040.0632.110701
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«11» հուլիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
11 հուլիսի 2001 թվականի N 632
«ԱՐՄԵՆՄՈՏՈՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՆ ԱՎԵԼԱՑՆԵԼՈՒ ՄԱՍԻՆ
Ելնելով «Արմենմոտոր» փակ բաժնետիրական ընկերությունում ներդրումներ ներգրավելու և հետագա ընդլայնված վերարտադրություն ու դինամիկ զարգացում ապահովելու անհրաժեշտությունից` Հայաստանի Հանրապետության կառավարությունը որոշում է.
1. Սահմանել «Արմենմոտոր» փակ բաժնետիրական ընկերության կանոնադրական կապիտալը` 200057.6 հազ. դրամ` ավելացնելով կանոնադրական կապիտալի չափը 82184 հազ. դրամով` լրացուցիչ 821840 սովորական բաժնետոմսն թողարկելու միջոցով, յուրաքանչյուրը` 100 դրամ անվանական արժեքով:
2. Լրացուցիչ թողարկված բաժնետոմսերը տեղաբաշխել փակ բաժանորդագրության ձևով:
3. Սահմանափակել «Արմենմոտոր» փակ բաժնետիրական ընկերության պետական բաժնեմասը տնօրինող հիմնադրի` կանոնադրությամբ սահմանված բաժնետոմսերի թիվը: Ընկերության կողմից լրացուցիչ թողարկված բաժնետոմսերի` յուրաքանչյուրը 100 դրամ անվանական արժեքով, պետական բաժնեմասին համապատասխան 572822 բաժնետոմս ձեռք բերելու նախապատվության իրավունքը թողնել ոչ պետական բաժնեմասի սեփականատերերին:
4. Հայաստանի Հանրապետության արդյունաբերության և առևտրի նախարարությանը` ապահովել ընկերության կանոնադրությամբ սահմանված ժամկետներում և կարգով ընկերության բաժնետերերի ընդհանուր ժողովի հրավիրումը` սույն որոշմամբ սահմանված կանոնադրական կապիտալի չափի ավելացման, հայտարարված բաժնետոմսերի թվի և դրանց տեղաբաշխման ու կանոնադրության մեջ համապատասխան փոփոխություն կատարելու նպատակով:
5. Հայաստանի Հանրապետության պետական գույքի կառավարման նախարարությանը`
ա) ապահովել լրացուցիչ բաժնետոմսեր թողարկելու միջոցով և դրանց տեղաբաշխումից հետո կանոնադրական կապիտալի չափի ավելացման հետևանքով ընկերության կանոնադրության մեջ կատարված փոփոխություններով` պետական և ոչ պետական բաժնեմասերի հարաբերակցությամբ (41.1 տոկոս և 58.9 տոկոս), նոր կանոնադրության պետական գրանցումը: Ընկերության կանոնադրության պետական գրանցումից հետո 10-օրյա ժամկետում ընկերության հետ կնքել պայմանագիր և մեկամսյա ժամկետում` Հայաստանի Հանրապետության օրենսդրությամբ սահմանված կարգով ապահովել լրացուցիչ բաժնետոմսերի տեղաբաշխման հետ կապված գործառույթների իրականացումը.
բ) աջակցել ընկերության պետական սեփականություն հանդիսացող բաժնետոմսերի մասնավորեցման հետ կապված գործնական միջոցառումների իրականացմանը` ընկերության գործարար ծրագիր-առաջարկին համապատասխան ժամկետներում:
6. (6-րդ կետն ուժը կորցրել է 04.07.02 թիվ 1145 որոշում)
i
7. Ընկերության ամբողջական մասնավորեցումից հետո 2001-2005 թվականների ընթացքում ընկերության գործարար ծրագիր-առաջարկով կանխորոշված, համամասնորեն` տեղաբաշխված բաժնետոմսերի ձեռքբերման թվին համապատասխան կատարել 1.5 մլն ԱՄՆ-ի դոլարին համարժեք ներդրումներ:
8. Սույն որոշման 1-ին, 6-րդ և 7-րդ կետերում նշված պայմանները ներառել ընկերության ոչ պետական բաժնեմասի սեփականատերերի հետ կնքվող պայմանագրերում:
9. Սույն որոշումն ուժի մեջ է մտնում 2001 թվականի հուլիսի 11-ից: