01.05.2022 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
ՈՐՈՇՈՒՄ
20 ապրիլի 2022 թվականի N 149-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի N 517-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Էներգետիկայի մասին» օրենքում փոփոխություններ և լրացումներ կատարելու մասին» 2021 թվականի հունիսի 4-ի ՀՕ-261-Ն օրենքի 12-րդ հոդվածի 2-րդ մասը և «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի «Հայաստանի Հանրապետության էլեկտրաէներգետիկական մանրածախ շուկայի առևտրային կանոնները հաստատելու և Հայաստանի Հանրապետության հանրային ծառայությունները կարգավորող հանձնաժողովի 2006 թվականի դեկտեմբերի 27-ի N 358-Ն որոշումն ուժը կորցրած ճանաչելու մասին» N 517-Ն որոշման 1-ին կետով հաստատված հավելվածում (այսուհետ` Հավելված) կատարել հետևյալ փոփոխությունները և լրացումները.
i
1) Հավելվածի 2-րդ կետը շարադրել հետևյալ խմբագրությամբ.
«2. ԷՄԱ կանոններում օգտագործվող հիմնական հասկացություններն են.
|
1) Առևտրային հաշվառքի սարք` |
Առևտրային հաշվառման նպատակով Պայմանագրում կամ Հաշվառման քարտում ամրագրված Հաշվառքի սարք. |
|
2) Առևտրային հաշվառքի սարքի խախտում` |
Չափագիտական մարմնի փորձաքննության եզրակացությամբ փաստված Առևտրային հաշվառքի սարքի առանձին բաղադրիչների խափանումները, դրանց վնասվածքները, Առևտրային հաշվառքի սարքի կնիքների բացակայությունը, դրանց կեղծված, վնասված լինելը (այդ թվում` հոսանքի և լարման չափիչ տրանսֆորմատորների հարաչափերի կամ միացման սխեմաների փոփոխությունը) կամ առևտրային հաշվառքի սարքի աշխատանքի նկատմամբ որևէ անձի կողմից այլ ներգործությունները. |
|
3) Բաշխող` |
էլեկտրական էներգիայի (հզորության) բաշխման լիցենզիա ունեցող անձ. |
|
4) Գաղտնապահական տեղեկատվություն` |
Բաշխողի, Երաշխավորված մատակարարի, Մատակարարի ֆինանսական վիճակի և առևտրային գաղտնիքների վերաբերյալ տեղեկատվություն կամ այլ տեղեկություններ, որոնց հրապարակումը կարող է վնասել վերջիններիս, ինչպես նաև Սպառողներին վերաբերող` Բաշխողի, Երաշխավորված մատակարարի, Մատակարարի մոտ առկա տեղեկությունները. |
|
5) Ենթասպառող` |
Սպառող, որի էլեկտրամատակարարումն իրականացվում է այլ Սպառողի սպառման համակարգի միջոցով, և որն ունի Երաշխավորված մատակարարի (Մատակարարի) հետ սահմանված կարգով կնքված էլեկտրական էներգիայի մատակարարման պայմանագիր. |
|
6) Երաշխավորված մատակարար` |
Էլեկտրական էներգիայի երաշխավորված մատակարարի լիցենզիա ունեցող անձ.
|
|
7) ԷԲՑ կանոններ` |
Հանձնաժողովի հաստատած` Հայաստանի Հանրապետության էլեկտրաէներգետիկական շուկայի բաշխման ցանցային կանոններ. |
|
8) ԷՄՇ կանոններ` |
Հանձնաժողովի հաստատած` Հայաստանի Հանրապետության էլեկտրաէներգետիկական մեծածախ շուկայի առևտրային կանոններ. |
|
9) Ինքնավար էներգաարտադրող (ԻԷԱ)` |
Վերականգնվող էներգետիկ ռեսուրսների կիրառմամբ սեփական կարիքների համար էլեկտրական էներգիա արտադրող սպառող, որը Երաշխավորված մատակարարի հետ կնքել է Փոխհոսքերի պայմանագիր և տվյալ ինքնավար էներգաարտադրության տեղակայանքի մասով արտադրության լիցենզիա ունեցող անձ չէ: Սույն կետի իմաստով` սեփական կարիք է համարվում ինքնավար էներգաարտադրողի, իսկ ինքնավար խմբի դեպքում` խմբի բոլոր մասնակիցների` էլեկտրական էներգիայի սպառումը, անկախ դրա օգտագործման նպատակից (կենցաղային, արտադրական և այլն). |
|
10) Ինքնավար խումբ` |
ինքնավար էներգաարտադրողի կամ ինքնավար էներգաարտադրողի (էներգաարտադրողների) և սպառողի (սպառողների) խումբ. |
|
11) Խոցելի սպառող` |
բնակիչ-բաժանորդ, որը Հայաստանի Հանրապետության կառավարության կողմից սահմանված կարգով ստացել է խոցելի սպառողի կարգավիճակ` հաշվի առնելով վերջինիս սոցիալապես անապահով լինելու կամ հատուկ կարգավիճակ ունենալու հանգամանքը. |
|
12) Համակարգի օպերատոր` |
էլեկտրաէներգետիկական համակարգի օպերատորի ծառայության մատուցման լիցենզիա ունեցող անձ. |
|
13) Հանձնաժողով` |
Հայաստանի Հանրապետության հանրային ծառայությունները կարգավորող հանձնաժողով. |
|
14) Հաշվարկային ամիս` |
ժամանակահատված, որի գործողությունը սկսվում է յուրաքանչյուր օրացուցային ամսվա առաջին օրվա ժամը 00:00-ին և ավարտվում է նույն ամսվա վերջին օրվա ժամը 23:59-ին ներառյալ. |
|
15) Հաշվառքի սարք` |
էլեկտրական էներգիայի հաշվիչ կամ էլեկտրական էներգիայի հաշվիչի, հոսանքի և լարման չափիչ տրանսֆորմատորների միացությունների համախումբ` ստուգաչափված Չափագիտական մարմնի կողմից. |
|
16) ԷՄԱ մասնակիցներ` |
Մատակարար, Երաշխավորված մատակարար, Սպառող (բացառությամբ որակավորված սպառողի) և ԻԷԱ.
|
|
17) Մատակարար` |
Էլեկտրական էներգիայի մատակարարման լիցենզիա ունեցող անձ. |
|
18) Մատակարարման պայմանագիր` |
Մատակարարի և Սպառողի միջև կնքվող (կնքված)` էլեկտրական էներգիայի մատակարարման պայմանները սահմանող պայմանագիր. |
|
19) Շուկայի օպերատոր` |
էլեկտրաէներգետիկական շուկայի օպերատորի ծառայությունների մատուցման լիցենզիա ունեցող անձ. |
|
20) Չափագիտական մարմին` |
«Չափումների միասնականության ապահովման մասին» օրենքով սահմանված պետական չափագիտական հսկողություն իրականացնող կազմակերպություն. |
|
21) Պայմանագիր` |
Հանձնաժողովի հաստատած օրինակելի ձևին համապատասխան` էլեկտրական էներգիայի բաշխման ծառայության մատուցման և էլեկտրական էներգիայի երաշխավորված մատակարարման մասին պայմանագիր և (կամ) սպառման համակարգն էլեկտրական ցանցին միացման, էլեկտրական էներգիայի բաշխման և էլեկտրական էներգիայի երաշխավորված մատակարարման մասին պայմանագիր. |
|
22) Սակագին` |
էլեկտրական էներգիայի միավորի վաճառքի, էներգետիկայի բնագավառում լիցենզավորված գործունեությամբ մատուցվող ծառայությունների համար Հանձնաժողովի կողմից Օրենքին համապատասխան սահմանված առավելագույն գին. |
|
23) Սահմանազատման կետ` |
ԷՄԱ մասնակիցների, Բաշխողի էլեկտրատեղակայանքների հաշվեկշռային պատկանելության սահման. |
|
24) Սպառող` |
էլեկտրական էներգիայի սպառման պահանջարկ ունեցող անձ, որն էլեկտրական էներգիայի մատակարարման պայմանագիր է կնքել մատակարարման լիցենզիա ունեցող անձի (ներառյալ` երաշխավորված մատակարարի) հետ կամ գտնվում է այդ գործընթացում. |
|
25) Սպառողի սպառման համակարգ` |
Սպառողի էլեկտրատեղակայանքների համախումբ. |
|
26) Վերստուգիչ հաշվառքի սարք` |
Պայմանագրում կամ Հաշվառման քարտում վերստուգիչ հաշվառման նպատակով ամրագրված Հաշվառքի սարք. |
|
27) Փոխհոսքերի պայմանագիր` |
Հանձնաժողովի հաստատած օրինակելի ձևին համապատասխան` Ինքնավար էներգաարտադրողի և Երաշխավորված մատակարարի միջև կնքվող էլեկտրական էներգիայի փոխհոսքերի մասին պայմանագիր: |
i
2) Հավելվածի 4-րդ կետի 3-րդ ենթակետում «բացառությամբ Խոցելի սպառողի» բառերից հետո լրացնել «, ԻԷԱ-ի և Ինքնավար խմբի մասնակցի» բառերը.
i
3) Հավելվածի 23-րդ կետում «բացառությամբ Խոցելի սպառողների,» բառերից հետո լրացնել «ԻԷԱ-ների և Ինքնավար խմբի մասնակիցների,» բառերը».
i
4) Հավելվածի 29-րդ կետում «Ինքնավար էներգաարտադրողի և Բաշխողի» բառերը փոխարինել «ԻԷԱ-ի և Երաշխավորված մատակարարի» բառերով, իսկ «N2 հավելվածի» բառերը` «15.1-րդ գլխի» բառերով.
i
5) Հավելվածի 5-րդ գլուխը լրացնել հետևյալ բովանդակությամբ 29.1 կետով.
«29.1. ԷՄԱ կանոնների` Սպառողներին վերաբերող կարգավորումները հավասարապես կիրառվում են ԻԷԱ-ների նկատմամբ` բացառությամբ, եթե ԷՄԱ կանոններով այլ բան սահմանված չէ:».
i
6) Հավելվածի 30-րդ կետը շարադրել հետևյալ խմբագրությամբ.
«30. Երաշխավորված մատակարարն Օրենքի, լիցենզիայի, ԷՄԱ կանոնների, Պայմանագրի և Փոխհոսքերի պայմանագրի համաձայն`
1) էլեկտրական էներգիա է մատակարարում յուրաքանչյուր Սպառողի, որը տվյալ ժամանակահատվածում չունի Մատակարարման պայմանագիր այլ Մատակարարի հետ,
2) էլեկտրական էներգիա է մատակարարում Խոցելի սպառողներին,
3) ապահովում է էլեկտրական էներգիայի փոխհոսքերի իրականացումը ԻԷԱ-ի և Ինքնավար խմբի մասնակցի հետ,
4) կատարում է էլեկտրական էներգիայի երաշխավորված մատակարարմանն առնչվող այլ գործառույթներ:».
i
7) Հավելվածի 31-րդ կետի 5-րդ ենթակետում «մատակարարված էլեկտրական էներգիայի քանակի և արժեքի,» բառերից հետո լրացնել «ԻԷԱ-ի և Ինքնավար խմբի մասնակցի դեպքում` նաև մատուցված բաշխման ծառայության քանակի և արժեքի,» բառերը.
i
8) Հավելվածի 32-րդ կետի`
ա. 1-ին ենթակետում «Պայմանագիրը, դրա հիմքերը» բառերը փոխարինել «Պայմանագիրը, Փոխհոսքերի պայմանագիրը, դրանց հիմքերը» բառերով.
բ. 3-րդ և 4-րդ ենթակետերում «Սպառողի սպառման» բառերից հետո լրացնել «, առկայության դեպքում` նաև արտադրության» բառերը.
գ. 9-րդ ենթակետում «ամսական ծախսերի,» բառերից հետո լրացնել «ինքնավար էներգաարտադրության շրջանակում էլեկտրական էներգիայի ամսական մատակարարված քանակի, կուտակված ավելցուկային էլեկտրական էներգիայի քանակի,» բառերը, իսկ «վճարումների,» բառից հետո` «ԻԷԱ-ին կամ Ինքնավար խումբը ստեղծող ԻԷԱ-ին հատուցման ենթակա գումարի,» բառերը.
i
9) Հավելվածի 52-րդ կետի 2-րդ ենթակետում «մատակարարված էլեկտրական էներգիայի,» բառերից հետո լրացնել «ԻԷԱ-ի և Ինքնավար խմբի մասնակցի դեպքում` երբ էլեկտրական էներգիան արտադրվում է էլեկտրաէներգետիկական համակարգի մեկ կամ ավելի կետերում և սպառվում տարբեր կետերում` նաև մատուցված բաշխման ծառայության,» բառերը.
i
10) Հավելվածի 56-րդ կետի 3-րդ ենթակետում «Խոցելի սպառող,» բառերից հետո լրացնել «ԻԷԱ կամ Ինքնավար խմբի մասնակից,» բառերը.
i
11) Հավելվածի 73-րդ կետում «ընդունվում է էլեկտրական էներգիայի այդ քանակը:» բառերից հետո լրացնել «ԻԷԱ-ի կողմից` էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու դեպքում, երբ Հաշվարկային ամսում բոլոր արտադրության կետերում արտադրված և բոլոր սպառման կետերում սպառված էլեկտրական էներգիայի քանակությունների տարբերությունը բացասական է, մատակարարված էլեկտրական էներգիայի քանակը որոշվում է այդ բացասական տարբերության բացարձակ մեծությունը արտադրության և սպառման կետերի միջև սպառման ծավալների համամասնությամբ բաշխելով:» նախադասությունը.
i
12) Հավելվածի 15-րդ գլուխը լրացնել հետևյալ բովանդակությամբ 81.1 կետով.
«81.1. ԻԷԱ-ի և Ինքնավար խմբի մասնակցի դեպքում, երբ էլեկտրական էներգիան արտադրվում է էլեկտրաէներգետիկական համակարգի մեկ կամ ավելի կետերում և սպառվում տարբեր կետերում, բաշխման ծառայության արժեքը որոշվում է սպառման կետում լարման մակարդակի համար Հանձնաժողովի կողմից սահմանված բաշխման ծառայության մատուցման սակագնի և բաշխված (հաշվանցված) էլեկտրական էներգիայի քանակի արտադրյալով, իսկ բաշխման ծառայության դիմաց վճարման պարտավորությունը ձևավորվում է տվյալ սպառման կետի Հաշվառման քարտին:».
i
13) Հավելվածի 83-րդ կետում «10» թիվը փոխարինել «12» թվով, իսկ նույն կետի 2-րդ ենթակետում «էլեկտրական էներգիայի քանակի և արժեքի,» բառերից հետո լրացնել «ԻԷԱ-ի և Ինքնավար խմբի մասնակցի դեպքում` նաև մատուցված բաշխման ծառայության քանակի և արժեքի,» բառերը.
i
14) Հավելվածի 84-րդ կետը շարադրել հետևյալ խմբագրությամբ.
«84. Հաշվարկային ամսվա համար մատակարարված էլեկտրական էներգիայի քանակի և արժեքի, իսկ Մատակարարի սպառողի դեպքում` մատուցված բաշխման ծառայության քանակի և արժեքի դիմաց Բաշխողը (Երաշխավորված մատակարարը) Սպառողին ներկայացվող հաշվարկային փաստաթղթում ապահովում է հետևյալ տեղեկությունների առկայությունը.
1) Սպառողի անունը, ազգանունը (անվանումը), գտնվելու (բնակության) վայրը, Հաշվառման քարտի համարը, Հաշվարկային ամիսը, Առևտրային հաշվառքի սարքի նախորդ և վերջին ցուցմունքները (իսկ էլեկտրոնային հաշվիչի առկայության դեպքում` նաև էլեկտրական էներգիայի մատակարարման ցուցմունքը` ըստ ժամային տիրույթների), Առևտրային հաշվառքի սարքի նախորդ և վերջին ցուցմունքների գրանցման օրը, Հաշվարկային ամսում մատակարարված էլեկտրական էներգիայի քանակը (արտահայտված կիլովատտ ժամերով, իսկ էլեկտրոնային հաշվիչի առկայության դեպքում` նաև մատակարարված էլեկտրական էներգիայի քանակը` ըստ ժամային տիրույթների) և արժեքը (արտահայտված Հայաստանի Հանրապետության դրամով` ներառյալ ավելացված արժեքի հարկը), նախորդ տարվա նույն ամսում մատակարարված էլեկտրական էներգիայի քանակը (արտահայտված կիլովատտ ժամերով, իսկ էլեկտրոնային հաշվիչի առկայության դեպքում` նաև մատակարարված էլեկտրական էներգիայի քանակը` ըստ ժամային տիրույթների), պարտքի մնացորդը Հաշվարկային ամսվա սկզբին և վերջին (արտահայտված Հայաստանի Հանրապետության դրամով` ներառյալ ավելացված արժեքի հարկը) և վճարման ամսաթիվը.
2) ԻԷԱ-ի դեպքում` նաև ինքնավար էներգաարտադրության շրջանակում Հաշվարկային ամսվա արդյունքով Երաշխավորված մատակարարին մատակարարված, ինչպես նաև Հաշվարկային ամսվա վերջի դրությամբ փոխհոսքերի շրջանակում կուտակված էլեկտրական էներգիայի քանակները (արտահայտված կիլովատտ ժամերով` ըստ ցերեկային և գիշերային սակագնի համար սահմանված ժամանակահատվածների), մատուցված բաշխման ծառայության քանակը և արժեքը (արտահայտված Հայաստանի Հանրապետության դրամով` ներառյալ ավելացված արժեքի հարկը).
3) իսկ Մատակարարի սպառողի դեպքում` Սպառողի անունը, ազգանունը (անվանումը), գտնվելու (բնակության) վայրը, Հաշվառման քարտի համարը, Հաշվարկային ամիսը, Առևտրային հաշվառքի սարքի նախորդ և վերջին ցուցմունքները, Առևտրային հաշվառքի սարքի նախորդ և վերջին ցուցմունքների գրանցման օրը, մատուցված բաշխման ծառայության քանակը և արժեքը, պարտքի մնացորդը Հաշվարկային ամսվա սկզբին և վերջին (արտահայտված Հայաստանի Հանրապետության դրամով` ներառյալ ավելացված արժեքի հարկը) և վճարման ամսաթիվը:».
i
15) Հավելվածի 85-րդ կետում «Բաշխողը» բառից հետո լրացնել «(Երաշխավորված մատակարարը)», իսկ «մատակարարված էլեկտրական էներգիայի քանակի և արժեքի,» բառերից հետո` «ԻԷԱ-ի և Ինքնավար խմբի մասնակցի դեպքում` նաև ինքնավար էներգաարտադրության շրջանակում Հաշվարկային ամսվա արդյունքով Երաշխավորված մատակարարին մատակարարված, ինչպես նաև Հաշվարկային ամսվա վերջի դրությամբ փոխհոսքերի շրջանակում կուտակված էլեկտրական էներգիայի քանակների, մատուցված բաշխման ծառայության քանակի և արժեքի,» բառերը.
i
16) Հավելվածի 86-րդ կետում «մատակարարված էլեկտրական էներգիայի,» բառերից հետո լրացնել «ԻԷԱ-ն և Ինքնավար խմբի մասնակիցը` էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու դեպքում` նաև մատուցված բաշխման ծառայության,» բառերը.
i
17) Հավելվածի 87-րդ և 88-րդ կետերում «մատակարարված էլեկտրական էներգիայի,» բառերից հետո լրացնել «ԻԷԱ-ի և Ինքնավար խմբի մասնակցի կողմից` էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու դեպքում` նաև մատուցված բաշխման ծառայության,» բառերը.
i
18) Հավելվածը լրացնել հետևյալ բովանդակությամբ 15.1-րդ գլխով.
«ԳԼՈՒԽ 15.1 ԻՆՔՆԱՎԱՐ ԷՆԵՐԳԱԱՐՏԱԴՐՈՒԹՅԱՆ ԿԱԶՄԱԿԵՐՊՈՒՄԸ ԵՎ ՀԱՏՈՒՑՈՒՄՆԵՐԻ ՏՐԱՄԱԴՐՈՒՄԸ
88.1. ԻԷԱ-ի կարգավիճակ ստանալու նպատակով, Սպառողը`
1) դիմում է Բաշխողին` իր էներգաարտադրող տեղակայանքը ԷԲՑ կանոններով սահմանված կարգով բաշխման ցանցին միացումն ապահովելու համար,
2) ԷՄԱ կանոններով սահմանված կարգով Երաշխավորված մատակարարի հետ կնքում է Փոխհոսքերի պայմանագիր:
88.2. ԻԷԱ-ի տեղակայանքների դրվածքային հզորությունը չի կարող գերազանցել Երաշխավորված մատակարարի հետ` բաշխման ցանցին իր յուրաքանչյուր միացման կետի համար իբրև սպառող կնքած պայմանագրով ամրագրված առավելագույն թույլատրելի հզորությունը, բայց ոչ ավելի, քան 150 կՎտ-ը: Ինքնավար խմբի դեպքում խմբում ներգրավված ԻԷԱ-ների տեղակայանքների ընդհանուր դրվածքային հզորությունը չի կարող գերազանցել 1050 կՎտ-ը:
88.3. Այն դեպքում, երբ ԻԷԱ-ն ունի մեկից ավելի էլեկտրական էներգիա արտադրող տեղակայանք (անկախ դրանց գտնվելու վայրից և միացման կետերի քանակից), իրավունք ունի կնքել մեկ միասնական Փոխհոսքերի պայմանագիր կամ յուրաքանչյուր արտադրության համակարգի համար` առանձին Փոխհոսքերի պայմանագիր:
88.4. Փոխհոսքերի պայմանագիր կնքելու նպատակով Սպառողը դիմում է Երաշխավորված մատակարարին` կից ներկայացնելով`
1) Սպառողի Հաշվառման քարտի համարը,
2) Էներգաարտադրող տեղակայանքի դրվածքային հզորությունը,
3) Էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու դեպքում` արտադրության և սպառման բոլոր կետերում Հաշվառման քարտերի համարները,
4) Ինքնավար խումբ ստեղծելու դեպքում` նաև`
ա. Ինքնավար խմբի մասնակից դառնալու ցանկություն հայտնած Սպառողի Հաշվառման քարտի համարը,
բ. սույն ենթակետի «ա» մասում նշված Սպառողի գրավոր համաձայնությունը Ինքնավար խմբում ներառվելու մասին:
88.5. ԻԷԱ-ն Փոխհոսքերի պայմանագիր կնքելուց հետո իրավունք ունի`
1) Էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու, էլեկտրական էներգիայի արտադրության և սպառման նոր կետ ավելացնելու` այդ նպատակով Երաշխավորված մատակարարին ներկայացված դիմումին կից ապահովելով ԷՄԱ կանոնների 88.4 կետի 3-րդ ենթակետով պահանջվող տեղեկատվությունը.
2) Ինքնավար խումբ ստեղծելու կամ խմբում նոր մասնակից ընդգրկելու` այդ նպատակով Երաշխավորված մատակարարին ներկայացված դիմումին կից ապահովելով ԷՄԱ կանոնների 88.4 կետի 4-րդ ենթակետում նշված տեղեկատվությունը.
3) Ինքնավար խմբի գործունեությունը դադարեցնելու` այդ մասին համապատասխան դիմումով ծանուցելով Երաշխավորված մատակարարին: Ինքնավար խմբի գործունեությունը համարվում է դադարեցված ծանուցումն ստանալուց 5 աշխատանքային օր հետո:
88.6. ԷՄԱ կանոնների 88.4 կամ 88.5 կետերով սահմանված դիմումներն ստանալուց հետո 5 աշխատանքային օրվա ընթացքում Երաշխավորված մատակարարը`
1) ստուգում է ինքնավար էներգաարտադրության կետում դարձափոխիչային հաշվիչի առկայությունը և էներգաարտադրող տեղակայանքի հզորության համապատասխանությունը ԷՄԱ կանոնների 88.2 կետով սահմանված պահանջներին.
2) ստուգում է ներկայացված փաստաթղթերի համապատասխանությունը 88.4 կամ 88.5 կետերով սահմանված պահանջներին.
3) սույն կետի 1-ին և 2-րդ ենթակետերում նշված պահանջներին համապատասխանության դեպքում դիմող անձին է ներկայացնում Փոխհոսքերի պայմանագիր կնքելու առաջարկ` 88.4 կետով սահմանված դեպքում, կամ Փոխհոսքերի պայմանագրում փոփոխություն կատարելու վերաբերյալ համաձայնագիր` 88.5 կետով սահմանված դեպքում` իր կողմից ստորագրված պայմանագրի (համաձայնագրի) 2 օրինակի հետ միասին, իսկ անհամապատասխանություններ հայտնաբերելու դեպքում մերժում դիմումները` նշելով հիմքերը:
88.7. Դիմող անձը ԷՄԱ կանոնների 88.6 կետի 3-րդ ենթակետի համաձայն առաջարկն ստանալու պահից` եռօրյա ժամկետում, դրան համաձայն լինելու դեպքում իր կողմից ստորագրված պայմանագրի (համաձայնագրի) մեկ օրինակը ներկայացնում է Երաշխավորված մատակարարին: Սույն կետում նշված առաջարկը ստանալու պահից` 10 օրվա ընթացքում, իր կողմից ստորագրված պայմանագրի (համաձայնագրի) մեկ օրինակը Երաշխավորված մատակարարին փաստացի չհանձնելը համարվում է ԷՄԱ կանոնների 88.4 կամ 88.5 կետերով սահմանված դիմումից դիմող անձի հրաժարում:
88.8. Էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու դեպքում ԻԷԱ-ի սպառած էլեկտրական էներգիա է համարվում ԻԷԱ-ի արտադրության և սպառման բոլոր կետերում սպառված էլեկտրական էներգիայի քանակը, իսկ ԻԷԱ-ի մատակարարած էլեկտրական էներգիա է համարվում իր արտադրության բոլոր կետերում մատակարարված էլեկտրական էներգիայի քանակը:
88.9. Ինքնավար խմբում ինքնավար էներգաարտադրության դեպքում Ինքնավար խմբի սպառած էլեկտրական էներգիա է համարվում խմբի բոլոր մասնակիցների սպառած էլեկտրական էներգիայի քանակը, իսկ մատակարարած էլեկտրական էներգիա է համարվում խմբի բոլոր ԻԷԱ-ների մատակարարած էլեկտրական էներգիայի քանակը:
88.10. Ինքնավար խմբի մասնակից դառնալու դեպքում ԻԷԱ-ի` ԷՄԱ կանոնների 88.5 կետի 2-րդ ենթակետում սահմանված իրավունքները դադարում են, իսկ վերջինիս կողմից ստեղծված Ինքնավար խմբի գործունեությունը համարվում է դադարեցված:
88.11. Ինքնավար խումբ ստեղծում է ԻԷԱ-ն:
88.12. Ինքնավար խմբի մասնակիցների հարաբերությունները չեն կարգավորվում:
88.13. Սպառողն իր յուրաքանչյուր միացման կետի մասով կարող է միաժամանակ ընդգրկված լինել միայն մեկ Ինքնավար խմբում:
88.14. Ինքնավար խմբում մասնակիցների փոփոխությունները կատարվում են տարեկան ոչ ավելի, քան մեկ անգամ և ուժի մեջ են մտնում ԷՄԱ կանոնների 88.7 կետում նշված` ԻԷԱ-ի Փոխհոսքերի պայմանագրում փոփոխություններ կատարելու մասին համաձայնագրի կնքմանը հաջորդող հաշվարկային ամսվա սկզբին:
88.15. Ինքնավար խմբի մասնակիցների միջև` ինքնավար էներգաարտադրության շրջանակում Երաշխավորված մատակարարին մատակարարված և Ինքնավար խմբի սպառած էլեկտրական էներգիայի քանակությունների բացասական տարբերության դեպքում այդ էլեկտրական էներգիան խմբի մասնակիցների միջև բաշխվում է ամսական կտրվածքով` Ինքնավար խմբի մասնակիցների սպառման ծավալների համամասնությամբ:
88.16. Սույն գլխի իմաստով հաշվարկային տարի է համարվում յուրաքանչյուր օրացուցային տարվա մայիսի 1-ից մինչև հաջորդող օրացուցային տարվա ապրիլի 30-ը ներառյալ ժամանակահատվածը:
88.17. Ամսական կտրվածքով Երաշխավորված մատակարարը հաշվարկում է`
1) ԻԷԱ-ի կամ Ինքնավար խմբի մատակարարած (ներառյալ` նախորդող ամիսներից կուտակված դրական փոխհոսքը) էլեկտրական էներգիայի քանակը` ցերեկային և գիշերային սակագնի համար Հանձնաժողովի սահմանած ժամանակահատվածների արդյունքներով.
2) ԻԷԱ-ի կամ Ինքնավար խմբի սպառած էլեկտրական էներգիայի քանակը` ցերեկային և գիշերային սակագնի համար Հանձնաժողովի սահմանած ժամանակահատվածում,
3) ԻԷԱ-ի կամ Ինքնավար խմբի մատակարարած և սպառած էլեկտրական էներգիայի քանակների տարբերությունները ցերեկային (այսուհետ` ցերեկային փոխհոսք) և գիշերային (այսուհետ` գիշերային փոխհոսք) սակագնի համար Հանձնաժողովի սահմանած ժամանակահատվածների համար և վերջիններիս հանրագումարը (այսուհետ` փոխհոսք): Ցերեկային կամ գիշերային փոխհոսքի բացասական մեծության դեպքում նախորդող ամիսներից կուտակված դրական փոխհոսքը հաշվանցվում է նախ` ցերեկային փոխհոսքին, այնուհետև` գիշերային փոխհոսքին:
88.18. Փոխհոսքի դրական մեծության դեպքում այդ էլեկտրական էներգիան հաշվի է առնվում ԻԷԱ-ի, իսկ Ինքնավար խմբի դեպքում` խումբը ստեղծող ԻԷԱ-ի Հաշվառման քարտում և գումարվում հաջորդող ամսում ԻԷԱ-ի, իսկ Ինքնավար խմբի դեպքում` խմբի մատակարարած էլեկտրական էներգիայի քանակին:
88.19. Փոխհոսքի բացասական մեծության դեպքում այդ էլեկտրական էներգիայի համար ԻԷԱ-ն, իսկ Ինքնավար խմբի դեպքում` խմբի մասնակիցը Երաշխավորված մատակարարին վճարում է տվյալ սպառողական խմբի համար Հանձնաժողովի սահմանած սակագնով` ԷՄԱ կանոնների 88.21 կետով սահմանված կարգով:
88.20. Ինքնավար խմբի մասնակցի դեպքում վերջինիս կողմից վճարման ենթակա փոխհոսքի բացասական մեծությունը հաշվարկվում է ԷՄԱ կանոնների 88.15 կետով սահմանված սկզբունքով:
88.21. Փոխհոսքի բացասական մեծության դեպքում այդ էլեկտրական էներգիայի համար ԻԷԱ-ն, իսկ Ինքնավար խմբի դեպքում` Ինքնավար խմբի մասնակիցը վճարում են`
1) ցերեկային սակագնի և փոխհոսքի բացասական մեծության բացարձակ արժեքի արտադրյալով` ցերեկային փոխհոսքի բացասական և գիշերային փոխհոսքի դրական մեծությունների դեպքում,
2) գիշերային սակագնի և փոխհոսքի բացասական մեծության բացարձակ արժեքի արտադրյալով` ցերեկային փոխհոսքի դրական և գիշերային փոխհոսքի բացասական մեծությունների դեպքում,
3) ցերեկային սակագնի և ցերեկային փոխհոսքի բացասական մեծության բացարձակ արժեքի արտադրյալով և գիշերային սակագնի և գիշերային փոխհոսքի բացասական մեծության բացարձակ արժեքի արտադրյալով` ցերեկային և գիշերային փոխհոսքերի բացասական մեծությունների դեպքում:
88.22. ԷՄԱ կանոնների 88.8 և 88.9 կետերում նշված դեպքերում էլեկտրական էներգիայի բաշխման ծառայության համար վճարվում է ԷՄԱ կանոնների 81.1 կետով սահմանված կարգով, անկախ Հաշվարկային ամսվա արդյունքներով արձանագրված` փոխհոսքի դրական կամ բացասական մեծություններից:
88.23. Հաշվարկային տարվա առաջին ամսվա համար ԷՄԱ կանոնների 88.17 կետում նշված` նախորդող ամիսներից կուտակված դրական փոխհոսքի մեծությունը ընդունվում է հավասար զրոյի:
88.24. Հաշվարկային տարվա վերջին ամսվա արդյունքներով առաջացած (ներառյալ` նախորդող ամիսներից կուտակված) փոխհոսքերի դրական տարբերության համար Երաշխավորված մատակարարը ԻԷԱ-ին, իսկ Ինքնավար խմբի դեպքում` խումբը ստեղծած ԻԷԱ-ին, որպես հատուցում, վճարում է էլեկտրաէներգետիկական մեծածախ շուկայի մասնակիցների կողմից հաշվեկշռման շուկայում անհաշվեկշռույթների արդյունքով առաջացած էլեկտրական էներգիայի վաճառքի տարեկան նվազագույն գնով:
88.25. Հաշվարկային տարվա ավարտից հետո, ԷՄԱ կանոնների 88.24 կետում նշված հատուցումն ստանալու համար ԻԷԱ-ն, իսկ Ինքնավար խմբի դեպքում` խումբը ստեղծող ԻԷԱ-ն և Երաշխավորված մատակարարը, օրենսդրությամբ սահմանված կարգով կազմում են հաշվարկային փաստաթուղթ: Հաշվարկային փաստաթղթի հիման վրա հատուցվող գումարը փոխանցվում է ԻԷԱ-ի, իսկ Ինքնավար խմբի դեպքում` խումբը ստեղծած ԻԷԱ-ի` Փոխհոսքերի պայմանագրում ամրագրված բանկային հաշվեհամարին` մինչև հաշվարկային տարվան հաջորդող հուլիսի 1-ը:».
i
19) Հավելվածի 89-րդ կետում «մատակարարված էլեկտրական էներգիայի,» բառերից հետո լրացնել «ԻԷԱ-ն և Ինքնավար խմբի մասնակիցը` էլեկտրաէներգետիկական համակարգի մեկ կամ ավելի կետերում էլեկտրական էներգիա արտադրելու և տարբեր կետերում սպառելու դեպքում` նաև մատուցված բաշխման ծառայության,» բառերը.
i
20) Հավելվածի 94-րդ և 96-րդ կետերում «ինքնավար էներգաարտադրող» բառերը բոլոր հոլովաձևերով փոխարինել «ԻԷԱ» բառով` համապատասխան հոլովաձևերով, իսկ 94-րդ կետի 4-րդ ենթակետում «Էլեկտրական էներգիայի մատակարարման և հատուցման (Ինքնավար էներգաարտադրող-Բաշխող)» բառերը` «Փոխհոսքերի» բառով.
21) Հավելվածը լրացնել հետևյալ բովանդակությամբ 97.1 կետով.
«97.1. ԻԷԱ-ի և Ինքնավար խմբի դեպքում ԷՄԱ կանոնների 17-րդ գլխի համաձայն կատարված վերահաշվարկի արդյունքներն արտացոլվում են 15.1-րդ գլխով սահմանված` ինքնավար էներգաարտադրության շրջանակում հատուցման հարաբերություններին առնչվող հաշվարկներում:».
22) Հավելվածը լրացնել հետևյալ բովանդակությամբ 104.1 կետով.
«104.1. Սպառողի սպառած էլեկտրական էներգիայի միջին ամսական արժեքն ընդունվում է հավասար` սույն գլխում նշված խախտման հայտնաբերմանը նախորդող 12 օրացուցային ամիսներին Սպառողի սպառած էլեկտրական էներգիայի արժեքի և նույն ժամանակահատվածում ծախս ունեցած ամիսների քանակի քանորդին, իսկ եթե այդ ժամանակահատվածում ծախս չի ունեցել, ապա խախտման հայտնաբերմանը նախորդող ծախս ունեցած Հաշվարկային ամսում սպառած էլեկտրական էներգիայի արժեքին:».
23) Ուժը կորցրած ճանաչել Հավելվածի N 2 հավելվածը:
2. Սահմանել, որ 2022 թվականի հունվարի 1-ից մինչև ապրիլի 30-ը ներառյալ ժամանակահատվածում իրականացված էլեկտրական էներգիայի փոխհոսքերի շրջանակում ինքնավար էներգաարտադրողներին հատուցում տրամադրելու վերջնաժամկետը մինչև 2022 թվականի հուլիսի 1-ն է:
3. Սույն որոշումն ուժի մեջ է մտնում 2022 թվականի մայիսի 1-ից:
|
Հայաստանի Հանրապետության հանրային
ծառայությունները կարգավորող
հանձնաժողովի նախագահ`
ք. Երևան
20 ապրիլի 2022 թ. |
Գ. Բաղրամյան |
Պաշտոնական հրապարակման օրը` 3 մայիսի 2022 թվական: