040.2143.200103
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«20» հունվարի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 դեկտեմբերի 2002 թվականի N 2143-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆԸ ԳՈՒՅՔ ՎԱՃԱՌԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Հայաստանի Հանրապետության պետական գույքի կառավարման նախարարության տնօրինության` Երևանի Կառավարական տուն 3 հասցեում գտնվող շենքի կցակառույց, նկուղային` 1496 քառակուսի մետր մակերես ունեցող շինությունը (այսուհետ` գույք) վաճառել դրա վարձակալ «Միր Սեգոդնյա» արտադրական կոոպերատիվին:
(1-ին կետը փոփ. 23.04.03 թիվ 532-Ա որոշում)
2. Գույքի վաճառքի գինը սահմանել Հայաստանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային մեթոդով գնահատման կարգի մասին» N 209 որոշմամբ հաստատված մասնավորեցվող պետական գույքի հաշվեկշռային մեթոդով գնահատման կարգով հաշվարկված գինը` 38659170 դրամ:
3. Սահմանել, որ գնորդը պարտավոր է`
ա) սույն որոշումն ուժի մեջ մտնելուց հետո մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 2-րդ կետով սահմանված գումարի քսան տոկոսը` 7731834 դրամ, իսկ մնացած 30927336 դրամը` հետագա տաս տարվա ընթացքում.
բ) իր միջոցների հաշվին վճարել անշարժ գույքի վաճառքից ծագող սեփականության իրավունքի պետական գրանցման հետ կապված վճարներն ու տուրքերը:
4. Հայաստանի Հանրապետության պետական գույքի կառավարման նախարարին` սույն որոշման 3-րդ կետի «ա» ենթակետով նախատեսված 7731834 դրամ գումարի վճարումից հետո մեկամսյա ժամկետում «Միր Սեգոդնյա» արտադրական կոոպերատիվի հետ կնքել գույքի առուվաճառքի պայմանագիր:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՀՈՒՆՎԱՐԻ 10-ԻՆ