| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՊԵՏԱԿԱՆ ԵԿԱՄՈՒՏՆԵՐԻ ՏՆՏԵՍԱԿԱՆ ՄՐՑԱԿՑՈՒԹՅԱՆ ՊԱՇՏՊԱՆՈՒԹՅԱՆ
ԿՈՄԻՏԵԻ ՆԱԽԱԳԱՀ ՊԵՏԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀ
19 մարտի 2020 թ. N 256-Լ 3 մարտի 2020 թ. N 65-Լ
ՀԱՄԱՏԵՂ ՀՐԱՄԱՆ
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՆՏԵՍԱԿԱՆ ՄՐՑԱԿՑՈՒԹՅԱՆ ՊԱՇՏՊԱՆՈՒԹՅԱՆ ՊԵՏԱԿԱՆ ՀԱՆՁՆԱԺՈՂՈՎԻ ՄԻԶԵՎ ՓՈԽԱԴԱՐՁ ՏԵՂԵԿՈՒԹՅՈՒՆՆԵՐԻ ՆԵՐԿԱՅԱՑՄԱՆ ՁԵՎԸ ՍԱՀՄԱՆԵԼՈՒ ՎԵՐԱԲԵՐՅԱԼ
i
Հիմք ընդունելով «Նորմատիվ իրավական ակտերի մասին» օրենքի 2-րդ հոդվածի 1-ին մասի 8-րդ կետը, «Տնտեսական մրցակցության պաշտպանության մասին» օրենքի 28-րդ հոդվածի 1-ին մասը և ղեկավարվելով Հայաստանի Հանրապետության կառավարության 2002 թվականի հոկտեմբերի 3-ի թիվ 1584-Ն որոշման 1-ին կետով հաստատված հավելվածի 2.2-րդ կետով
ՀՐԱՄԱՅՈՒՄ ԵՆՔ`
1. Հայաստանի Հանրապետության պետական եկամուտների կոմիտեն (այսուհետ` ՊԵԿ) գաղտնիք համարվող տեղեկատվությունը Հայաստանի Հանրապետության տնտեսական մրցակցության պաշտպանության պետական հանձնաժողովին (այսուհետ` ՏՄՊՊՀ) տրամադրելու նպատակով, ՏՄՊՊՀ-ին ապահովում է ՊԵԿ-ի` նշված տեղեկատվությունը պարունակող էլեկտրոնային համակարգերին առցանց հասանելիություն:
2. ՊԵԿ-ի և ՏՄՊՊՀ-ի միջև գաղտնիք հանդիսացող տեղեկատվության փոխանցումն իրականացվում է գաղտնիության ռեժիմով ապահովված հատուկ տեխնիկածրագրային ուղիների միջոցով:
3. Սույն հրամանի 1-ին կետով նշված տեղեկատվության տրամադրման ապահովումն իրականացվում է ՊԵԿ տեղեկատվական տեխնոլոգիաների վարչության պետի կողմից իրավազորված աշխատակցի միջոցով:
4. Սույն հրամանն ուժի մեջ է մտնում հրապարակմանը հաջորդող օրվանից:
Հայաստանի Հանրապետության Հայաստանի Հանրապետության
պետական եկամուտների կոմիտեի տնտեսական մրցակցության
նախագահ պաշտպանության պետական
Դավիթ Անանյան հանձնաժողովի նախագահ
Գեղամ Գևորգյան