ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 հունիսի 2023 թվականի N 957-Ն
ԿԵՆՑԱՂԱՅԻՆ ԵՎ ՍԱՆԻՏԱՐԱՀԻԳԻԵՆԻԿ ՆՇԱՆԱԿՈՒԹՅԱՆ ԹՂԹԵ ԵՎ ՔԻՄԻԱԿԱՆ ԹԵԼՔԵՐԻՑ ԱՊՐԱՆՔՆԵՐԻ ԱՆՎՏԱՆԳՈՒԹՅԱՆ ՄԱՍԻՆ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՀՈԿՏԵՄԲԵՐԻ 19-Ի N 1546-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Տեխնիկական կանոնակարգման մասին» օրենքի 8-րդ հոդվածի 1-ին մասի 3-րդ կետի «ա» ենթակետը, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասը` Հայաստանի Հանրապետության կառավարությունը որոշում է.
1. Հաստատել կենցաղային և սանիտարահիգիենիկ նշանակության թղթե և քիմիական թելքերից ապրանքների անվտանգության մասին տեխնիկական կանոնակարգը` համաձայն հավելվածի:
i
2. Ուժը կորցրած ճանաչել Հայաստանի Հանրապետության կառավարության 2006 թվականի հոկտեմբերի 19-ի «Կենցաղային և սանիտարահիգիենիկ նշանակության թղթե և քիմիական թելքերից ապրանքներին ներկայացվող պահանջների տեխնիկական կանոնակարգը հաստատելու մասին» N 1546-Ն որոշումը:
3. Սույն որոշումն ուժի մեջ է մտնում պաշտոնական հրապարակման օրվան հաջորդող 180-րդ օրը:
Հայաստանի Հանրապետության
վարչապետ Ն. Փաշինյան
2023 թ. հունիսի 16
Երևան
Հավելված
ՀՀ կառավարության
2023 թվականի հունիսի 16-ի
N 957-Ն որոշման
ՏԵԽՆԻԿԱԿԱՆ ԿԱՆՈՆԱԿԱՐԳ ԿԵՆՑԱՂԱՅԻՆ ԵՎ ՍԱՆԻՏԱՐԱՀԻԳԻԵՆԻԿ ՆՇԱՆԱԿՈՒԹՅԱՆ ԹՂԹԵ ԵՎ ՔԻՄԻԱԿԱՆ ԹԵԼՔԵՐԻՑ ԱՊՐԱՆՔՆԵՐԻ ԱՆՎՏԱՆԳՈՒԹՅԱՆ ՄԱՍԻՆ
1. ԿԻՐԱՌՄԱՆ ՈԼՈՐՏԸ
1. Կենցաղային և սանիտարահիգիենիկ նշանակության թղթե և քիմիական թելքերից ապրանքների անվտանգության մասին տեխնիկական կանոնակարգի (այսուհետ` տեխնիկական կանոնակարգ) գործողությունը տարածվում է թղթե զանգվածից, թղթից, թաղանթանյութի թելքերի պաստառից, ինչպես նաև քիմիական թելքերից և այլ մանածագործական նյութերից պատրաստված` արտաքին տնտեսական գործունեության ապրանքային անվանացանկի ծածկագրերին համապատասխան հետևյալ ապրանքների վրա`
1) զուգարանի թուղթ 4818 10
2) թաշկինակներ և կոսմետիկ
անձեռոցիկներ կամ դեմքի անձեռոցիկներ և սրբիչներ 4818 20
3) սփռոցներ և անձեռոցիկներ 4818 30 000 0
4) կենցաղային և սանիտարահիգիենիկ նշանակության
այլ արտադրանք 4818 90-ից
5) կանացի հիգիենիկ միջադիրներ և վիրախծուծներ
(տամպոններ) և համանման իրեր` ցանկացած նյութից 9619 00 300 0,
9619 00 400 0,
9619 00 500 0,
9619 00 710,
9619 00 750,
9619 00 790,
9619 00 890:
2. Սույն տեխնիկական կանոնակարգով սահմանվում են սույն որոշման 1-ին կետով սահմանված կենցաղային և սանիտարահիգիենիկ նշանակության թղթե և քիմիական թելքերից ապրանքների (այսուհետ` կենցաղային և սանիտարահիգիենիկ նշանակության ապրանքներ) անվտանգությունը բնութագրող ցուցանիշները, դրանց մակնշմանը, փաթեթավորմանը, պահմանը, փոխադրմանը, շուկայահանմանը ներկայացվող պահանջները և համապատասխանության գնահատման ընթացակարգերը:
3. Կենցաղային և սանիտարահիգիենիկ նշանակության ապրանքները ենթակա են համապատասխանության պարտադիր հավաստման:
2. ՀԱՍԿԱՑՈՒԹՅՈՒՆՆԵՐԸ
4. Սույն տեխնիկական կանոնակարգում կիրառվում են հետևյալ հասկացությունները`
1) անհատական փաթեթվածք` մեկ առանձին միջադիրի, փաթեթավորված փաթեթ.
2) թաղանթանյութ` թելքավոր կիսապատրաստվածք, որն ստացվում է քիմիկատների լուծույթների հետ բուսական հումքի եփման միջոցով, որի արդյունքում հեռացվում է ոչ թաղանթանյութային բաղադրիչների մեծ մասը` լիգնին, կիսաթաղանթանյութ, լուծամզուքային նյութեր.
3) թուղթ` նյութ, որի 1 մ2 մակերեսի զանգվածը չի գերազանցում 230 գ-ը, հիմնականում բաղկացած է մակերևութային շաղկապման ուժով իրար կապված բուսական թելքերից և կարող է պարունակել սոսնձապատման նյութեր, հանքային լցանյութեր, քիմիական և բնական թելքեր, պիգմենտներ և ներկանյութեր.
4) կանացի հիգիենիկ միջադիր` մեկանգամյա օգտագործման բազմաշերտ ներծծող ապրանք, որը նախատեսված է կանանց արտաքին արտազատումների ներծծման և պահման համար.
5) հատուկ բաղադրիչ` նյութ, որը նախատեսված է կենցաղային և սանիտարահիգիենիկ նշանակության ապրանքներին հիմնական գործառական հատկություններից բացի լրացուցիչ հատկություններով (հակամանրէային, հոտը կլանող և այլն) օժտելու համար:
3. ՇՈՒԿԱՅԱՀԱՆՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ
5. Հայաստանի Հանրապետության տարածքում կենցաղային և սանիտարահիգիենիկ նշանակության ապրանքների իրացման ժամանակ պետք է պահպանվեն համապատասխանության պարտադիր հավաստման ենթակա արտադրանքի նկատմամբ սույն տեխնիկական կանոնակարգով սահմանված պահանջները:
6. Հայաստանի Հանրապետության տարածքում համապատասխանության պարտադիր հավաստման ենթակա և շրջանառության մեջ գտնվող կենցաղային և սանիտարահիգիենիկ նշանակության ապրանքները պետք է ուղեկցվեն համապատասխանության նշանի մակնշմամբ, համապատասխանության սերտիֆիկատով կամ գրանցված համապատասխանության հայտարարագրով:
4. ԱՆՎՏԱՆԳՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ
7. Կենցաղային և սանիտարահիգիենիկ նշանակության ապրանքների պատրաստման համար օգտագործվող թուղթը, թաղանթանյութը, թղթի զանգվածը, թաղանթանյութի բամբակը, մանածագործական նյութերը, պոլիմերային թաղանթները, քիմիական թելքերը, մանածագործական և դրանց հետ խառնվող թղթի և ստվարաթղթի թափոնը, ինչպես նաև ներկանյութերը, բուրավետիչ և (կամ) տարբեր բաղադրիչներով (հականեխիչ, ախտահանիչ, լվացող և այլն) տոգորման նյութերը, տպագրական ներկերը, սոսինձները և կլանող (աբսորբող) նյութերը պետք է համապատասխանեն Հայաստանի Հանրապետության կառավարության 2019 թվականի օգոստոսի 1-ի N 1009-Ն որոշման N 10 հավելվածով սահմանված պահանջներին:
8. Կենցաղային և սանիտարահիգիենիկ նշանակության ապրանքների անվտանգության հիգիենիկ ցուցանիշները, այդ թվում` ջրային միջավայր արտազատվող վնասակար նյութերի թույլատրելի քանակությունները պետք է համապատասխանեն N 1 աղյուսակով սահմանված պահանջներին, իսկ կանացի հիգիենիկ միջադիրների, վիրախծուծների (տամպոններ) գործառական ցուցանիշները պետք է համապատասխանեն N 2 աղյուսակով սահմանված պահանջներին:
Աղյուսակ N 1
Կենցաղային և սանիտարահիգիենիկ նշանակության ապրանքների
անվտանգության հիգիենիկ ցուցանիշները, այդ թվում` ջրային միջավայր
արտազատվող վնասակար նյութերի թույլատրելի քանակությունները
._________________________________________________________________________.
|Ցուցանիշի անվանումը |Ցուցանիշի արժեքն ըստ արտադրանքի տեսակի |
| |_______________________________________________|
| |թղթե |խոհանոցային |կանացի հիգիենիկ |
| |անձեռոցիկ- |թղթե |միջադիրներ, |
| |ներ, |սրբիչներ |վիրախծուծներ |
| |թաշկինակներ,|և |(տամպոններ) |
| |զուգարանի |սպասքավորման |____________________|
| |թուղթ |անձեռոցիկներ,|ամեն-|կրիտի-|գիշերա-|
| |(միաշերտ կամ|սփռոցներ |օրյա |կական |յին և |
| |բազմաշերտ) | | |օրերի |առատ |
| |և այլ թղթե | | |համար |արտա- |
| |արտադրատե- | | | |զատման |
| |սակներ | | | |դեպքում|
|_________________________|____________|_____________|_____|______|_______|
| 1 | 2 | 3 | 4 | 5 | 6 |
|_________________________|__________________________|____________________|
|1. Ջրային լուծամզուքի pH |4,5-8,5 |ջրային լուծույթի |
| | |pH-ի փոփոխությունը |
| | |+ 1-ից ոչ ավելի |
|_________________________|__________________________|____________________|
|2. Հիգիենիկ ցուցանիշները`|թափանցիկ հեղուկ` առանց |թափանցիկ հեղուկ` |
|2.1. Ջրային |պղտորության, նստվածքի և |առանց պղտորության և |
|լուծամզուքի` արտաքին |գունավորման |նստվածքի |
|տեսքը |- |1 |
|հոտը, բալլ, ոչ ավելի | | |
|թթվայնացումը (օրգանական | | |
|նյութերի ընդհանուր | | |
|քանակը), | | |
|մգ O2/դմ3, ոչ ավելի |1 |10,0 |
| |- | |
|_________________________|__________________________|____________________|
|2.2. Ջրային միջավայր | | |
|արտազատվող վնասակար | | |
|նյութերի քանակությունը, | | |
|մգ/դմ3, ոչ ավելի` | | |
|ֆորմալդեհիդ | | |
| |0,100 |0,100 |
| |__________________________|____________________|
| |- |0,030 |- |
|կապար (Pb) | | | |
|ցինկ (Zn) |- |0,100 |- |
|քրոմ (Cr6), |- |0,100 |- |
|քրոմ (Cr3) | |(գումարային) | |
|_________________________|__________________________|____________________|
| |Գունավորման համար ներկեր | | |
| |օգտագործելու դեպքում | | |
|_________________________|__________________________|____________________|
|կապույտ |0,100 |- |
|կոբալտ (Co) | | |
| | | |
|դեղին | | |
|քրոմ (Cr6), |0,100 (գումարային) |- |
|քրոմ (Cr3) | |- |
| | | |
|կադմիում (Cd) |0,001 | |
|_________________________|__________________________|____________________|
|պղինձ (Cu) |1,000 |- |
| | | |
|կարմիր | |- |
|մանգան (Mn) |0,100 | |
| | | |
|կանաչ | | |
| | | |
|պղինձ (Cu) |1,000 |- |
|քրոմ (Cr6), |0,100 (գումարային) | |
|քրոմ (Cr3) | | |
|մանգան (Mn) |0,100 |- |
| | | |
|սև, վարդագորշագույն, | | |
|վարդագույն | | |
| | | |
|կոբալտ (Co) |0,100 |- |
| | | |
|պղինձ (Cu) |1,000 |- |
| | | |
|երկնագույն | | |
|պղինձ (Cu) |1,000 |- |
|գորշագույն | | |
|երկաթ (Fe) |0,300 |- |
| | | |
|2.3. Ջրային լուծամզուքի |70-ից մինչև 120 |70-ից մինչև 120 |
|թունավորության ցուցիչը, %| | |
|_________________________|__________________________|____________________|
|3. Մաշկագրգռիչ |- |0 |
|ազդեցությունները, բալլ, | | |
|ոչ ավելի | | |
|_________________________|__________________________|____________________|
|4. Զգայունացնող |- |Բացակայում են |
|ազդեցությունները | | |
|_________________________|__________________________|____________________|
|5. Մանրէաբանական |1 x 10(3) |1 x 10(2) |
|ցուցանիշները` | | |
|մանրէազերծված կենցաղային | | |
|և սանիտարահիգիենիկ | | |
|նշանակության ապրանքների` | | |
|5.1. Մեզոֆիլ աերոբ և | | |
|ֆակուլտատիվ անաերոբ | | |
|մանրէների ընդհանուր | | |
|քանակությունը (ՄԱՖԱՄ), | | |
|ԳԱՄ/գ, ոչ ավելի | | |
| | | |
|5.2. Էնտերոբակտեր |Բացակայում է |Բացակայում է |
|(Enterobacteriaceae) ցեղի| | |
|մանրէներ | | |
| | | |
|5.3. Ախտածին ստաֆիլակոկեր|Բացակայում է |Բացակայում է |
|(Staphylococcus aureus) | | |
| | | |
|5.4. Պսևդոմոնա |Բացակայում է |Բացակայում է |
|աերոգինոզա (Pseudomonas | | |
|aeruginose) | | |
| | | |
|5.5. Խմորասնկեր և |1 x 10(2) |Բացակայում է |
|բորբոսասնկեր | | |
._________________________________________________________________________.
Աղյուսակ N 2
._________________________________________________________________________.
|Արտադրանքի տեսակը |Ցուցանիշի անվանումը և նորմը |
| |_________________________________________|
| |լրիվ |ներծծման |հակադարձ |
| |խոնավակլանումը,|ժամանակը, |մակակլանումը,|
| |գ, ոչ պակաս |վ, ոչ ավելի|գ |
|_______________________________|_______________|___________|_____________|
| 1 | 2 | 3 | 4 |
|_________________________________________________________________________|
|Կանացի հիգիենիկ միջադիրներ, վիրախծուծներ (տամպոններ) |
|_________________________________________________________________________|
|Ամենօրյա` | | | |
|1-ին դասի | | | |
|2-րդ դասի |8,5 |- |- |
|Կրիտիկական օրերի համար` |4,0 |- |- |
|1-ին դասի` | | | |
|միջին խոնավակլանմամբ |50,0 |7,0 |- |
|բարձր խոնավակլանմամբ |55,0 |6,0 |- |
|2-րդ դասի` | | | |
|միջին խոնավակլանմամբ |44,0 |7,0 |- |
|բարձր խոնավակլանմամբ |47,0 |7,0 |- |
|_______________________________|_______________|___________|_____________|
|Գիշերային և առատ արտազատման | | | |
|դեպքում` | | | |
|1-ին դասի` | | | |
|միջին խոնավակլանմամբ |65,0 |7,0 |- |
|բարձր խոնավակլանմամբ |70,0 |6,0 |- |
|2-րդ դասի` | | |- |
|միջին խոնավակլանմամբ |60,0 |7,0 | |
._________________________________________________________________________.
5. ԿԵՆՑԱՂԱՅԻՆ ԵՎ ՍԱՆԻՏԱՐԱՀԻԳԻԵՆԻԿ ՆՇԱՆԱԿՈՒԹՅԱՆ ԱՊՐԱՆՔՆԵՐԻ ՄԱԿՆՇՈՒՄԸ
9. Կենցաղային և սանիտարահիգիենիկ նշանակության ապրանքների յուրաքանչյուր միավորի փաթեթվածքի կամ փաթեթվածքի և (կամ) դրան ամրացված պիտակի վրա պետք է լինի հետևյալ մակնշվածքը`
1) արտադրանքի անվանումը, մակնիշը (առկայության դեպքում).
2) արտադրող երկրի անվանումը.
3) արտադրող կազմակերպության անվանումը, գտնվելու վայրը.
4) կանացի հիգիենիկ միջադիրների և վիրախծուծների համար` տեխնիկական կառուցվածքի տարբերակիչ բնութագրերը.
5) արտադրանքի անվանական չափերը (գլանափաթեթի երկարությունը և լայնությունը, թերթի չափերը կամ մակերեսը).
6) տեղեկատվություն հատուկ բաղադրիչների առկայության մասին.
7) փաթեթվածքում ապրանքների քանակը.
8) պատրաստման ամիսը, տարեթիվը, իսկ մանրէազերծված կենցաղային և սանիտարահիգիենիկ նշանակության ապրանքների համար` մանրէազերծման օրը, ամիսը, տարեթիվը.
9) «Կոյուղի չնետել» բառերը.
10) տոգորող լուծույթի կամ պատվածքի (առկայության դեպքում) բաղադրությունը.
11) օգտագործման ցուցումները.
12) մանրէազերծված կենցաղային և սանիտարահիգիենիկ նշանակության ապրանքների համար լրացուցիչ պետք է նշել «Չօգտագործել անհատական փաթեթվածքի խախտման դեպքում» բառերը, իսկ ճառագայթումային մեթոդով մանրէազերծման դեպքում` «Մանրէազերծված է ճառագայթումային մեթոդով» բառերը.
13) կանացի հիգիենիկ միջադիրների համար լրացուցիչ կարող են նշված լինել N 3 աղյուսակով սահմանված խոնավակլանման գրաֆիկական պայմանական նշանները:
Աղյուսակ N 3
Կանացի հիգիենիկ միջադիրների խոնավակլանման գրաֆիկական
պայմանական նշանները
._____________________________________________________________________.
|Միջադիրի տեսակը |Խոնավակլանման գրաֆիկական|
| |պայմանական նշանը |
|____________________________________________|________________________|
|Ամենօրյա` | |
|1-ին դասի |Նկարներ |
| | |
|2-րդ դասի | |
|____________________________________________|________________________|
|Կրիտիկական օրերի` | |
|1-ին դասի` բարձր խոնավակլանմամբ | |
| | |
|2-րդ դասի` բարձր խոնավակլանմամբ | նկար |
| | |
|1-ին դասի` միջին խոնավակլանմամբ | |
| | |
|2-րդ դասի` միջին խոնավակլանմամբ | |
|____________________________________________|________________________|
|Գիշերային` | |
|1-ին դասի` բարձր խոնավակլանմամբ |նկար |
| | |
|1-ին դասի` միջին խոնավակլանմամբ | |
| | |
|2-րդ դասի` միջին խոնավակլանմամբ | |
._____________________________________________________________________.
10. Մակնշվածքը պետք է լինի հստակ, պարզ և ընթեռնելի:
11. Արտադրողը, մատակարարը կամ նրա լիազոր ներկայացուցիչը պետք է ապահովի Հայաստանի Հանրապետությունում իրացվող` Հայաստանի Հանրապետությունում արտադրվող և ներմուծվող կենցաղային և սանիտարահիգիենիկ նշանակության ապրանքների մասին սույն տեխնիկական կանոնակարգի 9-րդ կետով սահմանված տեղեկատվության տրամադրումն սպառողին` հայերենով:
12. Փոխադրական տարայի մակնշվածքը պետք է պարունակի «Կեռերով չվերցնել», «Պահպանել խոնավությունից» վարվելակարգային նշանները:
6. ԿԵՆՑԱՂԱՅԻՆ ԵՎ ՍԱՆԻՏԱՐԱՀԻԳԻԵՆԻԿ ՆՇԱՆԱԿՈՒԹՅԱՆ ԱՊՐԱՆՔՆԵՐԻ ՓԱԹԵԹԱՎՈՐՈՒՄԸ, ՓՈԽԱԴՐՈՒՄԸ ԵՎ ՊԱՀՈՒՄԸ
13. Կենցաղային և սանիտարահիգիենիկ նշանակության ապրանքները պետք է փաթեթավորել թղթով, պոլիմերային թաղանթով կամ փաթեթավորման այլ նյութերով, որոնք կապահովեն դրանց պահպանվածությունը և սույն տեխնիկական կանոնակարգով սահմանված պահանջների պահպանումը` փոխադրման և պահման ընթացքում:
14. Տոգորման նյութերով մշակված կենցաղային և սանիտարահիգիենիկ նշանակության ապրանքները պետք է փաթեթավորել փոխադրման, իրացման և պահման ժամանակ գործառական հատկությունների պահպանվածությունն ապահովող հերմետիկ փաթեթվածքով:
15. Մանրէազերծված յուրաքանչյուր կանացի հիգիենիկ միջադիրի և վիրախծուծի հերմետիկ փաթեթավորման նյութերը պետք է համապատասխանեն Հայաստանի Հանրապետության կառավարության 2019 թվականի օգոստոսի 1-ի N 1009-Ն որոշման N 10 հավելվածով սահմանված պահանջներին:
16. Նույն խմբային փաթեթվածքում պետք է փաթեթավորել նույն անվանմամբ, չափերով, տեխնիկական և գեղազարդային նույն կառուցվածքով կենցաղային և սանիտարահիգիենիկ նշանակության ապրանքներ:
17. Կենցաղային և սանիտարահիգիենիկ նշանակության ապրանքներով փաթեթվածքների փոխադրումը պետք է իրականացնել փոխադրական տարաներում փաթեթավորված` փակ տեսակի տրանսպորտային միջոցներով:
18. Կենցաղային և սանիտարահիգիենիկ նշանակության ապրանքները պետք է պահել փակ, մթնոլորտային տեղումներից, խոնավությունից պաշտպանված տարածքներում և փոխադրման, իրացման ժամանակ ապահովել պաշտպանվածությունը մթնոլորտային տեղումներից և խոնավությունից:
7. ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԸՆԹԱՑԱԿԱՐԳԵՐԸ
19. Սույն տեխնիկական կանոնակարգի պահանջներին կենցաղային և սանիտարահիգիենիկ նշանակության ապրանքների խմբաքանակի կամ սերիական արտադրության համար համապատասխանությունը գնահատելու համար հայտատուն`
1) խմբաքանակի կամ սերիական արտադրության համար կիրառում է Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված սերտիֆիկացման կամ հայտարարագրման ընթացակարգերը.
2) արտադրանքը մակնշում է համապատասխանության ազգային նշանով` Հայաստանի Հանրապետության կառավարության 2013 թվականի մարտի 14-ի N 337-Ն որոշմամբ սահմանված կարգով:
20. Սերտիֆիկացում իրականացրած համապատասխանության գնահատման նշանակված մարմինը փորձարկումներ կատարելու նպատակով արտադրանքի նմուշառումը պետք է կատարի սույն տեխնիկական կանոնակարգի 10-րդ բաժնում ներառված ստանդարտներին համապատասխան:
21. Կենցաղային և սանիտարահիգիենիկ նշանակության ապրանքների նույնականացման գործընթացում ստուգվում են դրանց փաթեթվածքի կամ դրանց փակցված պիտակների վրա կատարված մակնշվածքի համապատասխանությունն ապրանքաուղեկից փաստաթղթում նշված տեղեկատվությանը:
22. Սույն տեխնիկական կանոնակարգով սահմանված պահանջների համապատասխանությունը կատարվում է 10-րդ բաժնով նախատեսված ստանդարտներով սահմանված փորձարկման մեթոդներով:
23. Կենցաղային և սանիտարահիգիենիկ նշանակության ապրանքների անվտանգության հիգիենիկ ցուցանիշների որոշման ժամանակ ջրային լուծամզուքը պետք է պատրաստել սանիտարական կանոններին և նորմերին համապատասխան:
24. Կենցաղային և սանիտարահիգիենիկ նշանակության ապրանքների անվտանգության հիգիենիկ ցուցանիշները պետք է համապատասխանեն Հայաստանի Հանրապետության կառավարության 2019 թվականի օգոստոսի 1-ի N 1009-Ն որոշման N 10 հավելվածով սահմանված պահանջներին:
25. Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ սահմանված սերտիֆիկացման համար նախատեսված ընթացակարգերով սերիական արտադրանքի համար համապատասխանության գնահատման նշանակված մարմինը հայտատուին համապատասխանության սերտիֆիկատը հանձնելու ժամանակ վերջինիս հետ կնքում է համապատասխանության սերտիֆիկատ տալու պայմանների պահպանման նկատմամբ իրականացվող հսկողության պայմանագիր:
26. Համապատասխանության հայտարարագրի կամ համապատասխանության սերտիֆիկատի գործողության ժամկետը սահմանվում է 3 տարուց ոչ ավելի:
27. Սույն տեխնիկական կանոնակարգով սահմանված պահանջներին համապատասխանության սերտիֆիկատի կամ համապատասխանության հայտարարագրի կասեցման կամ դադարեցման պայմանները և գործընթացները սահմանված են Հայաստանի Հանրապետության կառավարության 2014 թվականի հունվարի 16-ի N 56-Ն որոշմամբ:
8. ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ
28. Կենցաղային և սանիտարահիգիենիկ նշանակության ապրանքների ցուցանիշների չափումների միասնականության ապահովումը պետք է իրականացվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:
9. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
29. Սույն տեխնիկական կանոնակարգի պահանջներին կենցաղային և սանիտարահիգիենիկ նշանակության ապրանքների համապատասխանության պետական վերահսկողությունն իրականացվում է «Տեխնիկական կանոնակարգման մասին», «Հայաստանի Հանրապետությունում ստուգումների կազմակերպման և անցկացման մասին» օրենքներով և այլ իրավական ակտերով սահմանված կարգով:
10. ՏԵԽՆԻԿԱԿԱՆ ԿԱՆՈՆԱԿԱՐԳՈՎ ՍԱՀՄԱՆՎԱԾ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՍՏԱՆԴԱՐՏՆԵՐԻ ՑԱՆԿԸ
._____________________________________________________________________.
|Ստանդարտների նշագիրը|Պահանջներ և փորձարկման մեթոդներ սահմանող |
| |ստանդարտի անվանումը |
|____________________|________________________________________________|
|ԳՕՍՏ Ռ 52354 |Կենցաղային և սանիտարահիգիենիկ նշանակության թղթե|
| |արտադրատեսակները. |
| |Ընդհանուր տեխնիկական պայմաններ |
|____________________|________________________________________________|
|ԳՕՍՏ Ռ 52483 |Կանացի հիգիենիկ միջադիրներ (փաթեթներ). |
| |Ընդհանուր տեխնիկական պայմաններ |
|____________________|________________________________________________|
|ՀՍՏ 219 |Արտադրատեսակներ սանիտարահիգիենիկ նշանակման. |
| |Անձնական հիգիենայի արտադրատեսակներ. Ընդհանուր |
| |տեխնիկական պայմաններ: |
._____________________________________________________________________.
Պաշտոնական հրապարակման օրը` 16 հունիսի 2023 թվական: