/ուժը կորցրել է 01.10.96 թիվ 324 որոշում/
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
i
ՈՐՈՇՈՒՄ
19 հունվարի 1995թ. թիվ 27
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1994 ԹՎԱԿԱՆԻ ՕԳՈՍՏՈՍԻ 31-Ի ԹԻՎ 405 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հաշվի առնելով Հայաստանի Հանրապետության կառավարությանն առընթեր սեփականաշնորհման սերտիֆիկատների համակարգի ներդրման կոորդինացիոն պետական հանձնաժողովի առաջարկությունը և Հայաստանի Հանրապետության կառավարության 1994 թվականի նոյեմբերի 29-ի «Բռնադատվածի կարգավիճակ ունեցող անձանց կամ նրանց առաջին հերթի ժառանգներին վկայական տալու կարգի մասին» թիվ 551 որոշման պահանջները, Հայաստանի Հանրապետության կառավարությունը որոշում է`
i
1. Հայաստանի Հանրապետության կառավարության 1994 թվականի օգոստոսի 31-ի «Հայաստանի Հանրապետությունում սեփականաշնորհման սերտիֆիկատների համակարգի ներդրման գործընթացն ապահովող միջոցառումների մասին» թիվ 405 որոշման 2-րդ կետի «գ» ենթակետի «հունվարի 15-ին» և «հունվարի 21-ին» բառերը փոխարինել «փետրվարի 1-ին» և «փետրվարի 15-ին» բառերով:
2. Հայաստանի Հանրապետության կառավարության 1994 թվականի օգոստոսի 31-ի թիվ 405 որոշման 2-րդ կետը լրացնել հետևյալ բովանդակությամբ «դ» ենթակետով`
«դ) սույն որոշմամբ հաստատված կարգով տարբերակված առանձին խմբերի քաղաքացիների (բռնադատվածներ, փախստականներ և այլն) հաշվառումն ու նրանց սեփականաշնորհման սերտիֆիկատների բաշխումն ավարտել մինչև 1995 թվականի հունիսի 1-ը` սեփականաշնորհման սերտիֆիկատների մինչև 10 տոկոսն այդ նպատակով թողնելով Հայաստանի Հանրապետության կառավարությանն առընթեր սեփականաշնորհման սերտիֆիկատների համակարգի ներդրման կոորդինացիոն պետական հանձնաժողովի տրամադրության տակ»:
3. Հայաստանի Հանրապետության կառավարության 1994 թվականի օգոստոսի 31-ի թիվ 405 որոշմամբ հաստատված կարգը լրացնել հետևյալ բովանդակությամբ 20, 21, 22, 23 և 24-րդ կետերով`
«20. Սեփականաշնորհման մեկ հավելյալ սերտիֆիկատը բռնադատված քաղաքացիներին տրվում է Հայխնայբանկի համապատասխան բաժանմունքների կողմից` բռնադատված քաղաքացու անձնագրի և բռնադատվածի կարգավիճակը հաստատող վկայականի հիման վրա, համաձայն Հայաստանի Հանրապետության քաղաքացիներին սեփականաշնորհման սերտիֆիկատների բաշխման կարգի 7Ա ձևի (կցվում է):
21. 7Ա ձևը լրացվում է Հայխնայբանկի համապատասխան բաժանմունքների կողմից` բռնադատված քաղաքացու անձնագրի և բռնադատվածի կարգավիճակը հաստատող վկայականի հիման վրա:
22. Հայխնայբանկի բաժանմունքի աշխատակիցը բռնադատվածի կարգավիճակը հաստատող վկայականի վերևի ձախ մասում սեփականաշնորհման սերտիֆիկատը քաղաքացուն տալու վերաբերյալ կատարում է նշում` գրանցելով սեփականաշնորհման սերտիֆիկատի սերիան և համարը:
23. Հայխնայբանկը 7Ա ձևի վերաբերյալ վիճակագրական տվյալներն ամեն երկուշաբթի աճողական կարգով ներկայացնում է Հայաստանի Հանրապետության կառավարությանն առընթեր սեփականաշնորհման սերտիֆիկատների համակարգի ներդրման կոորդինացիոն պետական հանձնաժողովին, իսկ Հայխնայբանկի բաժանմունքները` համապատասխան տարածքային հանձնաժողովներին:
24. Հայխնայբանկի բաժանմունքները սեփականաշնորհման սերտիֆիկատների բաշխման ժամկետի ավարտից հետո 7Ա ձևերը` ստորագրված և կնքված Հայխնայբանկի համապատասխան բաժանմունքի վարիչի կողմից, ներկայացնում են համապատասխան տարածքային հանձնաժողովներին»:
Ձև 7Ա
----------
-------------------------- ՀՀ քաղաքացիներին սեփականաշնորհման
(շրջանի, բնակավայրի սերտիֆիկատների բաշխման կարգի
անվանումը)
Ց ՈՒ Ց Ա Կ ---------------- ԱՅՆ ԲՌՆԱԴԱՏՎԱԾ ՔԱՂԱՔԱՑԻՆԵՐԻ, ՈՐՈՆՑ ՏՐՎՈՒՄ Է ՍԵՓԱԿԱՆԱՇՆՈՐՀՄԱՆ ՄԵԿ ՀԱՎԵԼՅԱԼ ՍԵՐՏԻՖԻԿԱՏ
Հայխնայբանկի թիվ ------ բաժանմունք
1-ին մաս
----------
--------------------------------------------------------------------------
թիվ/թիվ Բռնադատված Ծննդյան Անձնագրի Բռնադատվածի Տրվող
ը/կ քաղաքացու ամսաթիվը, սերիան և կարգավիճակը սերտիֆիկատի
ազգանունը, տարեթիվը համարը հաստատող սերիան և
անունը, վկայականի համարը
հայրանունը համարը
(լրիվ)
--------------------------------------------------------------------------
1 2 3 4 5 6
--------------------------------------------------------------------------
2-րդ մաս
----------
--------------------------------------------------------------------------
Սերտիֆիկատը ստացող Սերտիֆիկատը հանձնող
բռնադատված քաղաքացու Հայխնայբանկի աշխատակցի
ստորագրությունը և ստորագրությունը
ստանալու ամսաթիվը
--------------------------------------------------------------------------
7 8
--------------------------------------------------------------------------
Հայխնայբանկի թիվ -------- բաժանմունքի վարիչ`
-------------------------
(անունը, ազգանունը)
« » 1995թ.
------------------------
Կ.Տ.