040.0835.220602
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«22» հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 հունիսի 2002 թվականի N 835-Ա
i
«ԱԳԱՐԱԿ» ՊԱՏՄԱՄՇԱԿՈՒԹԱՅԻՆ ԱՐԳԵԼՈՑՆ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐԵԼՈՒ ՄԱՍԻՆ
Համաձայն «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» Հայաստանի Հանրապետության օրենքի 39-րդ հոդվածի և Հայաստանի Հանրապետության քաղաքացիական օրենսգրքի 685-699-րդ հոդվածների` Հայաստանի Հանրապետության կառավարությունը որոշում է.
1. «Ագարակ» պատմամշակութային արգելոցի համալիրը` արգելոցի հեռանկարային զարգացման ծրագրով նախատեսված աշխատանքների փուլ առ փուլ իրականացման համար անհրաժեշտ տարածքով, անհատույց օգտագործման տրամադրել «Ագարակ» գիտահետազոտական կենտրոն» հիմնադրամին:
2. Հիմնադրամն իրավունք ունի արգելոցն օգտագործելու բացառապես արգելոցի տարածքում եղած հուշարձանների ուսումնասիրման, դրանց գիտական, պատմական և մշակութային դերի արժեվորման, փաստագրման ու հետագա ուսումնասիրությունների ընթացքում հայտնաբերված արժեքների պահպանության, թանգարանացման և գիտաճանաչողական նպատակներով ու «Ագարակ» պատմամշակութային արգելոցի գործունեության և հեռանկարային զարգացման ծրագրին համապատասխան:
3. Հայաստանի Հանրապետության մշակույթի, երիտասարդության հարցերի և սպորտի նախարարին` մեկամսյա ժամկետում` Հայաստանի Հանրապետության օրենքով սահմանված կարգով ապահովել համապատասխան պայմանագրի կնքումը «Ագարակ գիտահետազոտական կենտրոն» հիմնադրամի հետ` այն նախապես համաձայնեցնելով Հայաստանի Հանրապետության արդարադատության նախարարի հետ, և արգելոցի գույքային իրավունքների պետական գրանցումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒՆԻՍԻ 17-ԻՆ