ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 մայիսի 2021 թվականի N 747-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՆՈՅԵՄԲԵՐԻ 17-Ի N 1121 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Ղեկավարվելով Հայաստանի Հանրապետության Սահմանադրության 146-րդ և «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով, ինչպես նաև «Գիտական և գիտատեխնիկական գործունեության մասին» Հայաստանի Հանրապետության օրենքի 12-րդ հոդվածի 1-ին մասի «գ» և 2-րդ մասի «է» կետերին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի նոյեմբերի 17-ի «Գիտական և գիտատեխնիկական գործունեության բազային ֆինանսավորման կարգը հաստատելու մասին» N 1121 որոշման մեջ կատարել հետևյալ փոփոխություններն ու լրացումները`
1) որոշման վերնագիրը «1121» թվից հետո լրացնել «-Լ» տառով.
ԻՐՏԵԿ |
«Նորմատիվ իրավական ակտերի մասին» ՀՀ օրենքի 11-րդ հոդվածի համաձայն սույն որոշման 1-ին կետի 1-ին ենթակետով ոչ թե փոփոխվում է իրավական ակտի վերնագիրը, այլ լրացվում է իրավական ակտի բնույթը: |
2) որոշմամբ հաստատված կարգում`
i
ա. 2-րդ կետում «կրթության և գիտության» բառերը փոխարինել «կրթության, գիտության, մշակույթի և սպորտի» բառերով,
i
բ. 2-րդ, 9-րդ և 13-րդ կետերում «ֆինանսների» բառից հետո հանել «և էկոնոմիկայի» բառերը,
i
գ. 2-րդ կետից հետո լրացնել հետևյալ բովանդակությամբ նոր` 2.1-2.6-րդ կետերով`
«2.1. Հայաստանի Հանրապետության պետական բյուջեից ֆինանսավորվող գիտական կազմակերպություններում հիմնարար և կարևորագույն նշանակություն ունեցող կիրառական հետազոտությունների իրականացման, գիտական և գիտատեխնիկական գործունեության ենթակառուցվածքի պահպանման ու զարգացման, ազգային արժեք ներկայացնող գիտական օբյեկտների պահպանման գծով պետական ծրագրերում ներգրավված գիտական կադրերի պաշտոնային դրույքաչափի նվազագույն չափի հաշվարկի համար որպես բազային աշխատավարձ 2022 թվականի հունվարի 1-ից սահմանել 66 140 դրամ:
2.2. Յուրաքանչյուր տարակարգի պաշտոնային աշխատավարձի նվազագույն չափը, Հայաստանի Հանրապետության օրենսդրությամբ նախատեսված աշխատաժամանակի նորմալ տևողությամբ աշխատողների համար, հաշվարկվում է սույն կարգի հավելվածով նախատեսված աղյուսակով (այսուհետ` աղյուսակ) տվյալ տարվա համար սահմանված գործակցի և բազային աշխատավարձի արտադրյալով:
2.3. Հայաստանի Հանրապետության օրենսդրությամբ նախատեսված աշխատաժամանակի ոչ լրիվ կամ կրճատ տևողությամբ աշխատողների համար որպես պաշտոնային աշխատավարձի նվազագույն չափի հաշվարկի գործակից ընդունել աղյուսակով տվյալ տարվա համար սահմանված գործակցի նորմավորված արժեքը` ըստ աշխատանքային պայմանագրով սահմանված աշխատաժամանակի:
2.4. Սույն կարգի 2.1-2.3-րդ կետերով նախատեսված կարգավորումները գործում են 2022 թվականի հունվարի 1-ից` այն գիտական կազմակերպությունների համար, որոնք գիտական կադրերի որակավորում են իրականացրել վերոնշյալ ամսաթվից առավելագույնը մեկ տարի առաջ:
2.5. 2022 թվականին կամ դրանից հետո գիտական կադրերի որակավորում իրականացրած գիտական կազմակերպությունների համար սույն կարգի 2.1-2.3-րդ կետերով նախատեսված կարգավորումները կգործեն որակավորմանը հաջորդող տարվանից` համապատասխան գործակիցներով:
2.6. 2025 թվականից հետո գործում է աղյուսակի` 2025 թվականի համար սահմանված գործակիցը:».
i
3) որոշմամբ հաստատված գիտական և գիտատեխնիկական գործունեության բազային ֆինանսավորման կարգը լրացնել գիտական կադրերի նվազագույն պաշտոնային դրույքաչափի հաշվարկման գործակիցների աղյուսակով` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության
վարչապետի պաշտոնակատար Ն. Փաշինյան
2021 թ. մայիսի
Երևան
Հավելված
ՀՀ կառավարության
2021 թվականի մայիսի 13-ի
N 747-Լ որոշման
«ԱՂՅՈՒՍԱԿ ԳԻՏԱԿԱՆ ԿԱԴՐԵՐԻ ՆՎԱԶԱԳՈՒՅՆ ՊԱՇՏՈՆԱՅԻՆ ԴՐՈՒՅՔԱՉԱՓԻ ՀԱՇՎԱՐԿՄԱՆ ԳՈՐԾԱԿԻՑՆԵՐԻ
._____________________________________________________________________.
|Պաշտոն |Գործակից |
| |_______________________________|
| |2022 թ.|2023 թ.|2024 թ.|2025 թ.|
|_____________________________________________________________________|
|Գիտական պաշտոններ |
|_____________________________________________________________________|
| |Կրտսեր գիտական աշխատող |1.81 |2.27 |2.72 |3.18 |
|_|___________________________________|_______|_______|_______|_______|
| |Գիտական աշխատող |2.27 |3.02 |3.48 |4.17 |
|_|___________________________________|_______|_______|_______|_______|
| |Ավագ գիտական աշխատող |3.02 |3.78 |4.54 |5.19 |
|_|___________________________________|_______|_______|_______|_______|
| |Առաջատար գիտական աշխատող |3.78 |5.29 |6.35 |6.71 |
|_|___________________________________|_______|_______|_______|_______|
| |Գլխավոր գիտական աշխատող |5.55 |6.80 |7.56 |8.36 |
|_____________________________________________________________________|
|Ճարտարագիտատեխնիկական պաշտոններ |
|_____________________________________________________________________|
| |Լաբորանտ կամ ճարտարագետ |1.55 |1.66 |1.81 |2.09 |
|_|___________________________________|_______|_______|_______|_______|
| |Ավագ լաբորանտ կամ ավագ ճարտարագետ |1.66 |1.97 |2.36 |2.71 |
|_____________________________________________________________________|
|Գիտական ղեկավար պաշտոններ |
|_____________________________________________________________________|
| |Գիտական խմբի ղեկավար |3.48 |4.23 |5.29 |6.20 |
|_|___________________________________|_______|_______|_______|_______|
| |Գիտական ստորաբաժանման ղեկավար |5.29 |6.05 |6.80 |7.21»: |
| |(լաբորատորիայի վարիչ, բաժնի վարիչ, | | | | |
| |սեկտորի վարիչ, բաժանմունքի | | | | |
| |ղեկավար/վարիչ, կենտրոնի ղեկավար և | | | | |
| |այլն) | | | | |
._____________________________________________________________________.