ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
ՈՐՈՇՈՒՄ
26 հունիսի 2019 թվականի N 390-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ՓՈԽՎԱՐՉԱՊԵՏԻ 2018 ԹՎԱԿԱՆԻ ԴԵԿՏԵՄԲԵՐԻ 12-Ի N 441-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
«Նորմատիվ իրավական ակտերի մասին» օրենքի 34-րդ հոդվածի 1-ին մասին և 33-րդ հոդվածի 3-րդ կետին համապատասխան`
i
1. Հայաստանի Հանրապետության առաջին փոխվարչապետի 2018 թվականի դեկտեմբերի 12-ի «Քաղաքացիական ծառայողի փորձաշրջանի հետ կապված առանձնահատկությունները սահմանելու մասին» N 441-Ն որոշմամբ հաստատված հավելվածում 29-րդ կետից հետո լրացնել նոր` 29.1-ին, 29.2-րդ և 29.3-րդ կետերով`
«29.1. Փորձաշրջան համակարգողը փորձաշրջան անցնողի աշխատանքների համակարգման ժամանակահատվածում կատարած աշխատանքների համար պարգևատրվում է գնահատման արդյունքներն ստանալուց հետո` տասն աշխատանքային օրվա ընթացքում, համակարգողին պաշտոնի նշանակելու իրավասություն ունեցող պաշտոնատար անձի անհատական իրավական ակտով` համապատասխան մարմնի տնտեսված միջոցների հաշվին:
29.2. Փորձաշրջան անցնողի աշխատանքները համակարգող քաղաքացիական ծառայողի պարգևատրման չափը որոշվում է հետևյալ բանաձևով.
ՊՉ = պաշտոնային դրույքաչափ * 15% * n * գործակից,
որտեղ ՊՉ-ն պարգևատրման չափն է, n-ը` փորձաշրջան անցնողի աշխատանքների համակարգման ժամանակահատվածն ընդգրկող ամիսների թիվը, գործակիցը որոշվում է փորձաշրջան անցնողի կողմից համակարգողի գնահատման համար լրացված թերթիկի արդյունքների հիման վրա:
29.3. Գնահատման թերթիկի առկայության դեպքում գործակիցը որոշելու համար հաշվարկվում է գնահատման թերթիկում «գերազանց», «լավ», «բավարար» և «անբավարար» գնահատված չափորոշիչների քանակը, և գնահատականներից յուրաքանչյուրի քանակը բազմապատկվում է աղյուսակում նշված համապատասխան միավորով, այնուհետև ստացված արտադրյալների գումարը բաժանվում է չափորոշիչների ընդհանուր քանակին: Փորձաշրջան անցնողի աշխատանքները համակարգողի գնահատման թերթիկի բացակայության դեպքում գործակիցն ընդունվում է 0.75 միավոր:
Աղյուսակ
.______________________________________________________.
|Գնահատման թերթիկում չափորոշիչների | Միավորը |
| գնահատականները | |
|___________________________________|__________________|
| գերազանց | 1.25 |
|___________________________________|__________________|
| լավ | 1 |
|___________________________________|__________________|
| բավարար | 0.75 |
|___________________________________|__________________|
| անբավարար | 0 |
.______________________________________________________. «:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
փոխվարչապետ Տ. Ավինյան
2019 թ. հունիսի 26
Երևան