| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
27 հունվարի 2022 թվականի N 104-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒՆԻՍԻ 3-Ի N 927-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2021 թվականի հունիսի 3-ի «Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2023 թվականների ծրագիրը հաստատելու և Հայաստանի Հանրապետության կառավարության 2019 թվականի մարտի 29-ի N 361-Լ, 2019 թվականի ապրիլի 4-ի N 362-Լ և 2019 թվականի մարտի 7-ի N 212-Լ որոշումներն ուժը կորցրած ճանաչելու մասին» N 927-Լ որոշման 1-ին կետով հաստատված հավելվածում (այսուհետ` հավելված) կատարել հետևյալ փոփոխությունները և լրացումները.
i
1) հավելվածի 4-րդ կետում «300 հա» բառերը փոխարինել «360 հա» բառերով, «200 հա» բառերը փոխարինել «130 հա» բառերով, «ջրավազանների կառուցում» բառերից հետո լրացել «/ առկա ջրավազանների ընդլայնում» բառերը.
i
2) հավելվածի 6-րդ կետի 1-ին ենթակետը «անձինք,» բառից հետո լրացնել «համայնքները (համայնքները միայն սուբվենցիոն ծրագրի շրջանակում չներառված ջրավազանների կառուցման կամ ընդլայնման դեպքում),» բառերով.
i
3) հավելվածի ամբողջ տեքստում «ջրավազանների կառուցում» և «ջրավազանի կառուցում» բառերը և դրանց հոլովաձևերը փոխարինել համապատասխանաբար «ջրավազանների կառուցում կամ ընդլայնում» և «ջրավազանի կառուցում կամ ընդլայնում» բառերով` համապատասխան հոլովաձևերով.
i
4) հավելվածի 10-րդ կետից հանել «հողի, ինչպես նաև» բառերը, և նույն կետը լրացնել հետևյալ բովանդակությամբ նոր նախադասությամբ. «Ծրագրի շրջանակում այգեհիմնման նպատակով թույլատրվում է այգեհիմնման տարածքի չափով հողի ձեռքբերում, եթե չեն գերազանցվում ծրագրի 16-րդ կետով և 24-րդ կետի 13-րդ ենթակետով գնահատված ծախսերի առավելագույն սահմանաչափերը».
i
5) հավելվածի 22-րդ կետից հանել «(հողի ագրոքիմիական բաղադրության լաբորատոր փորձաքննություն իրականացնող կառույցների ցանկը ծրագրի հաստատումից հետո 5 աշխատանքային օրվա ընթացքում կհրապարակվի նախարարության կայքում)» բառերը.
i
6) հավելվածի 23-րդ կետի 2-րդ ենթակետի «բ» պարբերությունում «3 տարուց» բառերը փոխարինել «4 տարուց» բառերով.
7) հավելվածի 23-րդ կետի 3-րդ ենթակետի «գ» պարբերությունը «բուսասանիտարական անձնագիր» բառերից հետո լրացնել «(տրամադրված` մինչև այգեհիմնումը)» բառերով.
8) հավելվածի 23-րդ կետի 13-րդ ենթակետի «գ» պարբերությունում «3 տարի» բառերը փոխարինել «4 տարի» բառերով.
9) հավելվածի 23-րդ կետի 13-րդ ենթակետը լրացնել հետևյալ բովանդակությամբ նոր` «զ» պարբերությամբ.
«եթե շահառուին միևնույն նախագծի համար վարկը տրամադրվում է փուլերով կամ մեկից ավելի վարկային պայմանագրերով (մասնաբաժիններով), ապա յուրաքանչյուր հաջորդ վարկը համարվում է առաջին տրված վարկի շարունակությունը, և վարկի մարման ու մայր գումարի արտոնյալ ժամկետները պետք է համապատասխանեն առաջին տրված վարկի մարման և մայր գումարի արտոնյալ ժամկետին».
i
10) հավելվածի 24-րդ կետի 1-ին ենթակետի «բ» պարբերությունում «3 տարուց» բառերը փոխարինել «4 տարուց» բառերով.
11) հավելվածի 24-րդ կետի 6-րդ ենթակետի «դ» պարբերությունը «բուսասանիտարական անձնագիր» բառերից հետո լրացնել «(տրամադրված` մինչև այգեհիմնումը)» բառերով.
12) հավելվածի 24-րդ կետի 12-րդ ենթակետում «չեն փոխհատուցվում» բառերից հետո լրացնել «, բացառությամբ ծրագրի շրջանակում հիմնված այգու չափով հողի ձեռքբերման ծախսի» բառերով.
13) հավելվածի 24-րդ կետի 15-րդ ենթակետը շարադրել հետևյալ խմբագրությամբ`
«15) ծրագրի շրջանակում առանց այգեհիմնման 0.5-10 հա ոռոգման արդիական համակարգերի ներդրման համար յուրաքանչյուր շահառուի կփոխհատուցվի փաստացի կատարված ծախսերի 50%-ը, որը 1 հա-ի հաշվով չպետք է գերազանցի ծրագրի 19-րդ կետում նշված ծախսերի առավելագույն սահմանաչափերի 50%-ը:».
14) հավելվածի 34-րդ կետում «2 351,6» թիվը փոխարինել «2 351,5» թվով.
i
15) հավելվածի 35-րդ կետում «255 հա» բառերը փոխարինել «260 հա» բառերով, «200 հա» բառերը` «130 հա» բառերով, իսկ «45 հա» բառերը` «100 հա» բառերով.
i
16) հավելվածի 37-րդ կետի 1-ին ենթակետի «բ» պարբերությունում «400 հա-ով` տարեկան 200 հա» բառերը փոխարինել «260 հա-ով` տարեկան 130 հա» բառերով, իսկ «գ» պարբերությունում «600 հա-ով` տարեկան 300 հա» բառերը` «720 հա-ով` տարեկան 360 հա» բառերով:
2. Սույն որոշումն ուժի մեջ է մտնում հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2022 թ. հունվարի
_______________
ԻՐՏԵԿ - Ընդունող մարմնի կայքէջում (www.e-gov.am) հրապարակման ամսաթիվ տրված չէ («Նորմատիվ իրավական ակտերի մասին» ՀՀ օրենք, հոդ. 23, մաս 7):