ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇՐՋԱԿԱ ՄԻՋԱՎԱՅՐԻ ՆԱԽԱՐԱՐ
ՀՐԱՄԱՆ
16 հունիսի 2023 թվականի N 207-Ն
ԿԵՆԴԱՆԱԲԱՆԱԿԱՆ ՀԱՎԱՔԱԾՈՒՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՀԱՎԱՔՄԱՆ ԵՎ ԳՐԱՆՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Կենդանական աշխարհի մասին» օրենքի 6-րդ հոդվածի 1-ին մասի «ե2» կետով`
ՀՐԱՄԱՅՈՒՄ ԵՄ
1. Սահմանել կենդանաբանական հավաքածուների վերաբերյալ տեղեկատվության հավաքման և գրանցման կարգը` համաձայն հավելվածի:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
16 հունիսի 2023 թ.
ք. Երևան Հ. ՍԻՄԻԴՅԱՆ
Հավելված
Շրջակա միջավայրի նախարարի
2023 թվականի հունիսի 16-ի
N 207-Ն հրամանի
ԿԱՐԳ
ԿԵՆԴԱՆԱԲԱՆԱԿԱՆ ՀԱՎԱՔԱԾՈՒՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՀԱՎԱՔՄԱՆ ԵՎ ԳՐԱՆՑՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում են Հայաստանի Հանրապետության տարածքում կենդանաբանական հավաքածուների վերաբերյալ տեղեկատվության հավաքման և գրանցման կարգի հետ կապված հարաբերությունները:
2. Կենդանաբանական հավաքածուների վերաբերյալ տեղեկատվության (այսուհետ` տեղեկատվություն) հավաքումը և գրանցումը նպատակ ունի բացահայտել հավաքված, կանոնակարգված, ցուցադրվող և պահվող կենդանիների կենդանի կամ դրանց խրտվիլակների, արգասիքների և պրեպարատների հավաքածուները, դրանց քանակական և որակական փոփոխությունները, ինչպես նաև ապահովել գենետիկական պաշարների վերաբերյալ տեղեկատվության մատչելիությունը:
3. Կենդանաբանական հավաքածուները լինում են կենդանի և անկենդան.
1) կենդանի հավաքածուներն են` անազատ պայմաններում պահվող վայրի կենդանիների հավաքածուները,
2) անկենդան հավաքածուներն են` վայրի կենդանիների խրտվիլակները, ողնաշարավորների կմախքները կամ դրանց առանձին մասերը, արգասիքները և պրեպարատները:
4. Կենդանաբանական հավաքածուների վերաբերյալ տվյալների հավաքումը կարևոր նշանակություն ունի դրանց արդյունավետ կառավարման, հանրային կրթության և իրազեկման մակարդակի բարձրացման գործում` հասարակության լայն շերտերին հնարավորություն տալով ստանալ հանրամատչելի տեղեկատվություն կենդանաբանական հավաքածուների վերաբերյալ:
5. Կենդանաբանական հավաքածուների վերաբերյալ տվյալների գրանցումը մշտապես իրականացվող գործընթաց է, ինչն ապահովում է տվյալների համալրումը, դասակարգումը, պահպանումը, քանակական և որակական փոփոխությունների օպերատիվ մուտքագրումը:
2. ՏԵՂԵԿԱՏՎՈՒԹՅԱՆ ՀԱՎԱՔՄԱՆ ԵՎ ԳՐԱՆՑՄԱՆ ԸՆԹԱՑԱԿԱՐԳԸ
6. Կենդանաբանական հավաքածուների վերաբերյալ տեղեկատվության հավաքումը և գրանցումն իրականացվում է կենդանաբանական հավաքածուներ ունեցող իրավաբանական կամ ֆիզիկական անձանց կողմից տրամադրած տեղեկատվության հիման վրա` համաձայն Ձև 1-ի:
7. Ձև 1-ով սահմանված գրանցամատյանի.
1) 2-րդ տողի 1-ին սյունակում լրացվում է գրանցման տարեթիվը,
2) 2-րդ տողի 2-րդ սյունակում լրացվում է իրավաբանական անձի անվանումը կամ ֆիզիկական անձի անունը, ազգանունը,
3) 2-րդ տողի 3-րդ սյունակում լրացվում է իրավաբանական անձի գտնվելու վայրը կամ ֆիզիկական անձի բնակության վայրը,
4) 2-րդ տողի 4-րդ սյունակում լրացվում է կենդանաբանական հավաքածուներ ունեցող իրավաբանական անձի կամ ֆիզիկական անձի հեռախոսահամարը, էլեկտրոնային փոստի հասցեն (առկայության դեպքում),
5) 2-րդ տողի 5-րդ սյունակում լրացվում է իրավաբանական անձի պետական գրանցման վկայականի (գրանցման) համարը կամ ֆիզիկական անձի անձնագրային տվյալները, անհատ ձեռնարկատեր հանդիսացող ֆիզիկական անձի դեպքում` նաև անհատ ձեռնարկատիրոջ պետական հաշվառման համարը,
6) 6-րդ տողի 1-ին սյունակում լրացվում է կենդանի հավաքածուի ստեղծման տարեթիվը,
7) 6-րդ տողի 2-րդ սյունակում լրացվում է կենդանու տեսակի անվանումը` հայերեն և լատիներեն,
8) 6-րդ տողի 3-րդ սյունակում լրացվում է թվաքանակը,
9) 6-րդ տողի 4-րդ սյունակում լրացվում է սեռահասակային խմբերը,
10) 6-րդ տողի 5-րդ սյունակում լրացվում է պահման պայմանները և ՀՀ կենդանիների Կարմիր գրքում գրանցվածության կարգավիճակը,
11) 6-րդ տողի 6-րդ սյունակում լրացվում է կենդանի հավաքածուների շարժի վերաբերյալ տեղեկատվություն` առք, վերարտադրություն, նվիրատվություն, ժառանգություն, հավաք, ներմուծում,
12) 6-րդ տողի 7-րդ սյունակում լրացվում է կենդանի հավաքածուների շարժի վերաբերյալ տեղեկատվություն` վաճառք, նվիրատվություն, անկում, արտահանում,
13) 10-րդ տողի 1-ին սյունակում լրացվում է անկենդան հավաքածուի ստեղծման տարեթիվը,
14) 10-րդ տողի 2-րդ սյունակում լրացվում է կենդանու տեսակի անվանումը կամ տեսակային պատկանելությունը` հայերեն և լատիներեն,
15) 10-րդ տողի 3-րդ սյունակում լրացվում է թվաքանակը,
16) 10-րդ տողի 4-րդ սյունակում լրացվում է կենդանիների խրտվիլակների և կմախքների քանակը և տվյալները,
17) 10-րդ տողի 5-րդ սյունակում լրացվում է կենդանիների արգասիքների և պրեպարատների նմուշների քանակը և տվյալները,
18) 10-րդ տողի 6-րդ սյունակում լրացվում է անկենդան հավաքածուների շարժի վերաբերյալ տեղեկատվություն` առք, նվիրատվություն, ժառանգություն, հավաք, ներմուծում,
19) 10-րդ տողի 7-րդ սյունակում լրացվում է անկենդան հավաքածուների շարժի վերաբերյալ տեղեկատվություն` վաճառք, նվիրատվություն, արտահանում, պիտանելիության կորուստ:
ԳՐԱՆՑԱՄԱՏՅԱՆ
Ձև N 1
ԿԵՆԴԱՆԱԲԱՆԱԿԱՆ ՀԱՎԱՔԱԾՈՒՆԵՐԻ ՎԵՐԱԲԵՐՅԱԼ
._____________________________________________________________________.
|1 | ԻՐԱՎԱԲԱՆԱԿԱՆ ԿԱՄ ՖԻԶԻԿԱԿԱՆ ԱՆՁԱՆՑ ՏՎՅԱԼՆԵՐԸ |
|__|__________________________________________________________________|
| | 1 | 2 | 3 | 4 | 5 |
|__|________|______________|_____________|____________|_______________|
|2 |ՏԱՐԵԹԻՎԸ|ԻՐԱՎԱԲԱՆԱԿԱՆ |ԻՐԱՎԱԲԱՆԱԿԱՆ |ԿԵՆԴԱՆԱԲԱ- |ԻՐԱՎԱԲԱՆԱԿԱՆ |
| | |ԱՆՁԻ ԱՆՎԱՆՈՒՄԸ|ԱՆՁԻ ԳՏՆՎԵԼՈՒ|ՆԱԿԱՆ ՀԱՎԱ- |ԱՆՁԻ ՊԵՏԱԿԱՆ |
| | |ԿԱՄ ՖԻԶԻԿԱԿԱՆ |ՎԱՅՐԸ ԿԱՄ |ՔԱԾՈՒՆԵՐ |ԳՐԱՆՑՄԱՆ |
| | |ԱՆՁԻ ԱՆՈՒՆԸ, |ՖԻԶԻԿԱԿԱՆ |ՈՒՆԵՑՈՂ |ՎԿԱՅԱԿԱՆԻ |
| | |ԱԶԳԱՆՈՒՆԸ |ԱՆՁԻ ԲՆԱԿՈՒ- |ԻՐԱՎԱԲԱՆԱԿԱՆ|(ԳՐԱՆՑՄԱՆ) |
| | | |ԹՅԱՆ ՎԱՅՐԸ |ԱՆՁԻ ԿԱՄ |ՀԱՄԱՐԸ ԿԱՄ |
| | | | |ՖԻԶԻԿԱԿԱՆ |ՖԻԶԻԿԱԿԱՆ |
| | | | |ԱՆՁԻ |ԱՆՁԻ ԱՆՁՆԱԳՐԱ- |
| | | | |ՀԵՌԱԽՈՍԱ- |ՅԻՆ ՏՎՅԱԼՆԵՐԸ, |
| | | | |ՀԱՄԱՐԸ, |ԱՆՀԱՏ |
| | | | |ԷԼԵԿՏՐՈՆԱՅԻՆ|ՁԵՌՆԱՐԿԱՏԵՐ |
| | | | |ՓՈՍՏԻ |ՀԱՆԴԻՍԱՑՈՂ |
| | | | |ՀԱՍՑԵՆ |ՖԻԶԻԿԱԿԱՆ |
| | | | |(ԱՌԿԱՅՈՒԹՅԱՆ|ԱՆՁԻ ԴԵՊՔՈՒՄ |
| | | | |ԴԵՊՔՈՒՄ) |ՆԱԵՎ ԱՆՀԱՏ |
| | | | | |ՁԵՌՆԱՐԿԱՏԻՐՈՋ |
| | | | | |ՊԵՏԱԿԱՆ |
| | | | | |ՀԱՇՎԱՌՄԱՆ) |
| | | | | |ՀԱՄԱՐԸ |
|__|__________________________________________________________________|
|3 | ԿԵՆԴԱՆԻ ՀԱՎԱՔԱԾՈՒՆԵՐԻ ՎԵՐԱԲԵՐՅԱԼ ՏՎՅԱԼՆԵՐ |
|__|__________________________________________________________________|
|4 | ԿԵՆԴԱՆԻ ՀԱՎԱՔԱԾՈՒՆԵՐ |ԿԵՆԴԱՆԻ ՀԱՎԱՔԱԾՈՒՆԵՐԻ|
| | |ՇԱՐԺԸ |
|__|____________________________________________|_____________________|
|5 | 1 | 2 | 3 4 5 | 6 | 7 |
|__|________|___________|_______________________|___________|_________|
| |ԿԵՆԴԱՆԻ |ԿԵՆԴԱՆՈՒ |ԹՎԱ-|ՍԵՌԱՀԱ-|ՊԱՀՄԱՆ |ԱՌՔ, |ՎԱՃԱՌՔ, |
| |ՀԱՎԱՔԱ- |ՏԵՍԱԿԻ |ՔԱ- |ՍԱԿԱՅԻՆ|ՊԱՅՄԱՆՆԵՐԸ|ՎԵՐԱՐՏԱ- |ՆՎԻՐԱՏ- |
| |ԾՈՒԻ |ԱՆՎԱՆՈՒՄԸ |ՆԱԿԸ|ԽՈՒՄԲԸ |ԵՎ ԿԱՐԳԱ- |ԴՐՈՒԹՅՈՒՆ, |ՎՈՒԹՅՈՒՆ,|
| |ՍՏԵՂԾՄԱՆ|___________| | |ՎԻՃԱԿԸ |ՆՎԻՐԱՏՎՈՒ- |ԱՆԿՈՒՄ, |
| |ՏԱՐԵԹԻՎԸ|ՀԱՅԵ-|ԼԱՏԻ-| | | |ԹՅՈՒՆ, |ԱՐՏԱՀԱ- |
| | |ՐԵՆ |ՆԵՐԵՆ| | | |ԺԱՌԱՆԳՈՒ- |ՆՈՒՄ |
| | | | | | | |ԹՅՈՒՆ, | |
| | | | | | | |ՀԱՎԱՔ, | |
| | | | | | | |ՆԵՐՄՈՒԾՈՒՄ | |
|__|__________________________________________________________________|
|7 | ԱՆԿԵՆԴԱՆ ՀԱՎԱՔԱԾՈՒՆԵՐԻ ՎԵՐԱԲԵՐՅԱԼ ՏՎՅԱԼՆԵՐ |
|__|__________________________________________________________________|
|8 | ԱՆԿԵՆԴԱՆ ՀԱՎԱՔԱԾՈՒՆԵՐ |ԱՆԿԵՆԴԱՆ ՀԱՎԱՔԱԾՈՒ- |
| | |ՆԵՐԻ ՇԱՐԺԸ |
|__|_____________________________________________|____________________|
|9 | 1 | 2 | 3 | 4 | 5 | 6 | 7 |
|__|________|___________|____|_________|_________|__________|_________|
|10|ԱՆԿԵՆԴԱՆ|ԿԵՆԴԱՆՈՒ |ԹՎԱ-|ԿԵՆԴԱՆԻ- |ԿԵՆԴԱՆԻ- |ԱՌՔ, |ՎԱՃԱՌՔ, |
| |ՀԱՎԱՔԱ- |ՏԵՍԱԿԻ |ՔԱ- |ՆԵՐԻ |ՆԵՐԻ |ՆՎԻՐԱՏՎՈՒ-|ՆՎԻՐԱՏ- |
| |ԾՈՒԻ |ԱՆՎԱՆՈՒՄԸ |ՆԱԿԸ|ԽՐՏՎԻԼԱԿ-|ԱՐԳԱՍԻՔ- |ԹՅՈՒՆ, |ՎՈՒԹՅՈՒՆ,|
| |ՍՏԵՂԾՄԱՆ|___________| |ՆԵՐԻ ԵՎ |ՆԵՐԻ ԵՎ |ԺԱՌԱՆԳՈՒ- |ԱՐՏԱՀԱ- |
| |ՏԱՐԵԹԻՎԸ|ՀԱՅԵ-|ԼԱՏԻ-| |ԿՄԱԽՔՆԵՐԻ|ՊՐԵՊԱՐԱ- |ԹՅՈՒՆ, |ՆՈՒՄ, |
| | |ՐԵՆ |ՆԵՐԵՆ| |ՔԱՆԱԿԸ ԵՎ|ՏՆԵՐԻ |ՀԱՎԱՔ, |ՊԻՏԱՆԵ- |
| | | | | |ՏՎՅԱԼՆԵՐԸ|ՆՄՈՒՇՆԵՐԻ|ՆԵՐՄՈՒԾՈՒՄ|ԼԻՈՒԹՅԱՆ |
| | | | | | |ՔԱՆԱԿԸ ԵՎ| |ԿՈՐՈՒՍՏ |
| | | | | | |ՏՎՅԱԼՆԵՐԸ| | |
._____________________________________________________________________.
Պաշտոնական հրապարակման օրը` 21 հունիսի 2023 թվական: