040.1177.150802
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 օգոստոսի 2002 թվականի N 1177-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՍԵՊՏԵՄԲԵՐԻ 19-Ի N 883 ՈՐՈՇՄԱՄԲ ԼՈՒԾԱՐՎՈՂ «ՀՐԱԶԴԱՆԻ ՈՒՂԵՎՈՐԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
Հայաստանի Հանրապետության կառավարության 2001 թվականի սեպտեմբերի 19-ի «Հրազդանի ուղևորատար ավտոտրանսպորտային», «Տաշիրի բեռնաուղևորատար ավտոտրանսպորտային» և «Սոճուտ» մանկական առողջարան» պետական փակ բաժնետիրական ընկերությունները լուծարելու մասին» N 883 որոշմամբ լուծարվող «Հրազդանի ուղևորատար ավտոտրանսպորտային» պետական փակ բաժնետիրական ընկերության պարտավորությունները մարելու նպատակով Հայաստանի Հանրապետության կառավարությունը որոշում է.
1. «Հրազդանի ուղևորատար ավտոտրանսպորտային» պետական փակ բաժնետիրական ընկերության լուծարման հանձնաժողովին`
ա) հաշվեկշռային մեթոդով 77603,94 հազար դրամ (ներառյալ` ավելացված արժեքի հարկը` 93124,73 հազար դրամ) գնահատված լուծարվող «Հրազդանի ուղևորատար ավտոտրանսպորտային» պետական փակ բաժնետիրական ընկերության հիմնական միջոցները և ապրանքանյութական պաշարները որպես մեկ ամբողջական միավոր վաճառել մրցույթով.
բ) սահմանել մրցույթի հաղթողին որոշելու հետևյալ պայմանները`
վաճառվող գույքի համար առաջարկվող գինը,
ներդրումների չափը.
գ) սահմանել գույքի վաճառքի նվազագույն գինը` 15000,0 հազար դրամ (ներառյալ` ավելացված արժեքի հարկը).
դ) մրցույթի մասնակցության կանխավճարի չափը սահմանել գույքի գնահատված մեծության հինգ տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ.
ե) սահմանել, որ մրցույթի հաղթողը գույքի ձեռքբերման համար առաջարկված գինը պետք է վճարի «Հրազդանի ուղևորատար ավտոտրանսպորտային» պետական փակ բաժնետիրական ընկերության հաշվարկային հաշվին` մրցույթի արձանագրությունն ստանալու պահից 15-օրյա ժամկետում:
2. Հայաստանի Հանրապետության պետական գույքի կառավարման նախարարին`
ա) երկամսյա ժամկետում ապահովել մրցույթի անցկացումը.
բ) մրցույթի անցկացման օրվանից առնվազն մեկ ամիս առաջ մամուլում և (կամ) զանգվածային լրատվության մյուս միջոցներով հրապարակել ընդհանուր տեղեկություններ գույքի մրցույթի անցկացման պայմանների, ժամկետների, մասնակիցներին ներկայացվող պահանջների մասին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՕԳՈՍՏՈՍԻ 12-ԻՆ