ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
27 հուլիսի 2021 թվականի N 793-Ա
ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ՄԱՍԻՆ
i
Ղեկավարվելով «Քաղաքացիական ծառայության մասին» Հայաստանի Հանրապետության օրենքի 22-րդ հոդվածով, Հայաստանի Հանրապետության աշխատանքային օրենսգրքի 215-րդ հոդվածի 2-րդ մասով, 220-րդ, 226-րդ հոդվածներով և հիմք ընդունելով Հայաստանի Հանրապետության կառավարության 2018 թվականի հուլիսի 19-ի N 814-Ն որոշումը`
1. Նշանակել ծառայողական քննություն` Հայաստանի Հանրապետության կառավարության 2021 թվականի հուլիսի 22-ի «Հայաստանի Հանրապետության 2021 թվականի պետական բյուջեի մասին» Հայաստանի Հանրապետության օրենքում վերաբաշխում, Հայաստանի Հանրապետության կառավարության 2020 թվականի դեկտեմբերի 30-ի N 2215-Ն որոշման մեջ փոփոխություններ կատարելու մասին» N 1192-Ն որոշման (այսուհետ` որոշում) ընդունման անհրաժեշտությունը հիմնավորող հանգամանքները, այդ թվում` պետական բյուջեից լրացուցիչ ֆինանսական միջոցներ տրամադրելու հանգամանքն ուսումնասիրելու համար:
2. Ծառայողական քննությամբ պարզաբանել հետևյալ հարցերը`
1) որոշման ընդունման անհրաժեշտությունը հիմնավորող փաստերը, դրանց առաջացման պատճառները, պայմանները և առաջացած հետևանքները.
2) պատասխանատու անձանց շրջանակը, նրանց մեղավորության աստիճանը:
3. Ծառայողական քննություն անցկացնելու և վարելու նպատակով ստեղծել աշխատանքային խումբ` հետևյալ կազմով`
Արթուր Հովսեփյան - վարչապետի աշխատակազմի ղեկավարի տեղակալ.
Լուսինե Ալեքսանյան - վարչապետի աշխատակազմի կադրերի և անձնակազմի կառավարման վարչության պետ.
Հայկ Կեսոյան - վարչապետի աշխատակազմի իրավաբանական վարչության պետ.
Սեդրակ Սիմոնյան - վարչապետի աշխատակազմի սոցիալական հարցերի
վարչության պետի տեղակալ:
Հայաստանի Հանրապետության
վարչապետի պաշտոնակատար Ն. Փաշինյան
2021 թ. հուլիսի 27
Երևան