ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏԱՐԱԾՔՆԵՐ ՀԱՆՁՆԵԼ ...

040.0378.110414

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

10 ապրիլի 2014 թվականի N 378-Ա

ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏԱՐԱԾՔՆԵՐ ՀԱՆՁՆԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 685-րդ հոդվածով և Հայաստանի Հանրապետության կառավարության 2011 թվականի փետրվարի 17-ի N 304-Ն որոշմամբ հաստատված կարգի 5-րդ կետով սահմանված դրույթները` Հայաստանի Հանրապետության կառավարությունը որոշում է.

1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված Երևան քաղաքի Արշակունյաց 2ա և Իսահակյան 28 հասցեներում գտնվող շենքերից անհատույց օգտագործման իրավունքով տարածքներ հանձնել սույն որոշման հավելվածում նշված հասարակական կազմակերպություններին (այսուհետ` Կազմակերպություններ) իրենց կողմից ներկայացված ծրագրերով նախատեսված աշխատանքների իրականացման նպատակով` ծրագրերով սահմանված ժամկետներով:

2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո, Կազմակերպությունների հետ կնքել սույն որոշման հավելվածում նշված տարածքների անհատույց օգտագործման մասին պայմանագրեր (այսուհետ` պայմանագրեր)` պայմանագրերում նախատեսելով, որ`

1) Կազմակերպությունները պարտավոր են իրենց կողմից ներկայացված ծրագրերով նախատեսված աշխատանքների կատարումը հավաստող համապատասխան փաստաթղթերը ներկայացնել Հայաստանի Հանրապետության կառավարությանն առընթեր պետական գույքի կառավարման վարչություն` յուրաքանչյուր կիսամյակի ավարտից հետո 15-օրյա ժամկետում,

2) սույն որոշման 2-րդ կետի 1-ին ենթակետում նշված փաստաթղթերը սահմանված ժամկետում չներկայացնելու դեպքում Կազմակերպությունների հետ կնքված անհատույց օգտագործման պայմանագրերը ենթակա են լուծման:

3. Սահմանել, որ պայմանագրերից ծագող գույքային իրավունքների պետական գրանցման ծախսերը ենթակա են իրականացման Կազմակերպությունների միջոցների հաշվին:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ

ՊԱՇՏՈՆԱԿԱՏԱՐԻ ԿՈՂՄԻՑ 2014 ԹՎԱԿԱՆԻ ԱՊՐԻԼԻ 11-ԻՆ

Հավելված

ՀՀ կառավարության

2014 թվականի ապրիլի 10-ի

N 378-Ա որոշման

ՑԱՆԿ

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՀԱՆՁՆՎՈՂ ՏԱՐԱԾՔՆԵՐԻ

._____________________________________________________________________.

|NN |Հասարակական     |Հասցեն     |Հարկը|Մակերեսը|Գնահատված|Օգտագործման|

|ը/կ|կազմակերպության |           |     |(քառ.   |արժեքը   |տրամադրման |

|   |անվանումը       |           |     |մետր)   |(դրամ)   |ժամկետը    |

|___|________________|___________|_____|________|_________|___________|

|1. |«Մամուլի ազգային|ք. Երևան,  |10-րդ|84.1    |35017 000|մինչև  2027|

|   |ակումբ»         |Արշակունյաց|     |        |         |թվականի    |

|   |                |պողոտա 4   |     |        |         |դեկտեմբերի |

|   |                |           |     |        |         |31-ը       |

|___|________________|___________|_____|________|_________|___________|

|2. |«Հայկական կարմիր|ք. Երևան,  |1-ին |27.2    |19241 000|10 տարի    |

|   |խաչի            |Իսահակյան  |     |        |         |           |

|   |ընկերություն»   |28 շենք,   |     |        |         |           |

|   |                |թիվ 3      |     |        |         |           |

|   |                |շինություն |     |        |         |           |

|___|________________|___________|_____|________|_________|___________|

|3. |«Տնտեսական      |ք. Երևան,  |8-րդ |20      |8 850 000|10 տարի    |

|   |լրագրողների     |Արշակունյաց|     |        |         |           |

|   |ակումբ»         |պողոտա 4   |     |        |         |           |

._____________________________________________________________________.

(հավելվածը փոփ. 21.08.14 թիվ 866-Ա, 03.12.2020 թիվ 1951-Ա, 20.10.2022 թիվ 1612-Ա որոշումներ)