21.03.2024 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ,
ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ ՀՐԱՄԱՆ
5 մարտի 2021 թվականի N 24-Ն
ԱՏԵՍՏԱՎՈՐՄԱՆ ԵՆԹԱԿԱ ՈՒՍՈՒՑՉԻՆ ՎԵՐԱՊԱՏՐԱՍՏՈՂ ԵՐԱՇԽԱՎՈՐՎԱԾ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ԴԱՍԸՆԹԱՑՆԵՐԻ ՑԱՆԿԻ ՁԵՎԱՎՈՐՄԱՆ ԿԱՐԳԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ` 2012 ԹՎԱԿԱՆԻ ՄԱՅԻՍԻ 18-Ի N 496-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Ղեկավարվելով «Հանրակրթության մասին» ՀՀ օրենքի 30-րդ հոդվածի 1-ին մասի 26.22-րդ կետի պահանջներով և հիմք ընդունելով «Նորմատիվ իրավական ակտերի մասին» օրենքի 37-րդ հոդվածի 1-ին մասի պահանջները`
ՀՐԱՄԱՅՈՒՄ ԵՄ
1. Սահմանել ատեստավորման ենթակա ուսուցչին վերապատրաստող երաշխավորված կազմակերպությունների և դասընթացների ցանկի ձևավորման կարգը` համաձայն հավելվածի:
(1-ին կետը փոփ. 11.04.2022 թիվ 15-Ն /հրամանն ունի անցումային դրույթ/ հրաման)
2. Ուժը կորցրած ճանաչել Հայաստանի Հանրապետության կրթության և գիտության նախարարի 2012 թվականի մայիսի 18-ի «Ատեստավորման ենթակա ուսուցչին վերապատրաստող երաշխավորված կազմակերպությունների ցանկի ձևավորման կարգը հաստատելու և Հայաստանի Հանրապետության կրթության և գիտության նախարարի` 2011 թվականի հուլիսի 1-ի թիվ 777-Ն հրամանը ուժը կորցրած ճանաչելու մասին» N 496-Ն հրամանը:
3. Սույն հրամանը ուժի մեջ է մտնում պաշտոնական հրապարակմանը հաջորդող օրվանից:
(վերնագիրն ու նախաբանը փոփ. 11.04.2022 թիվ 15-Ն /հրամանն ունի անցումային դրույթ/ հրաման)
Վ. Դումանյան
Հավելված
ՀՀ կրթության, գիտության,
մշակույթի և սպորտի նախարարի
2021 թվականի մարտի 5-ի
N 24-Ն հրամանի
ԿԱՐԳ
ԱՏԵՍՏԱՎՈՐՄԱՆ ԵՆԹԱԿԱ ՈՒՍՈՒՑՉԻՆ ՎԵՐԱՊԱՏՐԱՍՏՈՂ ԵՐԱՇԽԱՎՈՐՎԱԾ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ԴԱՍԸՆԹԱՑՆԵՐԻ ՑԱՆԿԻ ՁԵՎԱՎՈՐՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում են կրթության պետական կառավարման լիազորված մարմնի կողմից հանրակրթական ուսումնական հաստատության (այսուհետ` Հաստատություն) ատեստավորման ենթակա ուսուցչին վերապատրաստող երաշխավորված կազմակերպությունների և կազմակերպությունների երաշխավորված դասընթացների ցանկի (այսուհետ` Ցանկ) ձևավորման հետ կապված իրավահարաբերությունները:
2. Հաստատության` հերթական ատեստավորման ենթակա ուսուցիչների վերապատրաստումն իրականացվում է «Հանրակրթության մասին» օրենքի 26-րդ հոդվածի 5-րդ մասի պահանջներով կազմված և հաստատված ցանկերի համաձայն:
3. Հաստատության` հերթական ատեստավորման ենթակա ուսուցչին վերապատրաստող երաշխավորված կազմակերպությունների (այսուհետ` Կազմակերպություն) և վերապատրաստման ամբողջ ծրագրի կամ նրա առանձին բաժինների հիման վրա կազմված դասընթացների (այսուհետ` Դասընթաց) ընտրությունն իրականացնում և ուսուցիչների վերապատրաստման ոլորտում դրանց գործունեությունը 3 տարի ժամկետով երաշխավորում է Հայաստանի Հանրապետության կրթության, գիտության, մշակույթի և սպորտի նախարարը (այսուհետ` Նախարար):
4. Կազմակերպությունը և Դասընթացը Ցանկում ընդգրկվում են սույն կարգի համաձայն` գնահատման արդյունքների հիման վրա, Նախարարի հրամանով, որը տեղադրվում է Հայաստանի Հանրապետության կրթության, գիտության, մշակույթի և սպորտի նախարարության (այսուհետ` Նախարարություն) պաշտոնական կայքէջում, կրթության կառավարման տեղեկատվական համակարգում և հրապարակվում է զանգվածային լրատվության միջոցներով:
5. Կազմակերպությունը և Դասընթացը կարող են ճանաչվել երաշխավորված` սույն կարգի 7-12-րդ կետերով ամրագրված` Կազմակերպությանը և Դասընթացին ներկայացվող չափանիշներին համապատասխանելու դեպքում: Կազմակերպությունը կարող է երաշխավորվել վերապատրաստման ամբողջական ծրագրի կամ դրա որևէ բաժնի մասով:
6. Նախարարությունը, հիմք ընդունելով Կազմակերպության մեկամյա գործունեության վերաբերյալ հաշվետվության քննարկման արդյունքները, մինչև սույն կարգի 3-րդ կետով սահմանված ժամկետի լրանալը, կարող է Կազմակերպությանը հանել Ցանկից` սույն կարգի 31-րդ կետի համաձայն:
2. ՑԱՆԿՈՒՄ ԸՆԴԳՐԿՎԵԼՈՒ ՀԱՄԱՐ ԿԱԶՄԱԿԵՐՊՈՒԹՅԱՆԸ ԵՎ ԴԱՍԸՆԹԱՑԻՆ ՆԵՐԿԱՅԱՑՎՈՂ ՉԱՓԱՆԻՇՆԵՐԸ
7. Ցանկում կարող են ընդգրկվել իրավաբանական անձի կարգավիճակ և պետական գրանցում ունեցող`
1) Հայաստանի Հանրապետության պետական և ոչ պետական ուսումնական հաստատությունները` հանրակրթական դպրոցներ, միջին մասնագիտական և բարձրագույն ուսումնական հաստատություններ, գիտական կազմակերպություններ,
2) կրթության ոլորտում իրենց կանոնադրությամբ ամրագրված վերապատրաստումների իրավունք, ինչպես նաև փորձ ունեցող հիմնադրամներ, ընկերություններ, հասարակական, միջազգային, առևտրային և ոչ առևտրային կազմակերպություններ:
8. Հայաստանի Հանրապետության կրթության, գիտության, մշակույթի և սպորտի նախարարի 2022 թվականի օգոստոսի 5-ի N 30-Ն հրամանի հավելվածի 7-րդ կետով սահմանված ուսուցչի կարողունակության 4 մակարդակներին (տարրական, ձեռնահասության, տիրապետման և փորձագետի) համապատասխան վերապատրաստում իրականացնող կազմակերպությունների ցանկում ընդգրկվելու համար հայտ ներկայացրած Կազմակերպությունը պետք է ունենա`
1) առկա վերապատրաստման գործընթացն անխափան կազմակերպելու համար սեփականության կամ անհատույց օգտագործման կամ վարձակալության իրավունքով պատկանող տարածք` առնվազն 1 ուսումնական խմբի (առնվազն 30 անձ) հետ տեսական և գործնական պարապմունքների անցկացման համար,
2) վերապատրաստումը առկա, հեռավար կամ համակցված եղանակով (միաժամանակ և՛ առկա, և՛ հեռավար ձևերի համադրմամբ) անցկացնելու պարագայում` համապատասխան տեխնիկական միջոցներ և սարքավորումներ, ծրագրեր,
3) ուսուցիչների վերապատրաստման չափորոշչի և ծրագրի բովանդակությանը համապատասխան ձեռնարկ (մոդուլ), վերապատրաստման եղանակին համապատասխան անհրաժեշտ ուսումնանյութական բազա, կահավորանք, տեղեկատվական և հաղորդակցության տեխնոլոգիաների (այսուհետ` ՏՀՏ) միջոցներ, սարքավորումներ,
4) մանկավարժության տեսության, համապատասխան առարկայի դասավանդման մեթոդիկայի և պրակտիկայի հիմունքների, կամ ուսուցման ժամանակ տեխնոլոգիաների կիրառության, կամ ուսուցման ընթացքում ներառականության ապահովման կամ հանրակրթության ոլորտը կարգավորող Հայաստանի Հանրապետության օրենսդրության վերաբերյալ գիտելիքներ և հմտություններ ունեցող վերապատրաստող մասնագետներ, որոնք Հայաստանի Հանրապետության Կառավարության 2012 թվականի դեկտեմբերի 27-ի N 1667-Ն որոշմամբ սահմանված վերապատրաստումներն իրականացնելու համար պետք է ունենան.
ա. երկրորդ (ձեռնահասության) մակարդակի վերապատրաստման իրավունքի համար` բարձրագույն կրթություն` տվյալ առարկայի համապատասխան որակավորմամբ, և վերջին 5 տարվա ընթացքում առնվազն 2 տարվա վերապատրաստումների իրականացման փորձ` ղեկավար կամ մանկավարժական աշխատողների պատրաստման կամ վերապատրաստման ոլորտում,
բ. երրորդ (տիրապետման) մակարդակի վերապատրաստման իրավունքի համար` բարձրագույն կրթություն` տվյալ առարկայի համապատասխան որակավորմամբ, վերապատրաստման ոլորտում և վերջին 6 տարվա ընթացքում առնվազն 3 տարվա վերապատրաստումների իրականացման փորձ` ղեկավար կամ մանկավարժական աշխատողների պատրաստման կամ վերապատրաստման ոլորտում և վերջին 3 տարվա ընթացքում Բարձրագույն կրթության և գիտության կոմիտեի (ԲԿԳԿ) համար ընդունելի (այդ թվում` միջազգային) ամսագրերից մեկում տպագրված գիտական առնվազն մեկ հոդված.
գ. չորրորդ (փորձագիտական) մակարդակի վերապատրաստման իրավունքի համար` բարձրագույն կրթություն` տվյալ առարկայի համապատասխան որակավորմամբ, վերապատրաստման ոլորտում և վերջին 7 տարվա ընթացքում առնվազն 5 տարվա վերապատրաստումների իրականացման փորձ` ղեկավար կամ մանկավարժական աշխատողների պատրաստման կամ վերապատրաստման ոլորտում, առնվազն մեկ միջազգային վերապատրաստում իրականացնելու փորձ և վերջին 3 տարվա ընթացքում Բարձրագույն կրթության և գիտության կոմիտեի (ԲԿԳԿ) համար ընդունելի (այդ թվում` միջազգային) ամսագրերից մեկում տպագրված գիտական առնվազն երկու հոդված, ինչպես նաև` գիտական աստիճան:
9. Կազմակերպությունը պարտավոր է`
1) ուսուցիչներին ապահովել վերապատրաստման թեմատիկ, ուսումնական պլան-ծրագրերով, պարապմունքների ժամանակացույցով,
2) կատարել վերապատրաստումների պլանավորումը, իրականացումը` վերջնարդյունքների ապահովմամբ, և արդյունքների ամփոփումը, վերապատրաստվողի գիտելիքների և կարողությունների գնահատումը,
3) կատարած աշխատանքների վերաբերյալ կազմել և Նախարարություն ներկայացնել ամփոփիչ բովանդակային և ֆինանսական հաշվետվություններ:
10. Կազմակերպությունը չի կարող ընդգրկվել Ցանկում, եթե`
1) դատական կարգով ճանաչված է անվճարունակ, գտնվում է լուծարման, վերակազմակերպման գործընթացում, արգելանքի տակ ունի պայմանագրի կատարման համար հայտով ներկայացված գույք,
2) հայտ ներկայացնելու օրվան նախորդող հաշվետու ժամանակաշրջանի վերջին օրվա դրությամբ ունի ժամկետանց պարտքեր` Հայաստանի Հանրապետության հարկային և պարտադիր սոցիալական ապահովագրության վճարների գծով:
11. Կազմակերպության համապատասխանությունը ուսուցիչ վերապատրաստող կազմակերպությանը ներկայացվող չափանիշներին գնահատվում է Նախարարության կողմից` սույն կարգի 13-22-րդ կետերի պահանջների համաձայն:
12. Ցանկում կարող են ընդգրկվել Դասընթացներ, որոնք`
1) ներկայացվում են սույն կարգի 7-րդ կետի 1-ին և 2-րդ ենթակետերում նշված Կազմակերպությունների կողմից:
2) համապատասխանում են ուսուցիչների վերապատրաստման ծրագրի կամ դրա բաժնի բովանդակությանը:
3. ԱՏԵՍՏԱՎՈՐՄԱՆ ԵՆԹԱԿԱ ՈՒՍՈՒՑՉԻՆ ՎԵՐԱՊԱՏՐԱՍՏՈՂ ԵՐԱՇԽԱՎՈՐՎԱԾ ԿԱԶՄԱԿԵՐՊՈՒԹՅՈՒՆՆԵՐԸ ԵՎ ԴԱՍԸՆԹԱՑՆԵՐԸ ՑԱՆԿՈՒՄ ԸՆԴԳՐԿԵԼՈՒ ԳՈՐԾԸՆԹԱՑԸ
13. Ցանկի ձևավորման կամ համալրման նպատակով Նախարարությունը տարեկան առնվազն մեկ անգամ հայտարարում է մրցույթ:
14. Ըստ անհրաժեշտության` Ցանկը պարբերաբար կարող է թարմացվել:
15. Մրցույթի վերաբերյալ հայտարարությունը հրապարակվում է Նախարարության պաշտոնական կայքէջում և հանրապետական կամ տեղական զանգվածային լրատվության միջոցներով: Հայտարարության տեքստում նշվում են մրցույթին մասնակցելու պայմանները, սահմանված չափանիշները, սույն կարգով պահանջվող փաստաթղթերի փաթեթը, հայտերի ընդունման ժամկետները:
16. Վերապատրաստում իրականացնել ցանկացող Կազմակերպությունը ներկայացնում է Նախարարի կողմից սահմանված հայտ` համաձայն սույն հավելվածի Ձև 1-ի, որը ներառում է`
1) Դիմում,
2) Կազմակերպության հիմնադիր փաստաթղթերի (պետական գրանցման վկայական, կանոնադրություն և այլն) պատճենները,
3) առկա վերապատրաստում իրականացնելու դեպքում անհրաժեշտ տարածքների, այդ թվում` ուսումնական լսարանների առկայությունը կամ վարձակալումը (տարածքը վարձակալությամբ տրամադրելու վերաբերյալ նախնական համաձայնությունը) կամ անհատույց տրամադրումը հավաստող փաստաթղթերի պատճենները (սեփականության վկայական կամ վարձակալության կամ անհատույց տրամադրման պայմանագիր),
4) վերապատրաստող մասնագետների թվի, կազմի, որակավորման և փորձառության վերաբերյալ տեղեկանք, որը պետք է ներառի ինքնակենսագրական տվյալներ, այդ թվում` տեղեկանքներ սույն կարգի 8-րդ կետի 4-րդ ենթակետի պահանջների վերաբերյալ,
5) տեղեկանք և ցուցակներ առկա կամ հեռավար կամ համակցված վերապատրաստման ձևաչափին համապատասխան` ուսումնական գույքով, տեխնիկական միջոցներով և այլ սարքավորումներով, ուսումնական գրականությամբ, նյութերով և այլ անհրաժեշտ միջոցներով Կազմակերպության ապահովվածության վերաբերյալ,
6) հարկային պարտավորությունների կատարման վերաբերյալ հարկային մարմինների կողմից Կազմակերպությանը տրված տեղեկանքների պատճեններ,
7) վերապատրաստման բովանդակությանը վերաբերող`
ա. առարկան,
բ. վերապատրաստման բաժինը,
գ. վերապատրաստման մակարդակը,
դ. վերապատրաստման եղանակը:
17. Կազմակերպությունը կարող է դիմել տարբեր մակարդակների և առանձին մոդուլների վերապատրաստումներ իրականացնելու համար:
Սույն կարգի 16-րդ կետում նշված հայտի հետ միասին Կազմակերպությունը ներկայացնում է Նախարարի կողմից հաստատված ուսուցչի վերապատրաստման չափորոշչին և ծրագրին համապատասխան մշակված յուրաքանչյուր մակարդակին համապատասխան վերապատրաստման թեմատիկ պլան և մոդուլ, որոնց մշակման վերաբերյալ ուղեցույցները հրապարակվում են Նախարարության պաշտոնական կայքում: Եթե կազմակերպությունը դիմում է երաշխավորվելու ոչ թե վերապատրաստման ամբողջական մոդուլի կամ բոլոր մակարդակների, այլ դրա մեկ կամ մի քանի բաժնի համար, ապա թեմատիկ պլանում արտացոլվում է միայն տվյալ բաժինը կամ բաժինները` նշելով համապատասխան մակարդակները և ժամաքանակները:
18. Ուսուցչի մոտ առարկայական գիտելիքի կարիքի բացահայտման դեպքում վերապատրաստումն իրականացնում է ուսուցչի որակավորում շնորհող բարձրագույն ուսումնական հաստատությունը, որի ծրագիրը պետք է երաշխավորվի սույն կարգի պահանջներին համապատասխան:
19. Դասընթացը երաշխավորելու համար սույն կարգի 7-րդ կետի 1-ին և 2-րդ ենթակետերում նշված կազմակերպությունները ներկայացնում են Նախարարի կողմից սահմանված հայտ` համաձայն սույն հավելվածի Ձև 4-ի, որը ներառում է`
1) Նախարարի կողմից հաստատված` ուսուցչի վերապատրաստման չափորոշչին կամ դրա մի մասին Դասընթացի համապատասխանության հիմնավորում,
2) Դասընթացը մշակած կազմակերպության տվյալները (անվանումը, գրանցման երկիրը, հասցեն, կայքի հասցեն),
3) Դասընթացի բովանդակությունը ներկայացնող մոդուլը կամ Դասընթացի բովանդակությունը ներկայացնող կայքի հղումը համացանցում,
4) Դասընթացը վարող մասնագետների վերաբերյալ տվյալներ:
20. Վերապատրաստում իրականացնող կազմակերպություն ճանաչելու կամ Դասընթացը երաշխավորելու նպատակով մինչև մրցույթի հայտարարությունը հրապարակելը Նախարարի հրամանով ստեղծվում է հայտերի գնահատման հանձնաժողով (այսուհետ` Հանձնաժողով):
21. Հանձնաժողովը հայտերի ընդունման վերջնաժամկետից հետո 30-օրյա ժամկետում ուսումնասիրում է ներկայացված փաստաթղթերը և գնահատում հետևյալ ընթացակարգի համաձայն`
1) հայտ ներկայացրած յուրաքանչյուր Կազմակերպության և Դասընթացի գնահատման համար կազմվում է միասնական ձևի գնահատման անվանական թերթիկ` համաձայն սույն հավելվածի Ձև 2-ի և Ձև 5-ի, որոնք տրամադրվում են Հանձնաժողովին` սույն կարգով սահմանված չափանիշներին համապատասխան տվյալ Կազմակերպության և Դասընթացի անհատական գնահատում իրականացնելու համար,
2) Հանձնաժողովը գնահատման անվանական թերթիկների տվյալների (ցուցանիշների) հիման վրա կազմում է հանրագումարային գնահատման թերթիկ, որտեղ նշվում են բոլոր Կազմակերպությունների` համաձայն սույն հավելվածի Ձև 3-ի, և Դասընթացների` համաձայն սույն հավելվածի Ձև 6-ի, հանրագումարային արդյունքները (ստացված միավորների միջին թվաբանական ցուցանիշը),
3) հիմք ընդունելով հանրագումարային արդյունքները` Հանձնաժողովը, ձայների պարզ մեծամասնությամբ, ընդունում է որոշում` հայտ ներկայացրած Կազմակերպությունը և/կամ Դասընթացը`
ա. ցանկում 3 տարի ժամկետով ընդգրկելու մասին,
բ. հայտը մերժելու մասին` սույն կարգով սահմանված Կազմակերպությանը և Դասընթացին ներկայացվող չափանիշներին չհամապատասխանելու դեպքում:
22. Ներկայացված հայտում թերությունների առկայության դեպքում Նախարարության կողմից Կազմակերպությանը գրավոր տեղեկացվում է երկու աշխատանքային օրվա ընթացքում հայտը լրամշակելու և Նախարարություն ներկայացնելու մասին:
23. Կազմակերպությունների հայտերի գնահատումն իրականացվում է հարյուրմիավորային սանդղակով` հետևյալ չափանիշներին համապատասխան.
1) փորձը կադրերի պատրաստման և վերապատրաստման ոլորտում` մինչև 5 միավոր,
2) Կազմակերպության վերապատրաստող մասնագետների որակավորումը, փորձառությունը` մինչև 25 միավոր,
3) Կազմակերպության ֆինանսական միջոցները, շենքային պայմաններն ու գույքային ապահովվածությունը` մինչև 25 միավոր:
4) Կազմակերպության ներկայացրած մոդուլի համապատասխանությունը սույն կարգի 17-րդ կետի պահանջին` մինչև 45 միավոր:
24. Ցանկում ընդգրկվում են 60 և ավելի միավոր հավաքած Կազմակերպությունները:
25. Առանձին բաժնով Դասընթացի հայտի գնահատումն իրականացվում է հիսունմիավորային համակարգով` հետևյալ չափանիշներին համապատասխան.
1) Դասընթացը մշակած կազմակերպության փորձը կադրերի պատրաստման և վերապատրաստման ոլորտում` մինչև 5 միավոր,
2) Դասընթացի ծրագրի և թեմատիկ պլանավորման համապատասխանությունը սույն կարգի 17-րդ կետի պահանջին` մինչև 45 միավոր:
26. Ցանկում ընդգրկվում են 40 և ավելի միավոր վաստակած դասընթացները:
27. Կազմակերպությունն իր գործունեությունը պետք է իրականացնի Նախարարի սահմանած` ուսուցչի վերապատրաստման չափորոշչին, ծրագրին և Կազմակերպության կողմից մշակված վերապատրաստման թեմատիկ պլանին համապատասխան:
28. Սույն կարգի համաձայն` Ցանկում ընդգրկված Կազմակերպությունն ուսուցիչների մասնագիտական զարգացման և վերապատրաստման ծրագրի բովանդակությանը համապատասխան` պարտավոր է ապահովել իր կողմից ձևավորված խմբերում ներգրավված Հաստատությունների ուսուցիչների վերապատրաստումը:
29. Վերապատրաստում կարող են իրականացնել միայն այն Կազմակերպությունները, որոնց կողմից ներկայացված մոդուլները հաստատվել են Նախարարի կողմից:
30. Յուրաքանչյուր տարի Ցանկը կարող է համալրվել կամ փոփոխվել` սույն կարգի համաձայն:
31. Վերապատրաստման դասընթացը գնահատվում է յուրաքանչյուր տարի` Կազմակերպության կողմից Նախարարությանը ներկայացված հաշվետվության հիման վրա: Ելնելով հաշվետվության արդյունքներից` Հանձնաժողովը որոշում է կայացնում Կազմակերպությանը կամ Դասընթացը Ցանկում թողնելու կամ հանելու մասին:
32. Դասընթացը գնահատվում է յուրաքանչյուր տարի` Կրթության զարգացման և նորարարությունների ազգային կենտրոն» հիմնադրամի կողմից ներկայացված հաշվետվության հիման վրա: Ելնելով հաշվետվության քննարկման արդյունքներից` Հանձնաժողովը որոշում է կայացնում Դասընթացը Ցանկում թողնելու կամ հանելու մասին:
33. Կազմակերպությունը կամ Դասընթացը Ցանկից հանելու մասին Նախարարության կողմից ընդունվում է որոշում, եթե`
1) տվյալ Կազմակերպության ներկայացրած հաշվետվությունից պարզվել է, որ այն չի ապահովել սույն կարգի 27-րդ և 28-րդ կետերի պահանջների կատարումը,
2) իր կողմից վերապատրաստված ուսուցիչների առնվազն 40 տոկոսը չի ատեստավորվել:
34. Կազմակերպության հաշվետվությունը պետք է պարունակի հետևյալ տեղեկությունը.
1) ուսուցիչների վերապատրաստման դասընթացների ժամանակացույցը` ըստ խմբերի,
2) վերապատրաստման դասընթացի մասնակիցների անվանացանկը` ըստ խմբերի (նաև էլեկտրոնային կրիչով),
3) դասընթացի մասնակիցների հաճախումների գրանցման մատյանի համապատասխան էջերի պատճենները կամ լուսանկարները:
Ձև N 1
Հայտ
Ատեստավորման ենթակա ուսուցչին վերապատրաստող կազմակերպության
ՀՀ կրթության, գիտության,
մշակույթի և սպորտի նախարար
______________________________
______________________________
______________________________
Հանրակրթական ուսումնական հաստատության ատեստավորման ենթակա ուսուցչին վերապատրաստող երաշխավորված կազմակերպությունների ցանկում ընդգրկվելու
ԴԻՄՈՒՄ ______________________________________________________________________
(Կազմակերպության անվանումը)
ցանկանում է մասնակցել ատեստավորման ենթակա ուսուցչին վերապատրաստող երաշխավորված կազմակերպությունների ցանկում ընդգրկվելու համար հայտարարված մրցույթին:
Կազմակերպությունը դիմում է վերապատրաստումները
__________________________________________________________ մարզի
(մարզերի)
__________________________________________________________ առարկայի
(առարկաների)
__________________________________________________________ բաժնի
(բաժիններ)
__________________________________________________________ մակարդակի
(մակարդակներ)
__________________________________________________________ եղանակով
(եղանակներով)
իրականացնելու համար:
Կազմակերպությունը պատասխանատու է հայտում նշված տեղեկության համար և պատրաստակամ է կատարելու այն պարտավորությունները, որոնք` մրցույթում հաղթելու դեպքում, կսահմանվեն հետագայում կնքվելիք պայմանագրով:
Տնօրեն` ____________________________
Կ.Տ.
«__» ___________, 20______ թ.
I. ՏԵՂԵԿՈՒԹՅՈՒՆՆԵՐ
Համայնքը (քաղաքը)
__________________________________________________________________
Կազմակերպությունը
__________________________________________________________________
Գտնվելու վայրը
___________________________________________________________________
1. Կազմակերպության տարածքի ֆիզիկական վիճակը, գործունեության իրավունքը, պայմանները
1) Կազմակերպության սեփականության կամ անհատույց օգտագործման կամ վարձակալության իրավունքով օգտագործվող տարածքը (տարածքը վարձակալությամբ տրամադրելու վերաբերյալ նախնական համաձայնությունը) (պետական գրանցման վկայականի, կանոնադրության, պայմանագրի, հարկային պարտավորությունների կատարման վերաբերյալ հարկային մարմինների կողմից կազմակերպությանը տրված տեղեկանքների պատճենները) առնվազն մեկ ուսումնական խմբի (մինչև 30 անձ) հետ տեսական և գործնական պարապմունքներ իրականացնելու համար:
__________________________________________________________________________
__________________________________________________________________________
__________________________________________________________________________
2) Վերապատրաստումների համար նախատեսված լսարանների, սենյակների քանակը և դրանց ֆիզիկական վիճակի նկարագրությունը
__________________________________________________________________________
__________________________________________________________________________
__________________________________________________________________________
3) Նկարագրել սենյակների կահավորվածությունը (սեղաններ, աթոռներ, գրատախտակ և այլն, տեսակը, մաշվածության աստիճանը)
__________________________________________________________________________
__________________________________________________________________________
__________________________________________________________________________
4) Թվարկել վերապատրաստումների իրականացման համար նախատեսված
սենյակներում առկա սարքավորումները (համակարգիչներ, պրոյեկտոր,
տեսատեխնիկա, տպիչ, բազմացնող սարք և այլն), տեսակը և քանակը
.________________________________________________________.
|Սարքավորման անվանումը | Մակնիշը | քանակը | վիճակը |
|_______________________|____________|__________|________|
|_______________________|____________|__________|________|
|_______________________|____________|__________|________|
|_______________________|____________|__________|________|
.________________________________________________________.
5) Հեռավար կամ համակցված եղանակով վերապատրաստման դեպքում անհրաժեշտ հագեցվածությունը, կազմակերպման մանրամասները
__________________________________________________________________________
__________________________________________________________________________
__________________________________________________________________________
6) Հոսող ջրի առկայությունը
__________________________________________________________________________
__________________________________________________________________________
__________________________________________________________________________
7) Սանհանգույցների առկայությունը և վիճակը
__________________________________________________________________________
__________________________________________________________________________
__________________________________________________________________________
8) Ծավալուն վերապատրաստում իրականացնելու դեպքում կազմակերպական բնույթի լրացուցիչ տվյալներ` անհրաժեշտ ծավալներ ապահովելու հնարավորության վերաբերյալ
__________________________________________________________________________
__________________________________________________________________________
__________________________________________________________________________
9) Ներկայացնել տեղեկություն` կազմակերպության ղեկավար անձնակազմի վերաբերյալ (կրթություն, աշխատանքային փորձ).
__________________________________________________________________________
__________________________________________________________________________
__________________________________________________________________________
2. Վերապատրաստման ծրագրի բովանդակությունը, համապատասխան հագեցվածությունը և օրվա ժամանակացույցը
Ուսուցիչների վերապատրաստման ծրագրի բովանդակությանը համապատասխան ձեռնարկով, մոդուլով, թեստային առաջադրանքներով, հարցաշարերով, ամփոփաթերթերով, ուսումնանյութական բազայով, կահավորանքով, ՏՀՏ միջոցներով, սարքավորումներով, ուսումնադիտողական պարագաներով, ուսումնական գրականությամբ ապահովվածությունը
__________________________________________________________________________
__________________________________________________________________________
__________________________________________________________________________
3. Կազմակերպության կադրային ռեսուրսների հնարավորությունները (տեղեկանք CV)
ա) Տրամադրել տվյալներ աշխատակազմի այն անդամների մասին, ովքեր ունեն վերապատրաստումների իրականացման ուղղությամբ համապատասխան փորձառություն, հմտություններ, գիտելիքներ և կարողություններ (լրացնել աղյուսակը)
._____________________________________________________________________.
|Անունը, |Կրթությունը, |Մասնա- |Վերջին 5 |Որպես վերա- |Այլ |
|ազգանուն,|որ ուսումնական|գիտական|տարում |պատրաստող |տեղեկու-|
|ծննդյան |հաստատությունն|ստաժը |վերապատրաս- |վերապատրաս- |թյուններ|
|թիվը |է ավարտել | |տումների` |տումների ինչ| |
| |(որակավորումը)| |որպես վերա- |ծրագրերի է | |
| | | |պատրաստող, |մասնակցել | |
| | | |մասնակցության |(ծրագրի | |
| | | |փորձը ղեկավար |անվանումը) | |
| | | |և մանկավար- | | |
| | | |ժական կադրերի | | |
| | | |պատրաստման | | |
| | | |կամ վերա- | | |
| | | |պատրաստման | | |
| | | |ոլորտում | | |
|_________|______________|_______|______________|____________|________|
|_________|______________|_______|______________|____________|________|
|_________|______________|_______|______________|____________|________|
._____________________________________________________________________.
4. Կազմակերպության փորձառությունը վերապատրաստումների իրականացման ուղղությամբ
Ներկայացնել տեղեկանք` ուսուցիչների մասնագիտական վերապատրաստման բնագավառում Կազմակերպության վերջին երկու տարիների ընթացքում կատարած աշխատանքների մասին (առկայության դեպքում)
__________________________________________________________________________
__________________________________________________________________________
__________________________________________________________________________
__________________________________________________________________________
.__________________________________________________.
|Հայտում նշված տեղեկությունը հաստատում եմ` |
|Կազմակերպության տնօրեն` |
|___________________________ |
|___________________________ |
|ամիս, ամսաթիվ, տարեթիվ |
.__________________________________________________.
Ձև N 2
Միավորային համակարգով կազմակերպության միասնական ձևի գնահատման անվանական թերթիկ
._____________________________________________________________________.
|Կազմակեր-|Կադրերի |Ներկայաց- |Վերապատ- |Կազմա- |Միավորային |
|պության |պատրաստման |ված ծրագրի |րաստող |կերպության|անհատական |
|անվանումը|և վերապատ- |և թեմատիկ |մասնա- |ֆինանսական|գնահատականը|
| |րաստման |պլանավորման|գետների |և |անցողիկ |
| |ոլորտի |համապատաս- |որակա- |գույքային |շեմը` 80 |
| |փորձի |խանությունը|վորման, |ապահով- |միավոր |
| |համապատաս- |սույն կարգի|փորձառու- |վածության | |
| |խանությունը |17-րդ կետի |թյան և |պայմանների| |
| |սույն կարգի |պահանջ- |պաշտոնների |համապատաս-| |
| |8-րդ կետի |ներին, |նկարագրերի |խանու- | |
| |4-րդ |առավելա- |համապատաս- |թյունը | |
| |ենթակետի |գույնը` 45 |խանությունը|սույն | |
| |պահանջներին,|միավոր |սույն կարգի|կարգի 8-րդ| |
| |առավելա- | |8-րդ կետի |կետի 1-ին,| |
| |գույնը` | |4-րդ |2-րդ, 3-րդ| |
| |5 միավոր | |ենթակետի |և 9-րդ | |
| | | |պահանջ- |կետի 3-րդ | |
| | | |ներին, |ենթա- | |
| | | |առավելա- |կետերի | |
| | | |գույնը` 30 |պահանջ- | |
| | | |միավոր |ներին, | |
| | | | |առավելա- | |
| | | | |գույնը` | |
| | | | |20 միավոր | |
|_________|____________|___________|___________|__________|___________|
|_________|____________|___________|___________|__________|___________|
|_________|____________|___________|___________|__________|___________|
._____________________________________________________________________.
ՀԱՆՁՆԱԺՈՂՈՎԻ ԱՆԴԱՄ`
Ձև N 3
Կազմակերպությունների հանրագումարային գնահատման թերթիկ
.____________________________________________________________________.
|Հ/Հ|Կազմակերպու- |Գնահատման հանրագումարային |Հանձնաժողովի որոշումը|
| |թյան անվանումը|արդյունքը (միջին թվաբանական| |
| | |ցուցանիշը) | |
|___|______________|___________________________|_____________________|
|___|______________|___________________________|_____________________|
|___|______________|___________________________|_____________________|
.____________________________________________________________________.
ՀԱՆՁՆԱԺՈՂՈՎԻ ՆԱԽԱԳԱՀ`
Ձև N 4
Հայտ
Ատեստավորման ենթակա ուսուցչին վերապատրաստման կազմակերպության դասընթացի երաշխավորման
ՀՀ կրթության, գիտության, մշակույթի և սպորտի նախարար
______________________________
______________________________
______________________________
Հանրակրթական ուսումնական հաստատության ատեստավորման ենթակա ուսուցչին վերապատրաստող երաշխավորված դասընթացների ցանկում ընդգրկելու համար
ԵՐԱՇԽԱՎՈՐՈՒՄ ԵՄ
_______________________________________________________________________
(Դասընթացի անվանումը)
_______________________________________________________________________
(Դասընթացը վարող մասնագետի անունը, ազգանունը, որակավորումը)
_______________________________________________________________________
(Դասընթացի բովանդակությունը ներկայացնող մոդուլը կամ Դասընթացի
բովանդակությունը ներկայացնող կայքի հղումը համացանցում)
_______________________________________________________________________
_______________________________________________________________________
(Դասընթացը մշակած կազմակերպության տվյալները (անվանումը, գրանցման
երկիրը, հասցեն, կայքի հասցեն))
Նախարարի կողմից հաստատված` ուսուցչի վերապատրաստման չափորոշչին կամ դրա մի մասին Դասընթացի համապատասխանության հիմնավորում:
.___________________________________________________________.
| |
| |
.___________________________________________________________.
դասընթացը ատեստավորման ենթակա ուսուցչին վերապատրաստող երաշխավորված դասընթացների ցանկում ընդգրկվելու համար հայտարարված մրցույթին:
Տնօրեն` ____________________________
Կ.Տ. «___» ________, 20______ թ.
Ձև 5
Միավորային համակարգով դասընթացի միասնական ձևի գնահատման անվանական թերթիկ
._________________________________________________________________________.
|Դասընթացի|Դասընթացը |Դասընթացի |Դասընթացի|Վերապատ- |Վերապատ- |Միավո- |
|անվանումը|մշակած |ծրագրի և |համար |րաստման |րաստման |րային |
| |կազմակեր- |թեմատիկ |տրվող |չափորոշչի|մակարդակը|անհատական |
| |պության |պլանավոր- |կրեդիտ- |և ծրագրի|(ավագ, |գնահատա- |
| |փորձը |ման համա- |ների |բաժինների|հմուտ, |կանը |
| |կադրերի |պատասխա- |քանակը |անվանում-|վերապատ- |անցողիկ |
| |պատրաստման |նությունը | |ները |րաստող, |շեմը` 50 |
| |և վերապատ-|սույն | | |հետազոտող|միավոր |
| |րաստման |կարգի | | |(ընդգծել)| |
| |ոլորտում` |17-րդ կետի| | | | |
| |մինչև 5 |պահանջին` | | | | |
| |միավոր |մինչև 45 | | | | |
| | |միավոր | | | | |
|_________|___________|__________|_________|_________|_________|__________|
|_________|___________|__________|_________|_________|_________|__________|
|_________|___________|__________|_________|_________|_________|__________|
._________________________________________________________________________.
ՀԱՆՁՆԱԺՈՂՈՎԻ ԱՆԴԱՄ`
Ձև 6
Դասընթացների հանրագումարային գնահատման թերթիկ
.___________________________________________.
|Հ/Հ|Դասընթացի|Գնահատման |Հանձնաժողովի|
| |անվանումը|հանրագումարային |որոշումը |
| | |արդյունքը (միջին| |
| | |թվաբանական | |
| | |ցուցանիշը) | |
|___|_________|________________|____________|
|___|_________|________________|____________|
|___|_________|________________|____________|
.___________________________________________.
Ձև N 7
ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎԱԾ ՎԵՐԱՊԱՏՐԱՍՏՄԱՆ ԴԱՍԸՆԹԱՑԻ ՎԵՐԱԲԵՐՅԱԼ ՀԱՇՎԵՏՎՈՒԹՅՈՒՆ
1. Կազմակերպության անվանումը.
2. Կազմակերպության իրականացրած վերապատրաստման դասընթացը (դասընթացները). բոլոր բաժիններով և բաղադրիչներով.
3. Կազմակերպության իրականացրած վերապատրաստման դասընթացի (դասընթացների) իրականացման ժամկետները (սկիզբ և ավարտ).
._________________________________________________________
|N |Ազգանուն|Անուն|Հայրանուն|Մարզ|Ուսում- |Առարկա|Ուսուց-|
| | | | | |նական | |չի դաս-|
| | | | | |հաստա- | |ընթա- |
| | | | | |տություն| |ցից |
| | | | | | | |բացա- |
| | | | | | | |կայած |
| | | | | | | |ժամերի |
| | | | | | | |թիվը |
| | | | | | | | |
| | | | | | | | |
|__|________|_____|_________|____|________|______|_______|
|1.| | | | | | | |
._________________________________________________________
.___ _____________________________________________________________________.
|N | |Ուսուցչի հավաքած կրեդիտները` ըստ բաժինների |Ուսուցչի|Դաս- |
| | |___________________________________________________|հավաքած |ընթացը |
| | |Առար-|Հանրա-|ՏՀՏ|Տարի- |Դիրքո-|Համընդ-|Գնահա-|Առար-|կրեդիտ- |հեռավար|
| | |կայա-|կրթու-| |քային |րոշում|հանուր |տում |կայի |ների |եղանա- |
| | |կան |թյան | |հոգե- |և |ներա- | |դասա-|ընդհա- |կով |
| | |գիտե-|բնագա-| |բանու-|արժեք |ռում | |վանդ-|նուր |իրակա- |
| | |լիքի |վառի | |թյուն | | | |ման |թիվը |նացված |
| | |իմա- |օրենս-| | | | | |մեթո-| |ժամերի |
| | |ցու- |դրու- | | | | | |դիկա | |թիվը |
| | |թյուն|թյուն | | | | | | | | |
|__| |_____|______|___|______|______|_______|______|_____|________|_______|
|1.| | | | | | | | | | | |
.___ _____________________________________________________________________.
(հավելվածը փոփ. 11.04.2022 թիվ 15-Ն /հրամանն ունի անցումային դրույթ/, խմբ. 15.03.2024 թիվ 16-Ն հրամաններ)
Պաշտոնական հրապարակման օրը` 17 մարտի 2021 թվական: