01.05.2022 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
ՈՐՈՇՈՒՄ
27 ապրիլի 2022 թվականի N 167-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի N 522-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Էներգետիկայի մասին» օրենքում փոփոխություններ և լրացումներ կատարելու մասին» 2021 թվականի հունիսի 4-ի ՀՕ-261-Ն օրենքի 12-րդ հոդվածի 2-րդ մասը և «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի «Հայաստանի Հանրապետության էլեկտրաէներգետիկական շուկայի հաղորդման ցանցային կանոնները հաստատելու և Հայաստանի Հանրապետության հանրային ծառայությունները կարգավորող հանձնաժողովի 2017 թվականի մայիսի 17-ի N 161-Ն որոշումն ուժը կորցրած ճանաչելու մասին» N 522-Ն որոշման 1-ին կետով հաստատված Հայաստանի Հանրապետության էլեկտրաէներգետիկական շուկայի հաղորդման ցանցային կանոններում (այսուհետ` Կանոններ) կատարել հետևյալ փոփոխությունները և լրացումները.
i
1) Կանոնների 2-րդ կետի 6-րդ ենթակետը շարադրել հետևյալ խմբագրությամբ.
| «6) Արտադրող |
էլեկտրական էներգիայի (հզորության) արտադրության իրավունք ունեցող և փաստացի արտադրող անձ, բացառությամբ կարգաբերման-գործարկման աշխատանքների ընթացքում գտնվող կայանի, իսկ արտադրողի միացման դեպքում` նաև այդ միացման համար դիմած անձ». |
i
2) Կանոնների 2-րդ կետի 51-րդ ենթակետը շարադրել հետևյալ խմբագրությամբ.
| «51) Որակավորված սպառող` |
ԷՄՇ կանոններով սահմանված չափանիշներին համապատասխանելու հիմքով Շուկայի օպերատորի կողմից որակավորված ճանաչված սպառող.». |
i
3) Կանոնների 2-րդ կետը լրացնել հետևյալ բովանդակությամբ 54.1 ենթակետով.
| «54.1) Վերականգնվող էներգետիկ ռեսուրսներ` |
էլեկտրական և (կամ) ջերմային էներգիայի արտադրության համար կիրառելի ոչ հանածո վերականգնվող աղբյուրներ (հողմային, արևային, ջրային, երկրաջերմային, կենսազանգվածի, կենսագազի և այլն)». |
i
4) Կանոնների 34-րդ կետի 3-րդ ենթակետում «էներգիայի աղբյուրների» բառերը փոխարինել «էներգետիկ ռեսուրսների» բառերով.
i
5) Կանոնների 157-րդ կետի 11-րդ ենթակետում «աղբյուրների» բառը փոխարինել «էներգետիկ ռեսուրսների» բառերով.
i
6) Կանոնների 196-րդ կետը շարադրել հետևյալ խմբագրությամբ.
«196. Հաղորդման ցանցին կարող են միանալ (այսուհետ` Դիմող անձ).
1) Արտադրողը.
2) Բաշխողը.
3) Որակավորված սպառողը (բացառությամբ բնակչության).
4) Որակավորված սպառողի կարգավիճակ ստանալու մտադրություն ունեցող անձը (բացառությամբ բնակչության):».
i
7) Կանոնների 197-րդ կետի 1-ին ենթակետում «,եթե դիմում է արտադրող կայան միացնելու նպատակով» բառերը փոխարինել «` էլեկտրական էներգիայի արտադրության լիցենզիա ստանալու մտադրության դեպքում» բառերով.
i
8) Կանոնների 199-րդ կետում «Տեղակայանքի» բառը փոխարինել «տեղակայանքի» բառով.
i
9) Կանոնների 212-րդ կետի 1-ին ենթակետից հանել «կամ իրավունքների ձեռքբերումը» բառերը.
i
10) Կանոնների N 3 հավելվածի 1-ին կետի 2-րդ ենթակետը շարադրել հետևյալ խմբագրությամբ.
| «2) |
Դիմող անձի տեսակը |
Արտադրող |
|
| Բաշխող |
|
| Որակավորված սպառող |
|
| Որակավորված սպառողի կարգավիճակ ստանալու մտադրություն ունեցող անձ |
». |
i
11) Կանոնների N 4 հավելվածի 1-ին կետի 2-րդ ենթակետը շարադրել հետևյալ խմբագրությամբ.
| «2) |
Միացողի տեսակը |
Արտադրող |
|
| |
Բաշխող |
|
| Որակավորված սպառող |
|
| Որակավորված սպառողի կարգավիճակ ստանալու մտադրություն ունեցող անձ |
»: |
2. Սույն որոշումն ուժի մեջ է մտնում 2022 թվականի մայիսի 1-ից:
|
Հայաստանի Հանրապետության հանրային
ծառայությունները կարգավորող
հանձնաժողովի նախագահ`
ք. Երևան
27 ապրիլի 2022 թ. |
Գ. Բաղդասարյան |
Պաշտոնական հրապարակման օրը` 3 մայիսի 2022 թվական: