(ուժը կորցրել է 27.03.98 թիվ 209 որոշում)
i
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
8 փետրվարի 1996 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 փետրվարի 1996 թ. թիվ 34
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1994 ԹՎԱԿԱՆԻ ԱՊՐԻԼԻ 21-Ի ԹԻՎ 183 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է`
i
1. Հայաստանի Հանրապետության կառավարության 1994 թվականի ապրիլի 21-ի «Սեփականաշնորհվող կամ ապապետականացվող ձեռնարկությունների գույքի և անավարտ շինարարության օբյեկտների գնահատման կարգի մասին» թիվ 183 որոշման մեջ կատարել հետևյալ փոփոխությունները և լրացումները.
որոշմամբ հաստատված կարգում`
ա) 2-րդ կետից հանել «գնի որոշման» բառերը.
բ) հանել 3-րդ կետը.
գ) 4-րդ կետում «Ձեռնարկության» բառից հետո լրացնել «մեկնարկային» բառը.
դ) երկրորդ բաժնի վերնագրում և 5-րդ կետում «գույքի» բառից հետո լրացնել «և պասսիվների» բառերը.
ե) 5-րդ կետի առաջին նախադասության մեջ «շրջանառու» բառը փոխարինել «արտաշրջանառու» բառով.
զ) հանել 6-րդ կետը.
է) երրորդ բաժնի վերնագիրը շարադրել հետևյալ խմբագրությամբ.
«III. Գույքի և պասսիվների գնահատման կարգը».
i
ը) 9-րդ կետը շարադրել հետևյալ խմբագրությամբ.
«9. Գույքի գնահատման պահ է հանդիսանում Հայաստանի Հանրապետության պետական ունեցվածքի հաշվառման և ապապետականացման վարչության (այսուհետև` վարչություն) կողմից գույքի գնահատման համար տրված հրամանի ամսաթվին նախորդող եռամսյակի վերջին օրը:
ա) Հիմնական միջոցների գնահատման կարգը
Հիմնական միջոցները գնահատվում են դրանց վերականգնման արժեքը Հայաստանի Հանրապետության կառավարության կողմից սահմանված արժեքի փոփոխման ինդեքսով բազմապատկելու միջոցով:
Մինչև 1996 թվականի հունվարի 1-ը ձեռք բերված հիմնական միջոցների վերականգնման արժեքը որոշվում է հիմնական միջոցների հաշվեկշռային արժեքը տվյալ ձեռնարկության հիմնական միջոցների վերականգնման գործակցով (ՎԳ) բազմապատկելու միջոցով: Ձեռնարկության հիմնական միջոցների վերականգնման գործակիցը որոշվում է ձեռնարկության 1995 թվականի հաշվեկշռային շահույթի (ՀՇ) և 1995 թվականի հիմնական միջոցների միջին տարեկան հաշվեկշռային արժեքի (ՀՄՄՏՀԱ) հարաբերությունը հարաբերելով ճյուղային սահմանային շահութաբերության վրա`
ՀՇ
ՎԳ = ----------- : ՃՍՇ, որտեղ`
ՀՄՄՏՀԱ
ՎԳ-ն - վերականգնման գործակիցն է.
ՀՇ-ն - 1995 թվականի հաշվեկշռային շահույթն է.
ՀՄՄՏՀԱ-ն - 1995 թվականի հիմնական միջոցների միջին տարեկան հաշվեկշռային
արժեքն է.
ՃՇՍ-Ն - ճյուղային սահմանային շահութաբերությունն է:
Եթե ՎԳ-ն փոքր է 1-ից, ապա վերցվում է 1 գործակից:
1996 թվականի հունվարի 1-ից հետո ձեռք բերված հիմնական միջոցների վերականգնման արժեք է հանդիսանում հաշվեկշռային արժեքը:
Հիմնական միջոցների վերականգնման արժեքը որոշելիս, ինչպես նաև գնահատելիս, վերականգնվում և գնահատվում է նաև հիմնական միջոցների մաշվածությունը` նրանց հաշվեկշռային արժեքը նույն ՎԳ-ով և արժեքի փոփոխման ինդեքսով բազմապատկելու միջոցով:
Հիմնական միջոցների արժեքը (բացառությամբ շենքերի և շինությունների) որոշվում է որպես հաշվեկշռում արտացոլված հիմնական միջոցների արժեքների գումար, ընդ որում`
մինչև 70 տոկոս մաշվածություն ունեցող հիմնական միջոցների արժեքը դրանց մնացորդային արժեքն է` հաշված որպես հաշվեկշռային արժեքի և մաշվածության տարբերություն.
70 տոկոս և ավելի մաշվածություն ունեցող հիմնական միջոցների արժեքը գնահատվում է դրանց հաշվեկշռային արժեքի 30 տոկոսի չափով.
հիմնական միջոցներում առկա թանկարժեք մետաղները և քարերն առանձին գնահատման ենթակա չեն.
i
հաշվեկշռում չարտացոլված տեղակայված հիմնական միջոցները գնահատվում են ըստ Հայաստանի Հանրապետության էկոնոմիկայի նախարարության կողմից տրված գների, իսկ մաշվածությունը հաշվարկվում է Հայաստանի Հանրապետության կառավարության կողմից սահմանված ամորտիզացիոն նորմատիվների հիման վրա` որպես շահագործման սկիզբ ընդունելով դրանց արտադրության տարեթիվը, ընդ որում, արագացված ամորտիզացիոն նորմաներ չեն կիրառվում: Հաշվեկշռում չարտացոլված չտեղակայված հիմնական միջոցների համար մաշվածություն չի հաշվարկվում, համաձայն սույն կարգի թիվ 1 հավելվածի:
i
Եթե առանձին վերցված հիմնական միջոցների գնահատված արժեքը ցածր է ջարդոնի արժեքից, ապա, որպես գնահատված արժեք, ընդունվում է ջարդոնի արժեքը (բացառությամբ տրանսպորտային միջոցների): Տվյալ դեպքում տրանսպորտային միջոցի արժեքը որոշվում է Հայաստանի Հանրապետության էկոնոմիկայի նախարարության կողմից սահմանված կարգով:
i
Եթե բանող և մթերատու անասունների գնահատման արժեքը ցածր է տվյալ ժամանակահատվածի համար Հայաստանի Հանրապետության էկոնոմիկայի նախարարության կողմից սահմանված արժեքից, ապա որպես գնահատված արժեք, վերցվում է Հայաստանի Հանրապետության էկոնոմիկայի նախարարության կողմից սահմանված արժեքը:
Շենքերի և շինությունների արժեքը որոշվում է որպես հաշվեկշռում արտացոլված և չարտացոլված շենքերի և շինությունների գնահատված արժեքների գումար:
Հաշվեկշռում արտացոլված շենքերի և շինությունների արժեքը դրանց մնացորդային արժեքն է` հաշվարկված որպես հաշվեկշռային արժեքի և մաշվածության տարբերություն, համաձայն սույն կարգի թիվ 2 հավելվածի: Ընդ որում`
մինչև 80 տոկոս մաշվածություն ունեցող շենքերի և շինությունների արժեքը դրանց մնացորդային արժեքն է` հաշված որպես հաշվեկշռային արժեքի և մաշվածության տարբերություն.
80 տոկոս և ավելի մաշվածություն ունեցող շենքերի և շինությունների արժեքը գնահատվում է դրանց հաշվեկշռային արժեքի` 20 տոկոսի չափով:
Հաշվեկշռում չարտացոլված շենքերի և շինությունների արժեքը հաշվարկվում է ըստ մասնագիտացված կազմակերպության եզրակացության:
«Փոքր» օբյեկտների շենքերի և շինությունների արժեքը հաշվարկվում է որպես դրանց տարածքների ընդհանուր մակերեսի, Հայաստանի Հանրապետության կառավարության կողմից սահմանված 1 քառ. մետրի արժեքի և Հայաստանի Հանրապետության կառավարության կողմից լիազորված պետական կառավարման մարմնի կողմից հաստատված տարածքի արժեքի ուղղիչ գործակիցների արտադրյալ, համաձայն սույն կարգի թիվ 3 հավելվածի: «Փոքր» օբյեկտների շենքերի և շինությունների արժեքը հաշվարկելիս հաշվի չի առնվում ներքին հարդարման աշխատանքների արժեքը:
բ) Ոչ նյութական ակտիվների գնահատման կարգը
Ոչ նյութական ակտիվները գնահատվում են ըստ հաշվեկշռի` հանելով հաշվարկված մաշվածությունը, համաձայն սույն կարգի թիվ 4 հավելվածի:
գ) Կապիտալ ներդրումների և տեղակայման ենթակա
սարքավորումների գնահատման կարգը
Կապիտալ ներդրումները գնահատվում են համաձայն սույն կարգի թիվ 5 հավելվածի, ելնելով նախագծային աշխատանքների, անավարտ շինարարության, տեղակայման ենթակա սարքավորումների, տեղակայված սարքավորումների, տեղակայում չպահանջող սարքավորումների` Հայաստանի Հանրապետության կառավարության կողմից սահմանված կարգով վերագնահատված հաշվեկշռում արտահայտված արժեքից և արժեքի փոփոխման ինդեքսից:
Անավարտ շինարարության օբյեկտների արժեքն իջեցվում է` կախված օբյեկտի շինարարական աշխատանքների դադարեցման ժամկետներից, հետևյալ չափերով` եթե օբյեկտի շինարարությունը դադարեցված է 6 ամսից մինչև 1 տարով, անավարտ շինարարության արժեքն իջեցվում է 10 տոկոսով, 1-2 տարով` 20 տոկոսով, 2-3 տարով` 30 տոկոսով, 3 տարուց ավելի` 50 տոկոսով:
դ) Երկարաժամկետ ֆինանսական ներդրումների
գնահատման կարգը
Երկարաժամկետ ֆինանսական ներդրումները գնահատվում են դրանց հաշվեկշռային արժեքով, համաձայն սույն կարգի թիվ 6 հավելվածի:
ե) Պաշարների և ծախսերի գնահատման կարգը
Պաշարները և ծախսերը գնահատվում են Հայաստանի Հանրապետության կառավարության կողմից սահմանված կարգով վերագնահատված հաշվեկշռային արժեքով, բացառությամբ`
ա) պատրաստի արտադրանքի, որը գնահատվում է գնահատման պահին նախորդող 12 ամսվա ընթացքում դրանց բացթողման առավելագույն գնով, համաձայն սույն կարգի թիվ 8 հավելվածի.
բ) թանկարժեք մետաղների, որոնք գնահատվում են Հայաստանի Հանրապետության ֆինանսների նախարարության կողմից սահմանված կարգով:
զ) Դրամական միջոցների, հաշվարկների և այլ
ակտիվների գնահատման կարգը
Դրամական միջոցները, հաշվարկները և այլ ակտիվները գնահատվում են հաշվեկշռային արժեքով, համաձայն սույն կարգի թիվ 9 հավելվածի:
է) Պասսիվների գնահատման կարգը
Պասսիվները գնահատվում են հաշվեկշռային արժեքով, համաձայն սույն կարգի թիվ 11 հավելվածի».
թ) 10-րդ կետում «գին» բառից առաջ ավելացնել «մեկնարկային» բառը.
ժ) 12-րդ կետում «սեփականաշնորհման և ապապետականացման պետական հանձնաժողովի» բառերը փոխարինել «կառավարության կողմից լիազորված պետական կառավարման մարմնի» բառերով.
ի) 13-րդ կետի «բ» ենթակետը «հաշվի առած» բառերից հետո լրացնել «Հայաստանի Հանրապետության կառավարության կողմից սահմանված կարգով վերագնահատված հաշվեկշռային արժեքը և» բառերով.
լ) 17-րդ կետից հանել երկրորդ պարբերությունը, իսկ առաջին պարբերության «թիվ/թիվ 1-12» թվերը փոխարինել «1-11» թվերով.
խ) հանել 18-րդ կետը.
i
ծ) կարգի թիվ 1 հավելվածում «80 տոկոս» բառերը փոխարինել «70 տոկոս» բառերով, իսկ «0,2» թիվը` «0,3» թվով.
կ) հանել կարգի թիվ/թիվ 7, 10 և 12 հավելվածները.
i
հ) կարգի թիվ 8 հավելվածից հանել 4-րդ սյունակը, իսկ 5-րդ սյունակի վերնագրից` «վերջին» բառը.
i
ձ) կարգի 3-րդ, 6-րդ, 18-րդ կետերը հանելու կապակցությամբ կարգի 4-րդ կետը համապատասխանաբար համարել 3-րդ կետ, 5-րդ կետը` 4-րդ կետ, իսկ 7-17-րդ կետերը` 5-15-րդ կետեր:
2. Սույն որոշումն ուժի մեջ է մտնում 1996 թվականի փետրվարի 8-ից: