ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
19 ապրիլի 2022 թվականի թիվ 64-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2021 ԹՎԱԿԱՆԻ ՍԵՊՏԵՄԲԵՐԻ 28-Ի ԹԻՎ 143-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության կենտրոնական բանկի մասին» օրենքի 35.1 հոդվածի 3-րդ մասը, ղեկավարվելով «Հայաստանի Հանրապետության կենտրոնական բանկի մասին» օրենքի 2-րդ հոդվածի 3-րդ մասով, 20-րդ հոդվածի «ե» կետով և «Նորմատիվ իրավական ակտերի մասին» օրենքի 33-րդ և 34-րդ հոդվածներով` Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2021 թվականի սեպտեմբերի 28-ի «Բանկային հաշիվների կենտրոնացված ռեեստրի վարման կարգը, ներառման ենթակա տեղեկությունների ցանկը, տեղեկությունների (հաշվետվությունների) տրամադրման ձևը և ժամկետները սահմանելու մասին» թիվ 143-Ն որոշմամբ (այսուհետ` Որոշում) սահմանված «Բանկային հաշիվների կենտրոնացված ռեեստրի վարման կարգը, ներառման ենթակա տեղեկությունների ցանկը և տեղեկությունների (հաշվետվությունների) ներկայացման ժամկետները» հավելված 1-ում կատարել հետևյալ փոփոխությունները և լրացումները.
i
1) 5-րդ կետի 2-րդ ենթակետի «ա» պարբերությունում «հարկ վճարողի հաշվառման համարը» բառերից հետո լրացնել «(առկայության դեպքում)» բառերով,
2) 8-րդ կետի 6-րդ ենթակետում «կամ» բառը փոխարինել «և» բառով,
i
3) Ուժը կորցրած ճանաչել 10-րդ և 11-րդ կետերը,
i
4) 14-րդ կետում «հայերեն կամ անգլերեն լեզվով:» բառերից հետո լրացնել «Եթե «Ում կողմից է տրամադրվել», «Փաստաթղթի վավերականության ժամկետը», «ՀՎՀՀ» դաշտերը պարունակում են օտարալեզու տվյալներ, դրանք ենթակա են լրացման լատինատառ:»,
i
5) 17-րդ կետի «,9-11-րդ կետերը» բառերը փոխարինել «և 9-րդ կետը» բառերով:
i
2. Որոշմամբ սահմանված «Տեղեկությունների (հաշվետվությունների) տրամադրման ձևը» հավելված 2-ում կատարել հետևյալ լրացումները.
1) 28-րդ կետում, 31-33-րդ կետերում «քաղաքացի» բառից հետո լրացնել «կամ քաղաքացիություն չունեցող անձ» բառերով,
2) 30-րդ կետում «Նիշերի քանակ» սյունակում «10» թվից առաջ լրացնել «մինչև» բառը,
3) 34-րդ և 35-րդ կետերում «քաղաքացի է» բառերը փոխարինել «քաղաքացի կամ քաղաքացիություն չունեցող անձ է, և եթե սույն դաշտում նշված տեղեկությունն առկա է:» բառերով,
4) 39-րդ կետում «նույնականացման փաստաթղթում:» բառերից հետո լրացնել «Օտարերկրյա անհատ ձեռնարկատիրոջ կամ իրավաբանական անձի դեպքում ենթակա է պարտադիր լրացման միայն այն դեպքում, երբ սույն դաշտում նշված տեղեկությունն առկա է:» նախադասությունը,
5) Աղյուսակ 1-ը շարադրել հետևյալ խմբագրությամբ.
._____________________________________________.
| ԱՂՅՈՒՍԱԿ 1. ԳՈՐԾԱՐՔԻ ՏԵՍԱԿԸ |
|_____________________________________________|
|ՀԱՇՎԻ ԲԱՑՈՒՄ | 1 |
|________________________________________|____|
|ՀԱՇՎԻ ՓԱԿՈՒՄ | 2 |
|________________________________________|____|
|ԲԱՆԿԱՅԻՆ ՀԱՇՎԻ ԿՈՂՄԻ ՏՎՅԱԼՆԵՐԻ ԹԱՐՄԱՑՈՒՄ| 3 |
|________________________________________|____|
|ՊԱՀԱՏՈՒՓԻ ՏՐԱՄԱԴՐՈՒՄ | 4 |
|________________________________________|____|
|ՊԱՀԱՏՈՒՓԻ ՕԳՏԱԳՈՐԾՄԱՆ ԴԱԴԱՐԵՑՈՒՄ | 5 |
|________________________________________|____|
|ՊԱՀԱՏՈՒՓԻ ԿՈՂՄԻ ՏՎՅԱԼՆԵՐԻ ԹԱՐՄԱՑՈՒՄ | 6 |
|________________________________________|____|
|ՓԱԿՎԱԾ ՀԱՇԻՎ | 7 |
|________________________________________|____|
|ՕԳՏԱԳՈՐԾՈՒՄԸ ԴԱԴԱՐԵՑՎԱԾ ՊԱՀԱՏՈՒՓ | 8 |
|________________________________________|____|
|ՀԱՇՎԻ ՏՎՅԱԼՆԵՐԻ ՈՒՂՂՈՒՄ | 9 |
|________________________________________|____|
|ՊԱՀԱՏՈՒՓԻ ՏՎՅԱԼՆԵՐԻ ՈՒՂՂՈՒՄ | 10 |
|________________________________________|____|
|ՀԱՇՎԻ ԿԱՐԳԱՎԻՃԱԿԻ ՓՈՓՈԽՈՒԹՅՈՒՆ | 11 |
._____________________________________________.
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, բացառությամբ սույն որոշման 1-ին կետի 2-րդ ենթակետի, որն ուժի մեջ է մտնում 2022 թվականի մայիսի 1-ից:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ
ՆԱԽԱԳԱՀԻ ՏԵՂԱԿԱԼ Ն. ԵՐԻՑՅԱՆ
2022 թ. ապրիլի 21
ք. Երևան
Պաշտոնական հրապարակման օրը` 28 ապրիլի 2022 թվական: