(ուժը կորցրել է 05.05.06 թիվ 06-Ն որոշում)
i
120.0005.091000
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
25 հուլիսի 2000 թվականի N 5
i
ՀՀ ՎԻՃԱԿԱԳՐՈՒԹՅԱՆ ՄԱՐԶԱՅԻՆ ՎԱՐՉՈՒԹՅՈՒՆՆԵՐԻՆ ԵՎ ԴՐԱՆՑ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻՆ` ՏՆԵՐԻ (ՇԻՆՈՒԹՅՈՒՆՆԵՐԻ) ՑՈՒՑԱԿՆԵՐԸ ԵՎ ԳՅՈՒՂԱԿԱՆ ԲՆԱԿԱՎԱՅՐԵՐԻ ՑՈՒՑԱԿՆԵՐԸ ԿԱԶՄԵԼՈՒ ԿԱՐԳԻ ՄԱՍԻՆ ՑՈՒՑՈՒՄՆԵՐԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Մարդահամարի մասին» ՀՀ օրենքի 7 հոդվածի երկրորդ մասով սահմանված դրույթով, Հայաստանի Հանրապետության վիճակագրության պետական խորհուրդը որոշում է.
հաստատել ՀՀ վիճակագրության մարզային վարչություններին և դրանց տարածքային ստորաբաժանումներին` տների (շինությունների) ցուցակները և գյուղական բնակավայրերի ցուցակները կազմելու կարգի մասին ցուցումները (կցվում է):
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ
2000թ. փորձնական մարդահամար
Հաստատված է
Հայաստանի Հանրապետության
վիճակագրության
պետական խորհրդի
25.07.2000թ.
N 05 որոշմամբ
ՑՈՒՑՈՒՄՆԵՐ ՀՀ ՎԻՃԱԿԱԳՐՈՒԹՅԱՆ ՄԱՐԶԱՅԻՆ ՎԱՐՉՈՒԹՅՈՒՆՆԵՐԻՆ ԵՎ ԴՐԱՆՑ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻՆ` ՏՆԵՐԻ (ՇԻՆՈՒԹՅՈՒՆՆԵՐԻ) ՑՈՒՑԱԿՆԵՐԸ ԵՎ ԳՅՈՒՂԱԿԱՆ ԲՆԱԿԱՎԱՅՐԵՐԻ ՑՈՒՑԱԿՆԵՐԸ ԿԱԶՄԵԼՈՒ ԿԱՐԳԻ ՄԱՍԻՆ
I. Ընդհանուր դրույթներ
1. Քաղաքներում և խոշոր գյուղերում տների (շինությունների), գյուղական վայրերում գյուղական բնակավայրերի և այլ բնակատեղերի ցուցակների կազմումը հանդիսանում է մարդահամարի նախապատրաստման հիմնական աշխատանքներից մեկը:
Ցուցակների կազմման որակից է կախված.
- տարածքի ճիշտ բաժանումը մարդահամարային տեղամասերի,
- մարդահամարին բնակչության ընդգրկման ամբողջականության ապահովումը:
2. Սահմանված ժամկետում, հատուկ ընտրված և հրահանգավորված ցուցակագրողների կողմից, քաղաքներում կազմվում են տների (շինությունների) ցուցակներ, իսկ գյուղական բնակավայրի ցուցակները կազմում է ՀՀ վիճակագրության տարածքային ստորաբաժանումների ղեկավարը` գյուղապետի աշխատակազմի քարտուղարի հետ համատեղ: Ամբողջ աշխատանքի իրականացման պատասխանատվությունը դրվում է ՀՀ վիճակագրության մարզային վարչության և դրանց տարածքային ստորաբաժանումների ղեկավարի վրա:
3. Տների (շինությունների) ցուցակներում բնակչության թվաքանակը վերցվում է բնակարանային ֆոնդի սեփականատերերի կամ նրանց լիազոր մարմնի գրանցման բնակարանային քարտերից, տնային գրքերից, իսկ գյուղական վայրերում` գյուղական համայնքի հաշվառման գրքերից:
II. ՀՀ վիճակագրության տարածքային բաժանմունքների պարտականությունները
4. ՀՀ վիճակագրության տարածքային ստորաբաժանումները տների (շինությունների) ցուցակների և գյուղական բնակավայրերի ցուցակների կազմման աշխատանքների նախապատրաստման և անցկացման ժամանակահատվածում պարտավոր են.
- քաղաքների հատակագծի վրա նրանց տարածքը բաժանել ցուցակագրման տեղամասերի` ցուցակագրողի ծանրաբեռնվածության նորմային համապատասխան: Մեկ ցուցակագրողի ծանրաբեռնվածության միջին նորման սահմանված է երեսուն տուն/օր, տաս օր աշխատանքի տևողությամբ: Ծանրաբեռնվածության նորման կարող է տատանվել` կախված թաղամասերի (զանգվածների) կառուցապատումից և տեղադրությունից: Ցուցակագրման տեղամասերը կարող են ընդգրկել ամբողջական թաղամասեր (զանգվածներ) կամ դրանց մի մասը: Տարբեր թաղամասերի (զանգվածների) մասերից ցուցակագրման տեղամասեր կազմել չի թույլատրվում,
- տների ցուցակներ կազմելու համար հավաքագրել ցուցակագրողներ և կատարել նրանց հրահանգավորում,
- ցուցակագրողներին ծանոթացնել իրենց տեղամասերի սահմանների հետ, անհրաժեշտության
դեպքում այդ սահմանները պետք է ճշտվեն տեղամաս այցելելու միջոցով,
- ցուցակագրողներին ապահովել վկայականներով, տների ցուցակների կազմման վերաբերյալ հրահանգով, անհրաժեշտ քանակությամբ ձև 1-քաղաքայինի բլանկներով (աղյուսակ 1, աղյուսակ 2), ցուցակագրման տեղամասի սխեմատիկ հատակագծով, ինչպես նաև տվյալ տեղամասի բնակարանային ֆոնդի սեփականատերերի կամ սեփականատերերի կողմից լիազորված մարմինների (բնակշահագործման կազմակերպությունների, իրավաբանական անձի) հասցեների ցուցակով.
- գյուղապետերի աշխատակազմի քարտուղարների հետ համատեղ` ապահովել ձև 2-գյուղականի լրացումը` գյուղական բնակավայրերի և այլ բնակատեղերի ցուցակների կազմման վերաբերյալ հրահանգի համաձայն.
- կազմակերպել յուրաքանչյուր ցուցակագրողի կողմից կազմված տների (շինությունների) ցուցակների լրացման որակի (հատկապես աշխատանքի առաջին օրերին), ինչպես նաև դրանց ամբողջականության և ճշտության ստուգումներ:
5. Տների (շինությունների) ցուցակների և գյուղական բնակավայրերի ցուցակների ընդունման ժամանակ անհրաժեշտ է ստուգել.
- քաղաքների և խոշոր գյուղերի տների ցուցակների կազմման ճշտությունը` նրանցում բոլոր թաղամասերի, փողոցների, նրբանցքների, հրապարակների և այլնի, տների ու շինությունների ընդգրկման ամբողջականությունը, համեմատելով դրանք բնակավայրի և (կամ) տեղամասի հատակագծի հետ, ինչպես նաև յուրաքանչյուր թաղամասի (զանգվածի) և ամբողջությամբ տեղամասի հանրագումարների ճշտությունը,
- գյուղական բնակավայրերի ցուցակներում բոլոր գյուղական բնակավայրերի ընդգրկման ամբողջականությունը (ներառյալ ծառայողական նշանակության բնակատեղերը), որոնք գտնվում են գյուղական համայնքի տարածքում, ինչպես նաև յուրաքանչյուր բնակավայրի վերաբերյալ գրանցումների և նրանց համարակալման ճշտությունը:
6. Ցուցակներն ընդունելուց հետո հաշվարկվում են հանրագումարները` ըստ քաղաքների և գյուղական վայրերի, ինչպես նաև ամբողջությամբ տարածաշրջանի կտրվածքով: Տների ցուցակներով ստացված քաղաքային բնակչության և ձև 2-գյուղականով ստացված գյուղական բնակչության թվաքանակը, ինչպես նաև բնակչության գումարային թվաքանակը պետք է հնարավորին չափ մոտ լինի տվյալ տարածքի բնակչության հաշվարկային թվին: Էական տարբերությունների դեպքում անհրաժեշտ է պարզել դրանց պատճառը, և եթե դրանք առաջացել են ցուցակների ոչ ճիշտ կազմման պատճառով, ապա պետք է կազմակերպել այդ ցուցակների մանրամասն ստուգում և ուղղում:
7. Իրենց տեղամասերի շրջագայության ժամանակ ցուցակագրողների կողմից սխեմատիկ հատակագծերում կատարված ճշտումները պետք է անցկացնել հատակագծերի բոլոր օրինակների վրա:
8. Սահմանված ժամկետում տների ցուցակների և ձև 2-գյուղականի արդյունքները ներկայացվում են ՀՀ վիճակագրության մարզային վարչություն` ըստ հավելված 1,2-ում բերված ձևերի:
9. Ձև 3-ամփոփ «Քաղաքներում տների (շինությունների) ցուցակների տվյալների ամփոփագիր» կազմվում է բոլոր քաղաքների համար ցուցակագրման տեղամասերի կտրվածքով ըստ ձև 1-քաղաքայինի աղյուսակի տվյալների: 1-ին սյունակում քաղաքների գրանցումը կատարվում է այբբենական կարգով:
Ձև 4-ամփոփ «Գյուղական բնակավայրերի ցուցակների տվյալների ամփոփագիրը» կազմվում է ձև 2-գյուղականի հանրագումարային տվյալների հիման վրա: 1-ին սյունակում գյուղական համայնքները գրանցվում են այբբենական կարգով: 2-5-րդ սյունակներում փոխանցվում են հիմնական բնակավայրերի հանրագումարները, ներառյալ այլ բնակատեղերի և առանձին կանգնած տների վերաբերյալ տվյալները:
III. ՀՀ վիճակագրության մարզային վարչությունների պարտականությունները
10. Տների (շինությունների) ցուցակների և ձև 2-գյուղականի կազմման աշխատանքների նախապատրաստման և անցկացման ժամանակահատվածում ՀՀ վիճակագրության մարզային վարչությունը պարտավոր է`
- ապահովել ցուցակագրողներին վկայականներով, ցուցակների բավարար քանակության ձևերով և դրանց լրացման հրահանգներով,
- անցկացնել կազմված տների (շինությունների) ցուցակների, և ձև 2-գյուղականի` բնակավայրերի և այլ բնակատեղերի ցուցակների լրացման ընտրանքային ստուգումներ:
11. ՀՀ վիճակագրության տարածքային ստորաբաժանումների պետերից նյութերն ընդունելիս անհրաժեշտ է կազմակերպել`
- կազմված ցուցակների ճշտության ստուգում և նրանցում բոլոր թաղամասերի (զանգվածների), տների, գյուղական բնակավայրերի (ներառյալ այլ բնակատեղերը, առանձին կանգնած տները), սոցիալական նշանակությամբ և ժամանակավոր բնակության համար նախատեսված հիմնարկների ընդգրկման ամբողջականությունը,
- քարտեզագրական նյութերի և լրացված ցուցակների համապատասխանության ընտրանքային ստուգումներ,
- հանրագումարների ստուգում ըստ տարածքների ամփոփ տվյալների` 3-ամփոփ,
4-ամփոփ ձևեր (տես հավելված 1,2)
12. Սահմանված ժամկետում տների (շինությունների) ցուցակների և ձև 2-գյուղականի վերջնական արդյունքները ներկայացվում են ՀՀ Ազգային վիճակագրական ծառայություն ըստ հավելված 3,4-ում բերված ձևերի:
13. Ձև 5-ամփոփ «Քաղաքներում տների (շինությունների) ցուցակների տվյալների ամփոփագիր» կազմվում է բոլոր քաղաքների համար ըստ ձև 3- ամփոփի: 1-ին սյունակում քաղաքների գրանցումը կատարվում է այբբենական կարգով տարածաշրջանների կտրվածքով:
14. Ձև 6 ամփոփ «Գյուղական բնակավայրերի և այլ բնակատեղերի ցուցակների տվյալների ամփոփագիրը» կազմվում է ըստ ձև 4-ամփոփի: 1-ին սյունակում գյուղական համայնքները գրանցվում են այբբենական կարգով տարածաշրջանների կտրվածքով:
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ
2000թ. փորձնական մարդահամար
Հավելված 1
Ձև 3-ամփոփ
Հաստատված է
Հայաստանի Հանրապետության
վիճակագրության
պետական խորհրդի
25.07.2000թ.
N 05 որոշմամբ
Կազմվում է ՀՀ վիճակագրության տարածքային
ստորաբաժանման կողմից
ԱՄՓՈՓԱԳԻՐ
քաղաքներում տների (շինությունների) ցուցակների տվյալների
_______________________________________________ մարզ
__________________________________________ տարածաշրջան
._____________________________________________________________________.
|Քաղաքի կամ|Կազմված|Ընդամենը հաշվառվել են |ժամանակավոր| |
|թաղային |ցուցակ |___________________________|բնակության | |
|համայնքի |ների |տներ|բնակելի |դրանցում |հիմնարկների|դրանցում |
|անվանումը |քանակը | |և ոչ |_____________|քանակը |բնակության|
| | | |բնակելի |բնակա- |բնակ-| |համար |
| | | |շինու- |րաններ |չու- | |պիտանի |
| | | |թյուններ| |թյուն| |տեղեր |
|__________|_______|____|________|_______|_____|___________|__________|
| 1 | 2 | 3 | 4 | 5 | 6 | 7 | 8 |
|__________|_______|____|________|_______|_____|___________|__________|
|__________|_______|____|________|_______|_____|___________|__________|
|__________|_______|____|________|_______|_____|___________|__________|
|__________|_______|____|________|_______|_____|___________|__________|
| Ընդամենը| | | | | | | |
._____________________________________________________________________.
«______» _____________________2000թ.
Տարածքային ստորաբաժանման պետ` _____________________
/ստորագրություն/
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ
2000թ. փորձնական մարդահամար
Հավելված 2
Ձև 4-ամփոփ
Հաստատված է
Հայաստանի Հանրապետության
վիճակագրության
պետական խորհրդի
25.07.2000թ.
N 05 որոշմամբ
Կազմվում է ՀՀ վիճակագրության տարածքային
ստորաբաժանման կողմից
ԱՄՓՈՓԱԳԻՐ
ԳՅՈՒՂԱԿԱՆ ԲՆԱԿԱՎԱՅՐԵՐԻ ԵՎ ԱՅԼ ԲՆԱԿԱՏԵՂԵՐԻ ՑՈՒՑԱԿԻ ՏՎՅԱԼՆԵՐԻ
_____________________________________ տարածաշրջան
______________________________________________________ մարզ
.__________________________________________________________________________.
|Գյուղական|Բնակա-| Նրանցում հաշվառվել են |ժամանակավոր|դրանցում |
|համայնքի |վայ- |_________________________________|բնակության |բնակության |
|անվանումը|րերի |այլ |բնակելի|տնային |բնակ-|հիմնարկների|համար |
| |քանակը|բնակատեղեր|շինու- |տնտեսու-|չու- |քանակը |պիտանի |
| | |և առանձին|թյուն- |թյուններ|թյուն| |տեղեր |
| | |կանգնած |ներ | | | | |
| | |տներ | | | | | |
|_________|______|__________|_______|________|_____|___________|___________|
| 1 | 2 | 3 | 4 | 5 | 6 | 7 | 8 |
|_________|______|__________|_______|________|_____|___________|___________|
|_________|______|__________|_______|________|_____|___________|___________|
|_________|______|__________|_______|________|_____|___________|___________|
|_________|______|__________|_______|________|_____|___________|___________|
|Ընդամենը | | | | | | | |
.__________________________________________________________________________.
«______» _____________________2000թ.
Տարածքային ստորաբաժանման պետ` _____________________
/ստորագրություն/
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ
2000թ. փորձնական մարդահամար
Հավելված 3
Ձև 5-ամփոփ
Հաստատված է
Հայաստանի Հանրապետության
վիճակագրության
պետական խորհրդի
25.07.2000թ.
N 05 որոշմամբ
Կազմվում է ՀՀ վիճակագրության տարածքային
ստորաբաժանման կողմից
ԱՄՓՈՓԱԳԻՐ
քաղաքներում տների (շինությունների) ցուցակների տվյալների
_____________________________________ տարածաշրջան
______________________________________________________ մարզ
._____________________________________________________________________.
|Քաղաքի կամ|Կազմված|Ընդամենը հաշվառվել են |ժամանակավոր| |
|թաղային |ցուցակ |___________________________|բնակության | |
|համայնքի |ների |տներ|բնակելի |դրանցում |հիմնարկների|դրանցում |
|անվանումը |քանակը | |և ոչ |_____________|քանակը |բնակության|
| | | |բնակելի |բնակա- |բնակ-| |համար |
| | | |շինու- |րաններ |չու- | |պիտանի |
| | | |թյուններ| |թյուն| |տեղեր |
|__________|_______|____|________|_______|_____|___________|__________|
| 1 | 2 | 3 | 4 | 5 | 6 | 7 | 8 |
|__________|_______|____|________|_______|_____|___________|__________|
|__________|_______|____|________|_______|_____|___________|__________|
|__________|_______|____|________|_______|_____|___________|__________|
|__________|_______|____|________|_______|_____|___________|__________|
| Ընդամենը| | | | | | | |
._____________________________________________________________________.
«______» _____________________2000թ.
Տարածքային ստորաբաժանման պետ` _____________________
/ստորագրություն/
ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«09» 10 2000 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12000103