ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ
Թիվ 12-Լ
ՀՀ ՈՍՏԻԿԱՆՈՒԹՅԱՆ ՊԵՏԻ 2020 ԹՎԱԿԱՆԻ ՀՈՒԼԻՍԻ 20-Ի ԹԻՎ 26-Լ ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների և ղեկավարվելով Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության ոստիկանության կանոնադրությունը հաստատելու մասին» թիվ 751-Լ որոշման հավելվածի 20-րդ կետի 8-րդ ենթակետով`
ՀՐԱՄԱՅՈՒՄ ԵՄ
1. Հայաստանի Հանրապետության ոստիկանության պետի 2020 թվականի հուլիսի 20-ի «Հայաստանի Հանրապետության ոստիկանության Օպերատիվ կառավարման կենտրոնի կանոնադրությունը հաստատելու մասին» թիվ 26-Լ հրամանով հաստատված հավելվածում`
1) 11-րդ կետը շարադրել նոր խմբագրությամբ` հետևյալ բովանդակությամբ.
i
«11. Կենտրոնն իր աշխատանքները կազմակերպում է ենթակառուցվածքային միջոցով:»,
2) 17-րդ կետից հետո լրացնել նոր «17.1.» կետ` հետևյալ բովանդակությամբ.
i
«17.1. Կենտրոնին ենթակա մարզային ստորաբաժանումներն իրականացնում են սույն հավելվածի 14-րդ կետի 1-10-րդ, 12-րդ, 13-րդ և 15-րդ ենթակետերով նախատեսված գործառույթները:»,
3) 20-րդ կետից հետո լրացնել նոր «20.1.» կետ` հետևյալ բովանդակությամբ.
i
«20.1. Կենտրոնին ենթակա մարզային ստորաբաժանումների աշխատանքները ղեկավարում և կազմակերպում են նշված ստորաբաժանումների պետերը:»:
2. Հրամանը ծանոթացնել ՀՀ ոստիկանության իրավասու ծառայողներին և աշխատակիցներին:
ՈՍՏԻԿԱՆՈՒԹՅԱՆ ԳԵՆԵՐԱԼ-ՄԱՅՈՐ Վ. ՂԱԶԱՐՅԱՆ
6 ապրիլի 2022թ.
Երևան
Սույն որոշումը հրապարակվել է Ոստիկանության պաշտոնական կայքէջում (www.police.am)` 6 ապրիլի 2022 թվական: