ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 հունիսի 2021 թվականի N 979-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒՆՎԱՐԻ 14-Ի N 28-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2021 թվականի հունվարի 14-ի «Հայաստանի Հանրապետությունից մի շարք ապրանքների արտահանման ժամանակավոր արգելք կիրառելու մասին» N 28-Ն որոշման (այսուհետ` որոշում) մեջ կատարել հետևյալ փոփոխությունները`
i
1) որոշման 2-րդ կետի 1-ին ենթակետում «2-րդ ենթակետում» բառերը փոխարինել «2-րդ և 3-րդ ենթակետերում» բառերով.
i
2) որոշման 2-րդ կետից հետո լրացնել հետևյալ բովանդակությամբ նոր` 2.1-ին կետ`
«2.1. Սույն որոշման 1-ին կետի դրույթները չեն տարածվում 1-ին կետի 2-րդ և 3-րդ ենթակետերի ապրանքների վրա, եթե հայտարարատուն այդ ապրանքների մասով մաքսային մարմին է ներկայացնում մինչև 2021 թվականի մայիսի 22-ը ներառյալ դուրս գրված, Հայաստանի Հանրապետության հարկային օրենսգրքով գործարքի փաստաթղթավորման նպատակով նախատեսված, տվյալ հայտարարատուի կողմից ապրանքի ձեռքբերումը հիմնավորող հաշվարկային փաստաթուղթը և նույն ժամանակահատվածում օրենսդրությամբ սահմանված կարգով հայտարարատուին տրամադրված` ապրանքի ծագման երկրի հավաստագիրը.»:
2. Սույն որոշման 1-ին կետի 2-րդ ենթակետը գործում է սույն որոշումն ուժի մեջ մտնելուց հետո 10 օր ժամկետով:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
փոխվարչապետի պաշտոնակատար Տ. Ավինյան
2021 թ. հունիսի 14
Երևան
Պաշտոնական հրապարակման օրը` 15 հունիսի 2021 թվական: