(ուժը կորցրել է 14.04.11 թիվ 425-Ն որոշում)
i
040.1753.181102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«18» նոյեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 հոկտեմբերի 2002 թվականի N 1753-Ն
i
ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏԻ ՆԿԱՐԱԳԻՐԸ ԵՎ ԱՅՆ ԿՐԵԼՈՒ ԺԱՄԿԵՏՆԵՐԸ ՍԱՀՄԱՆԵԼՈՒ ՄԱՍԻՆ
Համաձայն «Ոստիկանությունում ծառայության մասին» Հայաստանի Հանրապետության օրենքի 27-րդ հոդվածի առաջին և երկրորդ մասերի` Հայաստանի Հանրապետության կառավարությունը որոշում է.
1. Սահմանել ոստիկանության ծառայողի համազգեստի նկարագիրը և այն կրելու ժամկետները` համաձայն NN 1 և 2 հավելվածների:
i
2. Հայաստանի Հանրապետության ներքին գործերի նախարարին` մինչև 2003 թվականի հունվարի 31-ը սահմանել ոստիկանության ծառայողին համազգեստ տրամադրելու, այն կրելու կարգն ու պայմանները:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՆՈՅԵՄԲԵՐԻ 13-ԻՆ
Հավելված N 1
Հայաստանի Հանրապետության
կառավարության 2002 թվականի
հոկտեմբերի 31-ի N 1753-Ն որոշման
ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏԻ ՁԵՎԸ ԵՎ ՆԿԱՐԱԳԻՐԸ
i
Ոստիկանության բարձրագույն, գլխավոր, ավագ, միջին և կրտսեր խմբերի պաշտոններ զբաղեցնող ոստիկանության ծառայողները համազգեստը կրում են շնորհված ոստիկանության կոչումներին համապատասխան ուսադիրներով:
(նախաբանը փոփ. 21.08.03 թիվ 1028-Ն, 01.12.05 թիվ 2136-Ն որոշումներ)
1. ՈՍՏԻԿԱՆՈՒԹՅԱՆ ԲԱՐՁՐԱԳՈՒՅՆ ԿՈՉՈՒՄ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏԸ
1.1. Գլխարկ` ականջակալներով, կարակուլե
Մահուդից, բաղկացած` թասակից, ականջակալներից և ճակատային մասից (հովհար): Ականջակալներն ու հովհարը մշակված են մոխրագույն բնական կարակուլից: Թասակը չորստապականի է, հովհարի առջևի կենտրոնական մասում ամրացվում է գլխարկանշան:
1.2. Գլխարկ` բրդյա, ամենօրյա
i
Մուգ մոխրագույն կտորից, կարմիր կանտով և գլխարկաբոլորքով: Կազմված է սև, լաքապատ գլխարկահովհարից և գլխարկաբոլորքից, որի վրա 2 ոսկեգույն կոճակով ամրացվում է ոսկեզօծ զարդապարան (գոտի): Գլխարկաբոլորքի վերևի և գագաթի միացման տեղով անցնում է 2 մմ լայնքով` կարմիր մահուդից պատրաստված կանտ: Գագաթնամասում ամրացվում է Հայաստանի Հանրապետության զինանշանը: Գլխարկաբոլորքի վրա` առջևի կենտրոնական մասում ամրացվում են ոսկեզօծ թելերով ասեղնագործված դափնեճյուղեր և գլխարկանշան:
(1.2-րդ կետը փոփ. 01.12.05 թիվ 2136-Ն որոշում)
1.3. Գլխարկ` բրդյա, տոնական
i
Կառուցվածքով և ձևով նման է 1.2-րդ կետում նկարագրված ամենօրյա բրդյա գլխարկին: Կարվում է նույն կտորից, ինչ որ` տոնական կիտելը:
Գլխարկահովհարի արտաքին մակերեսի վրա, առջևի մասում, 2 կողմից ոսկեզօծ թելերով ասեղնագործվում են դափնեճյուղեր:
(1.3-րդ կետը փոփ. 01.12.05 թիվ 2136-Ն որոշում)
1.4. Պիլոտկա` բրդյա
Մուգ մոխրագույն կտորից: Կազմված է երկարացված հատակի 2 մասից, 2 պատից և 2 փեշիկից:
Վերծալված եզրակարերն ավարտվում են կարմիր կանտով: Ձախ կողմում ունի օդանցքի 3 անցք: Առջևի կենտրոնական մասում ամրացվում է գլխարկանշան:
1.5. Վերարկու` ձմեռային, բրդյա, կարակուլե օձիքով, ուսադիրներով
Մուգ մոխրագույն կտորից է, հանովի բնական կարակուլե օձիքով: Ձևվածքն ունի կիպ նստած ուրվագիծ: 2 լանջափեշերը կոճկվում են 3 զույգ ոսկեգույն կոճակով, 2 գրպանը` ներկարովի, կափույրներով: Օձիքը ծալովի է, ծայրերը` կարմիր եզրակարերով: Մեջքամասը` մեջտեղի կարով, հետևամասում` 2 կոճակով իրանաձիգ գոտի: Թևքերը` երկկարանի, ներկարված: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
1.6. Կիսավերարկու` գարնանային-աշնանային, ուսադիրներով
Մուգ մոխրագույն կտորից, անջատվող մորթե օձիքով, ուղիղ ուրվագծով և տաք ներդիրով, կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասերում` մեծ, վրադիր կափույրներով գրպաններ, իսկ վերևի մասում` թեք ներկարված փոքր գրպաններ: Աստառը` մետաքսյա, ձախ կողմում ունի ծոցագրպան: ՈՒսադիրները` հանովի, մուգ մոխրագույն:
1.7. Վերարկու` գարնանային-աշնանային, ուսադիրներով
Մուգ մոխրագույն բրդյա կտորից, ուղիղ ուրվագծով, ձախ լանջափեշը 4 կոճակով կոճկվող գաղտնակար հանգույցով: Հանովի տաք ներդիրով, պլաստմասսայե ճարմանդով կոճկվող գոտիով: Օձիքը` ծալովի, մեջքամասը` վերին կտրվածքով, մեջտեղում` կարով: Թևքերը` ներկարված, երկկարանի, կոճակով ամրացված լեզվակով: Աստառը` մետաքսյա, ձախ կողմում ունի ծոցագրպան: 2 լանջափեշի վրա` թեք ներկարված մեծ գրպաններ: ՈՒսադիրները` հանովի, մուգ մոխրագույն:
1.8. Կիտել` բրդյա, պողպատագույն, տոնական, ուսադիրներով
i
Երկփեշ, 6 ոսկեգույն կոճակը տեղադրված են երկշարք: Հետծալված, կարմիր եզրով օձիքի վրա ոսկեզօծ թելով ասեղնագործված է հատուկ պատկեր (դափնեճյուղ): 2 թևքաբերանին ոսկեզօծ թելով ասեղնագործված են դափնեճյուղեր, կարմիր կանտերին զուգահեռ ասեղնագործված են ոսկեզօծ մակաշերտեր: Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, ոսկեզօծ:
(1.8-րդ կետը փոփ. 01.12.05 թիվ 2136-Ն որոշում)
1.9. Կիտել` բրդյա, ուսադիրներով
i
Մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք: Հետծալված, կարմիր եզրով օձիքի վրա ոսկեզօծ թելով ասեղնագործված է հատուկ պատկեր (դափնեճյուղ): Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, ոսկեզօծ:
(1.9-րդ կետը փոփ. 01.12.05 թիվ 2136-Ն որոշում)
1.10. Բաճկոն` բրդյա, ուսադիրներով
Մուգ մոխրագույն կտորից, միակողմ, վերադիր օձիքով, շղթայով կոճկվող: Կրծքամասի 2 կողմում տեղադրված են վրադիր շերտակարով, ոսկեգույն կոճակով կոճկվող կափույրով գրպաններ: Մեջքամասը` վերին կտրվածքով, թևքերը` միակար թեզանիքներով և կտրվածքով: Գոտկատեղի կողամասերում` ոսկեգույն կոճակով կոճկվող բացվածքներ: Թեզանիքները կոճկվում են 2 ոսկեգույն կոճակով: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
1.11. Տաբատ` բրդյա, ամենօրյա
Մուգ մոխրագույն կտորից, ուղիղ ուրվագծով: Գոտին` գոտեմակօղերով, կոճկվում է 2 կոճակով և շղթայով, մետաքսյա աստառով, կողագծերը` կարմիր կանտով և 2 սմ լայնությամբ 2 գունաժապավենով: Արտաքին գրպանները` ուղիղ: Հետևամասի աջ կողմում` կոճակով կոճկվող կափույրով գրպան:
1.12. Տաբատ` բրդյա, տոնական
i
Կառուցվածքով և ձևով նման է 1.11-րդ կետում նկարագրված ամենօրյա տաբատին: Կարվում է մուգ կապույտ գույնի կտորից:
(1.12-րդ կետը փոփ. 01.12.05 թիվ 2136-Ն որոշում)
1.13. Վերնաշապիկ` կարճաթև, ուսադիրներով
Սպիտակ կամ մոխրագույն-երկնագույն կտորից, ծալովի օձիքով, կրծքամասում` կոճակով կոճկվող կափույրով և շերտակարով վրադիր գրպաններ: ՈՒղիղ գոտիով, կարագծերին` էլաստիկ ժապավեններ: Հետևամասը` վերին կտրվածքով: Կոճկվում է 8 կոճակով, ձախ կտրվածքը` շերտակարով: Թևքերը` կարճ, ուղիղ թևքածալերով: ՈՒսերին` գոտեմակօղեր` ուսադիրների համար:
1.14. Վերնաշապիկ` երկարաթև, ուսադիրներով
Սպիտակ կամ մոխրագույն-երկնագույն կտորից, օձիքը` կանգուն կտրվածքով, կրծքամասում` կոճակով կոճկվող կափույրով և շերտակարով վրադիր գրպաններ: ՈՒղիղ գոտիով, կարագծերին` էլաստիկ ժապավեններ: Հետևամասը` վերին կտրվածքով: Կոճկվում է 8 կոճակով: Ձախ կտրվածքը` շերտակարով: Թևքերը` երկար, կոճակով կոճկվող թեզանիքներով: ՈՒսերին` գոտեմակօղեր` ուսադիրների համար:
1.15. Փողկապ` սև, մուգ մոխրագույն
ՈՒնի լայնացած ուրվագծով ձևվածք: Պատրաստի տեսքն ավարտվում է ներքևում` սուր անկյունով, վերևում` մշտական հանգույցով: Օձիքի տակ ամրանում է էլաստիկ ժապավենով և ամրակով:
1.16. Կաշնե` սպիտակ, մուգ մոխրագույն
Սպիտակ տրիկոտաժե կաշնեն նախատեսված է տոնական, իսկ մուգ մոխրագույնը` ամենօրյա հանդերձանքի համար, լայնքը` 24 սմ, երկարությունը` 120 սմ:
1.17. Ներքնաշոր` ամառային
Բամբակյա կտորից, բաղկացած է ներքնաշապիկից և վարտիքից: Ձևվածքն ունի ուղիղ ուրվագիծ: Ներքնաշապիկը` երկարաթև, վզի բացվածքը` կլոր: Առաջամասում` մշակված փոքր բացվածք, կոճկվում է մեկ կոճակով: Վարտիքի առաջամասում ունի փոքր բացվածք, իսկ հետևամասի վերին հատվածը` կտրվածքով: Գոտին առաջամասում կոճկվում է 2 կոճակով:
1.18. Ներքնաշոր` ձմեռային
Կառուցվածքով և ձևով նման է 1.17-րդ կետում նկարագրված ամառային ներքնաշորին: Կարվում է բամբակյա կտորից:
1.19. Կաշվե գոտի` սև, Հայաստանի Հանրապետության զինանշանի պատկեր ունեցող ճարմանդով
50 մմ լայնությամբ, երկանցք մետաղյա ճարմանդը` Հայաստանի Հանրապետության զինանշանի պատկերով:
1.20. Գոտի` տոնական, Հայաստանի Հանրապետության զինանշանի պատկեր ունեցող ճարմանդով
Ծիրանագույն, սինթետիկ գործվածքից, մետաղյա ճարմանդը` Հայաստանի Հանրապետության զինանշանի պատկերով:
1.21. Գոտի` տաբատի, կաշվից
35 մմ լայնությամբ, մետաղյա ճարմանդով:
1.22. Կիսաճտքավոր` կոշիկ
Սև գույնի կաշվից: Երեսամասը` ամբողջական առաջամասով, ճտքերի հետևամասերն ունեն երկարացված գոտի: Լեզվակը միացված է առաջամասին և ճտքերի ստորին մասին, ներբանների եզրերը վրաքաշվող մասերի հետ` կարերով, միացման մեթոդը` սոսնձով:
1.23. Կոշիկ
Սև գույնի կաշվից: Երեսամասը` ամբողջական առաջամասով, կտրված հետևամասերով ամրացված գոտիով:
Հետևամասերի միացումն առաջամասերին` էլաստիկ ժապավենով: Հիմնական և միջնաստառները` կտորից, կոշտ քթամասերը և հետևամասերը` արհեստական կաշվից: Ներբանը ձևավորված է պոլիուրէթանից` սոսնձով միացման մեթոդով:
1.24. Կիսագուլպա` կիսաբրդյա, սև կամ մուգ մոխրագույն
1.25. Կիսագուլպա` բամբակյա, սև կամ մուգ մոխրագույն
1.26. Ձեռնոց` բրդյա, սև, հինգմատնյա
1.27. Ձեռնոց` սինթետիկ, սպիտակ, հինգմատնյա
1.28. Թիկնոց-ուսնոց` կրելու գոտիով
Մուգ մոխրագույն, անջրանցիկ կտորից, ուղիղ ուրվագծով, օձիքը` կենտրոնական 5 կոճակով կոճկվող գաղտնի հանգույցով: Լանջափեշերի վրա` թեք ներկարված միջանցիկ բացվածքներ, հանովի գլխանոցով: Օձիքը` ծալովի: Մեջքամասը` դեպի դուրս բացվող վերին կարով:
1.29. Փողկապի ամրակ
Երկճյուղանի մետաղյա շերտիկ:
1.30. ՈՒսկապ (աքսելբանտ)
Ծիրանագույն լարահյուսքերով, 2 արույրե ծայրապանակով:
2. ՈՍՏԻԿԱՆՈՒԹՅԱՆ ԳԼԽԱՎՈՐ, ԱՎԱԳ, ՄԻՋԻՆ ԵՎ ԿՐՏՍԵՐ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ՀԱՄԱԶԳԵՍՏԸ
2.1. Գլխարկ` ականջակալներով, կարակուլե (գնդապետների համար)
Կառուցվածքով և ձևով նման է 1.1-ին կետում նկարագրված գլխարկին:
2.2. Գլխարկ` ականջակալներով
Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը մշակված են ոչխարի մոխրագույն մորթուց (ոստիկանության գլխավոր և ավագ կոչումներ ունեցողների համար), արհեստական մորթուց (ոստիկանության կրտսեր կոչում ունեցողների համար): Թասակը չորստապականի է, հովհարի առջևի կենտրոնական մասում ամրացվում է գլխարկանշան:
2.3. Գլխարկ` բրդյա (կիսաբրդյա), ամենօրյա
i
Մուգ մոխրագույն կտորից, կարմիր կանտով և գլխարկաբոլորքով: Բաղկացած է սև լաքապատ գլխարկահովհարից և գլխարկաբոլորքից, որի վրա 2 փոքր մետաղյա կոճակով ամրացված է ոսկեզօծ զարդապարան (գոտի): Գլխարկաբոլորքի վերևի և գագաթի միացման տեղով անցնում է 2 մմ լայնքով կարմիր մահուդից պատրաստված կանտ: Գագաթնամասում ամրացվում է Հայաստանի Հանրապետության զինանշանը (գնդապետների համար): Գլխարկաբոլորքի վրա` առջևի կենտրոնական մասում ամրացվում է գլխարկանշան:
(2.3-րդ կետը փոփ. 01.12.05 թիվ 2136-Ն որոշում)
2.4. Գլխարկ` բրդյա, տոնական
Կառուցվածքով և ձևով նման է 2.3-րդ կետում նկարագրված ամենօրյա բրդյա գլխարկին, կարվում է նույն կտորից, ինչ որ` տոնական կիտելը և տաբատը:
2.5. Գլխարկ սինթետիկ, ամենօրյա
Կառուցվածքով և ձևով նման է 2.3-րդ կետում նկարագրված ամենօրյա գլխարկին, կարվում է նույն կտորից, ինչ որ` սինթետիկ բաճկոնը և տաբատը:
2.6. Պիլոտկա` բրդյա
Մուգ մոխրագույն կտորից: Բաղկացած է երկարացված հատակի 2 մասից, 2 պատից և 2 փեշիկից:
Վերծալված եզրակարերն ավարտվում են կարմիր կանտով: Ձախ կողմում ունի օդանցքի 3 անցք: Առջևի կենտրոնական մասում ամրացվում է գլխարկանշան:
2.7. Վերարկու` ձմեռային, բրդյա, կարակուլե օձիքով, ուսադիրներով (գնդապետների համար)
Կառուցվածքով և ձևով նման է 1.5-րդ կետում նկարագրված ձմեռային վերարկուին` առանց կարմիր կանտի:
2.8. Կիսավերարկու` ձմեռային, ուսադիրներով
Մուգ մոխրագույն կտորից, անջատվող մորթե օձիքով, ուղիղ ուրվագծով և տաք ներդիրով: Կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասում` մեծ, վրադիր կափույրով գրպաններ, իսկ վերևի մասում` թեք ներկարված փոքր գրպաններ: Աստառը` մետաքսյա, ձախ կողմում` ծոցագրպան: ՈՒսադիրները` հանովի, մուգ մոխրագույն:
2.9. Վերարկու` բրդյա (կիսաբրդյա), գարնանային-աշնանային, ուսադիրներով
Մուգ մոխրագույն բրդյա (ոստիկանության գլխավոր և ավագ կոչումներ ունեցողների համար), կիսաբրդյա (ոստիկանության կրտսեր կոչում ունեցողների համար) կտորից, ուղիղ ուրվագծով, ձախ լանջափեշը` 4 կոճակով կոճկվող գաղտնակար հանգույցով: Հանովի տաք ներդիրով, պլաստմասսայե ճարմանդով կոճկվող գոտիով, մինչև ներքև ձգվող տակդիրով: Օձիքը` ծալովի, մեջքամասը` վերին կտրվածքով, մեջտեղում` կարով: Թևքերը` երկկարանի: 2 լանջափեշի վրա` թեք ներկարված մեծ գրպաններ: Աստառը` մետաքսյա, ձախ կողմում` ծոցագրպան: ՈՒսադիրները` հանովի, մուգ մոխրագույն:
2.10. Կիտել` բրդյա, ամենօրյա ուսադիրներով
i
Գլխավոր կոչում ունեցող ծառայողի համար` մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք, հետծալված օձիքով: Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
Ավագ, միջին և կրտսեր կոչումներ ունեցող ծառայողների համար` մուգ մոխրագույն կտորից, միափեշ, միակող, 4 ոսկեգույն կոճակով, վրադիր օձիքով: Կիտելի կրծքամասի 2 կողմում տեղադրված են վրադիր շերտակարով, իսկ փեշերի ներքևի մասերում` ներկարված գրպաններ` ձևավոր կափույրով: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
(2.10-րդ կետը փոփ. 01.12.05 թիվ 2136-Ն որոշում)
2.11. Կիտել` բրդյա, տոնական ուսադիրներով
i
Գլխավոր կոչում ունեցող ծառայողների համար` մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք: Կիտել 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
Ավագ, միջին և կրտսեր կոչում ունեցող ծառայողների համար` մուգ մոխրագույն կտորից: Կառուցվածքով և ձևով նման է 2.10-րդ կետի երկրորդ պարբերությունում նկարագրված բրդյա կիտելին` առանց կրծքամասի վրադիր գրպանների:
(2.11-րդ կետը փոփ. 01.12.05 թիվ 2136-Ն որոշում)
2.12. Բաճկոն` բրդյա, ուսադիրներով
Մուգ մոխրագույն կտորից, միակողմ, վրադիր օձիքով, շղթայով կոճկվող, կրծքամասի 2 կողմում տեղադրված են վրադիր շերտակարով, ոսկեգույն կոճակով կոճկվող կափույրով գրպաններ: Մեջքամասը` վերին կտրվածքով, թևքերը` միակար թեզանիքներով և կտրվածքով: Գոտկատեղի կողամասերում` ոսկեգույն կոճակով կոճկվող բացվածքներ: Թեզանիքները կոճկվում են 2 ոսկեգույն կոճակով: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
2.13. Բաճկոն` սինթետիկ, ուսադիրներով
Մուգ մոխրագույն կտորից: Կառուցվածքով և ձևով նման է 2.12-րդ կետում նկարագրված բրդյա բաճկոնին:
2.14. Տաբատ` բրդյա, ամենօրյա
Մուգ մոխրագույն կտորից, ուղիղ ուրվագծով: Մետաքսյա աստառով, կողագծերը` կարմիր կանտով: Գոտին գոտեմակօղերով, կոճկվում է 2 կոճակով և շղթայով: Արտաքին գրպանները թեք են, տեղադրված` կանտից առաջ: հետևամասի աջ կողմում` կոճակով կոճկվող կափույրով գրպան:
2.15. Տաբատ` բրդյա, տոնական
Կառուցվածքով և ձևով նման է 2.14-րդ կետում նկարագրված ամենօրյա տաբատին:
2.16. Տաբատ` սինթետիկ
Կառուցվածքով և ձևով նման է 2.14-րդ կետում նկարագրված ամենօրյա տաբատին:
2.17. Վերնաշապիկ` կարճաթև և երկարաթև, ուսադիրներով
Կառուցվածքով և ձևով նման է 1.13-րդ և 1.14-րդ կետերում նկարագրված վերնաշապիկներին:
2.18. Փողկապ` սև, մուգ մոխրագույն
Կառուցվածքով և ձևով նման է 1.15-րդ կետում նկարագրված փողկապին:
2.19. Կաշնե` սպիտակ, մուգ մոխրագույն
Կառուցվածքով և ձևով նման է 1.16-րդ կետում նկարագրված կաշնեին:
2.20. Մայկա` տրիկոտաժե, սպիտակ, կարճաթև
ՈՒղիղ ձևվածքով, կլոր օձիքով:
2.21. Ներքնաշոր` ամառային
2.22. Ներքնաշոր` ձմեռային
2.23. Կաշվե գոտի` սև
50 մմ լայնությամբ, երկանցք մետաղյա ճարմանդով, վրան հավաքվում են արտաքին ծառայության համար անհրաժեշտ պարագաների գրպանիկներ:
2.24. Գոտի` տաբատի, կաշվից
35 մմ լայնությամբ, մետաղյա ճարմանդով:
2.25. Կիսաճտքավոր կոշիկ
Սև գույնի կաշվից: Երեսամասը` ամբողջական առաջամասով, ճտքերի հետևամասերն ունեն երկարացված գոտի: Լեզվակը միացված է առաջամասին և ճտքերի ստորին մասին: Ներբանների եզրերը` վրաքաշվող մասերի հետ` կարերով, միացման մեթոդը` սոսնձով:
2.26. Կոշիկ
Սև գույնի կաշվից: Երեսամասը` ամբողջական առաջամասով, կտրված հետևամասերով, ամրացված գոտիով:
Հետևամասերի միացումն առաջամասերին` էլաստիկ ժապավենով: Հիմնական և միջնաստառները` կտորից, կոշտ քթամասերը և հետևամասերը` արհեստական կաշվից: Ներբանը ձևավորված է պոլիուրէթանից` սոսնձով միացման մեթոդով:
2.27. Կիսագուլպա` կիսաբրդյա, սև, մուգ մոխրագույն
2.28. Կիսագուլպա` բամբակյա, սև, մուգ մոխրագույն
2.29. Ձեռնոց` բրդյա, սև, հինգմատնյա
2.30. Ձեռնոց` սինթետիկ, սպիտակ, հինգմատնյա
2.31. Թիկնոց-ուսնոց` կրելու գոտիով
Կառուցվածքով և ձևով նման է 1.28-րդ կետում նկարագրված թիկնոց-ուսնոցին:
2.32. Սուլիչ
2.33. Փողկապի ամրակ
2.34. Թաշկինակ
2.35. Զորանոցային հողաթափ
2.36. Զինվորական երկմատնյա ձեռնոց
(2-րդ կետը փոփ. 01.12.05 թիվ 2136-Ն որոշում)
i
3. ՈՍՏԻԿԱՆՈՒԹՅԱՆ ԳԼԽԱՎՈՐ, ԱՎԱԳ ԵՎ ԿՐՏՍԵՐ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԿԻՆ ԾԱՌԱՅՈՂՆԵՐԻ ՀԱՄԱԶԳԵՍՏԸ
3.1. Գլխարկ` ականջակալներով, կարակուլից (գնդապետների համար)
Կառուցվածքով և ձևով նման է 1.1-ին կետում նկարագրված գլխարկին:
3.2. Գլխարկ` ականջակալներով
Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը մշակված են ոչխարի մոխրագույն մորթուց (ոստիկանության գլխավոր, ավագ և միջին կոչումներ ունեցողների համար), արհեստական մորթուց (ոստիկանության կրտսեր կոչում ունեցողների համար): Թասակը չորստապականի է, հովհարի առջևի կենտրոնական մասում ամրացվում է գլխարկանշան:
3.3. Պիլոտկա` բրդյա
Մուգ մոխրագույն կտորից: Բաղկացած է երկարացված հատակի 2 մասից, 2 պատից և կենտրոնական մասում իրար վրա ծալվող 2 փեշիկից: Վերծալված եզրակարերը` կարմիր: Ձախ կողմում ունի օդանցքի 3 անցք: Առջևի կենտրոնական մասում ամրացվում է գլխարկանշան:
3.4. Գլխարկ` բրդյա, ամենօրյա
Մուգ մոխրագույն կտորից: Բաղկացած է գագաթից և ոլորաբոլորքից: ՈՒնի զուգահեռ զարդակարված լայն եզր: Առաջամասում 2 ոսկեգույն կոճակով ամրացվում է զարդապարանը: Ոլորաբոլորքն ունի մետաղյա օղակներով 4 անցք, առջևի կենտրոնական մասում ամրացվում է գլխարկանշան:
3.5. Գլխարկ` սինթետիկ
Կառուցվածքով և ձևով նման է ամենօրյա գլխարկին:
3.6. Գլխարկ` բրդյա, տոնական
Կառուցվածքով և ձևով նման է ամենօրյա գլխարկին, կարվում է նույն կտորից, ինչ որ` տոնական կիտելը և կիսաշրջազգեստը:
3.7. Վերարկու` ձմեռային, բրդյա, կարակուլե օձիքով, ուսադիրներով (գնդապետների համար)
Մուգ մոխրագույն կտորից, հանովի, բնական կարակուլե օձիքով: Ձևվածքն ունի նստած ուրվագիծ, լանջափեշերը կոճկվում են 5 ոսկեգույն կոճակով, թևքերը` երկկարանի, 2 գրպանը` ներկարովի, ուղիղ: Հետևամասը` 2 կտորից, բաց ծալվածքով, 2 ոսկեգույն կոճակով կոճկվող իրանաձիգ գոտի: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
3.8. Կիսավերարկու` ձմեռային, ուսադիրներով
Մուգ մոխրագույն կտորից, հանովի մորթե օձիքով, ուղիղ ուրվագծով և տաք ներդիրով: Կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասերում` մեծ, վրադիր գրպաններ, վերևի մասում` թեք ներկարված փոքր գրպաններ: Աստառը` սինթետիկ, ձախ կողմում ունի ծոցագրպան: ՈՒսադիրները` հանովի, մուգ մոխրագույն:
3.9. Վերարկու` գարնանային-աշնանային, ուսադիրներով
Մուգ մոխրագույն բրդյա (ոստիկանության գլխավոր, ավագ և միջին կոչումներ ունեցողների համար), կիսաբրդյա (ոստիկանության կրտսեր կոչում ունեցողների համար) կտորից: Ձևվածքն ունի կիսանստած ուրվագիծ: Աջ լանջափեշը` 4 կոճակով կոճկվող գաղտնակար հանգույցով: Թևքերը` երկկարանի: Լանջափեշերն ունեն կողքի կտրվածքներ, կրծքամասը` սեղմոններով: Հետևամասը ներքևում ավարտվում է բաց ծալվածքով: Աստառը` սինթետիկ, ձախ կողմում ունի ծոցագրպան: ՈՒսադիրները` հանովի, մուգ մոխրագույն:
3.10. Կիտել` բրդյա, ամենօրյա, ուսադիրներով
Մուգ մոխրագույն կտորից: Միափեշ, միակողմ 3 ոսկեգույն կոճակով, վրադիր օձիքով: Կրծքամասը` սեղմոններով, փեշերի ներքևի մասերում` ներկարվող, կափույրով թեք գրպաններ: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
3.11. Կիտել` բրդյա, տոնական, ուսադիրներով
Կառուցվածքով և ձևով նման է 3.10-րդ կետում նկարագրված ամենօրյա կիտելին:
3.12. Բաճկոն` բրդյա, ուսադիրներով
Մուգ մոխրագույն կտորից, միակողմ, վրադիր օձիքով: Շղթայով կոճկվող: Կրծքամասի 2 կողմում տեղադրված են վրադիր շերտակարով, ոսկեգույն կոճակով կոճկվող կափույրով գրպաններ: Մեջքամասը` վերին կտրվածքով, թևքերը` միակար թեզանիքներով և կտրվածքով: Գոտկատեղի կողամասերում` ոսկեգույն կոճակով կոճկվող բացվածքներ: Թեզանիքները կոճկվում են 2 ոսկեգույն կոճակով: Աստառը` մետաքսյա, ձախ կողմում ունի ծոցագրպան: ՈՒսադիրները` կարովի, մուգ մոխրագույն:
3.13. Բաճկոն` սինթետիկ, ուսադիրներով
Կառուցվածքով և ձևով նման է 3.12-րդ կետում նկարագրված բրդյա բաճկոնին:
3.14. Կիսաշրջազգեստ` բրդյա, ամենօրյա
Մուգ մոխրագույն, ուղիղ կարվածքով, երկկողմանի սեղմոններով, աստառով: Գոտին` գոտեմակօղերով, կողամասում կոճկվում է մեկ կոճակով: Հետևամասում` բացվածքով, կողամասում կոճկվում է մեկ կոճակով և շղթայով:
3.15. Կիսաշրջազգեստ` սինթետիկ, ամենօրյա
Կառուցվածքով և ձևով նման է 3.14-րդ կետում նկարագրված կիսաշրջազգեստին:
3.16. Կիսաշրջազգեստ` բրդյա, տոնական
Կառուցվածքով և ձևով նման է 3.14-րդ կետում նկարագրված կիսաշրջազգեստին:
3.17. Տաբատ` բրդյա
Մուգ մոխրագույն կտորից: Առաջամասը` մշակված սեղմոններով, գոտին` գոտեմակօղերով, կոճկվում է ձախ կողմից` մեկ կոճակով և շղթայով: Մետաքսյա աստառով, կողագծերը` կարմիր կանտով: Արտաքին գրպանները` թեք: Փողքերի ծայրերը` թեզանիքներով:
3.18. Վերնաշապիկ` կարճաթև, երկարաթև, ուսադիրներով
Կառուցվածքով և ձևով նման է 1.13-րդ և 1.14-րդ կետերում նկարագրված վերնաշապիկներին, ձախ շերտակարի փոխարեն կարվում է աջ շերտակար:
3.19. Փողկապ` սև, մուգ մոխրագույն
Կառուցվածքով և ձևով նման է 1.15-րդ կետում նկարագրված փողկապին:
3.20. Կաշնե` սպիտակ, մուգ մոխրագույն
Կառուցվածքով և ձևով նման է 1.16-րդ կետում նկարագրված կաշնեին:
3.21. Կաշվե գոտի` սև
Կառուցվածքով և ձևով նման է 2.23-րդ կետում նկարագրված գոտուն:
3.22. Գոտի` տաբատի, կաշվից
Կառուցվածքով և ձևով նման է 2.24-րդ կետում նկարագրված գոտուն:
3.23. Կիսաճտքավոր կոշիկ
Սև գույնի կաշվից: Երեսամասը` ամբողջական կամ կտրված քթամասով, երկարացված ձևավոր հետևամասերով, կրունկը` մինչև 5.5 սմ բարձրության: Ճտքերի վերնամասերը` ծալված աստառի հետ միացված են փափուկ մեջդիրով: Լեզվակը միացված է առաջամասին:
3.24. Կոշիկ
Սև գույնի կաշվից: Երեսամասը` ամբողջական, հետևամասի և առաջամասի հետ ծալված եզրերով: Ներբանը ձևավորված է պոլիուրէթանից` սոսնձով միացման մեթոդով: Կրունկը` մինչև 5 սմ բարձրության, փաթաթված երեսամասի նյութով:
3.25. Ներքնազգեստ` ամառային
3.26. Ներքնազգեստ` ձմեռային
3.27. Գուլպա` տրիկոտաժե, սև, մուգ մոխրագույն
3.28. Զուգագուլպա` կիսաբրդյա, կապրոնե
3.29. Ձեռնոց` բրդյա, սև, հինգմատնյա
3.30. Ձեռնոց` սինթետիկ, սպիտակ, հինգմատնյա
3.31. Թիկնոց-ուսնոց` կրելու գոտիով
3.32. Սուլիչ
3.33. Փողկապի ամրակ
Հանդերձանքի տեսակները տրվում են ըստ հասանելիք նորմաների:
Փողկապը, ձեռնոցները, տաբատի գոտին, կաշվե սև գոտին, թիկնոց-ուսնոցը` իր կրելու գոտիով, և ձեռնոցները նույնն են, ինչ որ` ոստիկանության գլխավոր, ավագ և կրտսեր կոչումներ ունեցող` ոստիկանությունում ծառայող տղամարդկանց համար:
(3-րդ կետը փոփ. 01.12.05 թիվ 2136-Ն որոշում)
i
4. ՈՍՏԻԿԱՆՈՒԹՅԱՆ ԲԱՐՁՐԱԳՈՒՅՆ, ԳԼԽԱՎՈՐ, ԱՎԱԳ ԵՎ ԿՐՏՍԵՐ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ՈՒՍԱԴԻՐՆԵՐԸ
(4-րդ կետը լրաց. փոփ. 21.08.03 թիվ 1028-Ն որոշում)
4.1. Ոստիկանության բարձրագույն կոչում ունեցող ոստիկանության ծառայողների ուսադիրները
ՈՒղղանկյուն, մակերեսը` հյուսկեն, հատուկ գործվածքով, տոնականը` ոսկեզօծ, կարովի ուսադիրները` կարմիր կանտով, հանովիները` առանց կարմիր կանտի, վերևամասում` բազմանկյուն կտրվածքով: Շնորհված կոչումներին համապատասխան` ոստիկանության գեներալ-գնդապետի կոչում ունեցող ծառայողների ուսադիրների վրա տեղադրվում են երեք, գեներալ-լեյտենանտի կոչում ունեցող ծառայողների ուսադիրների վրա` երկու, գեներալ-մայորի կոչում ունեցող ծառայողների ուսադիրների վրա` մեկ` ոսկեզօծ թելով ասեղնագործված, 22 միլիմետր տրամագծով հնգաթև աստղեր: ՈՒսադիրներն ամրացվում են մեկական ոսկեգույն կոճակով:
4.2. Ոստիկանության գլխավոր, ավագ և միջին կոչումներ ունեցող ոստիկանության ծառայողների ուսադիրները
ՈՒղղանկյուն, մակերեսը` հատուկ գործվածքով, կարովի ուսադիրների վերևամասը` կլորացված, կարմիր կանտով, հանովի ուսադիրների վերևամասը` բազմանկյուն, առանց կարմիր կանտի: Ոստիկանության գնդապետի, փոխգնդապետի և մայորի կոչումներ ունեցող ծառայողները կրում են երկու մակաշերտով, իսկ կապիտանի, ավագ լեյտենանտի, լեյտենանտի և կրտսեր լեյտենանտի կոչում ունեցող ծառայողները` մեկ մակաշերտով ուսադիրներ:
Շնորհված կոչմանը համապատասխան`
ոստիկանության գնդապետի կոչում ունեցող ծառայողների ուսադիրների վրա տեղադրվում են 20 միլիմետր տրամագծով երեք, փոխգնդապետի կոչում ունեցող ծառայողների ուսադիրների վրա` երկու, մայորի կոչում ունեցող ծառայողների ուսադիրների վրա` մեկ ոսկեզօծ հնգաթև աստղեր.
ոստիկանության կապիտանի կոչում ունեցող ծառայողների ուսադիրների վրա տեղադրվում են չորս, ավագ լեյտենանտի կոչում ունեցող ծառայողների ուսադիրների վրա` երեք, լեյտենանտի կոչում ունեցող ծառայողների ուսադիրների վրա` երկու և կրտսեր լեյտենանտի կոչում ունեցող ծառայողների ուսադիրների վրա` մեկ` 13 միլիմետր տրամագծով ոսկեզօծ հնգաթև աստղեր:
Հանովի ուսադիրների վրա տեղադրվում է նաև Հայաստանի Հանրապետության կառավարությանն առընթեր Հայաստանի Հանրապետության ոստիկանության խորհրդանիշը: ՈՒսադիրներն ամրացվում են մեկական ոսկեգույն կոճակով:
4.3. Ոստիկանության կրտսեր կոչում ունեցող ոստիկանության ծառայողների ուսադիրները
ՈՒղղանկյուն, հատուկ գործվածքով, կարովի ուսադիրների վերևամասը` կլորացված, կարմիր կանտով, հանովի ուսադիրների վերևամասը` բազմանկյուն, առանց մակաշերտերի և կարմիր կանտի:
Ավագ ենթասպայի և ենթասպայի կոչում ունեցող ոստիկանության ծառայողների ուսադիրների վրա տեղադրվում են համապատասխանաբար երեք և երկու` 13 միլիմետր տրամագծով ոսկեզօծ հնգաթև աստղեր:
Ոստիկանության ավագի, ավագ սերժանտի, սերժանտի, կրտսեր սերժանտի կոչում ունեցող ոստիկանության ծառայողներն ուսադիրների վրա կրում են նշանաքուղեր` շնորհված կոչումներին համապատասխան, հետևյալ հերթականությամբ`
ավագ` մեկ լայն, ուսադիրի երկայնքով,
ավագ սերժանտ` մեկ լայն, ուսադիրի լայնքով,
սերժանտ` երեք նեղ, ուսադիրի լայնքով,
կրտսեր սերժանտ` երկու նեղ, ուսադիրի լայնքով:
Հանովի ուսադիրների վրա տեղադրվում է նաև Հայաստանի Հանրապետության կառավարությանն առընթեր Հայաստանի Հանրապետության ոստիկանության խորհրդանիշը: ՈՒսադիրներն ամրացվում են մեկական ոսկեգույն կոճակով:
Ոստիկանության ուսումնական հաստատությունների սովորողների ուսադիրներն ուղղանկյուն են, կարովի ուսադիրը` վերևամասում կլորացված, կարմիր կանտով, հանովի ուսադիրները` վերևամասում բազմանկյուն, առանց կարմիր կանտի, երկու եզրից 0.5 միլիմետր լայնությամբ դեղին եզրագծերով:
Հանովի ուսադիրների վրա տեղադրվում է նաև Հայաստանի Հանրապետության կառավարությանն առընթեր Հայաստանի Հանրապետության ոստիկանության խորհրդանիշը: ՈՒսադիրներն ամրացվում են մեկական ոսկեգույն կոճակով:
Ոստիկանության ուսումնական հաստատությունների սովորողների (ունկնդիրների, կուրսանտների) ուսադիրների վրա տեղադրվում է 20 միլիմետր բարձրությամբ ոսկեգույն «ՈՒ» կամ «Կ» տառը:
(4-րդ կետը փոփ. 01.12.05 թիվ 2136-Ն որոշում)
Հավելված N 2
i
Հայաստանի Հանրապետության
կառավարության 2002 թվականի
հոկտեմբերի 31-ի N 1753-Ն որոշման
ՈՍՏԻԿԱՆՈՒԹՅԱՆ ԲԱՐՁՐԱԳՈՒՅՆ ԿՈՉՈՒՄ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ (ՆՈՐՄԱ 1)
.__________________________________________________________________.
|NN |Անվանումը |Քանակը |Կրելու |Ծանո-|
|ը/կ | | |ժամկետը |թա- |
| | | | |գրու-|
| | | | |թյուն|
|____|_____________________________________|_______|_________|_____|
|1. |Գլխարկ` ականջակալներով, կարակուլե |1 հատ |6 տարի | |
|2. |Գլխարկ` բրդյա, ամենօրյա |1 հատ |3 տարի | |
|3. |Գլխարկ` բրդյա, տոնական |1 հատ |5 տարի | |
|4. |Պիլոտկա` բրդյա |1 հատ |3 տարի | |
|5. |Վերարկու` ձմեռային, բրդյա, կարակուլե |1 հատ |5 տարի | |
| |օձիքով, ուսադիրներով | | | |
|6. |Կիսավերարկու` գարնանային-աշնանային, |1 հատ |5 տարի |4 |
| |ուսադիրներով | | | |
|7. |Վերարկու` բրդյա, գարնանային- |1 հատ |5 տարի | |
| |աշնանային, ուսադիրներով | | | |
|8. |Կիտել` բրդյա, պողպատագույն, |1 հատ |5 տարի | |
| |տոնական, ուսադիրներով | | | |
|9. |Կիտել` բրդյա, ուսադիրներով |1 հատ |5 տարի | |
|10. |Բաճկոն` բրդյա, ուսադիրներով |1 հատ |3 տարի | |
|11. |Տաբատ` բրդյա, ամենօրյա |2 հատ |2 տարի | |
|12. |Տաբատ` բրդյա, տոնական |1 հատ |5 տարի | |
|13. |Վերնաշապիկ` կարճաթև, սպիտակ, |1 հատ |2 տարի |1 |
| |ուսադիրներով | | | |
|14. |Վերնաշապիկ` երկարաթև, սպիտակ, |1 հատ |2 տարի |1 |
| |ուսադիրներով | | | |
|15. |Վերնաշապիկ` երկարաթև, մոխրագույն- |2 հատ |2 տարի |1 |
| |երկնագույն, ուսադիրներով | | | |
|16. |Վերնաշապիկ` կարճաթև, մոխրագույն- |2 հատ |2 տարի |1 |
| |երկնագույն, ուսադիրներով | | | |
|17. |Փողկապ` սև |1 հատ |5 տարի | |
|18. |Փողկապ` մուգ մոխրագույն |2 հատ |5 տարի | |
|19. |Կաշնե` սպիտակ (վճարումով) |2 հատ |4 տարի | |
|20. |Կաշնե` մուգ մոխրագույն (վճարումով) |2 հատ |3 տարի | |
|21. |Ներքնաշոր` ամառային |2 |1 տարի |2 |
| | |լրակազմ| | |
|22. |Ներքնաշոր` ձմեռային |2 |2 տարի |2 |
| | |լրակազմ| | |
|23. |Կաշվե գոտի` սև, Հայաստանի |1 հատ |10 տարի | |
| |Հանրապետության զինանշանի պատկեր | | | |
| |ունեցող ճարմանդով | | | |
|24. |Գոտի` տոնական, Հայաստանի |1 հատ |15 տարի | |
| |Հանրապետության զինանշանի պատկեր | | | |
| |ունեցող ճարմանդով | | | |
|25. |Գոտի` տաբատի, կաշվից |1 հատ |5 տարի | |
|26. |Կիսաճտքավոր կոշիկ |1 զույգ|3 տարի |3 |
|27. |Կոշիկ |1 զույգ|2 տարի |3 |
|28. |Կիսագուլպա` կիսաբրդյա, սև, մուգ |1 զույգ|1 տարի | |
| |մոխրագույն | | | |
|29. |Կիսագուլպա` բամբակյա, սև, մուգ |2 զույգ|1 տարի | |
| |մոխրագույն | | | |
|30. |Ձեռնոց` սպիտակ, հինգմատնյա |1 զույգ|3 տարի | |
| |(վճարումով) | | | |
|31. |Ձեռնոց` բրդյա, սև, հինգմատնյա |1 զույգ|2 տարի | |
| |(վճարումով) | | | |
|32. |Թիկնոց-ուսնոց` կրելու գոտիով |1 հատ |7 տարի | |
|33. |Փողկապի ամրակ |1 հատ |10 տարի | |
|34. |Ուսկապ (աքսելբանտ)` 2 արույրե |1 հատ |15 տարի | |
| |ծայրապանակով | | | |
.__________________________________________________________________.
Թույլատրվում է`
1. կարճաթև վերնաշապիկը փոխարինել երկարաթև վերնաշապիկով և հակառակը,
2. ամառային ներքնաշորը փոխարինել մայկա (կարճաթև)-կիսավարտիքով,
3. կիսաճտքավոր կոշիկները փոխարինել կոշիկներով և հակառակը:
4. Կարակուլե օձիքը տրվում է 6 տարի ժամկետով:
ՈՍՏԻԿԱՆՈՒԹՅԱՆ ԳԼԽԱՎՈՐ, ԱՎԱԳ ԵՎ ՄԻՋԻՆ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ (ՆՈՐՄԱ 2)
.__________________________________________________________________.
|NN |Անվանումը |Քանակը |Կրելու |Ծանո-|
|ը/կ | | |ժամկետը |թա- |
| | | | |գրու-|
| | | | |թյուն|
|____|_____________________________________|_______|_________|_____|
| 1. | Գլխարկ` ականջակալներով, կարակուլե |1 հատ | 6 տարի | |
| | (գնդապետների համար) | | | |
| 2. | Գլխարկ` ականջակալներով |1 հատ | 3 տարի | |
| 3. | Գլխարկ` բրդյա, ամենօրյա |1 հատ | 2 տարի | |
| 4. | Գլխարկ` բրդյա, տոնական |1 հատ | 5 տարի | |
| 5. | Գլխարկ` սինթետիկ, ամենօրյա |1 հատ | 3 տարի | 4 |
| 6. | Պիլոտկա` բրդյա |1 հատ | 3 տարի | |
| 7. | Վերարկու` ձմեռային, բրդյա, |1 հատ | 5 տարի | 5 |
| | կարակուլե օձիքով, ուսադիրներով | | | |
| | (գնդապետների համար) | | | |
| 8. | Կիսավերարկու` ձմեռային, |1 հատ | 2 տարի | |
| | ուսադիրներով | | | |
| 9. | Վերարկու` բրդյա, գարնանային- |1 հատ | 5 տարի | |
| | աշնանային, ուսադիրներով | | | |
| 10.| Կիտել` բրդյա, ամենօրյա, |1 հատ | 2 տարի | |
| | ուսադիրներով | | | |
| 11.| Կիտել` բրդյա, տոնական, |1 հատ | 5 տարի | |
| | ուսադիրներով | | | |
| 12.| Բաճկոն` բրդյա, ուսադիրներով |1 հատ | 3 տարի | |
| 13.| Բաճկոն` սինթետիկ, ուսադիրներով |1 հատ | 3 տարի | 4 |
| 14.| Տաբատ` բրդյա, ամենօրյա |2 հատ | 2 տարի | |
| 15.| Տաբատ` բրդյա, տոնական |1 հատ | 5 տարի | |
| 16.| Տաբատ` սինթետիկ |1 հատ | 3 տարի | 4 |
| 17.| Վերնաշապիկ` կարճաթև, սպիտակ, |1 հատ | 2 տարի | 1 |
| | ուսադիրներով | | | |
| 18.| Վերնաշապիկ` երկարաթև, սպիտակ, |1 հատ | 2 տարի | 1 |
| | ուսադիրներով | | | |
| 19.| Վերնաշապիկ` երկարաթև, մոխրագույն- |2 հատ | 2 տարի | 1 |
| | երկնագույն, ուսադիրներով, | | | |
| 20.| Վերնաշապիկ` կարճաթև, մոխրագույն- |2 հատ | 2 տարի | 1 |
| | երկնագույն, ուսադիրներով | | | |
| 21.| Փողկապ` սև |1 հատ | 3 տարի | |
| 22.| Փողկապ` մուգ մոխրագույն |2 հատ | 3 տարի | |
| 23.| Կաշնե` սպիտակ (վճարումով) |2 հատ | 4 տարի | |
| 24.| Կաշնե` մուգ մոխրագույն |2 հատ | 3 տարի | |
| | (վճարումով) | | | |
| 25.| Ներքնաշոր` ամառային |1 | 1 տարի | 2 |
| | |լրակազմ| | |
| 26.| Ներքնաշոր` ձմեռային |2 | 3 տարի | 2 |
| | |լրակազմ| | |
| 27.| Կաշվե գոտի` սև |1 | 5 տարի | |
| | |լրակազմ| | |
| 28.| Գոտի` տաբատի, կաշվից |1 հատ | 5 տարի | |
| 29.| Կիսաճտքավոր կոշիկ |1 զույգ| 2 տարի | 3 |
| 30.| Կոշիկ |1 զույգ| 1 տարի | 3 |
| 31.| Կիսագուլպա` կիսաբրդյա, սև, մուգ |1 զույգ| 2 տարի | |
| | մոխրագույն | | | |
| 32.| Կիսագուլպա` բամբակյա, սև, մուգ |2 զույգ| 1 տարի | |
| | մոխրագույն | | | |
| 33.| Ձեռնոց` սև, հինգմատնյա (վճարումով) |1 զույգ| 2 տարի | |
| 34.| Ձեռնոց` սպիտակ, հինգմատնյա |1 զույգ| 2 տարի | |
| | (վճարումով) | | | |
| 35.| Թիկնոց-ուսնոց` կրելու գոտիով |1 հատ | 7 տարի | |
| 36.| Սուլիչ |1 հատ | 4 տարի | |
| 37.| Փողկապի ամրակ (վճարումով) |1 հատ |10 տարի | |
.__________________________________________________________________.
Թույլատրվում է`
1. կարճաթև վերնաշապիկը փոխարինել երկարաթև վերնաշապիկով և հակառակը,
2. ամառային ներքնաշորը փոխարինել մայկա (կիսաթև) - կիսավարտիքով,
3. կիսաճտքավոր կոշիկները փոխարինել կոշիկներով և հակառակը:
4. Տրվում է միայն արտաքին ծառայություն իրականացնող ոստիկանության ծառայողներին:
5. Կարակուլե օձիքը տրվում է 6 տարի ժամկետով:
ՈՍՏԻԿԱՆՈՒԹՅԱՆ ԿՐՏՍԵՐ ԿՈՉՈՒՄ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ (ՆՈՐՄԱ 3)
.__________________________________________________________________.
|NN |Անվանումը |Քանակը |Կրելու |Ծանո-|
|ը/կ | | |ժամկետը |թա- |
| | | | |գրու-|
| | | | |թյուն|
|____|_____________________________________|_______|_________|_____|
|1. |Գլխարկ` ականջակալներով |1 հատ |2 տարի | |
|2. |Գլխարկ` կիսաբրդյա, ամենօրյա |1 հատ |2 տարի | |
|3. |Գլխարկ` կիսաբրդյա, տոնական |1 հատ |5 տարի | |
|4. |Գլխարկ` սինթետիկ |1 հատ |2 տարի | |
|5. |Պիլոտկա` կիսաբրդյա |1 հատ |3 տարի | |
|6. |Կիսավերարկու` ձմեռային, |1 հատ |2 տարի | |
| |ուսադիրներով | | | |
|7. |Վերարկու` կիսաբրդյա, գարնանային- |1 հատ |5 տարի | |
| |աշնանային, ուսադիրներով | | | |
|8. |Կիտել` կիսաբրդյա, ամենօրյա, |1 հատ |2 տարի | |
| |ուսադիրներով | | | |
|9. |Կիտել` կիսաբրդյա, տոնական, |1 հատ |5 տարի | |
| |ուսադիրներով | | | |
|10. |Բաճկոն` սինթետիկ, ուսադիրներով |1 հատ |1 տարի 6 | |
| | | |ամիս | |
|11. |Տաբատ` կիսաբրդյա, ամենօրյա |2 հատ |2 տարի | |
|12. |Տաբատ կիսաբրդյա, տոնական |1 հատ |5 տարի | |
|13. |Տաբատ` սինթետիկ |1 հատ |1 տարի 6 | |
| | | |ամիս | |
|14. |Վերնաշապիկ` կարճաթև, սպիտակ, |1 հատ |2 տարի | 1 |
| |ուսադիրներով | | | |
|15. |Վերնաշապիկ` երկարաթև, սպիտակ, |1 հատ |2 տարի | 1 |
| |ուսադիրներով | | | |
|16. |Վերնաշապիկ` երկարաթև, մոխրագույն- |2 հատ |2 տարի | 1 |
| |երկնագույն, ուսադիրներով | | | |
|17. |Վերնաշապիկ` կարճաթև, մոխրագույն- |2 հատ |2 տարի | 1 |
| |երկնագույն, ուսադիրներով | | | |
|18. |Փողկապ` սև |1 հատ |2 տարի | |
|19. |Փողկապ` մուգ մոխրագույն |2 հատ |2 տարի | |
|20. |Կաշնե` սպիտակ (վճարումով) |2 հատ |4 տարի | |
|21. |Կաշնե` մուգ մոխրագույն |2 հատ |3 տարի | |
| |(վճարումով) | | | |
|22. |Ներքնաշոր` ամառային |2 |1 տարի | 2 |
| | |լրակազմ| | |
|23. |Ներքնաշոր` ձմեռային |2 |2 տարի | 2 |
| | |լրակազմ| | |
|24. |Կաշվե գոտի` սև |1 |5 տարի | |
| | |լրակազմ| | |
|25. |Գոտի` տաբատի, կաշվից |1 հատ |5 տարի | |
|26. |Կիսաճտքավոր կոշիկ |1 զույգ|2 տարի | 3 |
|27. |Կոշիկ |1 զույգ|1 տարի | 3 |
|28. |Կիսագուլպա` կիսաբրդյա, սև, մուգ |2 զույգ|2 տարի | |
| |մոխրագույն | | | |
|29. |Կիսագուլպա` բամբակյա, սև, մուգ |2 զույգ|1 տարի | |
| |մոխրագույն | | | |
|30. |Ձեռնոց` սև, հինգմատնյա |1 զույգ|5 տարի | |
|31. |Ձեռնոց` սպիտակ, հինգմատնյա |1 զույգ|2 տարի | |
|32. |Թիկնոց-ուսնոց` կրելու գոտիով |1 հատ |7 տարի | |
|33. |Սուլիչ |1 հատ |4 տարի | |
|34. |Փողկապի ամրակ (վճարումով) |1 հատ |10 տարի | |
|35. |Թաշկինակ |4 հատ |1 տարի | 4 |
|36. |Զորանոցային հողաթափ |1 զույգ|2 տարի | 4 |
|37. |Զինվորական երկմատնյա ձեռնոց |1 զույգ|1 տարի | 4 |
.__________________________________________________________________.
Նշված նորմաները և ժամկետները տարածվում են նաև ոստիկանության ուսումնական հաստատություններում առկա ուսուցման ձևով սովորողների վրա:
Թույլատրվում է`
1. կարճաթև վերնաշապիկը փոխարինել երկարաթև վերնաշապիկով և հակառակը,
2. ամառային ներքնաշորը փոխարինել մայկա (կարճաթև)-կիսավարտիքով,
3. կիսաճտքավոր կոշիկները փոխարինել կոշիկներով և հակառակը:
4. Տրվում է ոստիկանության ուսումնական հաստատությունների կուրսանտներին (ունկնդիրներին):
ՈՍՏԻԿԱՆՈՒԹՅԱՆ ԳԼԽԱՎՈՐ, ԱՎԱԳ, ՄԻՋԻՆ ԵՎ ԿՐՏՍԵՐ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԿԻՆ ԱՇԽԱՏՈՂՆԵՐԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ (ՆՈՐՄԱ 4)
.__________________________________________________________________.
|NN |Անվանումը |Քանակը |Կրելու |Ծանո-|
|ը/կ | | |ժամկետը |թա- |
| | | | |գրու-|
| | | | |թյուն|
|____|_____________________________________|_______|_________|_____|
|1. |Գլխարկ` ականջակալներով, կարակուլե |1 հատ |5 տարի | |
| |(գնդապետների համար) | | | |
|2. |Գլխարկ` ականջակալներով |1 հատ |3 տարի |7 |
|3. |Պիլոտկա` բրդյա |1 հատ |3 տարի |4 |
|4. |Գլխարկ` բրդյա, ամենօրյա |1 հատ |2 տարի |4 |
|5. |Գլխարկ` սինթետիկ |1 հատ |2 տարի |3 |
|6. |Գլխարկ` բրդյա, տոնական |1 հատ |5 տարի |4 |
|7. |Վերարկու` ձմեռային, բրդյա, |1 հատ |5 տարի |6 |
| |կարակուլե օձիքով, ուսադիրներով | | | |
| |(գնդապետների համար) | | | |
|8. |Կիսավերարկու` ձմեռային, |1 հատ |2 տարի | |
| |ուսադիրներով | | | |
|9. |Վերարկու` բրդյա, գարնանային- |1 հատ |5 տարի |4 |
| |աշնանային, ուսադիրներով | | | |
|10. |Կիտել` բրդյա, ամենօրյա, |1 հատ |2 տարի |4 |
| |ուսադիրներով | | | |
|11. |Կիտել` բրդյա, տոնական, |1 հատ |5 տարի |4 |
| |ուսադիրներով | | | |
|12. |Բաճկոն` բրդյա, ուսադիրներով |1 հատ |3 տարի |4 |
|13. |Բաճկոն` սինթետիկ, ուսադիրներով |1 հատ |2 տարի |3 |
|14. |Կիսաշրջազգեստ` բրդյա, ամենօրյա |2 հատ |2 տարի |4 |
|15. |Կիսաշրջազգեստ` սինթետիկ |1 հատ |2 տարի |3 |
|16. |Կիսաշրջազգեստ` բրդյա, տոնական |1 հատ |5 տարի |4 |
|17. |Տաբատ` բրդյա |1 հատ |2 տարի |4 |
|18. |Վերնաշապիկ` կարճաթև, սպիտակ, |1 հատ |2 տարի |1 |
| |ուսադիրներով | | | |
|19. |Վերնաշապիկ` երկարաթև, սպիտակ, |1 հատ |2 տարի |1 |
| |ուսադիրներով | | | |
|20. |Վերնաշապիկ` երկարաթև, մոխրագույն- |2 հատ |2 տարի |1 |
| |երկնագույն, ուսադիրներով | | | |
|21. |Վերնաշապիկ` կարճաթև, մոխրագույն- |2 հատ |2 տարի |1 |
| |երկնագույն, ուսադիրներով | | | |
|22. |Փողկապ` սև |1 հատ |2 տարի | |
|23. |Փողկապ` մուգ մոխրագույն |3 հատ |2 տարի | |
|24. |Կաշնե` սպիտակ (վճարումով) |2 հատ |4 տարի | |
|25. |Կաշնե` մուգ մոխրագույն |2 հատ |3 տարի | |
| |(վճարումով) | | | |
|26. |Կաշվե գոտի` սև |1 |5 տարի | |
| | |լրակազմ| | |
|27. |Գոտի` տաբատի, կաշվից |1 հատ |5 տարի | |
|28. |Կիսաճտքավոր կոշիկ |1 զույգ|2 տարի |2 |
|29. |Կոշիկ |1 զույգ|1 տարի |2 |
|30. |Կանացի ներքնազգեստ` ամառային |2 հատ |3 տարի | |
|31. |Կանացի ներքնազգեստ` ձմեռային |2 հատ |1 տարի | |
|32. |Գուլպա` տրիկոտաժե, սև, մուգ |2 զույգ|1 տարի | |
| |մոխրագույն | | | |
|33. |Զուգագուլպա` կիսաբրդյա, կապրոնե |1 զույգ|1 տարի | |
|34. |Ձեռնոց` սպիտակ, հինգմատնյա |1 զույգ|5 տարի |5 |
| |(վճարումով) | | | |
|35. |Ձեռնոց` սև, հինգմատնյա (վճարումով) |1 զույգ|2 տարի |5 |
|36. |Թիկնոց-ուսնոց` կրելու գոտիով |1 հատ |7 տարի | |
|37. |Սուլիչ |1 հատ |4 տարի | |
|38. |Փողկապի ամրակ (վճարումով) |1 հատ |10 տարի | |
.__________________________________________________________________.
Նշված նորմաները և ժամկետները տարածվում են նաև ոստիկանության ուսումնական հաստատություններում առկա ուսուցման ձևով կին սովորողների վրա:
Թույլատրվում է`
1. կարճաթև վերնաշապիկը փոխարինել երկարաթև վերնաշապիկով և հակառակը,
2. կիսաճտքավոր կոշիկները փոխարինել կոշիկներով և հակառակը:
3. Տրվում է արտաքին ծառայություն իրականացնող ոստիկանության ավագ և կրտսեր կին ծառայողներին:
4. Ոստիկանության կրտսեր կոչում ունեցող ծառայողին տրվում է կիսաբրդյա կտորից:
5. Ոստիկանության կրտսեր կոչում ունեցող ծառայողին տրվում է անվճար:
6. Կարակուլե օձիքը տրվում է 6 տարի ժամկետով:
7. Ոստիկանության կրտսեր կոչում ունեցող ծառայողին տրվում է արհեստական մորթուց:
(2-րդ հավելվածը փոփ. 01.12.05 թիվ 2136-Ն որոշում)
----------------------------------------------
ԻՐՏԵԿ - համազգեստների և ուսադիրների ձևերը չեն բերվում