24.05.2022 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
18 մայիսի 2022 թվականի N 203-Ն
ՈՐՈՇՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի N 522-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի N 522-Ն որոշման`
i
1) նախաբանում «զ» կետը և» բառերը փոխարինել «զ» և «ժը» կետերը,» բառերով.
i
2) 1-ին կետով հաստատված` Հայաստանի Հանրապետության էլեկտրաէներգետիկական շուկայի հաղորդման ցանցային կանոնների N 1 հավելվածը շարադրել նոր խմբագրությամբ` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության ծառայությունները կարգավորող հանձնաժողովի նախագահ` |
Գ. Բաղրամյան |
2022 թ. մայիսի 18 Երևան
|
|
Հայաստանի Հանրապետության
հանրային ծառայությունները
կարգավորող հանձնաժողովի
2022 թվականի մայիսի 18-ի
N 203-Ն որոշման
«Հավելված N 1
Հայաստանի Հանրապետության
հանրային ծառայությունները
կարգավորող հանձնաժողովի
2019 թվականի դեկտեմբերի 25-ի
N 522-Ն որոշմամբ հաստատված
կանոնների
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԷԼԵԿՏՐԱԷՆԵՐԳԵՏԻԿԱԿԱՆ ՀԱՄԱԿԱՐԳԻ ՀՈՒՍԱԼԻՈՒԹՅԱՆ ԵՎ ԱՆՎՏԱՆԳՈՒԹՅԱՆ ՑՈՒՑԱՆԻՇՆԵՐԸ
ԳԼՈՒԽ 1. ԸՆԴՀԱՆՈՒՐ ԴՐՈՒՅԹՆԵՐ
1. ԷՀԱ ցուցանիշները բնութագրում են էլեկտրաէներգետիկական համակարգի հուսալիությունն ու անվտանգությունը:
2. ԷՀԱ ցուցանիշները դասակարգվում են հետևյալ կերպ.
1) իրավիճակային ԷՀԱ ցուցանիշներ,
2) հաճախականության ԷՀԱ ցուցանիշներ,
3) լարման ԷՀԱ ցուցանիշներ,
4) հզորության պահուստների ԷՀԱ ցուցանիշներ,
5) ստատիկ և դինամիկ կայունության ԷՀԱ ցուցանիշներ,
6) ավտոմատ կարգավորման համակարգերի ԷՀԱ ցուցանիշներ,
7) համակարգային ավտոմատիկայի ԷՀԱ ցուցանիշներ:
ԳԼՈՒԽ 2. ԻՐԱՎԻՃԱԿԱՅԻՆ ԷՀԱ ՑՈՒՑԱՆԻՇՆԵՐԸ
3. ԷՀԱ ցուցանիշների ապահովման գնահատումն իրականացվում է`
1) Nk էլեկտրաէներգետիկական համակարգի բնականոն իրավիճակի համար, երբ նորոգման մեջ են k = 0, 1, 2, 3… k տարրերը,
2) Nk-1 Նորմատիվային պատահարների համար:
4. Նորմատիվային պատահարները դասակարգվում են ըստ հետևյալ խմբերի.
1) I խումբ` հաճախ հանդիպող պատահարներ`
ա. ցանցային տարրի վթարային անջատումը` անհաջող ավտոմատ կրկնակի միացումով (այսուհետ` ԱԿՄ), բացառությամբ հաղորդաձողի անջատման, միջհամակարգային կապի անջատում` անհաջող միաֆազ ավտոմատ կրկնակի միացումով, ինչպես նաև էլեկտրաէներգետիկական համակարգի կտրվածքում մեկ կապի անջատման` անհաջող ԱԿՄ-ով,
բ. Էլեկտրակայանի` մինչև 250 ՄՎտ դրվածքային հզորությամբ բլոկի վթարային անջատումը,
2) II խումբ` բացառիկ պատահարներ`
ա. երկշղթա տարանցիկ էլեկտրահաղորդման գծերի վթարային անջատումը` անհաջող ԱԿՄ-ով,
բ. էլեկտրակայանի կամ ենթակայանի բաշխիչ սարքվածքի հաղորդաձողերից մեկի վթարային անջատումը,
գ. ռեակտորային բլոկի կամ էլեկտրակայանի` 250 ՄՎտ-ից բարձր դրվածքային հզորությամբ բլոկի վթարային անջատումը,
3) III խումբ` արտակարգ պատահարներ`
ա. երկու և ավելի անկախ տարանցիկ էլեկտրահաղորդման գծերի միաժամանակյա անջատումը` անհաջող ԱԿՄ-ով,
բ. էլեկտրակայանի կամ ենթակայանի բաշխիչ սարքվածքի երկու հաղորդաձողերի վթարային անջատումը:
5. ԷՀԱ ցուցանիշները և դրանց ապահովման պահանջներն ըստ իրավիճակների հետևյալն են.
ԷՀԱ ցուցանիշը |
Էլեկտրաէներգետիկական համակարգի իրավիճակները |
Nk (N1, N2, Nk) |
Nk-1 (I խումբ) |
Nk-1 (II խումբ) |
Nk-1 (III խումբ) |
1 |
2 |
3 |
4 |
5 |
1) էլեկտրաէներգիայի պլանավորված պահանջարկի ապահովում (հուսալիության ցուցանիշ) |
I |
I |
III |
III |
2) էլեկտրաէներգետիկական համակարգի հզորության պահուստների (առաջնային, երկրորդային և երրորդային) ապահովում (հուսալիության ցուցանիշ) |
I |
II |
III |
III |
3) ԷՀԱ ցուցանիշներն ըստ հաճախականության. ա. Էլեկտրական էներգիայի որակի ապահովում (հուսալիության ցուցանիշ)`
. երկարատև,
. կարճատև, բ. Էլեկտրաէներգետիկական համակարգի կայունության ապահովում (անվտանգության ցուցանիշ)`
. երկարատև,
. կարճատև,
գ. Էլեկտրաէներգետիկական համակարգի մաս կազմող տարրերի կամ դրան միացված էլեկտրատեղակայանքների անվտանգության ապահովում (անվտանգության ցուցանիշ)`
. երկարատև,
. կարճատև: |
I
I
I
I
I
I |
II
I
I
I
I
I |
III
III
II
II
II
II |
III
III
III
III
II
II |
4) ԷՀԱ ցուցանիշներն ըստ լարման.
ա. Էլեկտրաէներգետիկական համակարգի Սահմանազատման կետերում լարման հաշվարկային մեծությունների ապահովում (հուսալիության ցուցանիշ)`
. երկարատև,
. կարճատև,
բ. Էլեկտրաէներգետիկական համակարգի հանգույցներում բեռի ստատիկ կայունության ապահովում (անվտանգության ցուցանիշ).
. երկարատև,
. կարճատև,
գ. Էլեկտրաէներգետիկական համակարգի մաս կազմող տարրերի կամ դրան միացված էլեկտրատեղակայանքների անվտանգության ապահովում (անվտանգության ցուցանիշ)`
. երկարատև,
. կարճատև: |
I
I
I
I
I
I |
II
I
I
I
I
I |
III
III
II
II
II
II |
III
III
III
III
II
II |
5) էլեկտրաէներգետիկական համակարգի ստատիկ և դինամիկ կայունության ապահովում (անվտանգության ցուցանիշ)`
. երկարատև,
. կարճատև: |
I
I |
I
I |
II
II |
III
III |
6. Սույն հավելվածի 5-րդ կետում «I» նշումի դեպքում ցուցանիշի պահպանումը պարտադիր է` առանց ավտոմատիկայի կիրառման կամ Համակարգի օպերատորի կարգավարի միջամտության, «II» նշումի ցուցանիշի պահպանումը պարտադիր է` ավտոմատիկայի կիրառմամբ կամ Համակարգի օպերատորի կարգավարի միջամտությամբ, իսկ «III» նշումի դեպքում` ցուցանիշի պահպանումը պարտադիր չէ:
ԳԼՈՒԽ 3. ՀԱՃԱԽԱԿԱՆՈՒԹՅԱՆ ԷՀԱ ՑՈՒՑԱՆԻՇՆԵՐԸ
7. ԷՀԱ ցուցանիշների պահպանումն ըստ հաճախականության իրականացվում է ԷՀՑ կանոններով նախատեսված դեպքերում` հաճախականության առաջնային, երկրորդային և երրորդային կարգավորման ու կառավարման համակարգերի միջոցով:
8. Էլեկտրաէներգետիկական համակարգի հուսալիության ապահովման համար հաճախականության փոփոխման թույլատրելի տիրույթներն են.
Հաճախականության փոփոխման թույլատրելի տիրույթները |
Ցուցանիշները, Հց |
1) երկարատև |
50±0,1` օրվա ժամանակի 95 տոկոսից ոչ պակաս |
2) կարճատև |
50±0,2` շաբաթվա ժամանակահատվածի 98,5 տոկոսից ոչ պակաս |
3) առավելագույն դինամիկ փոփոխության տիրույթ` I խմբի պատահարներից հետո (հաճախականային ավտոմատ բեռնաթափումը չպետք է գործի) |
50±0,8 |
4) I խմբի պատահարներից հետո թույլատրելի տիրույթ |
50 ± 0,4` ոչ ավել, քան 15 րոպե |
9. Էլեկտրաէներգետիկական համակարգի անվտանգության ապահովման համար հաճախականության փոփոխման թույլատրելի տիրույթներն են.
Հաճախականության փոփոխման թույլատրելի տիրույթները |
Ցուցանիշները, Հց |
երկարատև |
49,0 -50,4 |
կարճատև |
48,0 - 49,0` 2 րոպե, 47,7 - 48,0 < 30 վայրկյան, 47,5-47,7 < 4 վայրկյան, < 47,5 - ից պետք է բացառված լինի, ƒ≤49,0-49,5 և > 2 - 2.5Հց/վ, 0,1 վայրկյան, 50,5-51,0 < 3 րոպե, 51,0-52,5ժամանակն ըստ տուրբինների գործարանային հրահանգների համաձայն > 52,5-ից պետք է բացառված լինի |
ԳԼՈՒԽ 4. ԼԱՐՄԱՆ ԷՀԱ ՑՈՒՑԱՆԻՇՆԵՐԸ
10. Էլեկտրաէներգետիկական համակարգի հանգույցների լարումները Nk իրավիճակում պետք է կարգավորվեն` հաշվի առնելով Nk-1 ցանկացած Նորմատիվային պատահարի (Nk-1 I-ի, Nk-1 II և Nk-1 III խմբերի պատահարների) հնարավոր առաջացումը:
11. Էլեկտրաէներգետիկական համակարգի հուսալիության ապահովման նպատակով Nk և Nk-1 I խմբի պատահարների դեպքում լարման կարգավորումը և հսկումը Համակարգի օպերատորի կողմից իրականացվում է էլեկտրաէներգետիկական համակարգի ստուգիչ կետերում:
12. Էլեկտրաէներգետիկական համակարգի անվտանգության ապահովման նպատակով Nk և Nk-1 (ցանկացած Նորմատիվային պատահար) իրավիճակում յուրաքանչյուր բեռի հանգույցի լարման մեծությունը պետք է ապահովի բեռի ստատիկ կայունությունն ըստ լարման և որոշվի` հիմք ընդունելով տվյալ հանգույցի լարման պահուստի գործակիցը` KU-ն, որը հաշվարկվում է հետևյալ բանաձևով.
որտեղ`
U-ն – բեռի հանգույցում լարման մեծությունն է էներգահամակարգի դիտարկվող ռեժիմում,
Uկր–ն - բեռի հանգույցում կրիտիկական լարման մեծությունն է, որը համապատասխանում է էլեկտրաշարժիչների ստատիկ կայունության սահմանային մեծությանը: 110 կՎ և բարձր լարման բեռի հանգույցներում կրիտիկական լարումն ընդունվում է ոչ պակաս 0.7 և 0.75 Սանվ` ավելի ճշգրիտ տեղեկատվության բացակայության դեպքում:
13. Էլեկտրաէներգետիկական համակարգում բեռի ստատիկ կայունության ապահովման պայմաններն են.
1) էլեկտրաէներգետիկական համակարգի Nk իրավիճակում KU պետք է լինի ոչ պակաս, քան 15 տոկոս, իսկ Nk-1 (ցանկացած Նորմատիվային պատահար) իրավիճակում` ոչ պակաս, քան 10 տոկոս,
2) էլեկտրաէներգետիկական համակարգի Nk և Nk-1 I խմբի պատահարների դեպքում յուրաքանչյուր բեռի հանգույցի լարման մեծությունը պետք է ապահովի բեռի ստատիկ կայունությունն` առանց համակարգային ավտոմատիկայի կիրառման, իսկ Nk-1 II խմբի պատահարների դեպքում` դրա կիրառմամբ:
14. Էլեկտրաէներգետիկական համակարգում պետք է ապահովվի սարքավորման անվտանգությունն ըստ լարման բարձրացման: Լարումը հանգույցներում չպետք է գերազանցի սարքավորման համար երկարատև թույլատրելի առավելագույն աշխատանքային լարումը, իսկ կարճատև թույլատրելի լարման բարձրացման տևողությունը չպետք է գերազանցի սարքավորման համար թույլատրելի տևողությունը:
ԳԼՈՒԽ 5. ՀԶՈՐՈՒԹՅԱՆ ՊԱՀՈՒՍՏՆԵՐԻ ԷՀԱ ՑՈՒՑԱՆԻՇՆԵՐԸ
15. Արտադրված և սպառված հզորությունների անհաշվեկշռության առաջացման դեպքում հաճախականության և հզորության կարգավորումն իրականացվում է ԷՀՑ կանոններով նախատեսված կարգով` Առաջնային, Երկրորդային և Երրորդային պահուստների ներգրավմամբ:
16. Սինքրոն գոտու հզորության Առաջնային պահուստը նախատեսված է ամենախոշոր էներգաբլոկի վթարային անջատումից հետո, վայրկյանների ընթացքում, ավտոմատ կերպով վերականգնելու արտադրության և սպառման հաշվեկշիռը` կանխելով հաճախականային ավտոմատ բեռնաթափման (այսուհետ` ՀԱԲ) ավտոմատիկայի գործողությունը: Առաջնային պահուստը նախատեսված է համամասնական սկզբունքով մասնակցելու սինքրոն գոտու Առաջնային պահուստի ձևավորմանը` սինքրոն գոտու հաճախականության ընդհանուր կարգավորման գործընթացին մասնակցելու կամ առանձնացված էլեկտրաէներգետիկական համակարգում հաճախականության կարգավորումն ապահովելու նպատակով:
17. Առաջնային պահուստի ցուցանիշներն են.
1) սինքրոն գոտու հզորության Առաջնային պահուստի նվազագույն մեծությունը (ΔPIս.գ.պ), որը պետք է լինի նրանում ամենախոշոր էներգաբլոկի հզորությունից ոչ պակաս,
2) սինքրոն գոտու կազմում աշխատող հայկական էլեկտրաէներգետիկական համակարգի հզորության առաջնային նվազագույն պահուստը (ΔPIհ), որը պետք է լինի համամասնական սկզբունքով որոշված մեծությունից ոչ պակաս`
որտեղ`
Pհ-ն, Pս.գ-ն ակտիվ հզորության գեներացիան է` էլեկտրաէներգետիկական համակարգում և սինքրոն գոտում համապատասխանաբար.
3) սինքրոն գոտու ամենախոշոր էներգաբլոկի հզորության վթարային անջատման և հաճախականության առաջնային կարգավորման հետևանքով ստեղծված իրավիճակում հզորության Առաջնային պահուստը պետք է ամբողջությամբ օգտագործվի` 30, իսկ դրա 50 տոկոսը` 15 վայրկյանի ընթացքում,
4) Առաջնային պահուստը մատուցող էներգաբլոկները (գեներատորները) պետք է ունակ լինեն մատուցել այն ոչ պակաս, քան 15 րոպե տևողությամբ,
5) էլեկտրաէներգետիկական համակարգի առանձնացված աշխատանքի դեպքում Առաջնային պահուստի անհրաժեշտությունը և մեծությունը որոշում է Համակարգի օպերատորը:
18. Երկրորդային պահուստը նախատեսված է I խմբի պատահարից հետո րոպեների ընթացքում վերականգնելու հզորության օգտագործված Առաջնային պահուստը, միջհամակարգային պլանավորված փոխհոսքը և հաճախականությունը:
19. Երկրորդային պահուստի ցուցանիշներն են.
1) Երկրորդային պահուստի նվազագույն մեծությունը պետք է բավարարի հզորության առաջնային օգտագործված պահուստի վերականգնմանը և էլեկտրաէներգետիկական համակարգի հզորության չկարգավորվող փոփոխությունների լիովին փոխհատուցմանն ու որոշվի հետևյալ բանաձևով.
որտեղ`
Lmax-ը դիտարկվող ժամանակահատվածում էլեկտրաէներգետիկական համակարգի սպասվող սպառման առավելագույն մեծությունն է (ՄՎտ), α = 10 ՄՎտ, b = 150 ՄՎտ,
2) Երկրորդային պահուստի թողարկումը պետք է սկսվի հզորության անհաշվեկշռության առաջացումից 30 վայրկյան հետո և հասնի առավելագույն մեծության 15 րոպեի ընթացքում` չխոչընդոտելով Առաջնային պահուստի մատուցման գործընթացը,
3) էլեկտրաէներգետիկական համակարգի առանձնացված աշխատանքի դեպքում Երկրորդային պահուստի անհրաժեշտությունը և մեծությունը որոշում է Համակարգի օպերատորը: Պահուստը պետք է նախատեսվի միայն հիդրոէլեկտրակայաններում (այսուհետ` ՀԷԿ), առանց ոռոգման ջրի պլանավորված ծախսի փոփոխության:
20. Երրորդային պահուստը նախատեսված է օպերատիվ կարգով, մինչև 30 րոպեի ընթացքում, լրացնելու, այնուհետև վերականգնելու հզորության օգտագործված Երկրորդային պահուստը, որպեսզի էլեկտրաէներգետիկական համակարգը պատրաստ լինի արձագանքել գեներացիայի հաջորդ կորստին:
21. Երրորդային պահուստի ցուցանիշներն են.
1) Երրորդային պահուստի մեծությունը պետք է բավարար լինի երկրորդային օգտագործված պահուստի վերականգնման համար,
2) Երրորդային պահուստի թողարկումը պետք է սկսվի հզորության անհավասարակշռության առաջացումից հետո 15 րոպեի ընթացքում և հասնի առավելագույն մեծության 30 րոպեի ընթացքում,
3) էլեկտրաէներգետիկական համակարգի առանձնացված աշխատանքի դեպքում Երրորդային պահուստի անհրաժեշտությունը և մեծությունը որոշում է Համակարգի օպերատորը: Պահուստը պետք է նախատեսվի միայն ՀԷԿ-երում` առանց ոռոգման ջրի պլանավորված ծախսի փոփոխության:
ԳԼՈՒԽ 6. ՍՏԱՏԻԿ ԵՎ ԴԻՆԱՄԻԿ ԿԱՅՈՒՆՈՒԹՅԱՆ ԷՀԱ ՑՈՒՑԱՆԻՇՆԵՐԸ
22. Էլեկտրաէներգետիկական համակարգի ստատիկ և դինամիկ կայունության ապահովման պահանջներն են.
Պ ատահարներ ի բնութագրեր |
Պատահարների խմբեր |
Կայունության ապահովումը |
1 |
2 |
3 |
1) ցանցային տարրի վթարային անջատում, անհաջող ԱԿՄ-ով, բացառությամբ` ա.հաղորդաձողի անջատում, բ. միջհամակարգային կապի անջատում` անհաջող միաֆազ ավտոմատ կրկնակի միացումով, գ.էլեկտրաէներգետիկական համակարգի կտրվածքում մեկ կապի անջատում` անհաջող ԱԿՄ-ով, 2) մինչև 250 ՄՎտ գեներացվող (դրվածքային) հզորության վթարային անջատում |
I խումբ |
I
II I |
3) երկշղթա տարանցիկ էլեկտրահաղորդման գծերի վթարային անջատում, անհաջող ԱԿՄ-ով 4) էլեկտրակայանի կամ ենթակայանի բաշխիչ սարքվածքի հաղորդաձողերից մեկի վթարային անջատում, 5) ռեակտորային բլոկի կամ 250 ՄՎտ-ից բարձր գեներացվող (դրվածքային) հզորության վթարային անջատում |
II խումբ |
II |
6) երկու և ավելի անկախ տարանցիկ էլեկտրահաղորդման գծերի միաժամանակյա անջատում, անհաջող ԱԿՄ-ով, 7) էլեկտրակայանի կամ ենթակայանի բաշխիչ սարքվածքի երկու հաղորդաձողերի վթարային անջատում |
III խումբ |
III |
23. Սույն հավելվածի 22-րդ կետում «I» նշումի դեպքում ցուցանիշի պահպանումը պարտադիր է` առանց ավտոմատիկայի կիրառման կամ Համակարգի օպերատորի կարգավարի միջամտության, «II» նշումի ցուցանիշի պահպանումը պարտադիր է` ավտոմատիկայի կիրառմամբ կամ Համակարգի օպերատորի կարգավարի միջամտությամբ, իսկ «III» նշումի դեպքում ցուցանիշի պահպանումը պարտադիր չէ:
24. Էլեկտրաէներգետիկական համակարգի յուրաքանչյուր կտրվածքով ակտիվ հզորությունը չպետք է գերազանցի առավելագույն թույլատրելի հզորությունը` Pառ, որը պետք է ապահովի ստատիկ կայունության երկարատև թույլատրելի պահուստը` ոչ պակաս, քան 20 տոկոս, և կարճատև` մինչև 15 րոպե, թույլատրելի պահուստը` ոչ պակաս, քան 8 տոկոս և բավարարի հետևյալ պայմանները`
1) ցանկացած երկարատև Պատահարի իրավիճակում`
2) ցանկացած կարճատև Nk-1 I-ի խմբի պատահարի իրավիճակում`
որտեղ`
-ը տվյալ կտրվածքի ստատիկ ապերիոդիկ կայունության սահմանային հզորությունն է,
ΔPանկ.տ. -ն տվյալ կտրվածքի հոսքի հզորության անկանոն տատանումներն են` պայմանավորված արտադրվող և սպառվող հզորությունների անկանոն տատանումներով:
25. Էլեկտրաէներգետիկական համակարգի Nk-1 I խմբի պատահարների դեպքում ստատիկ և դինամիկ կայունությունը պետք է ապահովվի առանց հատուկ համակարգային ավտոմատիկայի կիրառման:
26. Էլեկտրաէներգետիկական համակարգի Nk-1 II խմբի պատահարների դեպքում ստատիկ և դինամիկ կայունության ապահովման համար թույլատրվում է կիրառել հատուկ համակարգային ավտոմատիկա:
27. Էլեկտրաէներգետիկական համակարգի կայունության խախտման (Ասինքրոն ռեժիմի առաջացման) դեպքում պետք է նախատեսվի էլեկտրաէներգետիկական համակարգի ավտոմատ բաժանումը դրա նպատակահարմար կտրվածքում և բացառվի առաջացած վթարի կասկադային զարգացումը:
28. Էլեկտրաէներգետիկական համակարգի ստատիկ և դինամիկ կայունության հաշվարկներն իրականացվում են հավաստիացված մոդելի կիրառմամբ: Մոդելի հավաստիացումն իրականացվում է էլեկտրաէներգետիկական համակարգում անցումային էլեկտրամեխանիկական պրոցեսների մոնիթորինգի միասնական համակարգում գրանցված, իրականում տեղի ունեցած տարբեր անցումային պրոցեսները վերարտադրելու և հաշվարկված Ռեժիմային հարաչափերի իրական փոփոխությունների հետ համեմատելու միջոցով:
ԳԼՈՒԽ 7. ԱՎՏՈՄԱՏ ԿԱՐԳԱՎՈՐՄԱՆ ՀԱՄԱԿԱՐԳԵՐԻ ԷՀԱ ՑՈՒՑԱՆԻՇՆԵՐԸ
29. Էլեկտրաէներգետիկական համակարգին միացված գեներատորների գրգռման ավտոմատ կարգավորիչները պետք է աշխատեն լարման կարգավորման ռեժիմում և ունենան 4-5% կարգավորման անհավասարաչափություն:
30. Էլեկտրաէներգետիկական համակարգում հաճախականության և հզորության առաջնային ու երկրորդային կարգավորումն իրականացվում է ավտոմատ կերպով, իսկ երրորդայինը` օպերատիվ (կարգավարական) կարգով, ԷՀՑ կանոններով նախատեսված դեպքերում:
31. Էլեկտրաէներգետիկական համակարգում հաճախականության և հզորության առաջնային ու երկրորդային ավտոմատ կարգավորման համակարգերի հուսալիության ցուցանիշներն են:
Կարգավորման համակարգ |
Ցուցանիշների տեսակները |
Ցուցանիշների մեծությունները |
1) առաջնային |
հաճախականության կարգավորման տիրույթները |
50±0,1Հց` օրվա ժամանակի 95 տոկոսից ոչ պակաս, 50±0,2Հց` շաբաթվա ժամանակահատվածի 98.5 տոկոսից ոչ պակաս, 50±0,4Հց` ոչ ավել, քան 15 րոպե (Պատահարի պահից սկսած) |
հաճախականության առավելագույն դինամիկ փոփոխության տիրույթը` I խմբի պատահարից հետո |
50±0,8Հց |
ակտիվացում (ընդհանուր/ նորմավորված) |
50±0,15/50±0,1Հց |
մեռյալ գոտի (ընդհանուր/ նորմավորված) |
50±0,075/50±0,05Հց |
կարգավորման անհավասարաչափություն |
4 տոկոս` ջերմաէլեկտրակայանում, 5 տոկոս` ատոմային էլեկտրակայանում, 4-6 տոկոս` հիդրոկայաններում |
պահուստի մատուցման արագագործությունը |
50 տոկոս` ոչ ավել, քան 15 վրկ 100 տոկոս` ոչ ավել, քան 30 վրկ |
պահուստի մատուցման ընդհանուր տևողությունը |
ոչ պակաս, քան 15 րոպե |
2) երկրորդային |
պահուստի մատուցման արագագործությունը |
100 տոկոս` ոչ ավել, քան 15 րոպե |
պահուստի մատուցման ընդհանուր տևողությունը |
ոչ պակաս, քան 30 րոպե |
հաճախականության և հզորության չափումների ճշտությունը |
1,5 մՀց և ոչ ավել, քան 2 տոկոս |
ԳԼՈՒԽ 8. ՀԱՄԱԿԱՐԳԱՅԻՆ ԱՎՏՈՄԱՏԻԿԱՅԻ ԷՀԱ ՑՈՒՑԱՆԻՇՆԵՐԸ
32. Էլեկտրաէներգետիկական համակարգում համակարգային ավտոմատիկան պետք է ապահովի էլեկտրաէներգետիկական համակարգում վթարային ռեժիմների զարգացման կանխարգելումը և վերացումը: էլեկտրաէներգետիկական համակարգում համակարգային ավտոմատիկայի ենթահամակարգերի, սարքվածքների գործողության սկզբունքների, դրվածքների և էլեկտրաէներգետիկական համակարգի վրա ներգործության տեսակի ու չափի ընտրությունը պետք է իրականացվի այնպես, որ ապահովի դրանց կոորդինացված գործողությունները (ընտրողական, արագ, զգայուն, հուսալի):
33. Էլեկտրաէներգետիկական համակարգում համակարգային ավտոմատիկայի միջոցով ապահովվում է հետևյալ գործառույթների իրականացումը.
1) կայունության խախտման ավտոմատ կանխարգելում (այսուհետ` ԿԽԱԿ),
2) Ասինքրոն ռեժիմի ավտոմատ վերացում (այսուհետ` ԱՌԱՎ),
3) հաճախականության անկման ավտոմատ սահմանափակում,
4) հաճախականության բարձրացումից պաշտպանություն (այսուհետ` ՀԲՊ),
5) բեռի անջատման հատուկ ավտոմատիկա,
6) լարման իջեցման ավտոմատ սահմանափակում (այսուհետ` ԼԻԱՍ),
7) լարման բարձրացման ավտոմատ սահմանափակում (այսուհետ` ԼԲԱՍ),
8) հաճախականության անկումից ավտոմատ բաժանում (այսուհետ` ՀԱԱԲ) էլեկտրակայաններում,
9) սարքավորման անթույլատրելի գերբեռնվածության ավտոմատ կանխարգելում:
34. ԿԽԱԿ ենթահամակարգը նախատեսված է Բնականոն ռեժիմում II խմբի պատահարների առաջացման դեպքում ապահովելու էլեկտրաէներգետիկական համակարգի դինամիկ և ստատիկ կայունությունը (թույլատրված, սակայն պարտադիր չէ նաև III խմբի պատահարների առաջացման դեպքում):
35. ԿԽԱԿ-ը պետք է իրականացվի էլեկտրաէներգետիկական համակարգի բոլոր այն կտրվածքներում, որոնք II խմբի պատահարների հետևանքով վտանգավոր են կայունության խախտման տեսանկյունից:
36. ԿԽԱԿ-ի ընտրողականությունը, զգայունությունը և արագագործությունը պետք է ապահովեն էլեկտրաէներգետիկական համակարգի կայունությունը, իսկ ներգործությունն էլեկտրաէներգետիկական համակարգի վրա պետք է լինի բավարար և, դրա հետ մեկտեղ, նվազագույն չափով:
37. Էլեկտրաէներգետիկական համակարգի վրա ԿԽԱԿ-ի ներգործության եղանակներն ընտրվում են հետևյալ ցանկից.
1) ջերմաէլեկտրակայանների գեներատորների կարճատև (իմպուլսային) կամ երկարատև բեռնաթափում` կաթսայի շոգեարտադրման ավտոմատ կարգավորմամբ,
2) գեներատորների անջատում,
3) սպառողների անջատում,
4) գեներատորների գրգռման ուժեղացում (ֆորսիրովկա),
5) էլեկտրաէներգետիկական համակարգի բաժանումը մասերի:
38. Էլեկտրաէներգետիկական համակարգում ԱՌԱՎ-ի իրականացումը պարտադիր է, եթե`
1) էլեկտրաէներգետիկական համակարգի սինքրոն աշխատանքի կայունության խախտումը և Ասինքրոն ռեժիմի առաջացումը սպառնում է էլեկտրաէներգետիկական համակարգի անվտանգությանը` առաջացած վթարի կասկադային զարգացմամբ և սարքավորման վնասմամբ,
2) էլեկտրաէներգետիկական համակարգի մասերի կամ որևէ էլեկտրակայանի, կամ առանձին գեներատորի սինքրոն աշխատանքի կայունության խախտումը և Ասինքրոն ռեժիմի առաջացումը բացառված չեն` էլեկտրաէներգետիկական համակարգում անսպասելի կամ հավանական III խմբի պատահարների առաջացման, աշխատանքի ռեժիմի սխալ պլանավորման կամ սխալ վարման, ԿԽԱԿ-ի խափանման և այլ դեպքերում:
39. Էլեկտրաէներգետիկական համակարգի նախագծման և կարգավարական տարեկան պլանավորման գործընթացներում էլեկտրաէներգետիկական համակարգի կայունության և Ասինքրոն ռեժիմի հաշվարկների (մոդելավորման) ու շահագործման փորձի արդյունքների վերլուծության եղանակով պետք է որոշվեն նշված վտանգավոր կտրվածքներ կազմող կապերի և գծերի վրա ԱՌԱՎ սարքվածքների տեղակայման կետերը:
40. Էլեկտրակայանի և էլեկտրաէներգետիկական համակարգի միջև առաջացած Ասինքրոն ռեժիմը պետք է վերացվի ավտոմատ բաժանմամբ` որպես հիմնական կամ պահուստային գործողություն:
41. ԱՌԱՎ-ի սարքվածքները պետք է ապահովեն լիաֆազ և ոչ լիաֆազ Ասինքրոն ռեժիմների հայտնաբերումը և վերացումը:
42. ԱՌԱՎ-ի սարքվածքների գործողության ընտրողականության ապահովման համար սկզբունքներն ու դրվածքները պետք է բացառեն ԱՌԱՎ-ի գործողությունը սինքրոն ճոճումների և կարճ միացումների ժամանակ, ինչպես նաև տվյալ սարքվածքի վերահսկողության գոտուց դուրս Ասինքրոն ռեժիմի առաջացման դեպքում:
43. ԱՌԱՎ սարքվածքների դրվածքները պետք է ապահովեն ԱՌԱՎ-ի գործողության զգայունությունը Ասինքրոն ռեժիմի առաջացման դեպքում:
44. 400 կՎ լարման գծերի և 220 կՎ լարման կապերի ԱՌԱՎ-ի սարքվածքների արագագործությունը պետք է ապահովի երկհաճախականային Ասինքրոն ռեժիմը բազմահաճախականային Ասինքրոն ռեժիմի վերածման կանխարգելումը և սարքավորման անվտանգությունը:
45. ԱՌԱՎ սարքվածքների և անջատիչների գործողության պահուստավորման նպատակով յուրաքանչյուր 110 և 220 կՎ լարման Ասինքրոն ռեժիմի առաջացման տեսանկյունից վտանգավոր կտրվածքներում ու 400 կՎ լարման գծերի երկու ծայրերի վրա պետք է տեղադրվեն առնվազն երկու ԱՌԱՎ-ի սարքվածքներ:
46. Հաղորդման ցանցին միացված ցանկացած գեներատորի Ասինքրոն ռեժիմը (էլեկտրակայանի նկատմամբ) պետք է վերացվի նրա ավտոմատ անջատմամբ:
47. Ասինքրոն ռեժիմի դեպքերում էլեկտրաէներգետիկական համակարգի հուսալի բաժանումն ապահովելու համար ԱՌԱՎ սարքվածքի գործողությունը պետք է նախատեսվի նրա տեղակայման վայրում` առանց կապուղու միջոցով կառավարող հրահանգի հաղորդման: Կառավարող հրահանգի հաղորդումն այլ վայրում ավտոմատ բաժանման համար թույլատրված է, եթե սարքվածքի տեղադրման վայրում իրականացված է պահուստային ավտոմատ բաժանում:
48. Էլեկտրաէներգետիկական համակարգի բաժանման կետերի ընտրությունը պետք է հիմնավորված լինի մոդելավորման ու շահագործման փորձի վերլուծության արդյունքներով և ապահովի Բնականոն ռեժիմի հնարավորինս արագ վերականգնումը:
49. Հաճախականության անկման ավտոմատ սահմանափակման ենթահամակարգը ակտիվ հզորության դեֆիցիտի (պակասորդի) առաջացման դեպքերում պետք է ապահովի էլեկտրաէներգետիկական համակարգի անվտանգության (կայունության) ցուցանիշներն ըստ հաճախականության` հաճախականության անթույլատրելի նվազման (անկման) դադարեցման և վերականգնման միջոցով, և պետք է իրականացնի հետևյալ գործառույթները.
1) hաճախականային ավտոմատ թողարկում և բեռնավորում (այսուհետ` ՀԱԹԲ),
2) ՀԱԲ, այդ թվում`
ա. հաճախականության անկման ավտոմատ կանխում (այսուհետ` ՀԱԲ-1)
բ. հաճախականության ավտոմատ վերականգնում (այսուհետ` ՀԱԲ-2),
3) հաճախականային ավտոմատ բեռնաթափում` ըստ հաճախականության անկման արագության (այսուհետ` ՀԱԲԱ),
4) հաճախականային ավտոմատ կրկնակի միացում (այսուհետ` ՀԱԿՄ),
5) էլեկտրաէներգետիկական համակարգի ավտոմատ բաժանում հարևան համակարգից:
50. ՀԱԹԲ-ն պետք է հաճախականության նվազման (անկման) դեպքում ավտոմատ կերպով նվազեցնի ակտիվ հզորության դեֆիցիտը` ՀԱԲ-ից սպառողների անջատման ծավալի փոքրացման կամ կանխարգելման համար (կախված առաջացած դեֆիցիտի մեծությունից): ՀԱԹԲ-ն պետք է գործի, եթե հաճախականությունը նվազել է մինչև 49,4 - 49,2 Հց:
51. Համակարգի օպերատորի պահանջի դեպքում 20 ՄՎտ և ավել հզորությամբ ՀԷԿ-երում պետք է տեղադրվեն ՀԱԹԲ սարքվածքներ:
52. ՀԱԲ-ը ակտիվ հզորության դեֆիցիտի առաջացման դեպքերում հաճախականության անթույլատրելի նվազման (անկման) կանխարգելման և վերականգնման միջոցով պետք է ապահովի էլեկտրաէներգետիկական համակարգի անվտանգությունն ըստ հաճախականության ցուցանիշների` հետևյալ սկզբունքներով.
1) ՀԱԲ-1` նախատեսված է դադարեցնելու հաճախականության նվազման (անկման) գործընթացը մինչև 47,5Հց, երբ էլեկտրաէներգետիկական համակարգի ակտիվ հզորության առաջացած դեֆիցիտը չի գերազանցում 45 տոկոսը` սինքրոն գոտուց առանձնացած էլեկտրաէներգետիկական համակարգի կամ դրա որևէ հանգույցի բեռի առավելագույն հզորությունից: Գործողության դրվածքներն ըստ հաճախականության իրագործվում են 48,8-47,5Հց միջակայքում` 0,1 Հց քայլով, ժամանակի պահումը` 0,1–0,2 վայրկյան, իսկ ՀԱԲ-1-ից անջատվող բեռի հզորությունը`
ΔPՀԱԲ-1 > ΔPդեֆ. + 0.05Pբեռ,
որտեղ`
ΔPդեֆ.-ը արտադրվող հզորության դեֆիցիտն է,
Pբեռ.-ը էլեկտրաէներգետիկական համակարգի կամ հանգույցի առավելագույն բեռն է,
2) ՀԱԲ-2-ը նախատեսված է հաճախականության վերականգնման համար` ՀԱԲ-1-ի գործողությունից հետո,
3) ՀԱԲ-2-ի ծավալը պետք է ամբողջությամբ համատեղվի ՀԱԲ-1-ի ծավալի հետ և գործի միևնույն սպառողների անջատման համար.
4) ՀԱԲ-2-ի դրվածքներն, ըստ հաճախականության, գտնվում են 48,8-48,6Հց միջակայքում, իսկ ժամանակի դրվածքները` 4-60 վայրկյանում, ժամանակի դրվածքների քայլը` 4 վայրկյան:
53. ՀԱԲԱ-ն մեծ դեֆիցիտների դեպքում (երբ ակտիվ հզորության դեֆիցիտը գերազանցում է 45 տոկոսը) պետք է կանխի հաճախականության խորը իջեցումը և արագացնի դրա վերականգնումը:
54. ՀԱԲԱ-ի սարքվածքների գործողության սկզբունքը պետք է իրագործվի հաճախականության և դրա անկման արագության մեծությունների չափման ու տրված համապատասխան դրվածքների համեմատությամբ:
55. ՀԱԲԱ-ի սարքվածքների գործողության դրվածքները պետք է կարգավորել`
1) 49-49,5 Հց միջակայքում` ըստ հաճախականության,
2) 2,0-2,5 Հց/վրկ միջակայքում` ըստ հաճախականության անկման արագության,
3) 0,1 վայրկյան ժամանակի պահումով:
56. ՀԱԲԱ-ից բեռի անջատման ծավալը պետք է բացառի հաճախականության անկումը մինչև 47,5 Հց այն դեպքերում, երբ էլեկտրաէներգետիկական համակարգի ակտիվ հզորության դեֆիցիտը գերազանցում է սպառման առավելագույն մեծության 45 տոկոսը:
57. ՀԱԿՄ-ի ենթահամակարգը պետք է ավտոմատ կերպով ապահովի ՀԱԲ-ից անջատված սպառողների էլեկտրամատակարարման վերականգնումը` հաճախականության վերականգնումից հետո:
58. ՀԱԿՄ-ի գործողության դրվածքները պետք է իրականացնել 49,4–49,8Հց միջակայքում, ժամանակի պահումը` ոչ պակաս, քան 5 վայրկյան, ժամանակի դրվածքների քայլը` 5 վայրկյան:
59. ՀԱԿՄ-ի յուրաքանչյուր հերթից միացվող բեռը չպետք է առաջացնի ՀԱԲ-ի կրկնակի գործողություն և գերազանցի ՀԱԲ-ից անջատվող ընդհանուր բեռի 2 տոկոսը:
60. Էլեկտրաէներգետիկական համակարգի ՀԲՊ ենթահամակարգը պետք է կանխարգելի հաճախականության անթույլատրելի բարձրացումը էլեկտրաէներգետիկական համակարգում մինչև այն մակարդակը, որի դեպքում գործում է ՋԷԿ-երի և ՀԱԷԿ-ի տուրբինների անվտանգության պաշտպանությունը:
61. ՀԲՊ գործողությունը պետք է իրականացնել հաճախականության 50.8-51.2 Հց միջակայքում, ժամանակի պահումը` 0.15 վայրկյան:
62. ՀԲՊ սարքվածքները պետք է գործեն գեներատորների անջատման համար և առաջնահերթ անջատեն հիդրոգեներատորները:
63. Բեռի անջատման հատուկ ավտոմատիկան էլեկտրաէներգետիկական համակարգում գեներացվող մեծ հզորության կորստի դեպքում (ակտիվ և ռեակտիվ) պետք է կանխի`
1) հարևան համակարգի հետ միջհամակարգային կապի անջատումը,
2) էլեկտրաէներգետիկական համակարգի հանգույցների լարման անթույլատրելի իջեցումը:
64. ԼԻԱՍ-ը պետք է ավտոմատ կանխարգելի լարման անթույլատրելի իջեցումը` բացառելով էլեկտրաէներգետիկական համակարգի հանգույցների բեռի կայունության խախտումն ըստ լարման:
65. ԼԻԱՍ-ի սարքվածքները պետք է հսկեն էլեկտրաէներգետիկական համակարգի հանգույցների լարման իջեցման մակարդակն ու տևողությունը կամ լարման նվազման արագությունը և (կամ) ռեակտիվ հզորությունը:
66. ԼԻԱՍ-ի գործողությունը պետք է իրականացվի 220կՎ և ավելի ցածր լարման ցանցում ռեակտիվ հզորության փոխհատուցման միջոցների ռեժիմի կամ օպերատիվ վիճակի փոփոխությամբ և (կամ) սպառողների բեռի անջատմամբ, իսկ ավելի բարձր լարման ցանցում` միայն ռեակտիվ հզորության փոխհատուցման միջոցների ռեժիմների կամ օպերատիվ վիճակի փոփոխությամբ:
67. ԼԻԱՍ-ի սարքվածքների գործողությունը պետք է համաձայնեցվի ռելեական պաշտպանության, պահուստային սնուցման ավտոմատ միացման և ավտոմատ կրկնակի միացման սարքվածքների գործողության հետ:
68. ԼԲԱՍ-ն պետք է նախատեսվի սարքավորումների վրա լարման անթույլատրելի բարձրացման (ըստ մեծության և տևողության) կանխարգելման համար:
69. ԼԲԱՍ-ի սարքվածքները պետք է տեղակայվեն այն 110 կՎ և բարձր լարման օդային գծերի յուրաքանչյուր կողմում, որոնց միակողմանի անջատումը կարող է առաջացնել սարքավորման վրա լարման անթույլատրելի բարձրացում:
70. ԼԲԱՍ-ի սարքվածքների գործողության սկզբունքները պետք է իրականացվեն յուրաքանչյուր ֆազի լարման բարձրացման մակարդակով և տևողությամբ, ինչպես նաև գծի ռեակտիվ հզորության մեծությամբ և ուղղության հսկմամբ:
71. ԼԲԱՍ-ի սարքվածքների գործողության դրվածքները պետք է ապահովեն սարքավորման անվտանգությունը:
72. ԼԲԱՍ-ի սարքվածքների գործողությունը պետք է իրականացվի երկու աստիճանով, ըստ լարման մեծության`
1) 1-ին աստիճանը ժամանակի պահումով պետք է գործի ռեակտիվ հզորության փոխհատուցման միջոցների ռեժիմի կամ օպերատիվ վիճակի փոփոխությամբ,
2) 2-րդ աստիճանը (ժամանակի ավելի մեծ պահումով, քան առաջին աստիճանը) պետք է գործի գծի երկկողմանի անջատմամբ և եռաֆազ ավտոմատ կրկնակի միացման սարքվածքի գործողության ուղեկապմամբ:
73. Էլեկտրաէներգետիկական համակարգի ավտոմատ բաժանման ենթահամակարգը պետք է ավտոմատ կերպով ապահովի էլեկտրաէներգետիկական համակարգի անվտանգությունը` բաժանելով այն հարևան համակարգից, որում առաջացած ծանր վթարը սպառնում է էլեկտրաէներգետիկական համակարգի անվտանգության ցուցանիշների խախտմանն ըստ`
1) էլեկտրաէներգետիկական համակարգի հաճախականության թույլատրելի մեծությունների,
2) Հաղորդման ցանցի հանգույցների լարման թույլատրելի մեծությունների,
3) էլեկտրաէներգետիկական համակարգի որևէ տարրի թույլատրելի բեռնվածքի,
4) էլեկտրաէներգետիկական համակարգի կայունության:
74. Ավտոմատ կերպով և (կամ) կարգավարի կարգադրությամբ Բնականոն ռեժիմի վերականգնումը (հարևան էլեկտրաէներգետիկական համակարգից ավտոմատ բաժանումից հետո) պետք է կատարվի համաձայն Հանձնաժողովի կողմից հաստատված էլեկտրամատակարարման անխուսափելի սահմանափակումներ պահանջող իրավիճակներում գործողությունների ծրագրի:
75. Էլեկտրակայաններում էլեկտրաէներգետիկական համակարգի հաճախականության անկման դեպքում ՋԷԿ-երի կամ դրանց մի մասի ավտոմատ անջատման (ՀԱԱԲ) սարքվածքները պետք է կանխարգելեն ՋԷԿ-երի սեփական կարիքների մեխանիզմների աշխատանքի խափանման հետևանքով էլեկտրակայանի մարումը, տուրբինների անթույլատրելի թրթռումը, թիակների և հիմքի վնասման վտանգը: Եթե հաճախականությունը նվազել է 47,5Հց-ից, ապա`
1) ՋԷԿ-երի ՀԱԱԲ-ի սարքվածքների գործողության դրվածքների կարգավորումը պետք է իրականացվի հետևյալ երկու աստիճաններով''
ա. 1-ին աստիճան` 47,2 - 47,5Հց / 4-6 վայրկյան,
բ. 2-րդ աստիճան` 47,0 - 47,2Հց / 0,15-0,5 վայրկյան,
2) պետք է ապահովի ՋԷԿ-ի էներգաբլոկի կայուն աշխատանքն առանձնացված սեփական կարիքների համար` 30 րոպեից ոչ պակաս:
76. ՀԷԿ-երի ՀԱԱԲ սարքվածքները`
1) պետք է նախատեսվեն ՋԷԿ-երի և ՀԱԷԿ-ի անջատված գեներատորների վերաթողարկումն ապահովելու և գեներատորների որոշ մասն իրենց հարակից սպառիչներով աշխատանքի մեջ պահելու համար` էլեկտրաէներգետիկական համակարգում կամ առանձին հանգույցում հզորության զգալի պակասով ուղեկցվող վթարների ժամանակ ՀԱԱԲ-ի միջոցով` առանձնացնելով ՀԷԿ-ը մոտավոր հավասարակշռված բեռով.
2) ՀԷԿ-երի ՀԱԱԲ գործողության դրվածքների կարգավորումը պետք է իրականացվի հետևյալ երկու աստիճաններով''
ա. 1-ին աստիճան` 47,2-47,5 Հց/4-6 վայրկյան,
բ. 2-րդ աստիճան` 47,0-47,2 Հց/0,15-0,5 վայրկյան:»:
Պաշտոնական հրապարակման օրը` 23 մայիսի 2022 թվական: