040.0358.280401
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» ապրիլի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 ապրիլի 2001 թվականի N 358
ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Երևանի քաղաքապետին` մեկամսյա ժամկետում Ծովակալ Իսակովի պողոտայի աջ կողմի հողամասի վրա գտնվող երկու տների սեփականատերերին առաջարկել Հայաստանի Հանրապետության օրենսդրությամբ սահմանված կարգով կնքել իրենց պատկանող բնակելի տների առուվաճառքի պայմանագիր` հիմք ընդունելով անշարժ գույքի բորսայի, «ԱԼ-Տանդեմ» և «Էլեֆանտ» անշարժ գույքի գործակալությունների գնահատումները:
2. Հայաստանի Հանրապետության ֆինանսների և էկոնոմիկայի նախարարությանը` սույն որոշման 1-ին կետում նշված բնակելի տները գնելու նպատակով Երևանի քաղաքապետարանին հատկացնել 15,0 մլն դրամ` Հայաստանի Հանրապետության 2001 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
i
3. Երևանի քաղաքապետին` սեփականատերերի կողմից պայմանագրի չկնքման դեպքում Հայաստանի Հանրապետության կառավարություն ներկայացնել առաջարկություն հարցը Հայաստանի Հանրապետության օրենսդրությամբ սահմանված կարգով լուծելու վերաբերյալ:
4. Սույն որոշումն ուժի մեջ է մտնում 2001 թվականի ապրիլի 28-ից: