ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 մայիսի 2019 թվականի N 574-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՕԳՈՍՏՈՍԻ 25-Ի N 1241-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» օրենքի 34-րդ հոդվածը` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2011 թվականի օգոստոսի 25-ի «Հանրակացարաններ» պետական ոչ առևտրային կազմակերպություն ստեղծելու, «Հանրակացարաններ» պետական ոչ առևտրային կազմակերպության կանոնադրությունը հաստատելու և «Հանրակացարաններ» փակ բաժնետիրական ընկերությունը լուծարելու մասին» N 1241-Ն որոշման մեջ կատարել հետևյալ լրացումները և փոփոխությունները`
1) որոշման 7-րդ կետում`
i
ա. 1-ին ենթակետը «բնակեցման աշխատանքների իրականացումը» բառերից հետո լրացնել «, ինչպես նաև սույն որոշման N 2 հավելվածի N 2 ցանկով նախատեսված շենքերի բնակիչների սոցիալական խնդիրների դեպքում խորհրդատվության ապահովումը» բառերով,
բ. լրացնել հետևյալ բովանդակությամբ նոր` 3-րդ ենթակետով.
«3) սույն որոշման N 2 հավելվածում ընդգրկված շենքերում ընդհանուր օգտագործման տարածքների (այդ թվում` նկուղների և տանիքների) սպասարկումը` պահպանումը և ընթացիկ նորոգումը, սանիտարահիգիենիկ պայմանների, լուսավորության և էլեկտրասնուցման ապահովման, ջրամատակարարման, ջրահեռացման համակարգերի կազմակերպման սպասարկմանն ուղղված աշխատանքների իրականացումը:».
i
2) որոշման 8-րդ կետը լրացնել հետևյալ բովանդակությամբ նոր նախադասությամբ.
«Սույն որոշման N 2 հավելվածի N 2 ցանկով նախատեսված գույքն անժամկետ և անհատույց օգտագործման իրավունքով ամրացնել «Հանրակացարաններ» պետական ոչ առևտրային կազմակերպությանը:».
3) ուժը կորցրած ճանաչել որոշման 8.1-ին կետը.
i
4) որոշումը լրացնել հետևյալ բովանդակությամբ նոր` 8.2-րդ և 8.3-րդ կետերով.
«8.2. Սույն որոշման N 2 հավելվածի N 2 ցանկում նշված գույքը սեփականաշնորհման ենթակա չէ:
8.3. Թույլատրել «Հանրակացարաններ» պետական ոչ առևտրային կազմակերպությանը սույն որոշման N 2 հավելվածի N 1 ցանկի 3-րդ կետում նշված շենքի N 127 սենյակը (17.4 քառ.մ) և 4-րդ կետում նշված շենքի N 313 սենյակը (18.6 քառ.մ) և սույն որոշման N 2 հավելվածի N 2 ցանկի 1-ին կետում նշված շենքի N 301 սենյակը (51.2 քառ.մ) և 2-րդ կետում նշված շենքի N 47 սենյակը (45.6 քառ.մ) օգտագործել որպես աշխատասենյակներ:».
i
5) որոշման 10-րդ կետը լրացնել հետևյալ բովանդակությամբ նոր նախադասությամբ.
«Տարածքների սպասարկման աշխատանքների իրականացման դիմաց վճարի սակագները սահմանվում են «Հանրակացարաններ» պետական ոչ առևտրային կազմակերպության կողմից` լիազոր մարմնի համաձայնեցմամբ:».
i
6) որոշումը 10-րդ կետից հետո լրացնել հետևյալ բովանդակությամբ նոր` 10.1-ին կետով.
«10.1. Հանրակացարաններ» պետական ոչ առևտրային կազմակերպության կողմից սպասարկվող տարածքները նշված են սույն որոշման N 2 հավելվածի N 1 ցանկում և N 2 ցանկում».
i
7) որոշման 11-րդ կետում «միգրացիոն պետական ծառայությանը» բառերը փոխարինել «միգրացիոն ծառայությանը» բառերով.
8) որոշման N 1 հավելվածի 10-րդ կետը շարադրել հետևյալ խմբագրությամբ.
i
«10. Կազմակերպության գործունեության հիմնական նպատակը սույն որոշման N 2 հավելվածում ընդգրկված շենքերում ընդհանուր օգտագործման տարածքների (այդ թվում` նկուղների և տանիքների)` պահպանման և ընթացիկ նորոգման, սանիտարահիգիենիկ պայմանների և լուսավորության, էլեկտրասնուցման ապահովման, ջրամատակարարման, ջրահեռացման համակարգերի կազմակերպմանն ուղղված սպասարկման աշխատանքների և Հայաստանի Հանրապետությունում փախստական ճանաչված և ապաստան ստացած անձանց` Հայաստանի Հանրապետության օրենսդրությամբ սահմանված կարգով տրված ուղեգրերի հիման վրա հանրակացարանային սենյակներում բնակեցման աշխատանքների կատարումն է, ինչպես նաև սույն որոշման N 2 հավելվածի N 2 ցանկով նախատեսված շենքերի բնակիչների սոցիալական խնդիրների դեպքում խորհրդատվության ապահովումը: Սույն կետով նախատեսված նպատակների իրականացման համար կազմակերպությունն ապահովում է`
1) ընդհանուր օգտագործման տարածքների սպասարկումը և պահպանումը.
2) էլեկտրասնուցման ապահովումը.
3) սանիտարահիգիենիկ կանոնների պահպանման հսկողությունը.
4) ջրամատակարարման և ջրահեռացման (կոյուղի) համակարգերի անխափան գործունեության կազմակերպումը.
5) սույն որոշման N 2 հավելվածի N 2 ցանկում ընդգրկված շենքերում բնակիչներին հատկացված սենյակների պահպանումը, սպասարկումը և ընթացիկ նորոգումը (դռների, լուսամուտների, փականների անսարքությունների վերացում, վերականգնում).
6) սույն որոշման N 2 հավելվածի N 1 ցանկում և N 2 ցանկում ընդգրկված շենքերում բնակվող փախստականների և ոչ փախստական (տեղաբնակ) անձանց հաշվառումը.
7) սույն որոշման N 2 հավելվածի N 1 ցանկում և N 2 ցանկում ընդգրկված շենքերում բնակվող փախստականների և ոչ փախստական (տեղաբնակ) անձանց շենքում բնակվելու և նրանց ընտանիքի կազմի մասին անհրաժեշտ փաստաթղթերի և տեղեկանքների (նոտար, դատարան, անշարժ գույքի կադաստրի կոմիտե, բժշկական կազմակերպություն և այլն) տրամադրումը.
8) ազատ սենյակների առկայության վերաբերյալ գրավոր տեղեկատվություն ներկայացնելը Հայաստանի Հանրապետության տարածքային կառավարման և զարգացման նախարարության միգրացիոն ծառայություն.
9) անհրաժեշտության դեպքում իրավաբանական անձ հանդիսացող կազմակերպությունների և ֆիզիկական անձանց հետ իր կանոնադրական նպատակներից բխող պայմանագրերի կնքումը.
10) սույն որոշման N 2 հավելվածի N 2 ցանկում ընդգրկված շենքերում բնակվող անձանց սոցիալական խնդիրների դեպքում խորհրդատվության ապահովումը` համապատասխան ծառայությունների հետ կապ հաստատելու միջոցով.
11) սույն որոշման N 2 հավելվածի N 2 ցանկում ընդգրկված շենքերի բնակիչների կողմից բնակարաններում բնակությունից և գույքի օգտագործումից բխող պարտականությունների պատշաճ կատարման նկատմամբ հսկողությունը, ներքին կարգ ու կանոնի ապահովումը.
12) կազմակերպության հաշվեկշռում գտնվող գույքի տարեկան գույքագրման իրականացման ապահովումը:».
i
9) որոշման N 2 հավելվածը շարադրել նոր խմբագրությամբ` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2019 թ. մայիսի 21
Երևան
Հավելված
ՀՀ կառավարության
2019 թվականի մայիսի 16-ի
N 574-Ն որոշման
«Հավելված N 2
ՀՀ կառավարության
2011 թվականի օգոստոսի 25-ի
N 1241-Ն որոշման
ՑԱՆԿ N 1 «ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ՍՊԱՍԱՐԿՎՈՂ ՏԱՐԱԾՔՆԵՐԻ
._____________________________________________________________________.
|NN | Գտնվելու վայրը |
|ը/կ| |
|___|_________________________________________________________________|
|1. |Քաղ. Երևան, Նոր Նորքի 2-րդ զանգվ., Մոլդովական 29/1 |
| |(չսեփականաշնորհված տարածքներ) |
|___|_________________________________________________________________|
|2. |Քաղ. Երևան, Նոր Նորքի 2-րդ զանգվ., Մոլդովական 29/2 |
| |(չսեփականաշնորհված տարածքներ) |
|___|_________________________________________________________________|
|3. |Քաղ. Երևան, Շիրակի 2 ա/7 (չսեփականաշնորհված տարածքներ) |
|___|_________________________________________________________________|
|4. |ՀՀ Կոտայքի մարզ, քաղ. Աբովյան, Հատիսի փող., ճարտարագիտական քոլեջի|
| |հանրակացարան (չսեփականաշնորհված տարածքներ) |
._____________________________________________________________________.
ՑԱՆԿ N 2 «ՀԱՆՐԱԿԱՑԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՄՐԱՑՎՈՂ, ԿԱԶՄԱԿԵՐՊՈՒԹՅԱՆ ԿՈՂՄԻՑ ՍՊԱՍԱՐԿՎՈՂ ՏԱՐԱԾՔՆԵՐԻ
._____________________________________________________________________.
|NN | Գտնվելու վայրը |Շենքը, |
|ը/կ| |շինության |
| | |մակերեսը |
| | |(քառ. մետր) |
|___|___________________________________________________|_____________|
|1. |Քաղ. Երևան, Նոր Նորքի 2-րդ զանգվ., Մոլդովական 29/1|758.54 քառ.մ |
| |շենքի 1-ին հարկի մուտքից ձախ հատվածի NN 1, 2, 3, 5,|մակերեսով |
| |6, 7, 8, 9, 10, 11, 12 բնակարանները (201.3 քառ. մ) | |
| |և 3-րդ հարկում գտնվող NN 301, 302, 303, 304, 305, | |
| |306, 307, 309, 310, 311, 312, 313, 314 բնակարանները| |
| |(557.24 քառ. մ) | |
|___|___________________________________________________|_____________|
|2. |ՀՀ Արարատի մարզ, գ. Դարբնիկ, Անդրանիկի փողոց, N 4 |2695.9 քառ.մ |
| | |մակերեսով |
._____________________________________________________________________.
:»