ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՈՐՈՇՈՒՄԸ
«ԲՌՆԱԴԱՏՎԱԾՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ ԿԻՐԱՐԿԵԼՈՒ ՄԱՍԻՆ
Հայաստանի Հանրապետության Գերագույն խորհուրդը որոշում է.
i
1. «Բռնադատվածների մասին» Հայաստանի Հանրապետության օրենքը կիրարկել այն հրապարակելու պահից երկու ամիս անց:
2. Հայաստանի Հանրապետության Գերագույն խորհրդի մարդու իրավունքների և ազգությունների հարցերի մշտական հանձնաժողովին`
«Բռնադատվածների մասին» Հայաստանի Հանրապետության օրենքի հրապարակման պահից մեկամսյա ժամկետում Հայաստանի Հանրապետության Գերագույն խորհուրդ առաջարկություն ներկայացնել Հայաստանի Հանրապետության օրենսդրությունը «Բռնադատվածների մասին» Հայաստանի Հանրապետության օրենքին համապատասխանեցնելու վերաբերյալ:
3. Հայաստանի Հանրապետության կառավարությանը` Բռնադատվածների մասին» Հայաստանի Հանրապետության օրենքի հրապարակման պահից.
i
ա) մեկամսյա ժամկետում սահմանել բռնադատվածի կարգավիճակ ունեցող անձանց համապատասխան վկայական տալու կարգը.
i
բ) երկամսյա ժամկետում համապատասխան իրավական ակտերի ընդունման միջոցով կարգավորել Հայաստանի Հանրապետության նախարարությունների, պետական վարչությունների և իշխանության տեղական մարմինների կողմից «Բռնադատվածների մասին» Հայաստանի Հանրապետության օրենքով բռնադատվածների համար սահմանվող իրավունքների և արտոնությունների իրականացման հետ կապված հարցերը:
25 մայիսի 1994 թվական: