040.0676.030602
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 հունիսի 2002 թվականի N 676
ՀՈՂԸ ՎԵՐՑՆԵԼՈՒ ՄԱՍԻՆ
i
Հայաստանի Հանրապետության հողային օրենսգրքի 2-րդ հոդվածի 2-րդ կետին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության Կոտայքի մարզի տեխնիկական մշակաբույսերի գիտահետազոտական կայանի` Երևան-Սևան մայրուղու ձախ կողմում գտնվող «Արծիվ» հուշարձանից մինչև Աբովյան-Նոր Գեղի խճուղու միջև ընկած հողային տարածքից 66,5 հեկտարը, որից` 46,5 հեկտար գյուղատնտեսական նշանակության հողեր, այդ թվում` 26,0 հեկտար վարելահող, 10,3 հեկտար արոտավայր, 10,2 հեկտար այլ հողատեսքեր, 20,0 հեկտար արդյունաբերության, ընդերքօգտագործման և այլ արտադրական նշանակության հողեր` հետ վերցնել ու ընդգրկել Հայաստանի Հանրապետության Կոտայքի մարզի Գետամեջի գյուղական համայնքի վարչական տարածքի սահմաններում (սխեման կցվում է):
2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` Հայաստանի Հանրապետության Կոտայքի մարզի Գետամեջի գյուղական համայնքի վարչական սահմանների նկարագրման և քարտեզագրման աշխատանքներն իրականացնելիս հիմք ընդունել սույն որոշման 1-ին կետով նախատեսված փոփոխությունները` դրանք «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքի համապատասխան հավելվածում ընդգրկելու նպատակով:
3. Սույն որոշումն ուժի մեջ է մտնում 2002 թվականի հունիսի 3-ից:
ՀԱՏԱԿԱԳԻԾ
ՀՀ ԿՈՏԱՅՔԻ ՄԱՐԶԻ ՏԵԽՆԻԿԱԿԱՆ ՄՇԱԿԱԲՈՒՅՍԵՐԻ ԳԻՏԱՀԵՏԱԶՈՏԱԿԱՆ ԿԱՅԱՆԻ ՀՈՂԵՐԻՑ ԳԵՏԱՄԵՋԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՏԱՐԱԾՔՈՒՄ ԸՆԴԳՐԿՄԱՆ
--------------------------------
ԻՐՏԵԿ - սխեման չի բերվում