ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 դեկտեմբերի 2018 թվականի N 1654-Ա
ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով`
1. Էներգախնայողության և վերականգնվող էներգետիկայի ոլորտում ներդրումային ծրագրերի ուսումնասիրության, ինչպես նաև այդ ծրագրերի իրականացմանը խոչընդոտող գործոնների վերացմանն ուղղված առաջարկությունների (այդ թվում` օրենսդրական դաշտի կատարելագործման, գոյություն ունեցող նորմատիվ-տեխնիկական փաստաթղթերը միջազգային ստանդարտներին համապատասխանեցնելու վերաբերյալ) մշակման նպատակով ստեղծել աշխատանքային խումբ (այսուհետ` աշխատանքային խումբ):
2. Հաստատել աշխատանքային խմբի անհատական կազմը` համաձայն հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՊԱՇՏՈՆԱԿԱՏԱՐԻ ԿՈՂՄԻՑ 2018 ԹՎԱԿԱՆԻ ԴԵԿՏԵՄԲԵՐԻ 18-ԻՆ
Հավելված
i
ՀՀ վարչապետի
2018 թ. դեկտեմբերի 18-ի
N 1654-Ա որոշման
ԿԱԶՄ
ԱՇԽԱՏԱՆՔԱՅԻՆ ԽՄԲԻ
Վ. Վերմիշյան - ՀՀ քաղաքաշինության կոմիտեի նախագահ
(աշխատանքային խմբի ղեկավար)
Ա. Ղազարյան - ՀՀ բնապահպանության նախարարի տեղակալ
Հ. Սիմիդյան - ՀՀ տարածքային կառավարման և զարգացման նախարարի
տեղակալ
Ա. Ղուլարյան - ՀՀ քաղաքաշինության կոմիտեի նախագահի առաջին
տեղակալ
Հ. Բադալյան - ՀՀ էներգետիկ ենթակառուցվածքների և բնական
պաշարների նախարարության էներգետիկայի վարչության
պետ
Ռ. Ստեփանյան - ՀՀ կրթության և գիտության նախարարության զարգացման
ծրագրերի և մոնիթորինգի վարչության պետ
Ն. Ավետյան - ՀՀ տարածքային կառավարման և զարգացման
նախարարության տարածքային ներդրումային
քաղաքականության և ենթակառուցվածքների զարգացման
վարչության պետ
Գ. Սուրենյան - ՀՀ արտակարգ իրավիճակների նախարարության հիդրոմետ
ծառայության օդերևութաբանության կենտրոնի պետ
Ա. Նազարեթյան - ՀՀ քաղաքաշինության կոմիտեի շինարարության և
գիտատեխնիկական նորմավորման վարչության պետ
Տ. Արզումանյան - ՀՀ քաղաքաշինության կոմիտեի բնակարանային ֆոնդի
կառավարման և կոմունալ ենթակառուցվածքների
վարչության պետ
(հավելվածը փոփ. 22.04.2019 թիվ 444-Ա որոշում)