040.1104.030802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 հուլիսի 2002 թվականի N 1104 - Ա
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆԸ ԳՈՒՅՔ ՎԱՃԱՌԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Համաձայն «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 3-րդ հոդվածի 3-րդ կետի «ը» ենթակետի` Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության պետական գույքի կառավարման նախարարությանը Հայաստանի Հանրապետության ազգային անվտանգության նախարարության տնօրինության` Սևան-Ճամբարակ ճանապարհահատվածում գտնվող հանգստյան տան գույքը (այսուհետ` գույք) ուղղակի վաճառքի ձևով վաճառել հավանական գնորդ` Հայաստանի Հանրապետության քաղաքացի Գագիկ Մարտիրոսյանին (անձնագիր` N AB 0583093, տրված` 1997 թվականի նոյեմբերի 13-ին, 050 կողմից, հասցե` Հայաստանի Հանրապետություն, Գեղարքունիքի մարզ, քաղ. Սևան, Ձկնորսների փող., տուն 7):
2. Սահմանել գույքի վաճառքի գինը` 15 միլիոն դրամ:
3. Սահմանել, որ գնորդը պարտավոր է`
ա) սույն որոշումն ուժի մեջ մտնելուց հետո 15-օրյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 2-րդ կետում նշված գումարը.
բ) իր միջոցների հաշվին իրականացնել անշարժ գույքի վաճառքից ծագող սեփականության իրավունքի գրանցման հետ կապված վճարներն ու տուրքերը:
4. Հայաստանի Հանրապետության պետական գույքի կառավարման նախարարին` սույն որոշման 3-րդ կետի «ա» ենթակետով նախատեսված վճարման կատարումից հետո 15-օրյա ժամկետում գնորդի հետ կնքել առուվաճառքի պայմանագիր:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒԼԻՍԻ 30-ԻՆ