ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 նոյեմբերի 2019 թվականի N 1547-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ՄԱՅԻՍԻ 3-Ի N 576-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը, «Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» ՀՕ-31-Ն օրենքի 14-րդ հոդվածի 4-րդ մասը` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարություն 2012 թվականի մայիսի 3-ի «Հազարամյակի մարտահրավեր» հիմնադրամ-Հայաստան» պետական ոչ առևտրային կազմակերպությունը լուծարելու և գույքը հանձնելու մասին» N 576-Ա որոշման 3-րդ կետում «Հայաստանի Հանրապետության ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկի» բառերը փոխարինել «Հայաստանի Հանրապետության էկոնոմիկայի նախարարության» բառերով:
2. Հայաստանի Հանրապետության ֆինանսների նախարարին և Հայաստանի Հանրապետության էկոնոմիկայի նախարարին` սույն որոշումն ուժի մեջ մտնելու օրվանից 15-օրյա ժամկետում ապահովել «Հազարամյակի մարտահրավեր» հիմնադրամ-Հայաստան» պետական ոչ առևտրային կազմակերպության իրականացրած ծրագրի` Հայաստանի Հանրապետության ֆինանսների նախարարության կողմից հետագա իրագործման շրջանակներում ստանձնած դեբիտորական և կրեդիտորական պարտավորությունների, կնքված պայմանագրերի և այլ փաստաթղթերի հանձնման-ընդունման աշխատանքները:
3. Հայաստանի Հանրապետության էկոնոմիկայի նախարարին` սույն որոշման 2-րդ կետում սահմանված փաստաթղթերն ընդունելուց հետո 15-օրյա ժամկետում ապահովել կնքված պայմանագրերում և այլ փաստաթղթերում` սույն որոշումից բխող փոփոխությունների կատարումը:
4. Ընդունել ի գիտություն, որ ՀՄՀ-Հայաստան ծրագրի փակման պլանում Հայաստանի Հանրապետության ֆինանսների նախարարությանը (այդ թվում` «ԱՖԾԿԿ» պետական հիմնարկի) վերապահված իրավունքները և պարտականությունները սույն որոշման 1-ին կետի ուժով անցնում են Հայաստանի Հանրապետության էկոնոմիկայի նախարարությանը:
Հայաստանի Հանրապետության
վարչապետ Ն. Փաշինյան
2019 թ. նոյեմբերի
Երևան