ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
5 օգոստոսի 2020 թվականի N 894-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2020 ԹՎԱԿԱՆԻ ԱՊՐԻԼԻ 22-Ի N 479-Ա ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 3-րդ մասը և 34-րդ հոդվածը`
1. Հայաստանի Հանրապետության վարչապետի 2020 թվականի ապրիլի 22-ի «Հայաստանի Հանրապետության կայուն զարգացման նպատակների խորհուրդ ստեղծելու, խորհրդի կազմը և աշխատակարգը հաստատելու և Հայաստանի Հանրապետության վարչապետի 2015 թվականի մարտի 9-ի N 167-Ա որոշումն ուժը կորցրած ճանաչելու մասին» N 479-Ա որոշման N 2 հավելվածի`
i
1) 6-րդ կետը լրացնել հետևյալ բովանդակությամբ նոր նախադասությամբ. «Ընդ որում, հասարակական կազմակերպություններն իրավունք ունեն դիմել մեկից ավելի ոլորտների համար, սակայն կարող են հաղթող ճանաչվել և անդամակցել միայն մեկ ոլորտում:».
i
2) 23-րդ կետը լրացնել հետևյալ բովանդակությամբ նոր նախադասությամբ. «Եթե մեկից ավելի ոլորտներում դիմել է մեկ հասարակական կազմակերպություն և այդ ոլորտներում հաղթահարել է փաստաթղթային փուլը, ապա վերջինս ինքն է որոշում իր մասնակցության համար նախընտրելի ոլորտը` հիմք ընդունելով սույն հավելվածի 6-րդ կետով նախատեսված պայմանը:»:
Հայաստանի Հանրապետության
վարչապետ Ն. Փաշինյան
2020 թ. օգոստոսի 5
Երևան