ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ
ՀՐԱՄԱՆ
14 ապրիլի 2020 թվականի N 143-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2019 ԹՎԱԿԱՆԻ ՆՈՅԵՄԲԵՐԻ 8-Ի N 517-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով.
ՀՐԱՄԱՅՈՒՄ ԵՄ`
1. Հայաստանի Հանրապետության արդարադատության նախարարի 2019 թվականի նոյեմբերի 8-ի «Բռնադատվածին կամ նրա առաջին հերթի ժառանգին վկայական տալու հարցի քննարկման խորհրդակցական հանձնաժողովի աշխատակարգը հաստատելու, բռնադատվածին և նրա առաջին հերթի ժառանգին տրվող վկայականների ձևերը և վկայականների հաշվառման կարգը հաստատելու մասին» N 517-Ն հրամանի Հավելված N 1-ում կատարել հետևյալ լրացումները և փոփոխությունները`
1) 3-րդ կետը շարադրել հետևյալ խմբագրությամբ`
i
«3. Հանձնաժողովի գործառույթների իրականացումն ապահովվում է էլեկտրոնային ընթացակարգերի միջոցով, բացառությամբ այն դեպքերի, երբ Հանձնաժողովի ղեկավարն իր նախաձեռնությամբ կամ Հանձնաժողովի անդամներից մեկի միջնորդությամբ հրավիրում է Հանձնաժողովի նիստ:»,
2) լրացնել 3.1 և 3.2-րդ կետերով`
i
«3.1 Հանձնաժողովի քարտուղարը, ներկայացված դիմումների ուսումնասիրության արդյունքում կազմում է ամփոփ հաշվետվություն և, խորհրդակցելով Հանձնաժողովի ղեկավարի հետ, հաշվետվությունը և քվեարկության դրվող հարցերը էլեկտրոնային եղանակով ուղարկում է Հանձնաժողովի անդամների պաշտոնական էլեկտրոնային փոստի հասցեներին: Հաշվետվության մեջ ներառվում է բռնադատվածին կամ նրա առաջին հերթի ժառանգին վկայական ստանալու համար ներկայացված դիմումները` յուրաքանչյուրի կից փաստաթղթերով, այն դիմումները, որոնք բավարարում են օրենքով սահմանված պահանջներին և այն դիմումները, որոնք չեն բավարարում օրենքով սահմանված պահանջներին` նշելով համապատասխան դիմումը չբավարարելու իրավական հիմքը, հնարավոր վիճահարույց գործերի վերաբերյալ տեղեկատվություն:
3.2. Հանձնաժողովի անդամները սույն կարգի 3.1-րդ կետով սահմանված կարգով ամփոփ հաշվետվությունն ստանալու պահից երեք աշխատանքային օրվա ընթացքում լրացնում են քվեաթերթիկը` էլեկտրոնային եղանակով ուղարկելով Հանձնաժողովի քարտուղարին: Հրատապ հարցերի քննարկման անհրաժեշտությունից ելնելով Հանձնաժողովի նախագահի նախաձեռնությամբ Հանձնաժողովի անդամներն ամփոփ հաշվետվությունը ստանալու պահից 3 ժամվա ընթացքում լրացնում են քվեաթերթիկը` էլեկտրոնային եղանակով ուղարկելով Հանձնաժողովի քարտուղարին: Քվեաթերթիկի ձևը սահմանվում է` համաձայն N 1 Հավելվածի:»,
3) 4-րդ կետը շարադրել հետևյալ խմբագրությամբ`
i
«4. Հանձնաժողովի նիստ հրավիրվելու դեպքում, նիստի հրավիրման օրվա, վայրի և ժամանակի մասին Հանձնաժողովի քարտուղարը Հանձնաժողովի անդամներին էլեկտրոնային եղանակով ծանուցում է նիստից առնվազն երեք օր առաջ: Հրատապ հարցերի քննարկման անհրաժեշտությունից ելնելով Հանձնաժողովի նախագահի նախաձեռնությամբ Հանձնաժողովի նիստի հրավիրման օրվա, վայրի և ժամանակի մասին Հանձնաժողովի քարտուղարը Հանձնաժողովի անդամներին էլեկտրոնային եղանակով ծանուցում է նիստից առնվազն մեկ օր առաջ:»:,
4) 5-րդ կետից հանել «Մինչև Հանձնաժողովի հերթական նիստը» բառերը,
i
5) 6-րդ կետը շարադրել հետևյալ խմբագրությամբ`
i
«6. Հանձնաժողովը, ինչպես էլեկտրոնային եղանակով, այնպես էլ նիստ հրավիրելու միջոցով իր գործառույթներն իրականացնելիս, կարող է որոշում ընդունել, եթե քվեարկությանը մասնակցել են Հանձնաժողովի անդամների կեսից ավելին: Հանձնաժողովի որոշումներն ընդունվում են քվեարկությանը մասնակցող Հանձնաժողովի անդամների ձայների պարզ մեծամասնությամբ: Հավասար ձայների դեպքում վճռորոշ է Հանձնաժողովի ղեկավարի ձայնը: Հանձնաժողովի քարտուղարը քվեարկությանը չի մասնակցում:»,
6) 7-րդ կետը շարադրել հետևյալ խմբագրությամբ`
i
«7. Հանձնաժողովի նիստ հրավիրելու դեպքում քվեարկության վերաբերյալ Հանձնաժողովի քարտուղարի կողմից կազմվում է արձանագրություն և եզրակացություն, որը Հանձնաժողովի ղեկավարի և անդամների կողմից ստորագրվելուց հետո Հանձնաժողովի քարտուղարի կողմից ներկայացվում է Արդարադատության նախարարին: Էլեկտրոնային եղանակով քվեարկության դեպքում ներկայացվում են Հանձնաժողովի անդամների կողմից լրացված քվեաթերթիկները:»,
7) ուժը կորցրած ճանաչել 10-րդ կետը:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
Ռ. Բադասյան
Հավելված N 1
i
արդարադատության նախարարի
2020 թվականի ապրիլի 14-ի
N 143-Ն հրամանի
ՔՎԵԱԹԵՐԹԻԿ
20__թ. _____ __
Հանձնաժողովի անդամ` ________
._____________________________________________________________________.
| Բռնադատվածի վկայական ստանալու համար ներկայացված դիմումներ |
|_____________________________________________________________________|
|1. ________________________________________________________ |Կողմ|Դեմ|
| (Ա. Ա. Հ) | | |
| ________________________________________________________ | | |
| Ծննդյան օր, ամիս, տարեթիվ | | |
|____________________________________________________________|____|___|
|2. ________________________________________________________ | | |
| (Ա. Ա. Հ) | | |
| ________________________________________________________ | | |
| Ծննդյան օր, ամիս, տարեթիվ | | |
._____________________________________________________________________.
._____________________________________________________________________.
| Բռնադատվածի առաջին հերթի ժառանգի վկայական ստանալու համար |
| ներկայացված դիմումներ |
|_____________________________________________________________________|
|1. ________________________________________________________ |Կողմ|Դեմ|
| (Ա. Ա. Հ) | | |
| ________________________________________________________ | | |
| Ծննդյան օր, ամիս, տարեթիվ | | |
|____________________________________________________________|____|___|
|2. ________________________________________________________ | | |
| (Ա. Ա. Հ) | | |
| ________________________________________________________ | | |
| Ծննդյան օր, ամիս, տարեթիվ | | |
._____________________________________________________________________.
Հանձնաժողովի անդամ` ________________