու կամ դադարեցնելու դեպքում համապատասխանության գնահատման նշանակված մարմինը դրա մասին տեղեկացնում է համապատասխանության սերտիֆիկատը տնօրինողին և գրավոր ծանուցում ստուգումներ իրականացնող իրավասու մարմիններին:
i
(26-րդ կետը փոփ. 02.04.15 թիվ 356-Ն որոշում)
VII. ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ
27. Սարքավորումների չափումների միասնականությունը պետք է ապահովվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:
VIII. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
28. Սույն տեխնիկական կանոնակարգի հիմնական պահանջներին սարքավորումների համապատասխանության նկատմամբ պետական վերահսկողությունը պետք է իրականացվի «Համապատասխանության գնահատման մասին» Հայաստանի Հանրապետության օրենքով սահմանված կարգով:
IX. ԿԱՆՈՆԱԿԱՐԳՈՎ ՍԱՀՄԱՆՎԱԾ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՍՏԱՆԴԱՐՏՆԵՐԻ ՑԱՆԿԸ
._________________________________________________________________________.
i
|Ստանդարտի նշագիրը| Պահանջներ և փորձարկման մեթոդներ սահմանող |
| | ստանդարտների անվանումը |
|_________________|_______________________________________________________|
i
| ԳՕՍՏ 5238 |Հաղորդալարային կապի կայանքներ. Գծերում առաջացող |
| |վտանգավոր լարումներից և հոսանքներից պաշտպանության |
| |սխեմաներ. Տեխնիկական պահանջներ |
|_________________|_______________________________________________________|
| ԳՕՍՏ 5651 |Կենցաղային ռադիոընդունիչ սարքավորում. Ընդհանուր |
| |տեխնիկական պահանջներ |
|_________________|_______________________________________________________|
| ԳՕՍՏ 6343 |Հեռախոսներ. էլեկտրաձայնային պարամետրերի չափման մեթոդներ|
|_________________|_______________________________________________________|
| ԳՕՍՏ 7152 |Միկրոֆոններ և պատիճավար հեռախոսներ ընդհանուր |
| |օգտագործման հեռախոսային ապարատների համար. Ընդհանուր |
| |տեխնիկական պայմաններ |
|_________________|_______________________________________________________|
| ԳՕՍՏ 7153 |Ընդհանուր օգտագործման հեռախոսային ապարատներ. Ընդհանուր |
| |տեխնիկական պայմաններ |
|_________________|_______________________________________________________|
| ԳՕՍՏ 7845 |Հեռուստահեռարձակման համակարգ. Հիմնական պարամետրեր. |
| |Չափման մեթոդներ |
|_________________|_______________________________________________________|
| ԳՕՍՏ 11216 |Հեռուստառադիոհեռարձակման ընդունիչ համակարգերի բաշխիչ |
| |ցանցեր. Հիմնական պարամետրեր, տեխնիկական պահանջներ, |
| |չափման և փորձարկման մեթոդներ |
|_________________|_______________________________________________________|
| ԳՕՍՏ 11515 |Ձայնային հեռարձակման ուղիներ և կապուղիներ. Որակի |
| |հիմնական պարամետրեր. Չափման մեթոդներ |
|_________________|_______________________________________________________|
| ԳՕՍՏ 12252 |Անկյունային մոդուլումով ցամաքային շարժական կապի |
| |ռադիոկայաններ. Տիպեր, հիմնական պարամետրեր, տեխնիկական |
| |պահանջներ և չափման մեթոդներ |
|_________________|_______________________________________________________|
| ԳՕՍՏ 13420 |Մայրուղային ռադիոկապի համար նախատեսված հաղորդիչներ. |
| |Հիմնական պարամետրեր, տեխնիկական պահանջներ, չափման |
| |մեթոդներ |
|_________________|_______________________________________________________|
| ԳՕՍՏ 13924 |Հեռարձակման անշարժ հաղորդիչներ. Հիմնական պարամետրեր, |
| |տեխնիկական պահանջներ և չափման մեթոդներ |
|_________________|_______________________________________________________|
| ԳՕՍՏ 14663 |Ռադիոկապի մայրուղային ընդունիչներ |
| |հեկտամետրային-դեկամետրային տիրույթի ալիքների համար. |
| |պարամետրեր, տեխնիկական պահանջներ և չափման մեթոդներ |
|_________________|_______________________________________________________|
| ԳՕՍՏ 16019 |Ցամաքային շարժական ծառայության ռադիոկայաններ. |
| |Մեխանիկական և կլիմայական ազդեցության կայունության |
| |նկատմամբ պահանջներ և փորձարկման մեթոդներ |
|_________________|_______________________________________________________|
| ԳՕՍՏ 16842 |Արդյունաբերական ռադիոխանգարումներ. Արդյունաբերական |
| |ռադիոխանգարումների աղբյուրների փորձարկման մեթոդներ |
|_________________|_______________________________________________________|
| ԳՕՍՏ 18471 |Հեռուստահեռարձակման պատկերի փոխանցման ուղի. ՈՒղու |
| |օղակներ և չափման ազդանշաններ |
|_________________|_______________________________________________________|
| ԳՕՍՏ 19463 |Պատկերի մայրուղային կապուղիներ ռադիոռելեային և |
| |արբանյակային հաղորդման համակարգերի. Հիմնական |
| |պարամետրեր և չափման մեթոդներ |
|_________________|_______________________________________________________|
| ԳՕՍՏ 19654 |Տվյալների փոխանցման կապուղիներ. Պարամետրերի չափման |
| |մեթոդներ |
|_________________|_______________________________________________________|
| ԳՕՍՏ 20532 |I-V տիրույթի հեռուստատեսային ռադիոհաղորդիչներ. Հիմնական|
| |պարամետրեր, տեխնիկական պահանջներ և չափման մեթոդներ |
|_________________|_______________________________________________________|
| ԳՕՍՏ 20855 |Ազդանշանների կերպափոխիչ սարքավորումներ. Տոնային |
| |հաճախության համակցվող և ոչ համակցվող կապուղիների համար|
| |տվյալների փոխանցման սարքավորումներ. Տիպեր և հիմնական |
| |պարամետրեր |
|_________________|_______________________________________________________|
| ԳՕՍՏ 21655 |Կապի միասնական ավտոմատացված համակարգի մայրուղային |
| |առաջնային ցանցի ուղիներ և կապուղիներ. Էլեկտրական |
| |պարամետրեր և չափման մեթոդներ |
|_________________|_______________________________________________________|
| ԳՕՍՏ 22505 |Համատեղելիություն տեխնիկական միջոցների |
| |էլեկտրամագնիսական. Արդյունաբերական ռադիոխանգարումներ |
| |ռադիոհաղորդման ընդունիչներից, հեռուստացույցներից և այլ|
| |կենցաղային ռադիոէլեկտրոնային ապարատուրայից. Նորմեր և |
| |փորձարկման մեթոդներ |
|_________________|_______________________________________________________|
| ԳՕՍՏ 22579 |Միաշերտ մոդուլումով ցամաքային շարժական ծառայության |
| |ռադիոկայաններ. Տիպեր. Հիմնական պարամետրեր, տեխնիկական |
| |պահանջներ և չափման մեթոդներ |
|_________________|_______________________________________________________|
| ԳՕՍՏ 22670 |Ինտեգրալային թվային կապի ցանց. Տերմիններ և |
| |սահմանումներ |
|_________________|_______________________________________________________|
| ԳՕՍՏ 22937 |Տվյալների փոխանցման և հեռագրային կապի համակարգերի |
| |երկբևեռային տեղական շղթաներ. Տիպեր և հիմնական |
| |պարամետրեր |
|_________________|_______________________________________________________|
| ԳՕՍՏ 23675 |Տվյալների փոխանցման համակարգերի C2 համակցման շղթաներ. |
| |Էլեկտրական պարամետրեր |
|_________________|_______________________________________________________|
| ԳՕՍՏ 25007 |Տվյալների փոխանցման սարքավորումների համակցում |
| |կապուղիների հաճախականային բաժանումով փոխանցման |
| |համակարգերի կապուղիների հետ. Լծորդման հիմնական |
| |պարամետրեր |
|_________________|_______________________________________________________|
| ԳՕՍՏ 26315 |Կապուղիների հաճախականային բաժանումով փոխանցման |
| |համակարգերի խմբակային և գծային ուղիների սարքավորանք. |
| |Անվանական հարաբերական մակարդակների վերաբերյալ նորմեր. |
| |Փոխանցման ազդանշանների անվանական հարաբերական |
| |մակարդակներ և փոխադարձ միացման կետերում մուտքային և |
| |ելքային դիմադրություններ |
|_________________|_______________________________________________________|
| ԳՕՍՏ 26557 |Կապի կապուղիներում ընդունվող տվյալների փոխանցման |
| |ազդանշաններ. Էներգետիկական պարամետրեր |
|_________________|_______________________________________________________|
| ԳՕՍՏ 26631 |Ֆոտոֆաքսիմիլային տեղեկատվության ընդունման և հաղորդման |
| |համար ավելցուկի կրճատման միջոցներով ֆաքսիմիլային |
| |սարքավորում. Հիմնական պարամետրեր |
|_________________|_______________________________________________________|
| ԳՕՍՏ 26797 |Հաղորդալարային կապի սարքավորանքի և էլեկտրամագնիսական |
| |դաշտերի ազդեցությունից սպասարկող անձնակազմի |
| |պաշտպանություն. Չափման մեթոդներ |
|_________________|_______________________________________________________|
| ԳՕՍՏ 26886 |Փոխանցման թվային կապուղիների և կապի միասնական |
| |ավտոմատացված համակարգի առաջնային ցանցի խմբակային |
| |ուղիների համակցում. Հիմնական պարամետրեր |
|_________________|_______________________________________________________|
| ԳՕՍՏ 27049 |Հաղորդալարային կապի սարքավորանքի և մթնոլորտային |
| |պարպումներից սպասարկող անձնակազմի պաշտպանություն |
|_________________|_______________________________________________________|
| ԳՕՍՏ 27232 |Տվյալների փոխանցման սարքավորումների համակցում ֆիզիկական|
| |գծերի հետ. Հիմնական պարամետրեր |
|_________________|_______________________________________________________|
| ԳՕՍՏ 27908 |Կապի միասնական ավտոմատացված համակարգի առաջնային ցանցի |
| |փոխանցման թվային թելքաօպտիկական համակարգերի համակցում. |
| |Անվանացուցակ և հիմնական պարամետրեր |
|_________________|_______________________________________________________|
| ԳՕՍՏ 28142 |Ավտոմատ կանչի սարքավորում հեռախոսային կապի համար. |
| |Արտաքին սարքավորումների և կապի կապուղիների հետ |
| |փոխազդեցության ընթացակարգի նկատմամբ պահանջներ |
|_________________|_______________________________________________________|
| ԳՕՍՏ 28263 |Ֆաքսիմիլային սարքավորումների համար թեստ-փաստաթղթեր. |
| |ԻԳՊ1, ԻԳՊ2, ԻԳՊ3, ԻԳՊ4, ԻԳՊ5. Տեխնիկական պայմաններ |
|_________________|_______________________________________________________|
| ԳՕՍՏ 28264 |Ֆաքսիմիլային սարքավորումների համար թեստ-փաստաթղթեր. |
| |ՖՍ1, ՖՍ2, ՖՍ3. Տեխնիկական պայմաններ |
|_________________|_______________________________________________________|
| ԳՕՍՏ 28265 |Ֆաքսիմիլային սարքավորումների համար թեստ-փաստաթղթեր. |
| |ՄԿ1, ՄԿ2, ՄԿ3. Տեխնիկական պայմաններ |
|_________________|_______________________________________________________|
| ԳՕՍՏ 28266 |Ֆաքսիմիլային սարքավորումների համար թեստ-փաստաթղթեր. |
| |ՄՊՍ, ՊՆՍ, ՈՒՊՏ, ՍՊ. Տեխնիկական պայմաններ |
|_________________|_______________________________________________________|
| ԳՕՍՏ 28384 |Հեռախոսային կայաններ. Տոնային հաճախականությամբ |
| |տեղեկատվական ձայնային (ակուստիկ) ազդանշանների |
| |պարամետրեր |
|_________________|_______________________________________________________|
| ԳՕՍՏ 28439 |Էլեկտրահաղորդման գծերով թելքաօպտիկական փոխանցման |
| |համակարգերի սարքավորումներ թվային. Ընդհանուր տեխնիկական|
| |պահանջներ |
|_________________|_______________________________________________________|
| ԳՕՍՏ 28449 |Ավտոմատ հեռախոսային կայաններ. Էլեկտրոնային ավտոմատ |
| |հեռախոսային կայանների կոորդինատայինների հետ |
| |փոխգործակցության ընդհանուր պահանջներ. |
|_________________|_______________________________________________________|
| ԳՕՍՏ 28749 |2400 բիթ/վ արագությամբ ընդհանուր օգտագործման |
| |հեռախոսային ցանցի կոմուտացվող կապուղիներով միաժամանակյա|
| |երկկողմանի տվյալների փոխանցման համար ազդանշանների |
| |փոխակերպման սարքավորումներ. Տիպեր և հիմնական |
| |պարամետրեր |
|_________________|_______________________________________________________|
| ԳՕՍՏ 28871 |Թվային թելքաօպտիկական փոխանցման համակարգերի գծային |
| |ուղիների սարքավորումներ. Հիմնական պարամետրերի չափման |
| |մեթոդներ |
|_________________|_______________________________________________________|
| ԳՕՍՏ 29156 |Համատեղելիություն տեխնիկական միջոցների |
| |էլեկտրամագնիսական. Կայունություն նանովայրկենական |
| |իմպուլսային խանգարումների նկատմամբ. Տեխնիկական |
| |պահանջներ և փորձարկման մեթոդներ |
|_________________|_______________________________________________________|
| ԳՕՍՏ 29191 |Համատեղելիություն տեխնիկական միջոցների |
| ____________ |էլեկտրամագնիսական. Կայունություն էլեկտրաստատիկական |
| ԻԷԿ 801-2-91 |պարպման նկատմամբ. Տեխնիկական պահանջներ և փորձարկման |
| |մեթոդներ |
|_________________|_______________________________________________________|
| ԳՕՍՏ 29216 |Համատեղելիություն տեխնիկական միջոցների |
| |էլեկտրամագնիսական. Տեղեկատվական տեխնիկայի սարքավորանքից|
| |առաջացող արդյունաբերական ռադիոխանգարումներ. Նորմեր և |
| |փորձարկման մեթոդներ |
|_________________|_______________________________________________________|
| ԳՕՍՏ 29280 |Համատեղելիություն տեխնիկական միջոցների |
| ____________ |էլեկտրամագնիսական. Փորձարկումներ խանգարումակայունության|
| ԻԷԿ 1000-4092 |նկատմամբ. Ընդհանուր դրույթներ |
|_________________|_______________________________________________________|
| ԳՕՍՏ 30318 |Համատեղելիություն տեխնիկական միջոցների |
| |էլեկտրամագնիսական. Պահանջներ ռադիոհաղորդիչների |
| |ռադիոհաճախականությունների շերտի լայնության արտաշերտային|
| |ճառագայթման նկատմամբ. Չափումների և վերահսկման մեթոդներ|
|_________________|_______________________________________________________|
| ԳՕՍՏ 30320 |Համատեղելիություն տեխնիկական միջոցների |
| |էլեկտրամագնիսական. Արդյունաբերական ռադիոխանգարումներ |
| |կարճատև ռադիոխանգարումների աղբյուր պարունակող |
| |սարքերից. Նորմեր և փորձարկման մեթոդներ |
|_________________|_______________________________________________________|
| ԳՕՍՏ 30338 |Համատեղելիություն ռադիոէլեկտրոնային միջոցների |
| |էլեկտրամագնիսական. Սարքվածքներ ռադիոհաղորդիչ բոլոր |
| |կարգերի և նշանակումների ժողովրդատնտեսական կիրառման. |
| |Հաճախականության թույլատրելի շեղումներին ներկայացվող |
| |պահանջներ. Չափման և վերահսկման մեթոդներ |
|_________________|_______________________________________________________|
| ԳՕՍՏ 30428 |Համատեղելիություն տեխնիկական միջոցների |
| |էլեկտրամագնիսական. Ռադիոխանգարումներ արդյունաբերական |
| |հաղորդալարային կապի սարքավորանքից. Նորմեր և փորձարկման|
| |մեթոդներ |
|_________________|_______________________________________________________|
| ԳՕՍՏ 30429 |Համատեղելիություն տեխնիկական միջոցների |
| |էլեկտրամագնիսական. Ռադիոխանգարումներ արդյունաբերական |
| |քաղաքացիական նշանակման ծառայողական ռադիոընդունման |
| |սարքվածքների հետ համատեղ տեղակայվող սարքավորանքից և |
| |ապարատուրայից. Նորմեր և փորձարկման մեթոդներ |
|_________________|_______________________________________________________|
| ԳՕՍՏ Ռ 50009 |Համատեղելիություն տեխնիկական միջոցների |
| |էլեկտրամագնիսական. Պահանջներ և փորձարկման մեթոդներ |
|_________________|_______________________________________________________|
| ԳՕՍՏ Ռ 50628 |Համատեղելիություն տեխնիկական միջոցների |
| |էլեկտրամագնիսական. Անհատական էլեկտրոնային հաշվողական |
| |մեքենաների կայունությունը էլեկտրամագնիսական |
| |խանգարումների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
| ԳՕՍՏ Ռ 50648 |Համատեղելիություն տեխնիկական միջոցների |
| |էլեկտրամագնիսական. Արդյունաբերական հաճախականության |
| |մագնիսական դաշտի նկատմամբ կայունություն. Տեխնիկական |
| |պահանջներ և փորձարկման մեթոդներ |
|_________________|_______________________________________________________|
| ԳՕՍՏ Ռ 50736 |Ցամաքային շարժական ռադիոկապի համակարգերի |
| |ալեհավաքաֆիդերային սարքեր. Տիպեր, հիմնական պարամետրեր, |
| |տեխնիկական պահանջներ և չափման մեթոդներ |
|_________________|_______________________________________________________|
| ԳՕՍՏ Ռ 50739 |Միջոցներ հաշվողական տեխնիկայի. Տեղեկատվության |
| |պաշտպանություն չարտոնված մուտքից. Ընդհանուր տեխնիկական |
| |պահանջներ |
|_________________|_______________________________________________________|
| ԳՕՍՏ Ռ 50799 |Համատեղելիություն տեխնիկական միջոցների |
| |էլեկտրամագնիսական. Ռադիոկապի տեխնիկական միջոցների |
| |կայունությունը էլեկտրասնուցման ցանցի էլեկտրաստատիկ |
| |պարպման իմպուլսային խանգարումների և լարման դինամիկ |
| |փոփոխությունների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
| ԳՕՍՏ Ռ 50829 |Ռադիոկայանների, ընդունիչ-հաղորդիչ սարքերի օգտագործմամբ |
| |ռադիոէլեկտրոնային ապարատուրայի և դրանց բաղկացուցիչ |
| |մասերի անվտանգությունը. Ընդհանուր պահանջներ և |
| |փորձարկման մեթոդներ |
|_________________|_______________________________________________________|
| ԳՕՍՏ Ռ 50839 |Համատեղելիություն տեխնիկական միջոցների |
| |էլեկտրամագնիսական. Տեղեկագիտության և հաշվողական |
| |տեխնիկայի միջոցների կայունությունը էլեկտրամագնիսական |
| |խանգարումների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
| ԳՕՍՏ Ռ 50842 |Համատեղելիություն ռադիոէլեկտրոնային միջոցների |
| |էլեկտրամագնիսական. Ռադիոհաղորդող սարքեր |
| |ժողովրդատնտեսական կիրառման. Կողմնակի |
| |ռադիոճառագայթումներին ներկայացվող պահանջներ. Չափման և |
| |վերահսկման մեթոդներ |
|_________________|_______________________________________________________|
| ԳՕՍՏ Ռ 50867 |Ռադիոռելեային կապի գծերի ալեհավաքներ. Դասակարգում և |
| |ընդհանուր տեխնիկական պահանջներ |
|_________________|_______________________________________________________|
| ԳՕՍՏ Ռ 50890 |Փոքր հզորության հեռուստատեսային հաղորդիչներ. Հիմնական |
| |պարամետրեր. Տեխնիկական պահանջներ. Չափման մեթոդներ |
|_________________|_______________________________________________________|
| ԳՕՍՏ Ռ 50932 |Համատեղելիություն տեխնիկական միջոցների |
| |էլեկտրամագնիսական. Հաղորդալարային կապի սարքավորանքի |
| |կայունությունը էլեկտրամագնիսական խանգարումների |
| |նկատմամբ. Պահանջներ և փորձարկման մեթոդներ |
|_________________|_______________________________________________________|
| ԳՕՍՏ Ռ 50933 |Ներզոնային ռադիոռելեային գծերի կապուղիներ և ուղիներ. |
| |Հիմնական պարամետրեր և փորձարկման մեթոդներ |
|_________________|_______________________________________________________|
| ԳՕՍՏ Ռ 51138 |ԳԲՀ և ՈՒԲՀ տիրույթներով հեռուստառադիոհեռարձակող անշարժ|
| |հաղորդող կայանների ալեհավաքներ. Դասակարգում, տեխնիկական|
| |պահանջներ. Չափման մեթոդներ |
|_________________|_______________________________________________________|
| ԳՕՍՏ Ռ 51241 |Մուտքի կառավարման ու հսկման միջոցներ և համակարգեր. |
| |Դասակարգում. Ընդհանուր տեխնիկական պահանջներ. Փորձարկման|
| |մեթոդներ |
|_________________|_______________________________________________________|
| ԳՕՍՏ Ռ 51287 |Բաժանորդային հեռախոսային տեխնիկա. Անվտանգության |
| |պահանջներ և փորձարկումների մեթոդներ |
|_________________|_______________________________________________________|
|ԳՕՍՏ Ռ 51317.3.2 |Համատեղելիություն տեխնիկական միջոցների |
|(ԻԷԿ 61000-3-2) |էլեկտրամագնիսական. 16Ա-ից ոչ ավելի հոսանք (մեկ ֆազում) |
| |օգտագործող տեխնիկական միջոցների կողմից հոսանքի |
| |ներդաշնակ բաղադրիչների էմիսիա. Նորմեր և փորձարկման |
| |մեթոդներ |
|_________________|_______________________________________________________|
|ԳՕՍՏ Ռ 51317.3.3 |Համատեղելիություն տեխնիկական միջոցների |
|(ԻԷԿ 61000-3-3) |էլեկտրամագնիսական. Լարման տատանումներ և առկայծում` |
| |առաջացած էլեկտրամատակարարման ցածրավոլտ համակարգերին |
| |միացրած 16 Ա (մեկ ֆազում) հոսանք օգտագործող տեխնիկական |
| |միջոցների կողմից. Նորմեր և փորձարկման մեթոդներ |
|_________________|_______________________________________________________|
|ԳՕՍՏ Ռ 51317.3.8 |Համատեղելիություն տեխնիկական միջոցների |
|(ԻԷԿ 61000-3-8) |էլեկտրամագնիսական. Ցածրավոլտ էլեկտրական ցանցերով |
| |ազդանշանների հաղորդում. Ազդանշանների մակարդակներ, |
| |հաճախականությունների շերտեր և էլեկտրամագնիսական |
| |խանգարումների նորմեր |
|_________________|_______________________________________________________|
|ԳՕՍՏ Ռ 51317.4.2 |Համատեղելիություն տեխնիկական միջոցների |
|(ԻԷԿ 61000-4-2) |էլեկտրամագնիսական. Կայունություն էլեկտրաստատիկական |
| |պարպման նկատմամբ. Պահանջներ և փորձարկման մեթոդներ |
|_________________|_______________________________________________________|
|ԳՕՍՏ Ռ 51317.4.3 |Համատեղելիություն տեխնիկական միջոցների |
|(ԻԷԿ 61000-4-3) |էլեկտրամագնիսական. Կայունություն ռադիոհաճախականության |
| |էլեկտրամագնիսական դաշտի նկատմամբ. Պահանջներ և |
| |փորձարկման մեթոդներ |
|_________________|_______________________________________________________|
|ԳՕՍՏ Ռ 51317.4.4 |Համատեղելիություն տեխնիկական միջոցների |
|(ԻԷԿ 61000-4-4) |էլեկտրամագնիսական. Կայունություն նանովայրկենական |
| |իմպուլսային խանգարումների նկատմամբ. Պահանջներ և |
| |փորձարկման մեթոդներ |
|_________________|_______________________________________________________|
|ԳՕՍՏ Ռ 51317.4.5 |Համատեղելիություն տեխնիկական միջոցների |
|(ԻԷԿ 61000-4-5) |էլեկտրամագնիսական. Կայունություն մեծ էներգիայի |
| |միկրովայրկենական իմպուլսային խանգարումների նկատմամբ. |
| |Պահանջներ և փորձարկման մեթոդներ |
|_________________|_______________________________________________________|
|ԳՕՍՏ Ռ 51317.4.6 |Համատեղելիություն տեխնիկական միջոցների |
|(ԻԷԿ 61000-4-6) |էլեկտրամագնիսական. Կայունություն ռադիոհաճախականության |
| |էլեկտրամագնիսական դաշտերի հաղորդմանը հասցված |
| |խանգարումների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
|ԳՕՍՏ Ռ 51317.4.11|Համատեղելիություն տեխնիկական միջոցների |
|(ԻԷԿ 61000-4-11) |էլեկտրամագնիսական. Կայունություն էլեկտրասնուցման լարման|
| |դինամիկական փոփոխությունների նկատմամբ. Պահանջներ և |
| |փորձարկման մեթոդներ |
|_________________|_______________________________________________________|
|ԳՕՍՏ Ռ 51317.4.12|Համատեղելիություն տեխնիկական միջոցների |
|(ԻԷԿ 61000-4-12) |էլեկտրամագնիսական. Կայունություն տատանողական մարող |
| |խանգարումների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
|ԳՕՍՏ Ռ 51317.6.1 |Համատեղելիություն տեխնիկական միջոցների |
|(ԻԷԿ 61000-6-1) |էլեկտրամագնիսական. Բնակելի, առևտրային և արտադրական |
| |գոտիներում կիրառվող փոքր էներգասպառմամբ տեխնիկական |
| |միջոցների կայունություն էլեկտրամագնիսական խանգարումների|
| |նկատմամբ, պահանջներ և փորձարկման մեթոդներ |
|_________________|_______________________________________________________|
|ԳՕՍՏ Ռ 51317.6.2 |Համատեղելիություն տեխնիկական միջոցների |
|(ԻԷԿ 61000-6-2) |էլեկտրամագնիսական. Կայունություն արդյունաբերական |
| |գոտիներում օգտագործվող տեխնիկական միջոցների |
| |էլեկտրամագնիսական խանգարումների նկատմամբ. Պահանջներ և |
| |փորձարկման մեթոդներ |
|_________________|_______________________________________________________|
|ԳՕՍՏ Ռ 51317.6.3 |Համատեղելիություն տեխնիկական միջոցների |
|(ԻԷԿ 61000-6-3) |էլեկտրամագնիսական. Բնակելի, առևտրային և արտադրական |
| |գոտիներում կիրառվող փոքր էներգասպառմամբ տեխնիկական |
| |միջոցներից առաջացած խանգարումների էմիսիա. Նորմեր և |
| |փորձարկման մեթոդներ |
|_________________|_______________________________________________________|
|ԳՕՍՏ Ռ 51317.6.4 |Համատեղելիություն տեխնիկական միջոցների |
|(ԻԷԿ 61000-6-4) |էլեկտրամագնիսական. Արդյունաբերական գոտիներում կիրառվող |
| |տեխնիկական միջոցներից առաջացած խանգարումների էմիսիա. |
| |Նորմեր և փորձարկման մեթոդներ |
|_________________|_______________________________________________________|
| ԳՕՍՏ Ռ 51318.22 |Համատեղելիություն տեխնիկական միջոցների |
| (ՍԻՍՊՌ 22) |էլեկտրամագնիսական. Արդյունաբերական տեխնոլոգիայի |
| |սարքավորանքից առաջացած ռադիոխանգարումներ. Նորմեր և |
| |փորձարկման մեթոդներ |
|_________________|_______________________________________________________|
| ԳՕՍՏ Ռ 51318.24 |Համատեղելիություն տեխնիկական միջոցների |
| (ՍԻՍՊՌ 24) |էլեկտրամագնիսական. Տեղեկատվական տեխնոլոգիաների |
| |սարքավորանքի կայունությունը էլեկտրամագնիսական |
| |խանգարումների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
| ԳՕՍՏ Ռ 51320 |Համատեղելիություն տեխնիկական միջոցների |
| |էլեկտրամագնիսական. Ռադիոխանգարումներ արդյունաբերական. |
| |Արդյունաբերական ռադիոխանգարումների աղբյուրներ |
| |հանդիսացող տեխնիկական միջոցների փորձարկման մեթոդներ |
|_________________|_______________________________________________________|
| ԳՕՍՏ Ռ 51513 |Համատեղելիություն տեխնիկական միջոցների |
| |էլեկտրամագնիսական. Հեռուստառադիոհեռարձակման ընդունիչ |
| |համակարգերի բաշխիչ ցանցերի սարքավորանք. |
| |Էլեկտրամագնիսական խանգարումների նորմեր, |
| |խանգարումակայունության պահանջներ և փորձարկման մեթոդներ|
|_________________|_______________________________________________________|
| ԳՕՍՏ Ռ 51515 |Համատեղելիություն տեխնիկական միջոցների |
| |էլեկտրամագնիսական. Խանգարումակայունություն |
| |ռադիոհաղորդման ընդունիչների, հեռուստացույցների և այլ |
| |կենցաղային ռադիոէլեկտրոնային ապարատուրայի. Պահանջներ և |
| |փորձարկման մեթոդներ |
|_________________|_______________________________________________________|
| ԳՕՍՏ Ռ 51523 |Համատեղելիություն տեխնիկական միջոցների |
| |էլեկտրամագնիսական. Խանգարումաէմիսիա մասնագիտական |
| |լսաապարատներից, տեսաապարատներից, լսադիտողական |
| |ապարատներից և հանդիսադիր միջոցառումների լուսային |
| |սարքերի ղեկավարման ապարատներից. Նորմեր և փորձարկման |
| |մեթոդներ |
|_________________|_______________________________________________________|
| ԳՕՍՏ Ռ 51527 |Համատեղելիություն տեխնիկական միջոցների |
| |էլեկտրամագնիսական. Հաստատուն հոսանքի լարման կայունացված|
| |աղբյուրներ. Կոնդուկտիվ էլեկտրամագնիսական խանգարումներ. |
| |Նորմեր և փորձարկման մեթոդներ |
|_________________|_______________________________________________________|
| ԳՕՍՏ Ռ 51558 |Պահպանման համակարգեր հեռուստատեսային. Ընդհանուր |
| |տեխնիկական պահանջներ և փորձարկման մեթոդներ |
|_________________|_______________________________________________________|
| ԳՕՍՏ Ռ 51662 |Հաղորդիչ ալեհավաքների կոմուտատորներ. Հիմնական |
| |պարամետրեր. Ընդհանուր տեխնիկական պահանջներ. Չափման |
| |մեթոդներ |
|_________________|_______________________________________________________|
| ԳՕՍՏ Ռ 51663 |Սարքեր միաժամանակյա աշխատանքի ցածր և միջին |
| |հաճախականությունների հաղորդիչների ընդհանուր ալեհավաքով |
| |(ընդհանուր ֆիդեռ). Հիմնական պարամետրեր. Ընդհանուր |
| |տեխնիկական պահանջներ. Չափման մեթոդներ |
|_________________|_______________________________________________________|
| ԳՕՍՏ Ռ 51699 |Համատեղելիություն տեխնիկական միջոցների |
| |էլեկտրամագնիսական. Պահպանման ազդասարքերի տեխնիկական |
| |միջոցների կայունությունը էլեկտրամագնիսական |
| |խանգարումների նկատմամբ. Պահանջներ և փորձարկման |
| |մեթոդներ |
|_________________|_______________________________________________________|
| ԳՕՍՏ Ռ 51741 |Ռադիոհեռարձակման անշարժ հաղորդիչներ ՇԲՀ ընդգրկույթի. |
| |Հիմնական պարամետրեր, տեխնիկական պահանջներ և չափումների|
| |մեթոդներ |
|_________________|_______________________________________________________|
| ԳՕՍՏ Ռ 51742 |Ռադիոհեռարձակման անշարժ հաղորդիչներ ցածր, միջին և |
| |բարձր հաճախականության ընդգրկույթի լայնութային |
| |մոդուլացմամբ. Հիմնական պարամետրեր, տեխնիկական պահանջներ|
| |և չափումների մեթոդներ |
|_________________|_______________________________________________________|
| ԳՕՍՏ Ռ 51820 |Տոնային հաճախականության ռադիոկապուղիների համար |
| |ազդանշանների կերպարափոխման սարքավորումներ. Տիպեր, |
| |տեխնիկական բնութագրեր և կցորդման պարամետրեր |
|_________________|_______________________________________________________|
|ԳՕՍՏ Ռ ԻԷԿ 60065 |Ձայնա, տեսա և նմանատիպ էլեկտրոնային ապարատուրա. |
| |Անվտանգության պահանջներ |
|_________________|_______________________________________________________|
| ԳՕՍՏ Ռ 1 60950 |Տեղեկատվական տեխնոլոգիաների հանդերձանքի անվտանգություն |
._________________________________________________________________________.
(որոշումը փոփ. 02.04.15 թիվ 356-Ն որոշում)