ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ

23 նոյեմբերի 2018 թ. թիվ 197-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2007 ԹՎԱԿԱՆԻ ՆՈՅԵՄԲԵՐԻ 16-Ի ԹԻՎ 366-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով բարձրացնել ապահովագրական ընկերությունների գործունեության նկատմամբ վերլուծական և վիճակագրության հավաքագրման գործընթացների արդյունավետությունը,

հիմք ընդունելով «Ապահովագրության և ապահովագրական գործունեության մասին» Հայաստանի Հանրապետության օրենքի 85-րդ հոդվածի 2-րդ մասը,

ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին և 3-րդ մասերով և 34-րդ հոդվածով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2007 թվականի նոյեմբերի 16-ի ««Ապահովագրական ընկերությունների հաշվետվությունների ձևերը, դրանցում ներառվող տեղեկատվությունը, ներկայացնելու կարգը և ժամկետները» կանոնակարգ 3/04-ը հաստատելու մասին» թիվ 366-Ն որոշմամբ հաստատված «Ապահովագրական ընկերությունների հաշվետվությունների ձևերը, դրանցում ներառվող տեղեկատվությունը, ներկայացնելու կարգը և ժամկետները» Կանոնակարգ 3/04-ում (այսուհետ` Կանոնակարգ 3/04) կատարել հետևյալ լրացումները և փոփոխությունները.

1) Կանոնակարգ 3/04-ի 21-րդ կետում «2-րդ և 4-րդ մասերի» բառերից հետո լրացնել «, ընդ որում, տարանջատվում է նաև երկրաշարժի ռիսկի ապահովագրությունը և համապատասխան տողում լրացվում է տեղեկատվություն բոլոր այն ապահովագրության պայմանագրերի գծով, որոնք նախատեսում են երկրաշարժի ռիսկը:»,

2) Կանոնակարգ 3/04-ի 219-րդ կետը շարադրել հետևյալ խմբագրությամբ.

«219. Թիվ 15 հաշվետվության 2-րդ աղյուսակում արտացոլվում է Կանոնակարգ 3/03-ի 6-րդ գլխի համաձայն հաշվարկած ապահովագրողին ներկայացված, սակայն դեռևս չկարգավորված պահանջների պահուստի, ինչպես նաև կանոնակարգ 3/03-ի 11-րդ գլխի համաձայն հաշվարկած` պահուստում վերաապահովագրողի մասնաբաժնի վերաբերյալ տեղեկատվությունը: Հաշվետվության 2.1 աղյուսակում արտացոլվում է տեղեկատվություն հաշվետու ամսաթվին նախորդող տասներկու ամիսների ընթացքում կարգավորված պահանջների և պահանջների կարգավորման ծախսերի մեծության և կարգավորված պահանջների քանակի վերաբերյալ ըստ ապահովագրության դասերի, ըստ պահանջի ներկայացման ամիսների և ըստ ներկայացված պահանջի կարգավորման ժամանակահատվածի, ընդ որում ըստ այն ապահովագրության դասերի, որոնց գծով հնարավոր է օգտագործել «միավոր պահանջի հատուցման միջին չափի» մեթոդը: Որպես պահանջի ներկայացման ամիս լրացվում է հաշվետու ամսվան նախորդող 12 ամիսները ամսաթվային ձևաչափով (տվյալ ամսվա վերջին օրը), իսկ այն պահանջների գծով, որոնք ներկայացվել են մինչ հաշվետու ամսվան նախորդող 12-րդ ամիսը, համապատասխան բջջում լրացվում է «Մինչ հաշվետու ամսվան նախորդող 12-րդ ամիս»: Աղյուսակ 2.1-ի 3-րդ սյունակը ցույց է տալիս, թե քանի ամիսների ընթացքում են կարգավորվել յուրաքանչյուր դիտարկվող ժամանակահատվածում ներկայացված պահանջները: Այն դեպքում, երբ պահանջը կարգավորվել է պահանջի ներկայացման ամսվա ընթացքում, ապա սյունակի համապատասխան բջջում լրացվում է «0», եթե ներկայացված պահանջը կարգավորվել է պահանջի ներկայացմանը հաջորդող ամսվա ընթացքում, ապա սյունակում լրացվում է «1» և այդպես շարունակ: Տվյալ սյունակում արտացոլվում են բոլոր այն պահանջները, որոնք կարգավորվել են մինչև հաշվետու ամսվա նախորդ ամիսը ներառող ժամանակահատվածում: Այն պահանջների գծով, որոնք ներկայացվել են մինչև հաշվետու ամսվան նախորդող 12-րդ ամիսը, 3-րդ սյունակում լրացվում է «0», եթե ներկայացված պահանջը կարգավորվել է հաշվետու ամսվան նախորդող 12-րդ ամսվա ընթացքում, «1»` եթե պահանջը կարգավորվել է հաշվետու ամսվան նախորդող 11-րդ ամսվա ընթացքում և այդպես շարունակ և լրացվում է «11», եթե պահանջը կարգավորվել է հաշվետու ամսվան նախորդող ամսվա ընթացքում: Աղյուսակ 2.1-ի 4-րդ և 5-րդ սյունակներում ըստ ապահովագրության դասի, ըստ պահանջի ներկայացման ամսվա և կարգավորման ժամանակահատվածի լրացվում են համապատասխանաբար կարգավորված պահանջների և պահանջների կարգավորման ծախսերի մեծությունը, բացառությամբ ծայրահեղ մեծ պահանջների և դրանց կարգավորման ծախսերի և կարգավորված պահանջների քանակը, բացառությամբ ծայրահեղ մեծ պահանջների և ապահովագրողի կողմից մերժված պահանջների: Հաշվետվության 3-րդ աղյուսակում արտացոլվում է բոնուսների և զեղչերի պահուստի վերաբերյալ տեղեկատվությունը:»,

3) Կանոնակարգ 3/04-ի 222-րդ կետը շարադրել հետևյալ խմբագրությամբ.

«222. Թիվ 15 հաշվետվության 4-րդ աղյուսակի 2-4-րդ սյունակներում արտացոլվում են, համապատասխանաբար, կանոնակարգ 3/03-ի 32-րդ կետով սահմանված «Հ», «Պ», «Գ» և «ՏՉՊՊ» մեծությունների արժեքները: Հաշվետվության 4.1 աղյուսակում արտացոլվում է կանոնակարգ 3/03-ի 32-րդ կետով սահմանված «Հ» մեծության հաշվարկի համար անհրաժեշտ տեղեկատվությունը ըստ ապահովագրության դասերի, ըստ պատահարը տեղի ունենալու ամիսների և ըստ պատահարի գծով հատուցման հաշվեգրման ժամանակահատվածի, ընդ որում ըստ այն ապահովագրության դասերի, որտեղ պահանջների` հաշվետու ամսաթվին և դրան նախորդող 11 ամիսների միջին ամսական քանակը հիսուն և ավելի է, և պահանջների հատուցումների չափերն այդ ամիսների ընթացքում էականորեն չեն տատանվել: Որպես պատահարի տեղի ունենալու ամիս լրացվում է հաշվետու ամիսը, հաշվետու ամսվան նախորդող 11 ամիսները ամսաթվային ձևաչափով (տվյալ ամսվա վերջին օրը), իսկ այն պատահարների գծով, որոնք տեղի են ունեցել մինչև հաշվետու ամսվան նախորդող 11-րդ ամիսը, համապատասխան բջջում լրացվում է «Մինչ հաշվետու ամսվան նախորդող 11-րդ ամիս»: Աղյուսակ 4.1-ի 3-րդ սյունակը ցույց է տալիս, թե քանի ամիս հետո է յուրաքանչյուր դիտարկվող ժամանակահատվածում տեղի ունեցած պատահարների գծով հաշվեգրվել հատուցում: Այն դեպքում, երբ պատահարի գծով հատուցումը հաշվեգրվել է պատահարի տեղի ունենալու ամսվա ընթացքում, ապա սյունակի համապատասխան բջջում լրացվում է «0», եթե պատահարի գծով հատուցումը հաշվեգրվել է պատահարի տեղի ունենալու ամսվան հաջորդող ամսվա ընթացքում, ապա սյունակի համապատասխան բջջում լրացվում է «1» և այդպես շարունակ մինչև այն պատահարները, որոնց գծով հատուցումները հաշվեգրվել են հաշվետու ամսվա ընթացքում: Այն պատահարների գծով, որոնք տեղի են ունեցել մինչև հաշվետու ամսվան նախորդող 11-րդ ամիսը, 3-րդ սյունակում լրացվում է «0», եթե պատահարի գծով հատուցումը հաշվեգրվել է հաշվետու ամսվան նախորդող 11-րդ ամսվա ընթացքում, «1»` եթե պատահարի գծով հատուցումը հաշվեգրվել է հաշվետու ամսվան նախորդող 10-րդ ամսվա ընթացքում և այդպես շարունակ և լրացվում է «11», եթե պահանջը կարգավորվել է հաշվետու ամսվա ընթացքում: Աղյուսակ 4.1-ի 4-րդ սյունակում լրացվում է հաշվեգրված ապահովագրական հատուցումների և պահանջների կարգավորման ծախսերի մեծությունն ըստ ապահովագրության դասի, ըստ պատահարի տեղի ունենալու ամսվա և հատուցման հաշվեգրման ժամանակահատվածի:»,

4) Կանոնակարգ 3/04-ի 224-րդ կետը շարադրել հետևյալ խմբագրությամբ.

«224. Թիվ 16 հաշվետվության 1-ին աղյուսակում արտացոլվում է տեղի ունեցած, սակայն ապահովագրողին դեռևս չներկայացված պահանջների պահուստի գործակցի հաշվարկման մեջ ներառվող բտ-1, բտ-2, բտ-3 տարրերի հաշվարկի համար անհրաժեշտ տեղեկատվությունը: Աղյուսակի` որպես 2-րդ և 5-րդ սյան անվանումներ լրացվում է հաշվետու տարվան նախորդող տարին, որպես 3-րդ և 6-րդ անվանումներ` հաշվետու տարվան նախորդող 2-րդ հաշվետու տարին, իսկ որպես 4-րդ և 7-րդ սյան անվանումներ լրացվում է հաշվետու տարվան նախորդող 3-րդ հաշվետու տարին (օրինակ` եթե հաշվետու տարվան նախորդող 2-րդ հաշվետու տարին 2015 թվականն է, ապա որպես ենթասյան անվանում լրացվում է «2015»): Այնուհետև սյուները լրացվում են կանոնակարգ 3/03-ի 33-րդ կետով սահմանված կարգով: Աղյուսակը չի լրացվում այն ապահովագրության դասերի գծով, որոնցով ապահովագրողը գործունեություն ծավալել է մինչև երկու տարի տևողությամբ:»,

5) Կանոնակարգ 3/04-ի 235-րդ կետի 4-րդ ենթակետում ««Ցամաքային ավտոտրանսպորտային միջոցների օգտագործումից բխող պատասխանատվության պարտադիր ապահովագրություն»,» բառերից հետո լրացնել ««Երկրաշարժի ռիսկի ապահովագրություն»,» բառերը,

6) Կանոնակարգ 3/04-ի 290-րդ կետից հետո լրացնել նոր` 290.1-րդ կետ հետևյալ բովանդակությամբ.

«290.1. Թիվ 22 հաշվետվության «Ագենտնամբր (AGENT_NՍMBER)» տարրում լրացվում է ապահովագրական գործակալի` Կենտրոնական բանկի ապահովագրական միջնորդների ռեգիստրում հաշվառման համարը:»,

7) Կանոնակարգ 3/04-ի Հավելված 1-ում «Սահմանված հատուցումների պլանների գծով ակտուարային օգուտներ և վնասներ» հաշվին համապատասխան տողից հետո լրացնել նոր տող հետևյալ բովանդակությամբ.

«  

 »,

8) Կանոնակարգ 3/04-ի հավելվածներ 2, 4, 6, 11, 12, 13, 14, 15, 16, 17-ում բոլոր աղյուսակները, բացառությամբ հավելված 14-ի աղյուսակ 2-ի և հավելված 16-ի 5-րդ աղյուսակի, լրացնել նոր` 1.20 տողով` հետևյալ բովանդակությամբ.

« 

 »,

9) Կանոնակարգ 3/04-ի Հավելված 10-ում.

ա. Աղյուսակ 1-ի 10-րդ տողում «պատասխանատվության» բառից հետո լրացնել «կամավոր» բառը,

բ. Աղյուսակ 1-ը լրացնել նոր` 18.1 և 18.2 տողերով` հետևյալ բովանդակությամբ.

« 

 »,

10) Կանոնակարգ 3/04-ի Հավելված 15-ի աղյուսակ 2-ը շարադրել նոր խմբագրությամբ, աղյուսակ 2-ից հետո լրացնել աղյուսակ 2.1-ը և աղյուսակ 4-ից հետո լրացնել աղյուսակ 4.1-ը` համաձայն սույն որոշման Հավելված 1-ի (կցվում է),

11) Կանոնակարգ 3/04-ի Հավելված 16-ի թիվ 16 հաշվետվության աղյուսակ 1-ը շարադրել նոր խմբագրությամբ` համաձայն սույն որոշման Հավելված 2-ի (կցվում է):

2. Սույն որոշումն ուժի մեջ է մտնում 2019 թվականի հունվարի 1-ին:

 Հավելված 1
Հաստատված է
ՀՀ կենտրոնական բանկի խորհրդի
2018 թվականի նոյեմբերի 23-ի
թիվ 197-Ն որոշմամբ

«ԱՂՅՈՒՍԱԿ 2. ՆԵՐԿԱՅԱՑՎԱԾ, ՍԱԿԱՅՆ ԴԵՌԵՎՍ ՉԿԱՐԳԱՎՈՐՎԱԾ ՊԱՀԱՆՋՆԵՐԻ ՊԱՀՈՒՍՏԻ ՎԵՐԱԲԵՐՅԱԼ

Ապահովագրական ընկերության անվանում` _______________________

Ամսաթիվ` _______________________

 Ապահովագրական ընկերության վարչության նախագահ` _______________________

 (Գործադիր տնօրեն)

 Գլխավոր հաշվապահ _______________________

 Պատասխանատու ակտուար` _______________________

ԱՂՅՈՒՍԱԿ 2.1: ՆԵՐԿԱՅԱՑՎԱԾ, ՍԱԿԱՅՆ ԴԵՌԵՎՍ ՉԿԱՐԳԱՎՈՐՎԱԾ ՊԱՀԱՆՋՆԵՐԻ ՊԱՀՈՒՍՏԻ ՀԱՇՎԱՐԿԻՎԵՐԱԲԵՐՅԱԼ

 Ապահովագրական ընկերության վարչության նախագահ` _______________________

 (Գործադիր տնօրեն)

 Գլխավոր հաշվապահ` _______________________

Պատասխանատու ակտուար` _______________________

ԱՂՅՈՒՍԱԿ 4.1։ ՏԵՂԻ ՈՒՆԵՑԱԾ, ՍԱԿԱՅՆ ԴԵՌԵՎՍ ՉՆԵՐԿԱՅԱՑՎԱԾ ՊԱՀԱՆՋՆԵՐԻ ՊԱՀՈՒՍՏԻ ՀԱՇՎԱՐԿԻ ՎԵՐԱԲԵՐՅԱԼ

Ապահովագրական ընկերության վարչության նախագահ՝ _______________________

(Գործադիր տնօրեն)

Գլխավոր հաշվապահ՝ _______________________

Պատասխանատու ակտուար` _____________________»։

Հավելված 2
Հաստատված է
ՀՀ կենտրոնական բանկի խորհրդի
2018 թվականի նոյեմբերի 23-ի
թիվ 197-Ն որոշմամբ

ՀԱՎԵԼՎԱԾ 16
«Ապահովագրական ընկերությունների հաշվետվությունների ձևերը,
դրանցում ներառվող տեղեկատվությունը,
ներկայացնելու կարգը և ժամկետները»
կանոնակարգ 3/04 հավելվածի

ՀԱՇՎԵՏՎՈՒԹՅՈՒՆ ԹԻՎ 16

ՏԵՂԻ ՈՒՆԵՑԱԾ, ՍԱԿԱՅՆ ԴԵՌԵՎՍ ՉՆԵՐԿԱՅԱՑՎԱԾ ՊԱՀԱՆՋՆԵՐԻ ՊԱՀՈՒՍՏԻ ԳՈՐԾԱԿՑԻ ԵՎ ՀԱՎԱՍԱՐԱԿՇՌՄԱՆ ՊԱՀՈՒՍՏԻ ՎԵՐԱԲԵՐՅԱԼ (տարեկան)

ԱՂՅՈՒՍԱԿ 1. ՏԵՂԻ ՈՒՆԵՑԱԾ, ՍԱԿԱՅՆ ԴԵՌԵՎՍ ՉՆԵՐԿԱՅԱՑՎԱԾ ՊԱՀԱՆՋՆԵՐԻ ՊԱՀՈՒՍՏԻ ԳՈՐԾԱԿՑԻ ՀԱՇՎԱՐԿՄԱՆ ՄԵՋ ՆԵՐԱՌՎՈՂ բտ-1, բտ-2, բտ-3 ՏԱՐՐԵՐԻ ՎԵՐԱԲԵՐՅԱԼ

Ապահովագրական ընկերության անվանում` __________________________

 Ամսաթիվ` __________________________

Ապահովագրական ընկերության վարչության նախագահ` _______________________

 (Գործադիր տնօրեն)

 Գլխավոր հաշվապահ _______________________

 Պատասխանատու ակտուար` _______________________ »: